Месец: м.г

Тимот интервентни кардиолози на Zan Mitrev Clinic денеска за прв пат во државава направија аблација на дете, поточно, аблација на акцесорен пат во десно – постеросептална регија.

Станува збор за осумгодишно дете кое подолго време имало проблем со тахикардија т.е. брза срцева работа. Интервенцијата заврши успешно по што наскоро детето со своите родители ќе биде пуштено дома. Од тимот кој што ја изведе оваа онтервенција велат дека на прво место била безбедноста на пациентот за што многу се внимавало како и на позитивниот краен исход.

Родителите се обратија до нас и побараа помош за ова детенце кое страдаше од тахикардија. Го примивме и денеска со три екипи составени од анестезиолози, кардиолози и електрофизиолози, направивме електрофизиолошка студија. Се провоцира едната кардија каде што импулсот патува по нормалниот пат и се враќа по аксесорниот пат по десна постеросептална регија и тука го прекинавме тој импулс. Резултатот е успешна аблација на акцесорен пат во десно постеросептална регија. Детето имало тахикардија, a и кружење на импулсот меѓу предкомората, комората и акцесорниот пат, a ние го прекинуваме само едниот дел од патот и на тој начин се прекинува само тахикардијата. Го прекинуваме тој пат што не остава последици, а тоа е овој акцесорниот пат. На тој начин го решаваме овој проблем. Бидејќи е дете значи дека е потребна специфична анестезија, па треба да се работи со помал и потенок материјал којшто ние во Zan Mitrev Clinic го имаме и го користиме – појаснуваат од тимот на нашата клиника.

Со посебно задоволство ве информираме дека во тек се подготовките за петата Едукациска школа за медицински сестри и техничари во ПЗУ ЖАН МИТРЕВ – Скопје.
Ги повикуваме сите заинтересирани медицински сестри/техничари кои имаат положен државен испит, со или без работно искуство, со мотив за професионална обука и надградување, кои се заинтересирани да работат во ПЗУ ЖАН МИТРЕВ, да ги поднесат CV-јата на vrabotuvanje@zmc.mk со назнака: „За Едукациска школа“, од 27.09.2018 до 05.10.2018 година.

Со сите избрани кандидати ќе биде закажан информативен разговор.

Фармацевтите се здравствени професионалци кои може да ја имаат значајната улога во обезбедување на ефикасна грижа за пациентите. Тие имаат знаења и вештини кои овозможуваат менаџмент на терапијата со лекови, давање на совети за здравјето и превенција од болести, како и примарна здравствена заштита.
Во целиот свет, денес, на 25ти септември, се одбележува СВЕТСКИОТ ДЕН НА ФАРМАЦЕВТИ! Овој ден е основан од страна на Интернационалната фармацевтска федерација – ИФФ (International Pharmaceutical Federation – FIP). Тоа е Светска федерација која претставува три милиони фармацевти и фармацевтски научници, со цел да го потсети општеството за непроценливата улога на фармацевтите и фармацевтските научници како интегрален дел од здравствениот тим.
Целта на Светскиот Ден на фармацевтите е организирање на активности за промовирање и залагање за улогата на фармацевтот во подобрување на здравјето ширум светот.
Интернационалната фармацевтска федерација секоја година одбира приоритетна област како тема за Светскиот ден на фармацевтите. Овој пат, мотото за 2018 година гласи „ФАРМАЦЕВТИТЕ СЕ ВАШИТЕ ЕКСПЕРТИ ЗА ЛЕКОВИ“.
Со оваа тема се нагласува дека фармацевтите се сигурен извор на знаење и совети, не само за пациентите, туку и за другите здравствени работници.
Ова ќе биде 8ти-от Светски ден на фармацевтите и истиот ќе се искористи од страна на членовите на Интернационалната Фармацевтска федерација од целиот свет за да се потенцира влијанието и вредноста на фармацијата како професија, како и улогата на фармацевтот во подобрување на здравјето.

„Еден мој пријател, роден во Македонија, ми ја препорача вашата болница“, ја започна приказната Јуан Ши, ќерка на нашиот пациент Хуазху Ши, кој дојде од Бијинг, Кина. Тој беше опериран од д-р Жан Митрев и му беше заменета валвула и беа вградени два коронарни бајпаса.

„Откако мојот татко почуствува срцеви потешкотии решивме да дојдеме во ZAN MITREV CLINIC во Македонија бидејќи во Кина има многу пациенти, а недостигаат добри хирурзи, па мора многу долго да се чека за термин за операција. Исто така услугите во кинеските болници не се  како во оваа клиника и доколку мојот татко требаше да остане таму, барем двајца роднини ќе мораа да се грижат за него за време на престојот. Ние имавме малку време, а и немавме енергија да се впуштиме во потрага по добри доктори кај нас, па затоа ја прифатив препораката да дојдеме тука, бидејќи барав добра услуга и современа технологија” – нагласи таа.

Г-ца Јуан е воодушевена од изгледот на болницата и од услужливоста на медицинскиот кадар.

„Квалитетната медицинска услуга ме прави посебно среќна, бидејќи татко ми не беше во состојба да прима храна, а докторите и сестрите направија се за да ни помогнат. Ние многу го цениме тој професионален однос”, истакна гостинката од Бијинг.

Таа рече дека ваков Вип апартман, како во ZMC, тешко можете да најдете во Кина дури и да сте некоја значајна политичка личност, а посебно ако сте обични луѓе, бидејќи таму недостигаат капацитети, па затоа е посебно изненадена од удобството и целокупната атмосфера ги надминала нејзините очекувања.

„Професионализмот на д-р Жан Митрев ме направи многу задоволна и ми влеа сигурност во врска со операцијата, која помина успешно и татко ми многу брзо закрепна”, заклучи ќерката на г-н Хуазху и се заблагодари за врвната услуга на целиот оперативен тим.

Господин Хуазху Ши заздрави и неколку дена по операцијата и пред неговото заминување се виде со доктор Жан Митрев кој уште еднаш му посака добро здравје. Семејството Ши замина на неколкудневен одмор во Охрид со цел продолжување на рехабилитацијата и туристичко разгледување на нашата држава.

Антон Мориц, поранешен директор на Универзитетската кардиохируршка клиника во Франкфурт, Германија

Често пати сте во нашата држава и нашата клиника, какви ви се впечатоците од тие посети?

А.М. – До сега неколку пати сум бил во Македонија. Уште во 1979 год. со сопругата одлучивме да се враќаме од едно кампување низ Грција преку Охрид. После отворањето на болницата 2000 година , во поранешната Воена Болница,  бев поканет да ја посетам . По повод собирот на македонското здружение за кардиологија и кардиохирургија бевме во Охрид и држевме предавања, и потоа на враќање кон Скопје посетивме многу интересни знаменитости.  На јубилејот од 18 години постоење на Zan Mitrev Clinic во 2018 год. бев поканет на свеченоста и да одржам стручно предавање , посебен момент беше приемот кај Претседателот на Република Македонија.

Како ја оценувате состојбата пред се во кардиохирургијата во однос на развојот и примената на новите методи ?

А.М. –  Дијагностиката и хируршкиот третман како и понатамошниот третман се на исто ниво со останатите европски центри. Објектот многу убаво е уреден и опремен со модерна медицинска опрема. Др. Жан Митрев се погрижи за понатамошен развој на хируршките техники, многу од процедурите добија меѓународно признание на стручните конгреси. Клиниката им пружа многу добра медицинска грижа на пациентите. Во одредени области дијагностиката и терапијата се на највисоко и на иновативно ниво. Како за клиника, која не е непосредно дел од универзитетска клиника , научните активности се извонредни .

Имате изјавено: „Кардиохирургијата е нова гранка, се променија многу работи, има нови можности “ какви се и кои се тие можности на што се однесуваат?

А.М. – Со оглед на  тоа што кардиохирургијата  во значителен размер постои од средина на 70-тите  години, може да се каже дека  досегашниот развој е навистина извонреден. Значајно е зголемувањето на  просечната возраст на пациентот. На почеток на осумдесетите години се држеа предавања дали е возможна кардиохирургија кај пациенти постари од 70 години, додека пак денес просечната возраст на пациентите, кои се третираат е над 70 години. Новите техники, имплантите, машината за вонтелесна циркулација, како и подобрувањето на интензивната нега создадоа можност за лекување на комплексни срцеви заболувања и кај возрасни пациенти , со ограничување на повеќе органски системи.

Во денешно време оперативните методи нудат можности за третман кај тешко болни пациенти без отворање на градниот кош и без примена на машина за вонтелесна циркулација , кои и покрај опишаните подобрувања и во денешни услови претставуваат  преголем ризик за конвенционалните кардиохируршки операции.

Вие, како директор на Универзитетската кардиохируршка клиника во Франкфурт, Германија, може ли да направите споредба со она што се случува кај нас и генерално на Балканот кога е во прашање кардиохирургијата?

А.М. -Јас раководев 22 години со Клиниката за торакална и кардиоваскуларна хирургија при универзитетската клиника во Франкфурт. Од оваа позиција заминав во пензија. Поради тоа морав повеќе време да посветам на подршка на одделите кои ги раководат или кои ги  формираа моите поранешни соработници  и ученици.

Бидејќи не познавам други центри на Балканот освен Zan Mitrev  Clinic, не би сакал да правам генерална споредба во оваа област. Но несомнено е, дека многу клиники пошироко не располагаат со таква опрема, експертиза, организација и контрола на квалитет, како што е тоа случај со Zan Mitrev Clinic. Во однос на опремата оваа клиника во никој случај не заостанува во споредба со стандардот кој го имам доживеано во Германија. Како за институција со фокус на грижата за пациентите, процесите се организирани импресивно и институцијата располага со искусни специјалисти.