Kardiokirurgji dhe krdiologji intervente tek fëmijët (0-18 vjeç)
Me anë të klikimit në linkun në vijim mund të rezervoni terminin tuaj on-line ose duke kontaktuar në numrin e telefonit në 02 3091 484
Defektet kongjenitale të zemrës ndahen në acianogjene (kur fëmija nuk merr ngjyrë blu dhe cianogjen kur fëmija është blu).
- Korrigjimi i defektit septal atrial
- Korrigjimi i defektit septal ventrikular
- Koarktacioni i aortës (ngushtimi i aortës)
- Korrigjimi i stenozës pulmonare
- Trajtimi i duktusit arterioz ekzistues
- Korrigjimi i transpozimit të enëve të mëdha të gjakut
- Korrigjimi i defektit kongjenital të zemrës – Double right ventricle (DORV)
- Tetralogjia Fallot
Korrigjimi i defektit septal atrial
Defekti i septumit atrial është kur fëmija lind me një vrimë ndërmjet atriumeve. Kur ky defekt është i izoluar zakonisht pritet që të mbyllet spontanisht në fund të vitit të parë. Korrigjimi mund të jetë me procedurë ndërhyrjeje ose me kardiokirurgji.
Transpozimi i enëve të mëdha të gjakut
Transpozimi i enëve të mëdha të gjakut është një defekt kongjenital i zemrës (i pranishëm gjatë lindjes). Për shkak të zhvillimit jonormal të zemrës së fetusit gjatë 8 javëve të para të shtatzënisë, enët e mëdha të gjakut që bartin gjakun nga zemra në mushkëri dhe trupin janë të lidhura në mënyrë jo të duhur.
Trajtimi i duktusit arterioz ekzistues
Para lindjes, foshnja ka një enë gjaku që rrjedh midis aortës (arteria kryesore në trup) dhe arteries pulmonare (arteria kryesore në mushkëri), e quajtur ductus arteriosus. Kjo enë e vogël zakonisht mbyllet menjëherë pas lindjes kur foshnja fillon të marrë frymë vetë. Nëse nuk mbyllet, quhet ductus arteriosus i hapur. Kjo mund të shkaktojë probleme më vonë në jetë. Në shumicën e rasteve, mjeku do të mbyllë hapjen me përdorimin e medikamenteve. Nëse qasja konservatore është e pasuksesshme, është e nevojshme të bëhet korrigjim me anë të procedurës ndërhyrjeje ose me anë të kardiokirurgjisë.
Barkushe e dyfishtë e djathtë (DORV)
Barkushe e dyfishtë e djathtë (DORV) është një sëmundje e zemrës që është e pranishme që nga lindja (e lindur). Aorta lidhet me barkushen e djathtë (dhoma e zemrës që pompon gjakun me oksigjen në mushkëri), në vend të barkushes së majtë (dhoma që normalisht pompon gjakun e pasur me oksigjen në trup).
Tetralogjia Fallot
Tetralogjia Fallot është një gjendje e rrallë që shfaqet për shkak të një kombinimi të katër defekteve të zemrës, të pranishme në lindje (defekte kongjenitale).
- Defekti septal ventrikular
- Stenoza e valvulës pulmonare
- Aorta në të cilën rrjedh gjak nga të dy barkushet
- Hipertrofia e ventrikulit të djathtë
Kateterizimi i zemrës është një procedurë që përdoret për të diagnostikuar dhe trajtuar disa sëmundje kardiovaskulare. Gjatë kateterizimit të zemrës, një tub i gjatë dhe i hollë i quajtur kateter futet në arterie ose në venë në zonën e bikinit, qafë ose krah dhe kalon përmes enëve të gjakut në zemër.
Me këtë kateter, mjekët më pas mund të diagnostikojnë dhe trajtojnë një sërë sëmundjesh dhe problemesh të zemrës, duke përfshirë defektet kongjenitale të zemrës.
Kateterizimi i zemrës tek fëmijët përdoret gjithashtu për:
- Marrjen e një pamje të detajuar të zemrës ose defektit të zemrës
- Monitorimin e qarkullimit të gjakut në zemër
- Kërkimin e presioneve në pjesë të ndryshme të zemrës dhe mushkërive
- Kontrollin e valvulave të zemrës për të parë nëse ato funksionojnë siç duhet
- Matjen e nivelit të oksigjenit në zona të ndryshme të zemrës, mushkërive dhe enëve të gjakut
- Matjen e aktivitetit elektrik të zemrës
- Për të kontrolluar problemet e mundshme pas operacionit
Operacionet dhe intervenimet e Departamentit të Kardiokirurgjisë dhe Kardiologjisë Intervenuese tek fëmijët mbulohen nga Fondi (FSSHM) dhe për pacientët jashtë Maqedonisë Spitali klinik Zhan Mitrev ka lidhur marrëveshje bashkëpunimi me kompanitë private të sigurimeve.