KIRURGJIA VALVULARE - Zan Mitrev Clinic

Caktoni kontroll

Schedule a review

00389 2 3091 484

KIRURGJIA VALVULARE

Çfarë është operacioni i valvulave të zemrës?

Kirurgjia valvulare ose operacioni i valvulës së zemrës kryhet me zëvendësim ose riparim të valvulës së zemrës që nuk “punon” në mënyrë të rregullt. Shumica e zëvendësimeve të valvulave i përfshijnë valvulat aortale dhe valvulat mitrale. Valvula aortale e ndan barkushen e majtë (pompa juaj kryesore e zemrës) dhe aortën (ena më e madhe arteriale e gjakut që e çon gjakun nëpër trupin tuaj). Valvula mitrale e ndan atriumin e majtë me barkushen e majtë.

  • Katër valvulat në zemrën tuaj e sigurojnë rrjedhën e gjakut në drejtimin e duhur nëpërmjet zemrës tuaj.
  • Nëse vjen në sëmundje ose dëmtim të valvulës, është e mundur të ketë nevojë për zëvendësim me valvulë artificiale, mekanike, siç është paraqitur.

Çfarë bëjnë valvulat e zemrës?

Katër valvulat e zemrës tuaj janë të bëra nga shtresë indi të hollë (por të fortë) që hapen dhe mbyllen kur zemra juaj pompon. Ato e sigurojnë rrjedhën e gjakut në drejtimin e duhur nëpër zemrën tuaj. Valvulat tuaja “punojnë” shumë sepse hapen dhe mbyllen me çdo rrahje të zemrës tuaj.

 

Cilat lloje të problemeve valvulare ekzistojnë?

Problemet e valvulave të zemrës e detyrojnë zemrën në punë me vështirësi. Kjo mund të çojë në dobësi të zemrës. Tek disa raste, valvulat:

  • Nuk hapen mjaftueshëm (stenozë)
  • Nuk lejojnë rrjedhjë të mjaftueshme të gjakut nëpër ato (gjithashtu e quajtur stenozë)
  • Nuk mbyllen në mënyrë të përshtatshme dhe lejojnë rrjedhje kur nuk duhet të ketë. Kjo quhet insufiçencë ose regurigitim.
  • Prolaps – fletëzat e valvulës mitrale nuk mbyllen në mënyrë të përshtatshme (më shpesh tek femrat). Si krijohet presion në pjesën e brendshme të barkushes së majtë, i shtyp fletëzat e valvulës mitrale për mbrapa në atriumin e majtë, që mund të çojë në depërtim të vogël gjatë rrjedhjes.

 

Çfarë mund t’i shkaktojë problemet me vavulat?

  • Defektet e vogla kongjenitale të zemrës që nuk janë të korrigjuara mund të përkeqësohen më vonë gjatë jetës dhe të shkaktojnë problem
  • Plakja mund t’i dobësojë ose përforcojë valvulat.
  • Sëmundje të caktuara mund t’i dëmtojnë ose shkatërrojnë valvulat.

Çfarë mund të bëhet?

  • Kontrolla të rregullta vjetore tek mjeku juaj, mënyrë të shëndetshme të jetesës ose terapi medikamentoze mund të jenë të mjaftueshme.
  • Tek disa raste, mund të jetë i nevojshëm operacion për korrigjimin e valvulës së dëmtuar.
  • Ndonjëherë valvula duhet të hiqet dhe të zëvendësohet me valvulë të re artificiale. Pyetni doktorin tuaj për përdorimin e llojeve të ndryshme.

 

 

 

Si duket operacion i valvulës?

Tek disa probleme të valvulave të zemrës, trajtimi më i mirë është operacioni. Doktori juaj do t’ju shpjegojë diçka më shumë, por ja disa gjëra që mund t’i prisni:

  • Do të flini gjatë operacionit që do të zgjasë 3 – 5 orë.
  • Pas operacionit do të akomodoheni në departamentin e kujdesit intensiv.
  • Familja juaj do të mund t’ju vizitojë për kohë të kufizuar në departamentin e kujdesit intensiv.

 

Çfarë më pas?

  • Pas kujdesit intensiv, do të akomodoheni në dhomën e departamentit.
  • Do të ndieni plogështi dhe dhimbje për shkak të prerjes.
  • Do të duhet të merrni frymë thellë dhe të kollitni fuqishëm që të pastrohen mushkëritë tuaja nga lëngjet.
  • Do t’ju japin medikamente.
  • Për një/dy ditë mund të qëndroni ulur dhe pastaj të filloni të shëtisni përreth.
  • Mund të hani normalisht, por mund të ketë edhe kufizime të konsumit të kripërave.
  • Do të ndieni çdo ditë më mirë dhe më të fuqishëm.

Si mund të informohem më tepër?

  1. Bisedoni me doktorin tuaj, me infermieren ose me personel tjetër mjekësor.
  2.  Bëhuni pjesë e klubit tonë të pacientëve. Me këtë do të keni mundësi që të dëgjoni më shumë pyetje mjekësore dhe t’i ndani përvojat tuaja me pacientë të tjerë.