Spitali klinik Zhan Mitrev ishte mikpritës i Takimit pranveror të Federatës Evropiane të Shoqatave të Infermierisë së Kujdesit Intensiv (European Federation of Critical Care Nursing Associations – EfCCNa). Mbi 30 përfaqësues dhe anëtarë të bordit të federatës nga 27 vende evropiane në takimin dyditor diskutuan qëllimet dhe detyrat e federatës dhe shoqatave kombëtare, duke ndihmuar për përmirësimin e kujdesit intensiv të pacientëve të sëmurë në gjendje kritike dhe ndihmën për familjet e tyre. Para fillimit të takimit të përfaqësuesve të shoqatave nacionale, Dr. Zhan Mitrev i uroi ata për praninë dhe punën e tyre të suksesshme, duke i falënderuar për këtë mbajtje të takimit vjetor në Klinikën Zhan Mitrev e cila është gjithashtu një nga anëtaret më me ndikim.
“Këto mbledhje/takime janë jashtëzakonisht të rëndësishme për punën tonë, prandaj shprehim mirënjohje ndaj Klinikës Zhan Mitrev që na lejoi Takimin pranveror ta mbajmë pikërisht këtu, duke i bashkuar përfaqësuesit e shoqatave kombëtare, përfshirë edhe ato lokale nga Maqedonia. Federata jonë përfshin shoqata nga kujdesi shëndetësor publik dhe privat që zgjerojnë dhe thellojnë ndikimin tonë drejt qëllimit të përbashkët për të punuar së bashku dhe për të arritur më shumë për pacientët tanë”, thotë Colette Ram, Presidente e Federatës Evropiane të Shoqatave të Infermierisë së Kujdesit Intensiv.
Shoqatat Evropiane të Infermierëve të Kujdesit Intensiv janë shoqata të njohura, qëllimi i të cilave është përmirësimi i shërbimit shëndetësor dhe rritja e nivelit të efektivitetit të këtij stafi në fazat më vendimtare të trajtimit. Shoqatat vendosin standarde për edukimin, praktikën dhe menaxhimin e forcës punëtore të infermierisë së kujdesit intensiv dhe inkurajojnë edukimin e mëtejshëm, kërkimin dhe njohuritë në kujdesin intensiv të pacientëve.
Federata Evropiane e Shoqatave të Infermierisë së Kujdesit Intensiv ekziston që nga viti 1999. Maqedonia është anëtare që nga viti 2014, ndërsa infermierja Zhaneta Bogoevska Miteva nga Klinika Zhan Mitrev e cila është përfaqësuese e Shoqatës së Infermierëve të Kujdesit Intensiv të Maqedonisë është edhe anëtare e Bordit të EfCCNa. Aktualisht, federata ka 31 anëtarë nga 27 vende dhe përfaqëson më shumë se 25,000 infermierë të cilët janë të përfshirë në procesin e punës së kujdesit intensiv.
Fakti që Këshilli i Gjykatës së Apelit Shkup e refuzoi ankesën për zhbllokimin e llogarive është një parandalim i vetëdijshëm dhe i qëllimshëm i punës së Klinikës Zhan Mitrev dhe realizim i mëtejshëm i synimit për ta sjellë Klinikën në pozitë krize të paqëndrueshme dhe të pengojnë punën e interest publik që klinika ka si organizatë shëndetësore dhe për këtë të mos mbahet as përgjegjësia më e vogël.
Pikërisht për shkak të interesit publik për pacientët dhe të gjithë ata që kanë nevojë për kujdes të lartë mjekësor, është kërkuar zhbllokimi i llogarisë në mënyrë që klinika të funksionojë pa presionin e detyrimeve të përditshme ndaj bankave dhe furnizuesve.
Refuzimi i kërkesës për zhbllokimin e llogarisë flet për një sulm të organizuar dhe një proces të udhëzuar sistematikisht ndaj klinikës dhe doktor Mitrev me akuzë të pabazë. Në procedurën kundër kardiokirurgut më të lartë maqedonas dhe Klinikës Zhan Mitrev, e cila është e përkushtuar për shpëtimin e jetëve, nuk ekziston prezumimi i pafajësisë, por proces i organizuar dhe i udhëzuar sistematikisht.
Shpresojmë që në fokusin e të gjithë atyre që janë të angazhuar për monitorimin e sistemit tonë të drejtësisë do ti vij rradha edhe interest të lartë publik, i cili ka të bëj me pamundësinë e ndërtimit të proceseve gjyqësore për të shkatërruar ekspertët dhe personat juridikë të suksesshëm.
Megjithatë, pavarësisht llogarive të bllokuara, Klinika Zhan Mitrev punon çdo ditë, kryen procedura komplekse kirurgjikale dhe shpëton jetën e qytetarëve tanë.
Kishim nderin dhe kënaqësinë për të mirëpritur dhe realizuar në ambientet tona takimin pranveror të Federatës Evropiane të Shoqatave të Infermierisë së Kujdesit Intensiv EfCCNa European Federation of Critical Care Nursing Associations takim i cili u realizua gjatë kësaj fundjave. Këtë herë në takim morën pjesë mbi 30 infermiere dhe anëtarë të bordit të federatës, pjesë e së cilës është edhe infermierja jonë Zaneta Bogoevska Miteva. I falënderojmë për vizitën dhe komentet e tyre pozitive.
Kjo është një temë që jemi të sigurt se është trajtuar shumë herë, por gjithsesi është mirë të kujtojmë se si duhet të veprojmë nëse ne ose një nga të dashurit tanë përballet me diabetin.
Diabeti është një sëmundje në të cilën niveli i sheqerit në gjak rritet për një periudhë të gjatë kohore. Diabeti, ose i njohur edhe si “sëmundja e sheqerit”, shkakton probleme serioze shëndetësore që në fakt vijnë nga dëmtimi i enëve të vogla dhe të mëdha të gjakut dhe nervave. Si rezultat i këtij procesi, disa nga organet në trup pësojnë demtim, duke përfshirë: zemrën, sytë, veshkat dhe gjithashtu shfaqen probleme me qarkullimin.
Në varësi të moshës kur është shfaqur për herë të parë diabeti dhe shkaqeve që kanë ndikuar në shfaqjen e sëmundjes, dallohen dy lloje të diabetit: diabeti i tipit 1 dhe diabeti i tipit 2. Diabeti i tipit 1 shfaqet në një moshë më të re dhe kërkon trajtim me insulinë që në fillim. Ndërsa diabeti i tipit 2 është më karakteristik për popullatën e rritur.
Nëse tashmë jeni diagnostikuar me diabet, është e nevojshme të bëni një plan në bashkëpunim me mjekun tuaj se si të përballeni më mirë me sëmundjen.
Si të jetoni me diabet?
Informohuni për sëmundjen tuaj! Mblidhni informacion të mjaftueshëm për diabetin dhe komplikimet prej tij, në mënyrë që ta menaxhoni më lehtë.
Mësoni të dalloni simptomat! Mësoni të dalloni simptomat që shfaqen tek organet e prekura si rezultat i diabetit dhe të kërkoni në kohë ndihmë mjekësore.
Parametrat që duhet të mësoni ti kontrolloni rregullisht:
Niveli i HbA1C – hemoglobina e glukozuar. Tregon vlerën mesatare të sheqerit në gjak gjatë dy deri tre muajve të fundit. Vlerat nën 7 tregojnë një rregullim/kontroll të mirë të sheqerit në gjak, i cili duhet të jetë qëllimi juaj.
Niveli i LDL ose kolesterolit të keq duhet të jetë gjithmonë nën 3.5 mmol/l.
Kufiri i sipërm i presionit të gjakut duhet të jetë deri në 130/80 mmHg.
Mbani një regjim higjieno-dietik!
Ndiqni dietën e përshkruar nga mjeku juaj. Ushqehuni shëndetshëm dhe mbani peshën tuaj trupore brenda kufijve normalë. Ushqimi i rekomanduar: Frutat, perimet, peshku, bizelet, thjerrëzat, qumështi i skremuar dhe produktet e tij, buka me drithëra të plota, vaji i parafinuar, i presuar ftohtë, kripë dhe sheqer në sasi të kufizuar.
Praktikoni aktivitet fizik të rregullt!
Kryeni rregullisht ushtrime sipas moshës tuaj dhe sipas rekomandimeve të mjekut tuaj. 30-60 minuta ecje të shpejtë 4-5 herë në javë do të përmirësojnë ndjeshëm gjendjen tuaj.
Hiqni dorë nga konsumi i duhanit!
Pirja e duhanit në kombinim me diabetin rrit rrezikun e sëmundjeve kardiovaskulare.
Merrni rregullisht terapinë e përshkruar! Mos e ndërprisni atë edhe nëse ndiheni mirë!
Bëni vetëkontroll të këmbëve tuaja çdo ditë, mbani higjienë të mirë dhe vishni këpucë të rehatshme!
Kërkoni ndihmë mjekësore sa herë që ndjeni ndonjë ndryshim në shëndetin tuaj!
Ekzistojnë disa terma teknikë më të komplikuar lidhur me këtë gjendje siç janë kisti pilonidal apo fistula sakrokoksigeale, por në fakt gjerësisht njihet nën termin “qime të rrënjosura”. Kjo gjendje përfaqëson formimin e një kisti ose inflamacioni të kufizuar purulent (absces/qelb) të lokalizuar në palosjen gluteale. Tek disa pacientë mund të shfaqet vetëm një kist, ndërsa tek disa të tjerë zhvillohet një trajektore fistuloze. Në shumicën e rasteve, në sipërfaqen e lëkurës krijohet një hapje përmes së cilës kullohet përmbajtja purulente.
Kjo gjendje u përshkrua për herë të parë nga Hodges në 1880, dhe disa vite më vonë Herbert Mayo e përshkroi të njëjtën gjendje si një “kist të mbushur me qime”.
Ky problem është kryesisht tipik tek meshkujt. Një frekuencë më e lartë e këtij problemi është vërejtur tek ushtarët. Në Luftën e Dytë Botërore, është vërejtur shpesh edhe tek drejtuesit e automjeteve fuoristradë dhe automjeteve të rënda luftarake, prandaj kjo gjendje quhej edhe jeep disease – sëmundja e xhipit.
Epidemiologjia
Incidenca e kësaj sëmundjeje konsiderohet të jetë 26:100,000 njerëz. Në 50 vitet e fundit ka pasur një rritje të numrit të të prekurve, për të cilët si faktor rreziku është evidentuar përdorimi më i madh i mjeteve motorike, si dhe përdorimi i kompjuterit. Një mënyrë jetese e tillë çon në një mënyrë jetese sedentare (të ulur) për të gjithë popullatën. Përsa i përket përhapjes së këtij problemi, sëmundja është më e pranishme tek meshkujt se tek femrat dhe raporti është 4:1. Përveç arsyes që ka të bëj me stilin e jetesës, incidenca është më e lartë tek meshkujt për shkak të djersitjes më të madhe dhe pranisë së qimeve në zonën intergluteale. Për sa i përket moshës, kjo sëmundje zakonisht shfaqet tek njerëzit në dekadën e dytë dhe të tretë të jetës.
Etiologjia
Shkaku i saktë që çon në shfaqjen e sinusit pilonidal është ende i panjohur, megjithatë ekzistojnë disa teori që shpjegojnë shfaqjen e tij. Teoritë ndahen kryesisht në dy lloje: rezultat i faktorëve gjenetikë dhe teoria e shfaqjes nën ndikimin e faktorëve të rrezikut.
Teoria e predispozicionit gjenetik tregon se sinusi pilonidal është një anomali e lindur e lëkurës në zonën e sipërme të vitheve, e cila ndoshta ndodh për shkak të një mbetjeje embrionale të notokordeve primitive në lëkurën e kësaj zone. Më vonë në jetë, kjo ndikon në grumbullimin e qelizave të vdekura të lëkurës dhe fibrave të lëkurës, gjë që më pas shkakton shfaqjen e një procesi inflamator që pasohet me formimin e një grumbullimi purulent.
Teoria që tregon shfaqjen e sinusit pilonidal nën ndikimin e faktorëve të rrezikut përfshin:
Djersitjen e tepërt në zonën gluteale
Mbipeshën – obezitetin
Prirjen familjare
Përkatësinë e gjinisë mashkullore
Profesionin e lidhur me uljen e zgjatur
Çarjen e thellë apo lëndimin në zonën intergluteale
Praninë e qimeve të shumta (të trasha dhe të ashpra)
Higjienën e dobët në trup
Pamja klinike e sinusit pilonidal
Tek një pjesë e pacientëve, pamja klinike e sinusit pilonidal mund të jetë pa praninë e ndonjë shenje apo simptome. Ndërsa ka nga ata që përjetojnë ndryshime të lëkurës në këtë zonë. Këto ndryshime që ndodhin mund të jenë shumë të dhimbshme, të ndjekura nga një proces inflamator i lëkurës në formën e një kisti nënlëkuror që çahet në periudhën pasuese dhe prej tij derdhet përmbajtje purulente (e qelbëzuar) ose e përgjakshme.
Për shkak të dhimbjes në zonën e shfaqur, pacientët ankohen për vështirësi në ulje dhe pamundësi për të ecur. Pas rupturimit të kistës dhe drenimit të përmbajtjes së tij, ka lehtësim, por është afatshkurtër, sepse pas një periudhe të caktuar përsëritet grumbullimi i përmbajtjes purulente brenda kistit.
Megjithëse sinusi pilonidal është më karakteristik për shfaqjen e tij në zonën e kërbishtit (kryqit), shfaqja e tij është përshkruar gjithashtu edhe në:
Hapësira ndërmjet gishtave
Zonën e sqetullës
Rreth kërthizës
Në zonën intermamare (midis gjinjve)
Zonën gjenitale si te meshkujt ashtu edhe te femrat
Mbetje amputimi (në zonën ku është bërë amputim)
Diagnoza
Diagnoza e sinusit pilonidal vendoset në bazë të anamnezës dhe ekzaminimit klinik të pacientit. Në raste të caktuara, mund të kryhet fistulorrafia – një metodë diagnostike që tregon shtrirjen nënlëkurore të vetë ndryshimit. Gjatë diagnostikimit, meqenëse lëkura në zonën e kërbishtit është në kontakt të ngushtë me rektumin, mund të kërkohet kryerja e ekzaminimit manual dixhital anal.
Përgatitja para operacionit
Në marrëveshje me kirurgun, si për çdo operacion tjetër dhe gjatë trajtimit operativ të sinusit pilonidal, kërkohet përgatitje para operative. Kjo përgatitje përfshin:
• Nëse ka përmbajtje purulente, është e detyrueshme të merret një tampon (bris) për analiza mikrobiologjike dhe antibiogram të paktën 7 ditë para trajtimit operativ të planifikuar. • Zbrazje të traktit gastrointestinal me ndihmën e laksativëve. • Përgatitje standarde para operative për kirurgji nën anestezi të përgjithshme.
Trajtimi kirurgjik i sinusit pilonidal
Trajtimi kirurgjik i qimeve të rritura nën lëkurë mund të kryhet nën anestezi lokale. Por për komoditet më të madh të pacientit, rekomandohet operacioni nën anestezi të përgjithshme. Pas tualetit (pastrimit) së fushës operative kërkohet një injeksion i tretësirës metilen blu në kanalet fistuloze. Nëse tretësira metilen blu nuk disponohet, mund të administrohet injeksion me jod povidone. Kjo procedurë ka për qëllim lyerjen/ngjyrosjen e indit të ndryshuar (të përflakur), në mënyrë që të shënohet/dallohet nga indi i shëndetshëm.
Pasi të bëhet dallimi, bëhet heqja kirurgjikale e indit të ndryshuar deri në arritjen e indit të shëndetshëm makroskopik (të dukshëm për syrin). Në këtë mënyrë shmanget mbetja e indit të ndryshuar, pra shmanget përsëritja e sinusit pilonidal. Indi i ndryshuar që është hequr duhet të ekzaminohet nga një patolog për të vendosur një diagnozë përfundimtare patohistologjike.
Trajtimi postoperativ
Pas trajtimit kirurgjik, pacientët qëndrojnë në spital për të paktën një ditë. Në varësi të pamjes klinike dhe gjendjes së plagës postoperative, pacienti mund të ketë nevojë të vazhdojë trajtimin spitalor për disa ditë. Zakonisht, pas operacionit, pacienti qëndron në spital edhe për dy ditë të tjera.
Në periudhën pas operacionit, për të parandaluar dëmtimin mekanik nga qepja kirurgjikale, pacienti duhet të shtrihet në bark për 48 orët e para. Në ditën e parë pas operacionit shmanget marrja e ushqimit, për të shmangur nevojën për zbrazje, e cila mund të çojë në shfaqjen e komplikimeve postoperative. Pacienti këshillohet që gjatë ditës pas kryerjes së vetë operacionit të shmangë lëvizjet/ecjen dhe të ndalohet rreptësisht qëndrimi ulur me këmbë të hapura (në mënyrë të relaksuar). Në ditën e parë pas operacionit bëhet fashimi i plagës për të vlerësuar gjendjen e saj postoperative.
Në periudhën në vijim, pas daljes nga spitali, kirurgu jep udhëzime për trajtim të mëtejshëm në shtëpi për mjekimin e plagës kirurgjikale si dhe këshillave higjienike dhe dietike. Pas trajtimit kirurgjik të sinusit pilonidal, pacienti është i gatshëm t’i kthehet aktivitetit të punës tre javë pas operacionit dhe pas ekzaminimit të detyrueshëm nga vetë kirurgu që ka kryer intervenimin.
Pyetjet më të shpeshta
A ekziston rreziku i kancerit në indin e ndryshuar? Për sa i përket pamjes klinike dhe vetë karakteristikave klinike, një nga diagnozat diferenciale të sinusit pilonidal është karcinoma skuamoze. Për të vendosur një diagnozë të saktë, kërkohet ekzaminim nga një specialist i cili mund të bëjë dallimin midis sinusit pilonidal dhe karcinomës së qelizave skuamoze bazuar në ekzaminimin klinik.
A ekziston rreziku i përsëritjes së sinusit pilonidal pas trajtimit kirurgjik? Natyrisht që ekziston mundësia e përsëritjes, prandaj gjatë trajtimit operativ bëhet dallimi i indit gjatë të cilit mund të përcaktohet kufiri i indit të ndryshuar nga ai i shëndetshëm.
A është e mundur të kurohet sinusi pilonidal pa trajtim kirurgjik? Nëse është një ndryshim fillestar që nuk ka shfaqur kanale nënlëkurore (fistula) dhe është i kufizuar, pa praninë e sekretimit purulent ose të përgjakshëm, duke ndryshuar mënyrën e jetesës, d.m.th. duke ndryshuar zakonet dietike dhe higjienike, është i mundur shërimi pa trajtim kirurgjik. Por në çdo rast kërkohet kryerja e ekzaminimit nga ana e kirurgut plastik.
Në klinikën tonë, në dispozicionin tuaj është Dr. Zhivorad Kocevski, i cili ka përvojë shumëvjeçare në zgjidhjen e suksesshme të këtij problemi. Për të caktuar një takim telefononi në 02/3091-484.
Në dy dekadat e fundit në Klinikën Zhan Mitrev janë kryer pesë autotransplantime. Kjo është një ndërhyrje operative revolucionare në trajtimin mjekësor modern të pacientëve me sëmundje të zemës. Gjatë këtij operacioni, zemra e pacientit rindërtohet jashtë kraharorit, dhe është një procedurë e cila konsiderohet jashtëzakonisht specifike dhe e komplikuar për t’u kryer.
“Kam qenë e sëmurë rëndë, më rekomanduan të drejtohesha te doktor Zhan Mitrev, i cili më ka operuar dhe vetëm pas disa ditësh jam ndjerë shumë më mirë. Kanë kaluar tashmë pesë vjet e gjysmë që kur më ka operuar doktor Mitrev dhe sot ndihem shkëlqyeshëm, punoj në kopsht me aq sa mundem dhe nuk kam asnjë problem. Jam mirënjohëse që ma ktheu jetën”, thotë Vera Baloska, një nga pacientet me autotransplant, e cila u operua në vitin 2017.
Autotransplantimi i zemrës, si procedurë, ka të njëjtat faza si transplantimi i zemrës nga një donator tjetër. Ndryshimi është se gjatë autotransplantimit organi i dëmtuar nuk zëvendësohet me një organ të huaj, por bëhet rikonstruktimi i vetë zemrës së pacientit të cilit i bëhet ndërhyrja. Tek pacientët të cilët kanë nevojë për autotransplant zakonisht atriumi i majtë i zemrës është jashtëzakonisht i zgjeruar që e bën të pamundur kryerjen e operacionit brenda kraharorit, prandaj eshte e nevojshme qe zemra të nxirret nga kraharori, të bëhet sigurimi i qarkullimit ekstrakorporal i gjakut, dhe më pas vijon korrigjimi i nevojshëm kirurgjik për të reduktuar atriumin e majtë (valvulën mitrale) të zemrës së pacientit.
Nëse kjo nuk është e mundur, ajo zëvendësohet me një protezë artificiale. Më pas zemra e rindërtuar kthehet në kraharor dhe lidhet me enët e gjakut si në rastin e transplantit. Nga viti 2000 e deri më tani në klinikën tonë janë kryer gjithsej 5 operacione të tilla. Ato janë realizuar nga Dr. Zhan Mitrev dhe ekipi i tij.
Eksperienca e doktor Mitrevit në kryerjen e transplanteve/autotransplanteve të zemrës daton që para 26 vitesh kur ai kreu transplantin e parë të zemrës në Gjermani.
Specialistë nga Klinika Zhan Mitrev do të kryejnë ekzaminime kardiologjike falas për pensionistët nga mbarë Maqedonia
Ekipi i mjekëve specialistë nga Klinika Zhan Mitrev me “Karvanin e shëndetit” do të kryejë falas ekzaminime specialistike, kardiake dhe internistike për pensionistët nga i gjithë vendi. Realizimi i ekzaminimeve falas është pjesë e Memorandumit për bashkëpunim të nënshkruar ndërmjet Spitalit klinik Zhan Mitrev dhe Unionit të shoqatave të pensionistëve të Maqedonisë, i cili është nënshkruar sot me rastin e Ditës Botërore të Shëndetit.
Qëllimi i “Karvanit të shëndetit” dhe ekzaminimeve falas është rritja e mundësive dhe aksesit për ekzaminime specialistike për të gjithë ata që nuk kanë mundësi të marrin një mendim nga mjeku për gjendjen e tyre shëndetësore. Me këtë karvan, Klinika Zhan Mitrev rrit kujdesin shëndetësor për qytetarët, veçanërisht për kategoritë kritike dhe ata të cilët nuk kanë aspak mundësi për tu konsultuar me mjekun. Me anë të këtyre akzaminimeve do të ofrohet këshillimi dhe edukimi për diagnostikimin korrekt dhe në kohë të sëmundjeve të mundshme, në drejtim të parandalimit të sëmundjeve të zemrës.
Programi dhe mënyra e realizimit të Karvanit të shëndetit është bërë në bashkëpunim me përfaqësuesit e Sindikatës, të cilët ishin të pranishëm në nënshkrimin e memorandumit, të përbërë nga: znj. Stanka Trajkova Kryetare e Sindikatës së Pensionistëve, Primarius Dr. Stojançe Stefanovski kryetar i Komisionit për shëndetësi dhe politikë sociale të sindikatës, znj. Menka Temelkovska – sekretare e bordit ekzekutiv të Shoqatës së pensionistëve të Maqedonisë dhe z. Vasil Paçemski, redaktor i gazetës Pensioner Plus. Në emër të klinikës u mirëpritën nga Dr. Emil Stoitsovski, anesteziolog, Dr. Elena Ambarkova Vilarova, drejtore e mjekësisë dhe Dr. Zhan Mitrev.
Ekzaminimet do të përfshijnë anamnezën e pacientit, EKG, ekzaminimin kardiovaskular me ultratinguj dhe kontrollin e terapisë. “Karvani i shëndetit” do të zhvillohet gjatë muajve maj dhe qershor dhe do të vizitojë ato vende dhe qytete ku aksesi për ekzaminimin specialistik është i pamundur.
Me këtë aktivitet, Klinika Zhan Mitrev do të rrisë ndërgjegjësimin e publikut në drejtim të kujdesit për shëndetin kardiovaskular dhe parandalimin në kohë të sëmundjeve të zemrës tek grupet e veçanta të synuara, si dhe do të rrisë mundësinë për identifikimin dhe zvogëlimin në kohë të numrit të personave të sëmurë.
Gjithashtu, me qëndrim të përgjegjshëm shoqëror ndaj qytetarëve të Maqedonisë dhe të drejtën e tyre për qasje në ekzaminime të rregullta specialistike, Klinika Zhan Mitrev e zhvillon karvanin nën moton “Shëndet për të gjithë” që është fokusi vjetor i OBSH-së për të shënuar Ditën Botërore të Shëndetit.
Dr. Vilma Ampova Sokolov dhe infermierja Sonja Rusevska pjesëmarrës në kongresin më të madh për kardiologjinë intervente
Muajin e kaluar në dy vende në Indi në Gujarat dhe në Chennai, u zhvilluan dy ngjarje të rëndësishme. Fillimisht nga data 14 deri më 15 mars u mbajt akademia për “Teknikat intervenuese komplekse kapitulli 17”, organizuar nga Meril dhe më pas nga data 16 deri më 18 mars vijoi India Live, një nga konferencat më të mëdha për kardiologjinë intervenuese në rajonin Azi-Paqësor. Këtu morën pjesë përfaqësuesit tanë Dr. Vilma Ampova-Sokolov dhe infermierja Sonja Rusevska së bashku me mbi 3000 kardiologë nga e gjithë bota. Përmbajtja edukative, transmetimet e drejtpërdrejta, pjesëmarrja e njohur universitare kombëtare dhe ndërkombëtare dhe integrimi akademik i liderëve të mendimit rajonal ishin pikat e forta të këtij takimi.
