Këtë javë specialistët e Klinikës Zhan Mitrev kanë filluar kryerjen e ekzaminimeve kardiovaskulare falas për pensionistët në disa qytete të vendit. Me karvanin “Shëndet për të gjithë”, pensionistët nga Vinica dhe zonat përreth janë ekzaminuar nga ekipi i mjekëve të Klinikës Zhan Mitrev, gjatë së cilës kanë marrë anamnezë, EKG dhe lexim të rezultatit, ekzaminim kardiovaskular me ultratinguj, kontroll TA dhe konsultime për zbulim dhe parandalimin në kohë të sëmundjeve të zemrës.
Klinika Zhan Mitrev filloi karvanin shëndetësor “Shëndet për të gjithë” dhe ekzaminimet falas me qëllim rritjen e mundësive dhe aksesit për ekzaminime specialistike për të gjithë ata që nuk kanë dhe nuk mund të marrin mendim nga mjeku për gjendjen e tyre shëndetësore. Klinika rrit kujdesin për shëndetin e qytetarëve, veçanërisht për kategoritë vulnerabël dhe ata që nuk kanë mundësi për tu konsultuar me mjekun. Krahas ekzaminimeve do të ofrohet edhe këshillim dhe edukim për diagnostikimin korrekt dhe në kohë të sëmundjeve të mundshme.
Karvani shëndetësor dhe realizimi i ekzaminimeve falas është pjesë e kontratës për bashkëpunim të nënshkruar ndërmjet Klinikës dhe Sindikatës së Shoqatave të Pensionistëve të Maqedonisë, dhe realizohet në bashkëpunim me organizatat lokale. Karvani do të vizitojë të gjitha ato vende dhe qytete ku aksesi për ekzaminim specialistik është i pamundur. Në periudhën e ardhshme karvani do të drejtohet në qytetin të Koçanit, Makedonska Kamenica, Dellçev, Berovë dhe Pehçevë.
Me këtë aktivitet, Klinika Zhan Mitrev rrit ndërgjegjësimin e publikut në drejtim të kujdesit për shëndetin kardiovaskular me parandalimin në kohë të sëmundjeve të zemrës ndaj grupeve të veçanta të synuara, identifikimin dhe zvogëlimin në kohë të vulnerabilitetit.
Me ftesë të Shoqatës Kroate të Fizioterapistëve, kolegu ynë Blazhe Arsov, i cili është edhe kryetar i Shoqatës së Fizioterapistëve të Maqedonisë, mori pjesë aktive në kongresin ndërkombëtar të fizioterapistëve, Physiotherapia Croatica, i cili u mbajt nga data 4 deri më 5 maj. Morën pjesë mbi 150 fizioterapistë nga rajoni (Kroacia, Sllovenia, Bosnja dhe Hercegovina dhe Maqedonia).
Në mesin e 30 punimeve të prezantuara në fushën e fizioterapisë ishte edhe ai i kolegut Blazhe Arsov me temë “Sfidat e fizioterapisë në trajtimin e pacientëve me LVAD të implantuar” (bashkautorë Leposava Lazarovska dhe Dr. Tanja Angjusheva). Tema ngjalli interes dhe dëshirë për të krijuar bashkëpunim dhe hulumtim të përbashkët në fushën e trajtimit të pacientëve me LVAD. Po ashtu në kuadër të kongresit, Shoqata Botërore për Fizikoterapi WORLD PHYSITERAPY njoftoi se aplikacioni për pranim në shoqatë (MFZ) është miratuar nga të gjithë anëtarët dhe se zyrtarisht bëhet anëtare e kësaj organizate botërore.
MFZ është organizatë joqeveritare, themeluesit dhe menaxhuesit e së cilës janë pjesë e ekipit tonë të fizioterapistëve dhe aktualisht përfaqësojmë Maqedoninë në fushën e fizioterapisë.
Gjithashtu, me ftesë të Odës së Fizioterapistëve të Kosovës dhe kompanisë Iskra Medical nga Sllovenia, para 800 fizioterapistëve nga rajoni i gjerë i Kosovës, Shqipërisë, Italisë, Turqisë, Kroacisë, Sllovenisë, morëm pjesë aktive në ligjeratën me temë “Stimulimi Funksional Magnetik”, ku si përfaqësues të vetëm nga Maqedonia prezantuam punën e fizioterapistëve nga departamenti për trajtim intensiv në Klinikën Zhan Mitrev.
Dr. Zhan Mitrev dhe Klinika Zhan Mitrev morën mirënjohjen “Oskar i humanizmit” nga Kryqi i Kuq i Maqedonisë. Çmimi dhe mirënjohja jepen për humanizëm të demonstruar dhe mbështetje të parezervë të aktiviteteve të kësaj organizate.
“Mirësia duhet të mbizotërojë, edhe nëse dikush bën keq, duhet t’ia ktheni me mirësi”. Prandaj ka njerëz kaq të mirë, humanë, të cilët, pavarësisht çdo gjëje, bëjnë vetëm vepra të mira. Disa në mënyrë amatore, disa në mënyrë vullnetare, disa në mënyrë profesionale, por bëjnë gjëra të mira dhe ndihmojnë të tjerët. Jam vërtet krenar që jam këtu, në mesin tuaj, me kaq shumë njerëz të mirë, dhe ky çmim vetëm më bind se njerëzimi dhe mirësia e sinqertë e ndryshojnë botën për mirë”, tha Dr. Mitrev gjatë marrjes së çmimit.
Klinika Zhan Mitrev në vazhdimësi tregon mbështetjen e saj për aktivitetet e Kryqit të Kuq të Maqedonisë duke marrë pjesë në të gjitha aktivitetet humanitare dhe donatore të organizuara nga organizata, si dhe me aksione të rregullta të dhurimit vullnetar të gjakut që kontribuojnë në rritjen e nivelit të kulturës shëndetësore dhe ndërgjegjësimit publik për nevoja e vazhdueshme për dhurimin e gjakut. Me pjesëmarrjen masive në aksionet e dhurimit të gjakut nga ana e punonjësve si dhe me ndihmën shtesë nga Klinika Zhan Mitrev për aktivitetet humanitare të Kryqit të Kuq, klinika konfirmohet si një kolektiv me vlera të larta etike, humane dhe morale.
“Oskar i humanizmit” është ndarë në kuadër të Ditës Botërore të Kryqit të Kuq dhe Gjysmëhënës së Kuqe.
Këtë vit, Spitali Klinik Zhan Mitrev tradicionalisht mbështet fushatën evropiane për rritjen e ndërgjegjësimit për zbulimin e hershëm të kancerit të lëkurës. Kontributi ynë në këtë kauzë do të jetë në formën e një aksioni njëditor me ekzaminime dermoskopike falas të kryera nga dermatologet tona Dr. Angjelka Ilieva dhe Dr. Alexandra Lazarevska.
Shqyrtimet do të mbahen në 3 lokacione, përkatësisht: 18 Maj, Zhan Mitrev Klinka në Shkup, nga ora 10:00 deri në 17:00. 22 Maj, Zhan Mitrev Diagnostik Manastir nga ora 12:00 deri në 17:00 dhe 25 Maj, Zhan Mitrev Diagnostik Strumica nga ora 11:00 deri në 17:00.
Rezervoni ekzaminimin tuaj falas në 02/ 3091-484 Shkup, 047/266-633 Manastir dhe 034/320-302 Strumicë dhe merrni udhëzime shtesë për parandalimin e kancerit të lëkurës dhe këshilla se si të kujdeseni siç duhet për shëndetin e lëkurës tuaj. KANCERI I LËKURËS SHËROHET NËSE ZBULOHET NË KOHË!
Ekzistojnë dy lloje të otitit media akut: otitis media akut dhe otitis media me efuzion/rrjedhje.
Otitis media me efuzion, i njohur në mjekësi edhe si otitis media sekretore, është një gjendje në të cilën veshi i mesëm mbushet me lëng jo-infektiv dhe seroz.
Zakonisht shfaqet te fëmijët nga mosha 6 muaj deri në 3 vjeç dhe mund të zhvillohet në dy drejtime: lëngu kullon vetë brenda 4 – 6 javësh ose mbetet dhe kthehet në një infeksion me simptoma: ulje të dëgjimit, qelbëzim/sekrecion, temperaturë, dhimbje etj.
Shkaqet e shfaqjes së efuzionit
Shkaku i shafaqjes së efuzionit, pra drenazhit të dobët në veshin e mesëm, është mosfunksionimi i tubit Eustachian, pra i kanalit që shërben për të barazuar presionin në veshin e mesëm.
Mosfunksionimi mund të shkaktohet nga:
tubi Eustachian i pazhvilluar,
adenoidet e skuqura/përflakura
inflamacione ose ftohje të traktit të sipërm respirator ose alergji që shkaktojnë probleme/pengesa në zgavrën e hundës
keqformime të tubit Eustachian
Në këtë kontekst, është veçanërisht e rëndësishme të përmenden faktorët predispozues si: ftohja, qëndrimi në kopshte dhe çerdhe, pirja nga shishja gjatë qëndrimit shtrirë në shpinë, qëndrimi në ambientet e pirjes së duhanit, mos ushqimi me gji, infeksionet e shpeshta të veshit apo anomalitë e lindura kraniofaciale.
Simptomat
Simptomat më të zakonshme në otitis media me efuzion janë:
vështirësi në dëgjim në njërin ose të dy veshët
ndjesi e mbushjes së veshit
njdesi e plasaritjes së veshit
vështirësi në të folur
paqëndrueshmëri gjatë ecjes
Metoda e diagnostikimit
Diagnoza vendoset gjatë ekzaminimit otoskopik, ku vizualizohet një membranë e turbullt e daulles së veshit dhe pas saj ka lëng me flluska ajri që luhaten. Për të konfirmuar diagnozën, bëhet timpanometria, e cila tregon palëvizshmëri të daulles së veshit.
Trajtimi
Trajtimi është individual për çdo fëmijë. Në disa raste, mund të ndodhë një remision i pavarur i efuzionit dhe zgjat 4-6 javë. Duke vepruar kështu, jepet terapi vitaminash e pasuruar me zink, ndërsa antibiotikët, antihistaminet dhe dekongestantët konsiderohen se nuk ndihmojnë në përmirësimin e gjendjes. Nëse efuzioni vazhdon më shumë se 2 muaj, bëhet miringotomia dhe nëse është e nevojshme adenoidektomia, gjatë së cilës tek fëmija bëhet mënjanimi i bajames së tretë. Një pjesë e vogël e daulles së veshit pritet në vesh, evakuohet sekrecioni dhe lirohet presioni nga veshi i mesëm, më pas vendoset një tub ventilimi që do të qëndrojë në daulle të veshit në mënyrë që të sigurojë ventilim derisa tubi Eustachian të vendosë funksionin e tij.
Nëse ndërhyrja e nevojshme vonohet, mund të çojë në komplikime të tjera si:
inflamacione akute të përsëritura të veshit të mesëm
Dr. Simona Patçeva e cila është vetëm 30-vjeç po e ndryshon realitetin në kardiokirurgjinë dhe qasjen në trajtimin e pacientëve në Maqedoni. Si pjesë e ekipit të Klinikës Zhan Mitrev, ajo u bë mjekja e parë femër në Maqedoni e specializuar në kardiokirurgji dhe është lidere e gjeneratës së re të kardiokirurgëve me trajnim dhe njohuri në teknologjinë moderne që zbatohet për shpëtimin e jetëve.
Ju jeni mjekja e parë femër në Maqedoni e specializuar në kardiokirurgji, si vendosët të specializoheni në këtë fushë. Çfarë do të thotë për ju kardiokirurgjia?
Që në gjimnaz jam interesuar për mjekësinë, veçanërisht zemra si organ dhe sistemi kardiovaskular më kanë tërhequr me tepër vëmendje. Për mua, zemra ka qenë gjithmonë një qendër interesi, pjesërisht edhe filozofikisht – qendra që kontrollon emocionet, karakterin e një personi, vendosmërinë nëse një person do të jetë i mirë apo jo, dhe sigurisht lojtari kryesor i të gjithë organizmit që dikton ritmin e pjesës tjetër të organeve. Edhe pse fshehurazi imagjinoja dhe doja të bëhesha kardiokirurge, edhe atëherë isha e vetëdijshme se është një rrugë mbi të gjitha e vështirë, madje edhe më e vështirë për një grua, sepse kjo konsiderohet një degë e mjekësisë që trajtohet profesion mashkulli dhe vlen si një sukses që arrihet vetëm nga më të guximshmit dhe më të durueshmit.
Që atëherë doktor Mitrev ishte idhulli im, lexoja rregullisht revistën e atëhershme “Zdravstven kod” dhe fillova të interesohesha për rrugën e një kardiokirurgu. Gajtë një kongresi kardiologjik, pata mundësinë të takohesha me doktor Mitrevin dhe i tregova për ambicien dhe dëshirën time për t’u specializuar në kardiokirurgji, dhe ai më tha “vazhdo kështu” dhe se kardiokirurgjia është mënyra e duhur për të ndihmuar dikë dhe se mundësitë dhe perspektiva para meje janë të pafundme.
E keni filluar karrierën në Klinikën Zhan Mitrev, cilat janë mundësitë për zhvillimin, rritjen dhe avancimin profesional në atë mjedis?
Pas mbarimit të Fakultetit të Mjekësisë në Shkup, menjëherë bëra regjistrimin për studimet e doktoraturës në Fakultetin e Mjekësisë në Lubjanë. Përfundova studimet si një ndër 10 studentët më të mirë të gjeneratës sime, me notë mesatare të lartë, kështu që nisa doktoraturën në moshën 26-vjeçare. Mbaj mend se ndërkohë që ndodhesha atje, në Klinikën Zhan Mitrev u hap një konkurs në të cilin unë sigurisht aplikova. Vetëm disa muaj më vonë kur u ktheva në Maqedoni, caktuam intervistë pas së cilës dhe u punësova, kështu që kjo është puna ime e parë. Kur më pyetën se në cilën fushë do të specializohesha, përgjigja ishte në fushën e kardiologjisë – nuk pata guximin të thoja në fushën e kardiokirurgjisë. Në mënyrë krejtësisht sponatane si pjesë e turneve në sallën e operacionit, doktor Mitrev i cili gjithmonë dëshiron që ne të gjithë të përpiqemi të gjejmë veten aty ku më së shumti na përshtatet puna më dha mundësinë që të qëndroja në kardiokirurgji.
Çfarë mendoni se është më e rëndësishme në qasjen dhe trajtimin e të sëmurëve?
Gjëja më e rëndësishme është ndjeshmëria, humanizmi, të vendosësh veten në vendin e dikujt që ka problem, të pyesësh veten se si do të diheshe nëse do të bëhej fjalë për një person të afërt. Vetëm atëherë mund t’i kushtohet vëmendje maksimale, duke i vënë 100% në vend të parë nevojat e pacientit në atë moment.
Si përfaqësues të vetëm nga Maqedonia, së bashku me kolegun tuaj, keni qenë pjesë e ekipit që testoi simulatorin e realitetit virtual në Holandë. Çfarë përfaqëson kjo dhe çfarë risie sjell në trajtimin e të sëmurëve me zemër?
Teknologjia, si në sferat e tjera të jetës, do të lehtësojë shumë gjëra edhe në mjekësi. Realiteti virtual është vetëm një shembull se si mund të përdoret në trajnimin e ne kirurgëve të rinj dhe si të përmirësohet zhvillimi i rutinës së punës. Simulatori ka për qëllim edukimin në fushën e kardiokirurgjisë, veçanërisht duke përfshirë dhe përjashtuar pacientët nga qarkullimi ekstrakorporal, si dhe reanimimin kardiopulmonar pas operacionit të zemrës.
Vetë simulatori përbëhet nga syze VR (virtual reality) që lidhen me shkopinj që mbahen në duar dhe softueri special i monitorit transmeton lëvizjet e kursantit në trupin e pacientit virtual. Aplikimi i simulatorit VR për mësimin dhe trajnimin e kardiokirurgëve të rinj ka disa përparësi, mbi të gjitha në edukimin konkret.
Është ndjenjë e mirë të kesh mundësinë të marrësh pjesë në zhvillimin e këtij mjeti me ide dhe sugjerime dhe në mënyrë aktive si pjesë e ekipit për të dalë më në fund me një produkt të përfunduar që shpresojmë se do të pranohet nga Shoqata Evropiane për kirurgjinë kardio-torakale dhe të bëhet pjesë e trajnimit të rregullt të kardiokirurgëve. Për shkak të mundësive të mëdha për të mësuar dhe kësaj mënyre edukimi dhe trajnimi, ky simulator pritet të gjejë një përhapje të gjerë në të gjithë botën në vitet e ardhshme.
Sa i rëndësishëm është monitorimi i teknologjisë moderne në qasjen mjekësore dhe cila është përvoja juaj e fituar në klinikën Zhan Mitrev?
Për fat të mirë, Klinika Zhan Mitrev ndjek trendet botërore, teknologjia përdoret shumë. Një spital i rrallë ku çdo gjë është e dixhitalizuar, të gjitha të dhënat janë elektronike, për ne si një brez që jemi rritur me kompjuterë është vërtet e lehtë dhe praktike që nga një tablet të hapësh p.sh. epikrizën e pacientit dhe të krahasosh laboratorët përmes grafikëve që prodhon automatikisht softueri, pa qenë nevoja të plotësohen listat e terapisë siç bëhet ende në vende të tjera. Skanimet koronare, rrezet X hapen me një klikim. Është mirë që ka shumë pika kontrolli dhe mundësia e gabimit është reduktuar ndjeshëm.
Cilat janë mundësitë për avancim të praktikantëve të rinj në Maqedoni, çfarë nevojitet që të mos largohen dhe të qëndrojnë duke punuar në vend?
Ka vend për të përparuar edhe në Maqedoni, por duhet shumë punë. Si student, pata mundësinë të ndjeja se si është të jetosh dhe të punosh në sisteme të tjera. Vërtet, kursantët dhe mjekët e rinj atje janë me fat, kanë mundësi të mëdha, u është hequr një barrë e madhe kujdesi sepse kujdeset shteti për ta, detyra e tyre e vetme është të studiojnë, të jenë në detyrë dhe të kujdesen për pacientët.
Tek ne kanë mbetur ende shumë çështje administrative, shqetësime financiare, probleme për punësimin nëse kemi të bëjmë me specialistë privatë. Avantazhi i të qenit në një klinikë private është i madh për mua, ndihem i sigurt, punoj në një sistem ku mundi dhe puna shpërblehen, sa më shumë të investosh aq më shumë do të marrësh. Jam e lumtur që kam mundësinë të mësoj nga kardiokirurgu më i mirë dhe ky është motivimi më i madh për mua që të bëj më të mirën. Sepse e di që një ditë do të punoj në mënyrë të pavarur dhe nuk ka vend për gabime apo improvizime apo dilemma nëse punon sic duhet apo jo.
A ndikon në punën tuaj ajo që ndodh me akuzat ndaj klinikës? Sa e ndjeni ju si personel mjekësor këtë presion?
Kemi kaluar një periudhë shumë stresuese, sigurisht që nuk është e lehtë të dëgjosh akuza të tilla. Secili prej nesh e ndjeu pjesërisht si një sulm personal. Ne jemi një ekip, kemi punuar pa u lodhur gjatë periudhës së Covid-it, kemi pasur madje edhe 12 turne dezhurni 24-orëshe në një muaj, janë shumë orë duke hequr dorë nga jeta jonë personale për të ndihmuar dhe shpëtuar sa më shumë njerëz. Nuk është një ndjenjë e këndshme kur dëgjon se ajo punë jo vetëm që nuk vlerësohet, por edhe dënohet më ashpër. Megjithatë, mendoj se puna na mban të zënë, punojmë pa u lodhur gjatë gjithë kohës, ndaj nuk kemi shumë kohë për t’iu kushtuar komenteve anësore.
