Muaj: Gusht 2020

Si rezultat i situatës aktuale, rrezikut të mundshëm ndaj infektimit dhe përhapjes së virusit Sars-Cov2 dhe sëmundjes Covid-19, një numër i madh i pacientëve i shmangin vizitat tek fizioterapistët dhe kështu vonojnë trajtimin e duhur të gjendjes së tyre.

Zan Mitrev Clinic për të gjithë ata që hezitojnë ose nuk duan të largohen nga shtëpia e tyre, ka siguruar mundësinë për të dërguar ekipin e tyre të fizioterapistëve, të cilët I ofrojnë këto shërbime pa pasur nevojë që të dilni nga komoditeti i shtëpisë tuaj.

Ekipi profesional i 6 fizioterapistëve me përvojë shumë vjeçare është veçanërisht I trajnuar për të trajtuar kushtet apo gjendjet e mëposhtme:

1. Gjendjet ortopedike

– Dhimbje në nyje dhe muskuj

– Dhimbje dhe diskomfort në pjesën e qafës

– Dhimbje dhe diskomfort në zonën e shpinës

– Ngurtësim i shpatullës, bërryl tenisi, etj.

2. Gjendjet neurologjike

– Gjendjet pas goditjeve në tru

– Paresis / paralizë e nervave

– Shiatikia (nervi shiatik)

– Nervopatitë.

3. Rehabilitimi pas lëndimeve sportive

– Shtrirja apo tërheqja e nyjeve (kyçeve)

– Dëmtime të ligamenteve dhe meniskut.

4. Rehabilitimi pas operacionit

– Rehabilitimi pas trajtimeve të kirurgjisë kardiake

– Rehabilitimi pas zëvendësimit të nyjeve të mëdha (këllkut, gjurit)

– Rehabilitimi pas amputimeve

– Rehabilitimi pas frakturave.

5. Fizioterapi respirative

– Çlirimi i rrugëve të frymëmarrjes nga sekretimi pas trajtimeve të kirurgjisë kardiake;

– HOBB.

6. Rehabilitimi Geriatrik, trajtimet posturale, etj.

Përse duhet të zgjidhni një qasje të tillë?

– Shërim i shpejtë;

– Trajtim personal me vëmendje të plotë për gjendjen tuaj

– Ju merrni udhëzimet e duhura për kryerjen e ushtrimeve dhe aktiviteteve në shtëpinë tuaj për pjesën tjetër të ditës

– Organizoni kohën që ju përshtatet, nuk keni nevojë të dilni nga shtëpia dhe të prisni në korridoret e spitaleve me pacientë të tjerë

– Nuk humbisni kohë në organizimin e transportit në institucionin shëndetësor (ka një numër të madh të pacientëve të cilët për shkak të gjendjes së tyre shëndetësore nuk janë në gjendje të dalin nga shtëpia)

– Gjëja më e rëndësishme është se trajtimi bëhet në shtëpinë tuaj në mënyrë që të mos ketë rrezik nga infeksioni i mundshëm me virusin.

Trajtimet fitioterapeutike të cilat janë në dispozicion

– Elektroterapia (Stimulimi neuromuskular, TENS, Rrymat interferente, stimulimi funksional magnetik);

– Kinesiterapia

– Kinesio taping

– Fizioterapi respirative

– Kinemat (në kombinim me ose pa elektrostimulim)

– Vlerësim fizioterapeutik

– Trajtime të kombinuara (kinesiterapia me elektroterapi, etj.).

Mos e lini pas dore shëndetin tuaj.

Bëni rezervimin e terminit tuaj në numrin tonë të telefonit  00389 2 3091  484 dhe merrni trajtim profesional fizioterapeutik në shtëpinë tuaj.

 

Termi menopauzë tregon fundin e cikleve menstruale dhe shfaqet gjatë dekadës së katërt ose të pestë të jetës së një gruaje. Diagnoza e saktë mjekësore e menopauzës bëhet kur të paktën të kenë kaluar 12 muaj nga cikli i fundit menstrual. Edhe pse menopauza shpesh përdoret në një konotacion negativ, duhet të keni parasyshë se bëhet fjalë për një proces biologjik natyral. Sidoqoftë, pavarësisht nga natyra e vetë procesit, menopauza sjell me vete disa sfida të cilat ndikojnë në mënyrë të ndrshme tek gratë.

Menopauza mund të ndahet në tre periudha kohore:

• Perimenopauza – zgjat nga 8 deri në 10 vjet para menopauzës dhe kjo është periudha kur vezoret tuaja fillojnë të prodhojnë  gjithnjë dhe më pak estrogjen.
• Menopauza – shënon ndërprerjen e cikleve menstruale të paktën 12 muaj nga cikli i fundit menstrual
• Postmenopauza – periudha e kohës  pas përcaktimit përfundimtar të menopauzës (simptomat karakteristike fillojnë të reduktohen dhe më pas zhduken plotësisht).

Simtomat më të zakonshme të cilat shfaqen deri në periudhën e menopauzës janë:

• Ciklet e parregullta menstruale
• Tharje e vaginës
• Episodet e ndjenjës së nxehtësisë dhe djersitjes së pakontrolluar të njohura ndryshe si “valë të nxehta”
• Djersitje gjatë natës
• Probleme me gjumin
• Luhatje të gjendjes shpirtërore apo humorit
• Rritje e peshës trupore
• Rrallim i flokëve
• Ashpërsim dhe trashje e lëkurës

Është e rëndësishme të dini se çdo grua është unike në mënyrën e saj, kështu që edhe shfaqja e simptomave nuk është e njejtë tek çdo grua, ato janë dukshëm të ndryshme në cilësi dhe sasi.

Diagnostikimi i menopauzës është i thjeshtë, d.m.th. bëhet vlerësimi i hormoneve me anë të gjakut të marrë nga venë, me test të lehtë jo-invaziv. Gjithashtu, rekomandohen ekzaminime të rregullta gjinekologjike, mamografi, kontrolli i gjendjes së glukozës dhe lipideve, dhe në varësi të historisë mjekësore, mund të rekomandohet kontrolli i gjendjes së hormonit tiroid.

Si çdo ndryshim në jetë, edhe menopauza mbart rreziqe dhe komplikime të caktuara:

•  Osteoporoza – dendësia e kockave tuaja zvogëlohet dhe ato bëhen lehtësisht të thyeshme, për këtë arsye është e nevojshme që të bëni kontroll për vlerësimin e tyre
• Sëmundjet kardiovaskulare – me reduktimin e përqendrimit të estrogjenit rritet rreziku i sëmundjeve kardiovaskulare. Rekomandohet monitorimi i presionit të gjakut, si dhe kryerja e vlerësimit kardiovaskular
• Inkontinenca urinare – indi i vaginës tuaj humbet elasticitetin, si rezultat i kësaj shkakton presion në fshikëz
• Çrregullimi i funksionit seksual – tharja vaginale dhe humbja e elasticitetit të mitrës mund ta bëjnë marrëdhënien tuaj seksuale të pakëndshme, kjo është dhe arsyeja pse shumë gra e ndërpresin kryerjen e marrëdhënieve seksuale.
• Rritja e peshës trupore – kur gratë të cilat tashmë kanë hyrë në menopauzë dhe gjatë kontrollit tek mjeku thonë se pothuajse nuk hanë asgjë dhe përsëri kanë shtim të peshës trupore – nuk gënjejnë. Metabolizmi ngadalësohet në mënyrë drastike, kjo është arsyeja pse shpesh është e nevojshme të reduktohet marrja e zakonshme ditore e kalorive për të ruajtur peshën ditore.

Menopauza është një proces natyral dhe si i tillë është i pashmangshëm. Trajtimi i këtij procesi ka të bëj me lehtësimin e simptomave, trajtimin dhe menaxhimin e komplikimeve të mundshme. Nëse keni vështirësi të cilat nuk mund t’i përballoni dhe mendoni për terapi farmakologjike, asnjëherë mos e merrni atë vetë, patjetër duhet të këshilloheni me mjekun tuaj endokrinolog.

Këshilla për menaxhimin më të lehtë të simptomave

– Vishni më tepër rroba, në mënyrë që të keni mundësi të zhvishni një pjesë të tyre në rast të shfaqjes së valëve të nxehta dhe të parandaloni djersitjen. Shmangni faktorët nxitës si pijet e nxehta, ushqimet pikante, sasi të mëdha të kafeinës ose alkoolit, shëtitjet në mot të nxehtë.

– Reduktoni diskomfortin vaginal dhe përdorni lubrifikantë vaginal të aprovuar me bazë uji. Shmangni ato që përmbajnë glicerinë, pasi ato mund të shkaktojnë acarim. Kryerja e rregullt e marrëdhënieve seksuale lejon rrjedhën e qarkullimit nëpër vaginë.

– Flini mjaftueshëm, bëni aktivitete të rregullta fizike, bëni kujdes dhe konsumoni ushqim të ekuilibruar dhe të shëndetshëm, mos harroni të pini ujë.

– Gjeni mënyrën tuaj  për t’u relaksuar, dhe ndani më tepër kohë për veten tuaj. Për disa persona, një nga mënyrat për tu relaksuar është dëgjimi i muzikës së preferuar, për disa është leximi i librit të preferuar, për disa është shëtitja në park, etj. Ju zgjidhni atë që ju përshtatet dhe preferoni më tepër.

– Forconi muskujt e pelvisit (legenit) me ushtrime kegel, të cilat do të lehtësojnë simptomat e inkontinencës urinare.

– Shmangni duhanin

Të gjitha këto ndryshime padyshim ndikojnë në jetën e gruas, ndryshojnë jetën e saj të përditshme dhe perceptimin e jetës. Mos harroni, nuk jeni as të parat as të fundit që përballeni me një problem të tillë, shumë gra para jush kanë kaluar të njejtat probleme dhe shumë gra të tjera pas jush do të vazhdojnë të përballen me të njëjtën gjë. Mos kini ndrojtje nga ky proces, ndihuni krenare për veten tuaj dhe jini të vetëdijshme për bukurinë që sjell çdo periudhë e jetës, por mbi të gjitha, informohuni për sfidat shëndetësore që sjell mosha dhe kontrolloni veten rregullisht.

Dr. Nadica Bozhinovska
Specialiste endokrinologe

Ende jemi në vazhdim të stinës së verës kështu që këshillat për mbrojtjen e duhur ndaj diellit janë gjithmonë të mirëpritura. Shumë prej nesh, përkundër rekomandimeve tashmë të njohura për mbrojtjen ndaj diellit në jetën e përditshme, ende nuk i praktikojnë këshillat e dhëna dhe kështu e vënë në rrezik lëkurën dhe shëndetin e tyre.

Rrezatimi i diellit

Tepër të njohura janë benefitet shëndetësore nga ekspozimi i kontrolluar ndaj rrezeve të diellit, por për të pasur efekt pozitiv është e nevojshme të paktën një dozë e vogël e rrezeve të diellit – 15 minuta çdo ditë. Çdo ekspozim i tepërt ndaj diellit i tejkalon efektet pozitive dhe përfundimisht çon në dëmtim të përhershëm të lëkurës dhe në rritje të rrezikut për të gjitha llojet e tumoreve të lëkurës.

Indeksi UV është një masë ndërkombëtare, shkencore e nivelit të rrezatimit ultravjollcë nga dielli. Përdoret për të përshkruar fuqinë e diellit në një vend dhe kohë të caktuar. Indeksi varion nga 1 në 11. Sa më i lartë të jetë niveli, aq më i madh është rreziku i dëmtimit të lëkurës.

Ekzistojnë tre lloje UV të rrezatimit të diellit. UV-C të cilat konsiderohen si më të rrezikshmet, thithen plotësisht nga shtresa e ozonit; Rrezet e diellit UV-A dhe UV-B kanë shkallë të ndryshme të depërtimit të lëkurës dhe efekte të ndryshme në trupin e njeriut. Rrezet UV-A dhe UV-B depërtohen në thellësi të lëkurës, kështu që ekspozimi i tepruar dhe i pakontrolluar ndaj tyre shkakton efekte të shumta anësore, siç janë plakja e parakohshme e lëkurës, pigmentimi, reaksionet alergjike, djegiet, dhe në rastin më të keq mund të shkaktoj kancer të lëkurës. Lexoni më tepër

Dëmtimi i lëkurës nga rrezet e dielli është i përhershëm. Çdo periudhë pasuese e ekspozimit të zgjatur i bën më shumë dëme sistemit lokal të dobësuar imunitar dhe materialit gjenetik të lëkurës. Djegiet shërohen brenda disa ditësh, por ndryshimet kryesore në lëkurës mbeten.

Ajo çfarë është e rëndësishme për të theksuar është se të gjithë ne luajmë rol të rëndësishëm në parandalimin e përditshëm të tumoreve të lëkurës, beteja fillon që në momentin kur ju jeni të vetëdijshëm për rrezikun, dhe çfarë duhet të bëni në lidhje me të – nga fushata Euromelanoma. Mos lejoni të mundni nga sëmundja për shkak të mohimit apo neglizhimit!

Këshilla të dobishme që ndihmojnë në parandalimin e efekteve të dëmshme të rrezeve të diellit

• Shmangni ekspozimin e diellit gjatë periudhës kur indeksi i rrezeve të diellit është mi i lartë, d.m.th. nga ora 10 e mëngjesit deri në orën 4 pasdite. Gjatë kësaj periudhe, sigurohuni që të qëndroni nën hije.
• Nuk këshillohet ekspozimi i lëkurës ndaj rrezeve të diellit me qëllim për ti dhënë ngjyrë të errët. Sidoqoftë, nëse vendosni të ekspozoheni ndaj rrezeve të diellit, duhet ta bëni atë gradualisht (ditën e parë vetëm një orë, ditën e dytë dy orë, etj.).
• Rrobat janë mbrojtja më e mirë nga dielli dhe ato duhet të jenë prej pëlhure të lehta dhe me ngjyra të zbehta, me mëngë të gjata madje edhe këmbët duhet të jenë të mbuluara.
• Duhet të mbani kapelë me strehë të gjerë për të siguruar mbrojtje të mirë nga dielli për sytë, veshët, fytyrën, shpinën ose qafën. Syzet e diellit me mbrojtje të lartë UV – A dhe UV – B do të reduktojnë ndjeshëm dëmtimin e syve nga ekspozimi i diellit.
• Duhet të përdorni krem me faktor mbrojtës të  lartë (SPF) të paktën 30, me formulë të papërshkueshme nga uji. Pajisjet mbrojtëse duhet të përdoren edhe kur dilni jashtë vetëm për një kohë të shkurtër, duke filluar nga stina e pranverës deri në vjeshtë!
• Produktet me faktor mbrojtës ndaj rrezeve të diellit duhet të jenë të përshtatshëm për fenotipin e lëkurës tuaj, këto produkte mund të jenë në formë kremi, xheli, në formë fluide dhe duhen aplikuar të paktën gjysmë ore para ekspozimit në diell. Aplikimi i tyre duhet të përsëritet çdo dy orë.
• Personat të cilët janë në rrezik për zhvillimin e kancerit të lëkurës (p.sh. personat me flokë me ngjyrë të çelët ose të kuqe dhe me lëkurë tepër të bardhë, personat të cilët kanë shumë nishane në trup, personat të cilët më parë janë trajtuar nga kanceri i lëkurës, etj.) duhet të mbrohen dhe të përdorin produkte me faktor mbrojtës ndaj rrezeve të diellit përgjatë gjithë vitit.
• Një kategori e veçantë janë fëmijët. Deri në moshën 1 vjeçare nuk rekomandohet ekspozimi i drejtpërdrejtë në diell. Foshnjat dhe fëmijët e vegjël duhet të mbrohen me kapelë, syze dielli dhe veshje mbrojtëse të veçanta.
• Nuk duhet harruar pasqyrimi i rrezeve të diellit nga sipërfaqe të ndryshme, dëbora, uji, rëra dhe depërtimi i rrezeve të diellit nëpër retë. Produktet me faktor mbrojtës duhet të përdoren edhe kur moti është me re.
• Kabinat solare për nxirjen e lëkurës duhet të shmangen

Si përfundim, ajo që duhet të mbani mend është se ekspozimi i zgjatur ndaj rrezeve UV dëmton fijet e kolagjenit të lëkurës, shkakton dëme në nivelin molekular dhe shkakton formimin e radikalëve të lirë. Kjo nuk ndodh vetëm për shkak të ditëve të gjata të kaluara në plazh, por edhe për shkak të ekspozimit të përditshëm pa mbrojtje  ndaj rrezatimit diellor siç është vajtja deri tek makina, puna në  ambient të hapur,  madje edhe puna apo qëndrimi pranë dritares.

Prandaj, nxirja e lëkurës do të thotë lëkurë e dëmtuar, d.m.th. shenjë se trupi po lufton dhe po përpiqet të mbrohet nga dëmtimi shtesë i ADN-së.

Dr. Aleksandra Lazarevska
Specialiste dermatovenerologe