Për gëzimin thuhet se është e vetmja gjë që shumëfishohet kur ndahet, dhe ne jemi të lumtur që pikërisht sot do mund të ndajmë me ju edhe një tjetër moment të bukur, një ngjarje të bukur për një rast të veçantë.
Sot, me datë 1 Mars 2020 është data në të cilën Zan Mitrev Clinic do të festojë 20 vjetorin e themelimit të tij. Me këtë rast, në Hotelin Aleksandar Palace janë planifikuar një shumëllojshmëri aktivitetesh për të shënuar këtë datë dhe jubile tepër të rëndësishëm.
Shënimi i këtij jubilei do të fillojë në mesditë me mbajtjen e simpoziumit me temë “Zhvillimi i Kirurgjisë Kardiovaskulare në 20 vitet e fundit “, në të cilin do të marrin pjesë një numër i madh ekspertësh dhe emra të njohur në këtë fushë si: Prof. Dr. Marko Turina, ish-drejtor i Klinikës për kirurgji kardiovaskulare në Spitalin Universitar në Zyrih, Zvicër dhe ish-president i Shoqatës Evropiane për Kirurgji Kardiake; Prof. Dr. Martin Kostoli, drejtor i departamentit të shërbimeve klinike të kirurgjisë kardiotorakale në spitalin “Great Ormond Street”, Londër, Angli; Prof. Dr. George E. Sarris, drejtor i Institutit të Kirurgjisë Kardiake në Athinë, Greqi; Prof. Dr. Steven Bibevski – nga spitali për fëmijë “Joe DiMaggio”, për transplantim dhe mbështetje mekanike të zemrës, Hollywood, Florida, SHBA; Prof. Dr. Sllobodan Ilic, drejtor i departamentit të kirurgjisë kardiake në Klinikën Universitare për Fëmijë “Tirshova”, Beograd, Serbi; Prof. Dr. Ditmar Franz, në kardiologjinë pediatrike, Universiteti “Johann-Wolfgang Goethe” në Frankfurt, Gjermani; Prof. Dr. Sotirios Prapas, drejtor i departamentit të kirurgjisë kardiake, Qendra spitalore “Henry Dunant”, Athinë, Greqi; Prof. Dr. Ivan Knezevic, drejtor i qendrës së transplantit, departamenti i kirurgjisë kardiovaskulare, Qendra Klinike Universitare Ljubljanë, Slloveni; Prof. Dr. George Babin Ebel, nga klinika e kirurgjisë kardiovaskulare “Bad Neustadt”, Gjermani, Prof. Dr. Bojan Biocina, Shef i departamentit të kirurgjisë kardiake në Spitalin Universitar “Rebro”, Zagreb, Kroaci; Dr. Millan Miovic, Spitali i Përgjithshëm “Medigroup”, Beograd, Serbi; Prof. Dr. Anton Moritz, ish-drejtor i Departamentit të kirurgjisë kardiovaskulare dhe torakale në Klinikën Universitare të Kirurgjisë kardiovaskulare dhe torakale në Frankfurt, Gjermani.
Nderi për përmbledhjen e këtij simpoziumi me mbajtjen e fjalimit të tij do t’i përkasë Akad. Dr. Zhan Mitrev, Drejtor ekzekutiv i Zan Mitrev Clinic.
Pas përfundimit të simpoziumit (pas orës 17:00) për të gjithë të ftuarit është planifikuar një program i pasur festiv me koktej, në të cilin do të jeni në një shoqëri dhe atmosferë informale dhe të relaksuar, me zemra të hapura për shkëmbimin e mendimeve, buzëqeshjeve dhe energjisë pozitive gjë për të cilën do të kujdeset virtuozi muzikor dhe unik në mënyrën e tij Pavle Kamiloski, i shoqëruar nga një orkestër kamerike, si dhe kirurgu i muzikës Vllatko Stefanovski, i cili së bashku me shoqëruesit e tij do të arrijnë kulmin e atmosferës festive.
Laboratori ynë i gjenetikës dhe mjekësisë së personalizuar është i vetmi laborator që ju mundëson zbulimin e koronavirusit të ri vdekjeprurës (SARS-CoV-2) me test RT-qPCR sipas protokollit të CDC (https://www.cdc.gov/ ).
Për më tepër informacion kontaktoni në +389 2 3104 921
Për kryerjen e testit duhet fillimisht të bëni rezervimin e terminit në numrin e telefonit në vijim
Në Athinë nga data 12 -14 shkurt u mbajt konferenca ndërkombëtare e turizmit mjekësor. Klinika jonë mori pjesë me anë të përfaqësuesve të saj Viktorija Dojcinovska, Shefe e departamentit administrativ dhe Dr. Elena Ambarkova drejtoreshë e stafit mjekësor.
Ngjarja u organizua nga kompania EUROEVENTS në nivel global me shumë të ftuar në këtë industri. Në seminar u zhvilluan disa takime me profesionistë të turizmit mjekësor. Përfaqësues nga Greqia, Belgjika, Gjermania, Qipro, Egjipti, Italia, Rumania, Rusia, Ukraina, Kroacia, Izraeli, India, Malajzia, Suedia, Zvicra, Anglia, Turqia, Emiratet e Bashkuara Arabe, Amerika morën informacion më të zgjeruar rreth Zan Mitrev Clinic dhe mundësitë që ofron klinika jonë në drejtim të zhvillimit të turizmit mjekësor në të ardhmen.
Axhenda e konferencës u nda në dy ditë me prezantime gojore dhe seminar B2B (business to business). U diskutua lidhur me rolin e politikës publike në përparimin e industrisë së turizmit mjekësor si dhe për sigurinë e pacientëve si prioritet i ofruesve të kujdesit mjekesor. Gjithashtu, u bisedua edhe për filozofinë e njohur si “Pacienti në radhë të parë – nga filozofia në praktikë” e cila në fakt është një rregull praktik në klinikën tonë që nga fillimi i saj.
Qasjet e reja të marketingut për rritjen e numrit të pacientëve të ri, si dhe komunikimi dixhital në përvojën e klientit në shëndetësi, gjithashtu morën një vëmendje të vecante në konferencë.
Gjatë këtyre takimeve u theksua se turizmi mjekësor ose udhëtimit mjekësor, kujdesi shëndetësor global, është një proces në të cilin pacientët udhëtojnë në një rajon ose shtet tjetër për marrje të kujdesit mjekësor. Gjithnjë e më shumë njerëz në të gjithë botën i anashkalojnë ofruesit e mjekësisë brenda vendit dhe zgjedhin të udhëtojnë mijëra kilometra për kujdes shëndetësor. Ata e bëjnë këtë për shkak të arsyeve të mëposhtme:
– Për cilësi më të mirë ( pacientët kërkojnë mjekë dhe spitale me përvojë, si dhe teknologji mjekësore të nivelit të lartë)
– Për kursim (kërkojnë mundësi trajtimi mjekësor me kosto më të ulët)
– Qasje të shpejtë (kërkojnë rezervim për kontroll dhe trajtim të shpejtë, organizim të udhëtimit dhe qëndrimit)
– Disponueshmëri (procedura të cilat nuk realizohen në vendin e tyre)
Data 1 Mars 2020 është data në të cilën Zan Mitrev Clinic do të festojë 20 vjetorin e themelimit të tij. Me këtë rast, me datë 1 mars, në Hotelin Aleksandar Palace, janë planifikuar një shumëllojshmëri aktivitetesh për të shënuar këtë datë dhe jubile tepër të rëndësishëm.
Shënimi i këtij jubilei do të fillojë në mesditë me mbajtjen e simpoziumit me temë “Zhvillimi i Kirurgjisë Kardiovaskulare në 20 vitet e fundit “, në të cilin do të marrin pjesë një numër i madh ekspertësh dhe emra të njohur në këtë fushë si: Prof. Dr. Marko Turina, ish-drejtor i Klinikës për kirurgji kardiovaskulare në Spitalin Universitar në Zyrih, Zvicër dhe ish-president i Shoqatës Evropiane për Kirurgji Kardiake; Prof. Dr. Martin Kostoli, drejtor i departamentit të shërbimeve klinike të kirurgjisë kardiotorakale në spitalin “Great Ormond Street”, Londër, Angli; Prof. Dr. George E. Sarris, drejtor i Institutit të Kirurgjisë Kardiake në Athinë, Greqi; Prof. Dr. Steven Bibevski – nga spitali për fëmijë “Joe DiMaggio”, për transplantim dhe mbështetje mekanike të zemrës, Hollywood, Florida, SHBA; Prof. Dr. Sllobodan Ilic, drejtor i departamentit të kirurgjisë kardiake në Klinikën Universitare për Fëmijë “Tirshova”, Beograd, Serbi; Prof. Dr. Ditmar Franz, në kardiologjinë pediatrike, Universiteti “Johann-Wolfgang Goethe” në Frankfurt, Gjermani; Prof. Dr. Sotirios Prapas, drejtor i departamentit të kirurgjisë kardiake, Qendra spitalore “Henry Dunant”, Athinë, Greqi; Prof. Dr. Ivan Knezevic, drejtor i qendrës së transplantit, departamenti i kirurgjisë kardiovaskulare, Qendra Klinike Universitare Ljubljanë, Slloveni; Prof. Dr. George Babin Ebel, nga klinika e kirurgjisë kardiovaskulare “Bad Neustadt”, Gjermani, Prof. Dr. Bojan Biocina, Shef i departamentit të kirurgjisë kardiake në Spitalin Universitar “Rebro”, Zagreb, Kroaci; Dr. Millan Miovic, Spitali i Përgjithshëm “Medigroup”, Beograd, Serbi; Prof. Dr. Anton Moritz, ish-drejtor i Departamentit të kirurgjisë kardiovaskulare dhe torakale në Klinikën Universitare të Kirurgjisë kardiovaskulare dhe torakale në Frankfurt, Gjermani.
Nderi për përmbledhjen e këtij simpoziumi me mbajtjen e fjalimit të tij do t’i përkasë Akad. Dr. Zhan Mitrev, Drejtor ekzekutiv i Zan Mitrev Clinic.
Pas përfundimit të simpoziumit për të gjithë të ftuarit, numri i të cilëve sipas përgjigjeve të konfirmuara do të jetë vërtetë mbresëlënës, është planifikuar një program tepër i pasur festiv.
20 vjet “Zan Mitrev Clinic“: Epoka e re në Kirurgjinë Kardiovaskulare në Maqedoni hyri me datë 1 Mars të vitit 2000
“Zan Mitrev Clinic” në fillimet e tij i njohur si Spitali Special i Sëmundjeve Kirurgjikale “Filipi i Dytë” vendosi themelet e shërbimeve moderne mjekësore në vitin 1999, pas adaptimit dhe rinovimit të një pjese të marrë me qira në Spitalin Ushtarak në Shkup. Zyrtarisht, spitali u hap më 1 Mars të vitit 2000, dhe fillimi mjekësor u shënua me operacionin e parë bypass në Republikën e Maqedonisë, i udhëhequr nga akademiku Dr. Zhan Mitrev. Pikërisht më 1 mars të vitit 2000 filloi të shkruhet historia në shëndetësinë maqedonase, epoka e re në kirurgjinë kardiovaskulare në Maqedoni. Dy vjet më vonë, në vitin 2002, u krye operacioni i parë me zemër të hapur tek pacienti i zgjuar.
Interesimi për këtë institucion filloi të rritet çdo ditë, po kështu edhe nevoja për kushte të reja pune. Nevojat për kujdesin ndaj pacientëve iniciuan rinovimin e një reparti të vjetër, i cili në vitin 2002, u shndërrua në një departament modern dhe bashkëkohorë. Vitin e ardhshëm, Zan Mitrev Clinic filloi trajtimet për sëmundjet e lindura të zemrës. Me shumë sukses u realizua vendosja e ASD occluder –it të parë tek një fëmijë 4-vjeçar me defekt atrial. Në vitin 2008, fillon të funksionojë qendra më e sofistikuar e diagnostikimit 24/7, duke u bërë një nga qendrat më kryesore në rajon.
10-vjetori i themelimit të spitalit në vitin 2010 u shënua me 10,000 operacione. Sot, Zan Mitrev Clinic njihet jo vetëm në vendin tonë, por edhe në rajon si një qendër mjekësore e sofistikuar, moderne, me procedura të plota diagnostikuese në shumë fusha mjekësore, të mbështetura nga kirurgjia moderne, anestezia dhe shërbimet e kujdesit intensiv.
Historia e suksesit nuk mbaron këtu, përkundrazi. Arritjet shkencore ndër vite kanë sjellë edhe tituj dhe çmime të përshtatshme. Në vitin 2002, Dr. Mitrev u promovua si Akademik. Aktivitetet e ekipit të Dr. Zhan Mitrev u promovuan dhe u prezantuan në një numër të madh kongresesh botërore, duke u kthyer si fitues të çmimeve dhe njohjeve të shumta. Nga shumë mirënjohje të marra brenda dhe jashtë vendit, dëshirojmë të paraqesim çmimin prestigjioz nga EUROPE BUSINESS ASSEMBLY dhe Komiteti i Sokratit, në fushën e shëndetësisë si “Menaxheri më i mirë në shëndetësi dhe spitali më i mirë”.
Historia merr një dimension të ri katër vjet më parë, duke shënuar 16 vjetorin e themelimit të saj me hapjen e objektit të ri, i cili është me kapacitet pesë herë më të madh dhe mban emrin “Zan Mitrev Clinic”. I ndërtuar sipas standardeve më të larta, me enterier unik, pajisje mjekësore të nivelit më të lartë, me ambient mjedisor steril dhe plotësisht të rregullt, me pajisje për ngrohje dhe ftohje të kontrolluar rreptësisht, furnizim me ajër të pastër dhe rehati maksimale për pacientët, stafin dhe vizitorët.
Dëshmi e punës së suksesshme është çmimi prestigjioz për menaxherin më të mirë dhe spitalin me cilësinë më të lartë të shërbimeve shëndetësore, i cili iu dha akademikut Dr. Zhan Mitrev në konkurrencë me qendrat shëndetësore nga Evropa dhe Lindja e Mesme. Zan Mitrev Clinic, në Nëntor të vitit 2017, për më pak se një vit nga hapja e objektit të ri, gjithashtu mori vulën e artë të cilësisë dhe sigurisë nga Joint Commision International, duke u bërë spitali i parë që iu bashkua familjes së organizatës më prestigjioze të akreditimit të spitaleve në mbarë botën.
Zan Mitrev Clinic vazhdoi me zhvillimin e kardiokirurgjisë për fëmijë e cila funksionon që nga themelimi i spitalit, ndërsa në dhjetor të vitit 2018 si kulm i zhvillimit mjekësor, nisi dhe zhvilloi programin me mbështetje mekanike të qarkullimit të gjakut për trajtimin e dështimit të zemrës. Në prill të po këtij viti, Zan Mitrev Clinic mori akreditimin e cilësisë shtetërore nga Agjencia për Cilësi dhe Akreditimin e Institucioneve Shëndetësore.
Pas tashmë dy dekadash me angazhim maksimal për shëndetin dhe nevojat e pacientëve, ne do të vazhdojmë të punojmë me të njëjtin ritëm dhe me standardet më të larta mjekësore, duke ecur gjithmonë në një hap me teknologjinë më bashkëkohore për të qenë gjithnjë më pranë pacientëve.
Liri si kulturë filloi të datojë në 4000 – 2000. Para eres se re në vendet e Mesdheut dhe disa pjesë të Lindjes së Mesme. Që nga fillimi vlera e kësaj farë ishte shumë e lartë dhe kryesisht përdorej në kuzhinë. Vaji i lirit ka një ngjyrë të verdhë të lehtë që përftohet nga fara e kësaj bime. Eshtë vaj i ftohtë i shtypur pa përbërës kimikë (ekstra i virgjer), i marrë nga shtypja e ftohtë e farave. Të gjitha velrat ushqyese dhe shëndetësore që permban fara gjenden edhe në vajin e lirit, pasi procesi i presimit (shtypjes) së ftohtë, e cila bëhet në temperaturë jo më të lartë se 40 gradë Celsius, ruan të gjitha vlert ushqyese.
Vlerat ushqyese të vajit të lirit me presim të ftohtë:
Burim i përkryer i omega 3 dhe 6 acideve yndyrore
Ndihmon në ruajtjen e një niveli normal të kolesterolit të keq
Ndihmon në uljen e presionit të lartë të gjakut
Ndihmon në mbështjen e rritjes dhe zhvillimit normal të fëmijëve
Ka efekt pozitiv në reduktmin e peshës trupore
Ndihmon në ruajtjen e shikimit, trurit, nyjeve dhe kockave të shëndetshme
Rekomandohet të përdoret në ushqimin e përditshëm për gratë shtatzëna dhe nënat që ushqejnë me gji
Si ta përfshijmë atë në përdorim të përditshëm?
Vaji i lirit mund të konsumohet në një larmi ushqimesh: me jogurt (kos), i përzier me djath lope ose me sallatë të freskët për një shëndet të mirë.
Vaji i lirit mund të përdoret gjithashtu për trajtimin e disa sëmundjeve të lëkurës: për trajtimin e inflamacioneve të ndryshme, djegieve, ekzemës, psoriazës, skuqjet dhe puçrrat. Ndihmon gjithashtu në hidratimin e lëkurës në rastet e tharjes së saj.
Nëse vendosni ta përdorni për shkak të burimit të tij të pasur të acideve yndyrore omega-3, rekomandohet konsumi ditor i tij prej 2-4 lugë gjelle për personat e rritur.
Informacione të dobishme rreth acideve yndyrore omega 3:
Yndyrnat Omega 3 janë një pjesë thelbësore e mbajtjes së një trupi të shëndetshëm dhe jetik. Burimi më i mirë i kësaj yndyre është peshku dhe farat e lirit. Farërat dhe arrat janë burim i mirë i yndyrave omega-3.
Ekzistojnë tre lloje të acideve yndyrore omega-3: EPA (acid eikosapentaenoik), DHA (acid dokosahexaenoic), dhe ALA (alfa-linoleik) acide yndyrore esenciale.
Tek ushqimet vegane rekomandohet vaji i farave të lirit të pasura me yndyrna omega-3 të domosdoshme për shëndetin dhe mirëqenien e trupit. Vaji i lirit përmban acide yndyrore të ALA me zinxhir të shkurtër. Acidet yndyrore ALA janë blloqet themelore të ndërtesave të acideve yndyrore EPA dhe DHA që mund të prodhohen / sintetizohen në trupin tonë. Me këto të dhëna acidet yndyrore ALA janë burimi më i mirë i yndyrave omega-3 dhe gjenden vetëm në vajin e farave të lirit ekstra të virgjër të shtypura në temperaturë jo më të lartë se 40 gradë Celsius.
Sipas rekomandimeve të OBSH-së (Organizata Botërore Shëndetësore), nevojat ditore të acideve yndyrore omega-3 variojnë nga 250mg-2000mg.
Tek personat me sëmundje koronare të zemrës dhe me rritje të nivelit të triglicerideve rekomandohet marrja e acideve yndyrore omega-3 deri në 4000mg në ditë.
Sot, Zan Mitrev Clinic ndau 87 kupona për foshnjat e porsalindura nga komuna Qendër. Ndarja e kuponave është në përputhje me kontratën për bashkëpunim që ka nënshkruar klinika jonë me komunën e qendrës së qytetit të Shkupit.
Bëhet fjalë për një ekzaminim pediatrik që të porsalindurit mund të përdorin në tre muajt e ardhshëm. Shërbimi ynë pediatrik është në pritje të telefonatave të prindërve për rezervimin e terminit të foshnjave të tyre në numrin e telefonit 02 / 3091-484
Në këtë ngjarje, përvec prindërve me fëmijët e tyre morën pjesë edhe përfaqesues nga qeveria lokale e udhëhequr nga kryebashkiauku i komunës Qendër, Sasha Bogdanoviq, i cili nga ana e komunës së familjeve të foshnjave të porsalindura i’u shpërndau atyre dokument për ndihmë monetare me vlerë 7.000 denarë.
Të ardhurat ndahen rregullisht, në kuadër të projektit të komunës për ndihmë monetare dhe mbështetje të prindërve të cilët janë banorë të komunës Qendër, dhe duke filluar nga ky vit komuna ka nënshkruar memonrandum për bashkëpunim me kompani dhe shoqata me përgjegjësi shoqërore, ndër të cilat është dhe Zan Mitrev Clinic e cila dhuron për këto familje pjesë të produkteve dhe shërbimeve të saja.
Data 4 shkurt shënon Ditën Botërore të luftës kundër kancerit. Kjo ditë ka për qellim rritjen e ndërgjegjësimit për parandalimin e miliona vdekjeve çdo vit me anë të edukimeve lidhur me këtë sëmundje kundrejtë qeverive dhe individëve në të gjithë botën për të ndërmarrë veprime dhe masa kundër kësaj sëmundje.
Viti 2020 është mesi i fushatës 3-vjeçare “Unë jam dhe Unë do të”.
“Unë jam dhe Unë do të ” është një thirrje e fuqishme për veprim që kërkon angazhim personal dhe përfaqëson fuqinë e aktiviteteve individuale të ndërmarra tani për të ndikuar në të ardhmen.
Kanceri është një grup i madh sëmundjesh, të cilat përfshijnë rritjen e pakontrolluar të qelizave. Qelizat ndahen dhe rriten në mënyrë të pakontrollueshme, duke formuar tumore malinje. Kanceri mund të përhapet tek indet përreth, gjithashtu mund të përhapet në pjesët e largëta të trupit përmes sistemit limfatik ose rrjedhës së gjakut. Sidoqoftë, jo të gjitha tumoret janë kancerogjene.
Kanceri shkakton 20% të vdekjeve në rajonin evropian. Cdo vit, më shumë se 3 milion raste të reja dhe 1.7 milion vdekje, kanceri është shkaku kryesor i vdekjes dhe morbiditetit në Evropë pas sëmundjeve kardiovaskulare.
Sipas vlerësimeve të berë , mendohet se numri i vdekjeve nga kanceri do të dyfishohet në 20 apo në 40 vitet e ardhshme, me rritjen më të lartë në vendet me të ardhura të ulëta dhe të mesme, pra ato vende me më pak mundësi për të përballuar ndikimin social dhe ekonomik të sëmundjes.
Në shumë raste kanceri mund të shmanget dhe zbulimi i hershëm i tij, rrit ndjeshëm mundësinë e trajtimit. Shkaqet e shfaqjes se kancerit tashmë janë të njohura për të parandaluar të paktën një të tretën e të gjithë kancereve, dhe disa nga llojet më të zakonshëm – përfshirë kancerin e gjirit, kancerin kolorektal dhe kancerin në qafën e mitrës – të cilët mund të kurohen në rast se zbulohen në kohë.
Në nivel global, më shumë se 70% e të gjitha vdekjeve të shkaktuara nga kanceri ndodhin në vendet me të ardhura të ulëta dhe të mesme, të cilat kanë pak ose aspak burime për parandalimin, diagnostikimin dhe trajtimin e kancerit.
Pavarësisht nga niveli i burimeve (të ardhurave), të gjitha vendet mund të zbatojnë katër komponentët themelorë të kontrollit të kancerit:
– parandalimi,
– zbulimi i hershëm,
– diagnoza
– trajtimi dhe kujdesi paliativ
Me anë të këtyre komponentëve mund të shmanget shfaqja e shumë rasteve të kancerit, mund të trajtohen (kurohen) shumë raste të reja dhe të reduktohet vuajtja e pacientëve nga dhimbjet e shkaktuaranga kjo sëmundje.
Neoplazmat malinje janë ndër shkaqet më të zakonshme të vdekjes në botë. Në Maqedoni, pas sëmundjeve të sistemit të qarkullimit të gjakut, neoplazmat malinje janë shkaku i dytë më i zakonshëm i vdekjes. Në periudhën 2010-2018 shkalla e vdekshmërisë varion nga 180.3 për 100,000 persona në vitin 2010 në 179.8% 000 në vitin 2018.
Në periudhën 2010-2018 shkalla e vdekshmërisë së neoplazmave malinje mbi moshën 65 vjeç ka rënë dhe varion nga 881.1 në 2010 në 805.1 në 2018 për 100,000 popullatë.
Tek meshkujt shkaku më i zakonshëm i vdekjes nga neoplazmat malinje në periudhën 2010-2018 është neoplazma malinje e bronkëve dhe mushkërive me një shkallë vdekshmërie që varion nga 64.8 në 2010 në 66.9 në 2014 dhe 67.3 për 100 000 meshkuj në 2018-ën.
Tek gratë shkaku më i zakonshëm i vdekjes nga neoplazma malinje në periudhën 2010-2017 është neoplazma malinje e gjirit. Shkalla e vdekshmërisë varion nga 30.0 në vitin 2010 në 26.4 në vitin 2018 për 100,000 gra.
Fakte themelore për kancerin:
9,6 milionë persona vdesin nga kanceri çdo vit
Së paku një e treta e formave më të shpeshta të kancerit mund të parandalohen
Kanceri është shkaktari i dytë i vdekjes në mbarë botën
70% e rasteve të vdekjes nga kanceri ndodhin në vendet me të ardhura të ulëta dhe të ardhura mesatare
Gjatë një viti, me zbatimin e strategjive adekuate për parandalimin, zbulimin e hershëm dhe trajtimin e duhur, mund të shpëtohen rreth 3,7 milionë jetë
Shpenzimet e përgjithshme vjetore për kancerin vlerësohen në 1,16 trilionë dollarë amerikan.
