Muaj: Korrik 2020

Përse duhet të tregoni kujdes me ushqimin gjatë ditëve të nxehta

Posted on by zmc_piksel_dev

Moti i nxehtë, ruajtja, përgatitja dhe shërbimi i ushqimit në mënyrë jo adekuate rrit rrezikun e prishjes së ushqimit, gjë e cila bëhet shkak i helmimit nga ushqimi. Rekomandimet janë të thjeshta, por tepër të rëndësishme.

Para përdorimit, duhet patjetër të lani produktet bujqësore dhe kopshtore (perimet dhe frutat e freskëta).

Ushqimi duhet të përgatitet termikisht dhe të konsumohet menjëherë pas përgatitjes. Në rast të kundërt, ushqimin e përgatitur duhet ta vendosni në frigorifer në +4 ° C dhe ngrohni atë para se ta konsumoni në +100 ° C.

Shmangni produktet të cilat nuk janë të përgatitura termikisht, dhe bëni kujdes me konsumin e akulloreve dhe kremrave të ndryshëm.

Temperaturat e larta dhe lagështia në periudhën e verës mundësojnë rritjen e përshpejtuar dhe zhvillimin e baktereve tek ushqimet.

Një arsye tjetër është rritja e aktiviteteve tek njerëzit. Në verë, është shumë më e zakonshme të gatuani jashtë, të shkoni në piknik ose në kamp. Kështu, kriteret e kuzhinës dhe higjenës (frigorifer, termostat për kontrollimin e gatimit, pjatalarëse) janë në nivel më të ulët.

Zakonisht përballemi me helmimet nga salmonela, por edhe me stafilokok dhe Escherichia coli. Ushqimet përgjegjëse për prishjen e stomakut janë: mishi, produktet e qumështit dhe vezët. Por, mikroorganizmat e rrezikshëm mund të fshihen edhe tek frutat dhe perimet e freskëta nëse nuk i ruajmë dhe i lajmë siç duhet.

Simptomat e helmimit nga ushqimi:

  • të vjella
  • diarre
  • ngërçe ose dhimbje në pjesën e barkut
  • mungesë energjie ose ndjenjë dobësie
  • humbje e oreksit
  • rritje e temperaturës
  • dhimbje në pjesën e muskujve

Rekomandime:

  • Konsumoni ushqim të sigurt dhe ujë të pijshëm.
  • Konsumoni vetëm ushqim që gatuhet mirë dhe shërbehet menjëherë
  • Konsumoni fruta dhe perime të lara mirë me ujë të pastër dhe të bollshëm ose të qëruara.
  • Pini ujë ose pije të gazuara të mbyllura në shishe si dhe kafe ose çaj shumë të nxehtë.
  • Përdorni akull të bërë nga uji në shishe ose ujë i dezinfektuar.
  • Lani duart shpesh dhe për një kohë të gjatë me ujë dhe sapun.

Spitali klinik “Zan Mitrev” dhe RK Golden Art KL7 vazhdojnë partneritetin në sport

Posted on by zmc_piksel_dev

Spitali klinik “Zan Mitrev” vazhdon partneritetin mjekësor për kujdesin e shëndetit të të gjitha përzgjedhjeve të klubit të hendbollit RK Golden Art KL7. Gjatë këtyre ditëve në klinikën tonë janë zhvilluar ekzaminimet sportive të të gjitha gjeneratave të hendbollit të këtij klubi në të cilat përfshihen: EKG, eko-ja e zemrës, testi i stresit dhe kontrolli i analizave të gjakut, por sigurisht pas kryerjes së testit për Covid -19.

Strategjia të cilën zbaton dhe sipas së cilës vepron klubi i hendbollit RK Golden Art KL7 është afirmimi i lojtarëve të rinj të talentuar maqedonas. Me angazhimin tonë dhe përkrahjen me alturizëm ne dëshirojmë të ndikojmë pozitivisht në zhvillimin dhe promovimin e lojtarëve të rinj të talentuar vendas dhe sportit në përgjithësi.

Tiroiditi Hashimoto

Posted on by zmc_piksel_dev

Çfarë është tiroiditi Hashimoto?

Tiroiditi Hashimoto është një inflamacion i gjëndrës tiroide, që ndodh si rezultat i proceseve komplekse autoimune, pra sistemi imunitar prodhon antitrupa që sulmojnë në mënyrë selektive gjëndrën tiroide. Tiroiditi Hashimoto është shkaku më i zakonshëm i hipotiroidizmit. Është një gjendje kronike që zhvillohet gradualisht përgjatë disa viteve – gjatë të cilave dëmton ngadalë gjëndrën tiroide. Simptomat e manifestimit janë të njëjta si në rastin e gjëndrës tiroide jo aktive – hipotiroidizmit.

Si bëhet vendosja e diagnozës?

Diagnoza është e shpejtë dhe e lehtë, bëhet me anë të analizës së antitrupave specifikë kundër peroksidazës tiroide (ATPO) në gjak, si dhe me anë të vlerave të hormoneve të tiroides. Gjithashtu, rekomandohet kryerja e ultrasonografisë (ekos) së gjëndrës tiroide, pasi pacientët me tiroidit Hashimoto kanë një konstatim apo gjetje ultrasonografike specifike.

Si trajtohet?

Trajtimi varet nga faza në të cilën diagnostikohet tiroiditi Hashimoto. Tek pacientët e diagnostikuar me hipotiroidizëm, fillohet me terapi për zëvendësimin e hormoneve. Pasi mjeku juaj endokrinolog t’ju ketë dhënë terapi e duhur, duhet të vazhdohet me monitorimin dhe analizohet sipas nevojës.


Fakte interesante në lidhje me tiroiditin e Hashimoto

Tiroiditi Hashimoto mund të zmadhojë dhe zvogëlojë gjëndrën tiroide!

Duket e pabesueshme, por është e vërtetë. Simptoma e parë është zakonisht zmadhimi i gjendrës tiroide ose goiter – që shfaqet si rezultat i sulmit të vazhdueshëm të gjëndrës tiroide nga e sistemit imunitar. Gjëndra bëhet shumë aktive duke u përpjekur të mbrohet dhe të vazhdojë të funksionojë normalisht, duke rezultuar me hipertrofi. Me kalimin e kohës gjëndra konsumohet, bëhet jofunksionale, fillon të zvogëlohet dhe më pas atrofohet.

Tiroiditi Hashimoto në disa raste mund të shkaktojë hipertiroidizëm!

Kjo është paksa konfuze apo jo? Edhe pse rrallë, një pjesë e pacientëve kanë Hashitoksikozë- ose e thënë ndryshe ajo është faza e hershme e tiroiditit Hashimoto në të cilën gjëndra është e çrregullt dhe sekreton sasi të shtuara të hormoneve tiroide të cilat shkaktojnë rrahje të shpejta të zemrës, humbje peshe dhe ankth – shenja klasike të hipertiroidizmit. Kjo fazë mund të zgjasë nga 1 deri në 12 muaj.

Hipotireoza e patrajtuar mund të jetë fatale!

Tiroiditi Hashimoto i cili nuk ndiqet nga mjeku dhe veçanërisht hipotiroidizmi i patrajtuar mund të shkaktojë një numër të madh çrregullimesh (kolesterol të lartë, shtim në peshë, sëmundje kardiovaskulare, reduktim të kapacitetit mendor, abort dhe keqformim tek foshnja e porsalindur) por ndonjëherë mund të ketë rezultat fatal me komë myxedematous dhe vdekje.

Suplementet e jodit nuk rekomandohen për pacientët me tiroiditet Hashimoto

Disa pacientë kanë dyshime se tiroiditi Hashimoto shfaqet për shkak të mungesës së jodit dhe shpesh marrin suplemente vetë. Sidoqoftë, suplementet apo shtesat e jodit në fakt dëmtojnë gjëndrën tiroide Hashimoto dhe ndikojnë në përkeqësimin e hipotiroidizmit.

Pse quhet Hashimoto?

Emri i kësaj sëmundje bazohet në emrin e mjekut japonez Hakaru Hashimoto i cili ka qenë i pari që ka bërë përshkrimin e kësaj gjendje. Hashimoto në vitin 1912 ishte i pari që paraqiti tezën e goiterit limfomatik me karakter beninj dhe shpëtoi shumë pacientë me tiroidit Hashimoto nga operacione të panevojshme të tiroides.

Dr. Nadica Bozhinovska
Specialiste endokrinologe

Cilat janë pickimet më të shpeshta nga insektet dhe si të mbroheni prej tyre?

Posted on by zmc_piksel_dev

Në vendin tonë të bukur, vështirë se dikush mbetet indiferent ndaj shëtitjeve në pranverë dhe verë. Shumica prej nesh i njohin rekomandimet për mbrojtjen nga temperaturat e larta dhe efektet e dëmshme të rrezeve UV, por shumë pak i kushtojnë vëmendje mbrojtjes dhe njohjes  apo dallimit të pickimeve nga insekte të ndryshme. Shumica e insekteve shkaktojnë reaksione lokale pa probleme serioze shëndetësore, por ndonjëherë shkaktojnë reaksione të cilat duhet ti dalloni pasi shpesh kanë nevojë për kujdes mjekësor, prandaj, është shumë e rëndësishme që t’i dalloni ato në kohë dhe të kërkoni ndihmë mjekësore!

Pickimi i grerëzave dhe bletëve

Në rastin e pickimit nga bleta është e nevojshme të shmangni përhapjen e helmit! Duke pasur parasysh këtë, është e nevojshme që të hiqet thumbi sa më shpejt të jetë e mundur dhe me shumë kujdes, me qëllim që të mos lini asnjë pjesë të thumbit gjatë mënjanimit. Grerëzat dhe rriqrat nuk lënë thumb gjatë pickimit, por ato mund të bëjnë shumë pickime në të njejtën kohë. Për shkak se toksinat e tyre përmbajnë substanca kimike aktive, reaksioni është më i rëndë.

Helmi i Hymenoptera (bletëve dhe grerëzave) mund të ketë potencial toksik dhe alergjik, kështu që të dyja llojet e reagimit janë të mundshme

  • Reaksionet toksike lokale – të shkaktuara nga substanca farmakologjike aktive, shkaktojnë dhimbje të forta, skuqje dhe ënjtje. Këto ndryshime ndërpriten pas disa orësh. Është e nevojshme që të bëhen kompreso lokale të ftohta, dhe në disa raste të caktuara rekomandohet përdorimi lokal i  kortikosteroideve.
  • Reagimet alergjike – personat me mbindjeshmëri ndaj këtyre pickimeve zhvillojnë reaksione të rënda alergjike. gjatë pickimit të parë ndodh senzibilizimi, ndërsa në rastin e pickimit tjetër mund të ndodhë  reagim i ashpër, në formën e urtikarisë në trup, shoqëruar me kruajtje, ënjtje të lëkurës dhe mukozës, si dhe manifestime sistemike të shoqëruara me vështirësi në frymëmarrje. Forma më serioze e reaksionit alergjik është shoku anafilaktik, në rast të mungesës së ndihmës mjekësore situata të tilla mund të kenë pasoja të rënda /vdekjeprurëse.

Pickimi i rriqrave

Rriqrat, të cilët zakonisht jetojnë në zona me bar të gjatë, shkurre dhe pemë, janë parazitë të vegjël që ushqehen me gjakun e kafshëve dhe njerëzve. Llojet e gjinisë Ixodes mund të jenë bartës të spirohetës Borelia burgdorferi, e cila shkakton sëmundjen Lyme. Sëmundja Lyme është e pranishme në periudhën nga fillimi i pranverës deri në fund të vjeshtës, dhe vendi ynë bën pjesë në vendet me rrezik ndaj këtij infeksioni. Mbrojtja më e mirë është parandalimi! Kjo do të thotë të shmangni qëndrimet e zgjatura në livadhe të lagështa me bar të gjatë, të vishni rroba me mëngë të gjata (të mbuloni krahët dhe këmbët) dhe gjithmonë të bëni kontroll të plotë të trupit pas një qëndrimit në natyrë. Nëse vëreni  rriqër në trup, rekomandohet të kërkoni  menjëherë ndihmë mjekësore, në mënyrë që rriqra të hiqet siç duhet jo më vonë se 24 orë pas pickimit!

 Pickimi i mushkonjave

Mushkonjat, përveç faktit që janë një shqetësim i madh gjatë muajve të verës, mund të transmetojnë sëmundje të rrezikshme të tilla si malarja, virusi i dengës ose ethet e verdha. Ajo që na shkakton dhimbje koke janë kafshimet që shkaktojnë një reagim lokal në formën e skuqjes, ënjtjes dhe shumë kruajtje. Gjëja më e rëndësishme pas pickimit është që të mos e kruani vendin e pickimit në mënyrë që kruajtja të neutralizohet. Kompresat e ftohta dhe preparatet natyrale për qetësimin e kruajtjes mund t’ju ndihmojnë në këtë drejtim. Gjatë përdorimit të këtyre preparateve  është e rëndësishme që të aplikohen butësisht në vendin e pickimit, pa fërkim të tepërt të lëkurës. Përdorimi i borzilokut gjithashtu mund të jetë i dobishëm në reduktimin e kruajtjes.

Pickimi i merimangës

Ekzistojnë mbi 38,000 lloje të merimangave, dhe shumica e tyre shkaktojnë reaksione të vogla lokale në vendin e pickimit, të cilat ndërpriten brenda disa ditësh. Por, merimangat femër të njohura si “Vejusha e zezë”, e cila është gjithashtu e pranishme në vendin tonë, shkakton reagime më serioze. Ajo lë dy shenja (shpime) në vendin e pickimit dhe pas vetëm rreth 30 minutash shfaqen dhimbje të forta, ënjtje dhe skuqje. Pas 8 orësh mund të shfaqen simpttoma si dhimbje dhe ngurtësim i muskujve, dhimbje barku, dhimbje shpine, të vjella si dhe vështirësi në frymëmarrje, për të cilat gjithmonë kërkohet kujdes i menjëhershëm mjekësor.

Këto janë format më të zakonshme të pickimeve nga insektet, në natyrë ekzistojnë mijëra insekte të tjera. Gjëja më e rëndësishme për t’u mbajtur mend është – Mbrojtja më e mirë është parandalimi i pickimeve nga insektet!!!

Disa këshilla të dobishme për parandalimin e këtyre pickimeve

  • Mbulim i lëkurës së ekspozuar me veshje me mëngë të gjata (si për duart edhe për këmbët)
  • Veshja e këpucëve të mbyllura
  • Aplikoni preparateve natyrale në lëkurë përpara se të dilni jashtë
  • Shmangni përdorimin e produkteve që përmbajnë parfume si sapunët, shampot, deodorantët, detergjentët dhe zbutësit e rrobave.
  • Të tregoni kujdes pranë luleve që çelin, plehrave, ujit të ndenjur
  • Asnjëherë të mos i afroheni foleve të insekteve pa pajisje mbrojtëse
  • Mbani ushqimin dhe ujin të mbuluar gjatë qëndrimit në natyrë
  • Mbyllni dyert dhe dritaret me rrjetë ose përdorni rrjeta mbi shtrat gjatë natës
  • Tiamina (vitamina B1) mund të përdoret si një brojtës sistemik (lëkura merr aromë specifike)

 

Dr. Aleksandra Lazarevska
Specialiste dermatovenerologe

Edhe dy pacientë të tjerë shkojnë në shtëpi pas trajtimit të suksesshëm në qendrën Covid të klinikës tonë

Posted on by zmc_piksel_dev

– Babai im është 65 vjeç dhe dy javë më parë shëndeti i tij u përkeqësua shumë. E dërguam në një nga spitalet shtetërore, ku u pranua menjëherë dhe na thanë se kishte koronavirus. Babai im kishte vështirësi në frymëmarrje, temperaturë dhe lëvizte me vështirësi. Pasi e dërguam në spital, nuk e pamë më. Disa herë përmes kontakteve na informuan se gjendja e tij po përkeqësohej gjithnjë dhe më tepër dhe se shumë shpejtë do të përfundote në respirator. “Ishte një shenjë për ne se duhej të vepronim dhe të bënim diçka për të mos e humbur”, shprehet e bija e pacientit ndërkohë që pret që babai i saj të dalë nga spitali dhe sëbashku të kthehen në shtëpi.

Pacienti u pranua në klinikën tonë në gjendje të pavetëdijshme dhe në një gjendje jashtëzakonisht kritike. Ekipi ynë mjekësor menjëherë ndërmori të gjitha masat të cilat nënkuptojnë trajtimin e pacientit pozitiv ndaj Covid 19. Ai u vendos në qendrën Covid dhe menjëherë nisi trajtimi me anë të hemofiltrimit. Gjatë gjithë trajtimit 12-ditor, familja u informua vazhdimisht për të gjitha fazat dhe metodat me të cilat pacienti është trajtuar.

– Pasi e dërguam babain tim në Zan Mitrev Clinic, na informuan menjëherë në mënyrë të detajuar në lidhje me gjithçka që do të ndërmernin. Pas hemofiltrimit të tretë, babai im dëshironte të kthehej në shtëpi, plotësisht i vetëdijshëm dhe në gjendje të mirë. Ishte me të vërtetë befasuese për ne, ky trajtim i shpëtoi jetën babait tim. Tani, pas më pak se dy javë, do të kthehet në shtëpi, në gjendje të mirë shëndetësore, me rezultat negativ të koronavirusit, i freskët dhe tepër i gëzuar. Falenderojmë të gjithë ekipin mjekësor të kësaj klinike dhe veçanërisht Dr. Zhan Mitrev i cili në këtë kohë të errët dhe kaotike ju jep shpresë të gjithë pacientëve të sëmurë rëndë, dhe jo vetëm shpresë por  gjithashtu shpëtim dhe jetë – shton e bija e pacientit duke përqafuar babanë e saj.

Një ditë më parë, një tjetër pacient i cili ishte i hospitalizuar në qendrën Covid në spitalin tonë gjithashtu pas trajtimit të suksesshëm është kthyer në shtëpi në Kosovën fqinje. Për përvojën e tij në spitalin tonë, dëshmon vetë pacienti:

Të njejtën gjë e konfirmon edhe i biri i pacientit, i cili është mirënjohës që babai i tij tashmë ndodhet në shtëpi në gjendje shëndetësore të mirë, të qëndrueshme dhe dukshëm pozitive.

 

Ju shpëtuat jetën e vëllait tim! Ju jeni heronj të vërtetë! Falenderime të përzemërta ndaj Dr. Mitrev dhe të gjithë ekipit mjekësor

Posted on by zmc_piksel_dev

Vazhdimisht mbërrijnë mesazhe të shumta në të cilat pacientët tanë apo anëtarët e familjes së pacientëve, shprehin falënderimet e tyre të përzemërta ndaj ekipit tonë mjekësor.

Këtë herë mesazhi që kemi marrë është nga vëllai i pacientit tonë Përparim Krasniqi, Z. Minush Krasniqi.

“Dua të falënderoj të gjithë punonjësit në klinikë për gjithçka që keni bërë për vëllain tim, ju keni shpëtuar jetën e tij!” Ju jeni heronj të vërtetë! Falenderime të përzemërta ndaj Dr. Mitrev dhe të gjithë ekipit mjekësor. Vazhdimisht kam marrë udhëzime për kujdesin dhe trajtimin e vëllait tim, edhe gjatë kohës që kemi qenë në shtëpi. Vazhdimisht kam qenë në kontakt dhe jam konsultuar me punonjësit tuaj në Internet, të cilët më ndihmuan pa masë në shërimin e vëllait tim. Me përkushtim të pakursyer! “- na shkruan Z. Minush Krasniqi.

Vëllai i tij u pranua për herë të parë në klinikën tonë në fillim të muajit  janar të këtij viti, në gjendje shumë të rëndë, me plagë të mëdha dekubitale në zonën sakrale (pjesa e kërbishtit). Pacienti është transferuar me ambulancë për trajtim nga Qendra Klinike e qytetit të Prishtinës në klinikën tonë.

Mjekët tanë diagnostikuan tek pacienti kardiomiopati të dilatuar ishemike, dobësim të zemrës, sëmundje të arterieve koronare. Gjithashtu është konfirmuar tek pacienti gjendje pas infarktit miokardit. Gjendja e pacientit ishte shumë të rëndë dhe çdo ditë dhe më tepër bëhej kërcënuese për jetën e tij.

Pas stabilizimit të gjendjes dhe pas më shumë se një muaji qëndrimi në klinikën tonë, me plagë plotësisht të mbyllura dhe parametra të përmirësuara dukshëm, pacienti u lëshua nga spitali për trajtim dhe kujdes në kushtet e shtëpisë, me rekomandim për kryerjen e operacionit pas një periudhe të shkurtër kohore.

Në mes të muajit mars të këtij viti, Përparimi u pranua përsëri në spital, këtë herë për kryerjen e operacionit. Ai iu nënshtrua tejkalimit të menjëhershëm të arterieve koronare. Operacioni ishte i suksesshëm dhe pas rikuperimit të duhur dhe të nevojshëm, ai u lëshua nga spitali në fund të muajit prill.

Që nga atëherë kanë kaluar disa mua dhe gjatë kësaj kohe mjekët tanë kanë qenë në kontakt të vazhdueshëm me pacientin dhe familjen e tij, me qëllim për ti këshilluar dhe udhëzuar ata në lidhje me marrjen e kujdesit dhe trajtimit të tij.

Ndihemi vërtet krenarë dhe të lumtur kur dëgjojmë dhe lexojmë dëshmi të sinqerta që flasin për një rezultate të kënaqshme për punën e bërë, përkushtimin, dashurinë dhe sigurisht përpjekjeve mjekësore për të shpëtuar jetën e njerëzve.

Nëse dëshiron diçka nga thellësia e zemrës, kjo dëshirë do të bëhet realitet

Posted on by zmc_piksel_dev

Dora u takua me idhullin e saj

Dora është një vajzë 15-vjeçare nga qyteti i Shtipit, këtë vit është regjistruar  në shkollën e mesme mjekësore në qytetin e saj dhe kështu ka ndërmarë një hap të rëndësishëm drejt realizimit të ëndrrës së saj për t’u bërë mjeke. Mjekësia, dhe veçanërisht kardiokirurgjia, janë fokusi i saj me interes të madh. Si çdo e re, ajo ka idhullin e saj, i cili është pikërisht Dr. Zan Mitrev.

Siç shprehet vetë ajo, kardiokirurgjia është një dëshirë e madhe për profesionin e saj në të ardhmen, dhe doktor Mitrev si sinonim i kardiokirurgjisë të suksesshme është idhulli i saj, dhe ky ishte motivi që ajo ta njihte personalisht.

“Për një kohë të gjatë i ndjek të gjitha publikimet në lidhje me Dr. Mitrev. Lexoj, shikoj video dhe njihem me metodat e punës që praktikon. Unë ndjek gjithçka që bëhet në klinikën “Zan Mitrev” dhe jam e magjepsur nga e gjithë kjo. “Dua të ndjek gjurmët e tij në të ardhmen dhe të bëhem edhe unë kardiokirurge”, shprehet Dora.

Takimi i cili u zhvillua në një atmosferë tepër miqësore ishte një lloj surprizë për doktor Mitrevin, sepse siç tha ai vetë: “Është vërtetë një ndjenjë e bukur të dëgjosh që ka të rinj nga vendi ynë që kanë dëshira, interesa dhe sfida që kapërcejnë mesataren e të adoleshentëve. ,,

Dr. Mitrev, duke ndarë përvojën e punës gjatë jetës së tij, inkurajoi Dorën me këshilla dhe mbështetje me qëllim që të mbetet këmbëngulëse, konsistente dhe vetëmohuese në procesin arsimor, por gjithashtu e ftoi atë që të marrë pjesë më tej si vëzhguese në disa nga proceset në klinikën tonë.

Rregulli që thotë: Kur dëshironi diçka nga thellësia e zemrës, kjo dëshirë do të bëhet realitet, dhe ky rast është konfirmim i këtij rregulli.

Përse duhet të praktikoni konsumin e ngadaltë të ushqimit?

Posted on by zmc_piksel_dev

Një numër i madh njerëzish hanë shumë shpejt, pa u përqëndruar në ushqimin që konsumojnë. Konsumi i shpejtë i ushqimit mund të shkaktojë dëm në organizëm. Me qëllim që organizmi të marrë të gjithë përbërësit dhe vlarat ushqyese është e nevojshme përtypja e plotë dhe e gjatë e ushqimit. Për tretjen e lehtë të ushqimit në organizëm dhe marrjen e vlerave të nevojshme ushqyese, ju rekomandojmë që të praktikoni rregullisht konsumin e ngadaltë të ushqimit. Përfitimet e konsumit të ushqimit ngadalë:

Reduktoni rrezikun e problemeve digjestive

Konsumimi i shpejtë i ushqimit mund të shkaktojë probleme me tretjen, dhimbje stomaku, dhimbje koke dhe probleme të tjera shëndetësore. Mundohuni ta shikoni ushqimin si një aktivitet në të cilin mund të relaksoheni dhe ta shijoni.

Vërtetë do të filloni të ndjeni dshije dhe tekstura të ndryshme

Nëse hani më ngadalë, ushqimi do të bëhet një përvojë eksperimentale, jo thjeshtë nevojë për tu ushqyer. Ushqimin duhet ta trajtoni si natyrën. Mundohuni të vlerësoni ngjyrat, shijet dhe aromat.

Reduktoni rrezikun e konsumit të tepërt dhe të rënduar

Nevojiten rreth 20 minuta që truri të marrë sinjal se në organizmin tuaj është futur ushqim. Me anë të ngadalësimit të marrjes së ushqimit, truri së shpejti do të kuptojë se organizmi është mbushur dhe se nuk ka nevojë për më tepër ushqim.

Hani përpara se të filloni të ndiheni tepër të uritur

Nëse jeni shumë të uritur, do të jetë shumë më e vështirë për ju të ngadalësoni konsumin e ushqimit. Mënyra më e mirë është të mos prisni urinë për t’ju mposhtur dhe më pas të hani, por të keni vakte të rregullta dhe me orar. Programoni tre vakte kryesore dhe dy vakte të ndërmjetme në një kohore që ju përshtatet më tepër.

Përqendrohuni tek ushqimi

Shpesh kur hani, shikoni TV, mendoni për një problem ose diskutoni për planet me anëtarët e tjerë të familjes. Sidoqoftë, vakti i vërtetë duhet të jetë në heshtje, ku ju jeni plotësisht të vetëdijshëm për atë që i ofroni organizmit dhe mund të ndjeni vërtetë shijen e ushqimit. Mos ndiqni ritmin e personave të tjerë, por përqendrohuni në veten tuaj dhe shijen e ushqimit që konsumoni.