Месец: м.г

Во периодот од 11 до 12 јули, во просториите на нашата клиника, а во соработка со вработените од Холандската Амбасада во Скопје, беше оджан дводневен курс за прва помош.
Во склоп на курсот учесниците беа запознаени со основните принципи на давање на прва помош.

Истовремено добија теоретска и практична едукација за самите постапките на давање на прва помош. Првиеот ден беа опфатени ситуации како: срцево-белодробно оживување, употреба на авотматски дефибрилатор, задавување, срцев инфаркт, анафилактичен шок, астматичен напад, епилептичен напад, хипо и хипергликемична кома. Во тек на вториот ден, низ теоретска и практична едукација, учесниците се стекнаа со вештини за давање на прва помош при скршеници, повреди на меки ткива, повреда на рбетен столб, повреди на глава, топлотен удар, сончаница, изгоренци, удар од струја, смрзнатини, како и повреди на око.

Наши обучувачи беа Доц. д-р Тања Анѓушева и физиотерапевтот Никодин Вељановски. Им благодариме на Холандската Амбасада во Скопје за дадената доверба.

На 7 и 8 јули 2022 во просториите на Жан Митрев Клиника беше одржан првиот дводневен курс по магнетна резонанца на срце организиран од Македонско Здружение по кардиологија со подршка од Европското здружение за кардиоваскуларен имиџинг (EACVI).

Курсот го посетија кардиолози и радиолози од нашата земја со што преку низа теоретски предавања и практична “hands-on” сесија се стекнаа со основни познавања за оваа современа, неинвазна дијагностичка и прогностичка моќна алатка која зазема се поголем број на индикации во светските и европски водичи и препораки за практикување совермена кардиологија базирана на докази.

Магнетната резонанца на срце е златен стандард за неинвазивна проценка на структурата, функцијата и ткивните карактеристики на срцевите структури. Едни од основите индикации се миокардитис, кардиомиопатии, срцева слабост од непозната етиологија, конгенитални маани, исхемична болест на срцето, срцеви маси и тумори, болести на перикард.

Предавања одржаа врвни светски експерти во полето на магнетна резонанца на срце како Robin Nijveldt (потпрестедател на EACVI-CMR section), Chiara Bucciarelli- Ducci (CEO of Society of cardiac magnetic resonance), Tomaz Podlesnikar, Bostijan Berlot, Saloua El Messaouidi и Јадранка Стојановска.

Комбинирани предавања и од областа на ехокардиографијата како компаративна метода беа одржани од искусни локални предавачи како Д-р Тања Анѓушева, Проф. Д-р Љубица Георгиевска – Исмаил, Проф. Д-р Елизабета Србиновска, Проф. Д-р Марија Вавлукис и предавања од областа на магнетна резонанца на срце одржани од Доц. Д-р Планинка Зафировска, ко-директори на курсот беа Проф. Д-р Елизабета Србиновска, Доц. Д-р Планинка Зафировска и Проф. Д-р Робин Нијвелдт.

Партиципантите се стекнаа со сертификат за завршено I ниво на магнетна резонанца на срце (Level I CMR) подржано од EACVI и акредитирано од Македонската Лекарска Комора.

Остеопорозата претставува метаболно заболување на коските кое се карактеризира со нивна намалена густина и подложност на скршеници при минорна траума.

Ризик фактори кои придонесуваат за појава на остеопороза се: пушење, недоволен внес на калциум и Витамин Д, возраст над 50 години, рана менопауза, неактивен стил на живот, долготрајна употреба на кортикостероиди.

Сите жени над 65 годишна возраст, треба да направат скрининг за остеопороза со помош на коскената дензитометрија.

Самата дијагноза остеопороза, заедно со проценката на ризик за скршеници вклучува повеќе фази: анамнеза, одредување на коскена густина – DEXA скен, FRAX скор и лабораториски иследувања.
Дензитометријата како рентгенографска техника за откривање на остеопорозе е со голема прецизност. Иако таа може да се користи за мерења на сите коски од скелетот, клиничките мерења вообичаено се прават на слабинските рбетни пршлени и на колковите, а по потреба и на подлактицата.

Коскената густина во овие подрачја се мери затоа што луѓето со остеопороза имаат поголема опасност да направат скршеница токму на овие коски, скршениците на овие места предизвикуваат сериозни проблеми со долго време на опоравување, поголема болка и инвалидност. Секако дека може да се предвидат и идни скршеници на останатите коски.

Иако постојат и многу други техники развиени за оваа намена, сепак остеодензитометријата нуди најпрецизни мерења на повеќе скелетни места со најмала изложеност на зрачење и согласно сите тековни препораки во светот е алатка број еден за соодветен скрининг на остепорозата.
Во Клиничката болница Жан Митрев, на располагање е апарат за мерење на коскената густина (DEXA скен) од најновата генерација, како и искусен лекарски тим специјално обучен и подготвен да препорача понатамошен третман и лекување на оваа состојба.

Моментално снимањето за коскената густина како и компјутерската томографија (КТ), магнетна резонанца (МРИ), РТГ, 2Д и 3Д мамографија и ехо на дојка се со намалување од 30%.

Закажете го вашиот термин на 02 3091 484.

Старт на ракометниот камп Handball Camp 40×20 Macedonia во Охрид

Во организација на KMG Sport започна ракометниот камп за деца кој е предвидено да трае од 19 до 24 јуни. Истиот се одржува во хотелот ,,Аквалина,, на брегот на Охридското езеро. Со децата од Македонија, Шведска и Босна и Херцеговина ќе работат најдобрите македонски тренери со лиценци за Мастер коучинг, тренери од тимовите учесници во супер лига, како и тренери специјализирани за работа со млади категории. Исто така планирани се и предавања за здрав начин живот и исхрана и спортска психологија. Нашите лекари се погрижија на сите деца да им бидат направени потребните прегледи уште пред почетокот на кампот.

Секако покрај тренинзите, забавата и дружењето нема да изостанат. Планирани се прошетки, кајакарење и гостувања од поранешни и актуелни ракометни ѕвезди.

Им посакуваме добар помин на сите учесници во овој летен камп.

Викендов во просториите на естетската дерматологија при Клиниката ZAN MITREV во соработка со Merz Aesthetics успешно беше завршен Master Class за апликација на дермални филери. Работилницата беше водена од КОЛ тренерот д-р Гордана Бијелиќ и нашиот дерматолог д-р Анџелка Илиева. Им благодариме на присутните и на моделите.

Уште еден новитет во центатрот за естетска дерматологија при Жан Митрев Клиника.

Имате потреба од:

• Обликување на телото
• Намалување на целулитот
• Подобрување на микроциркулацијата
• Забрзување на протокот на лимфа
• Зголемување на мускулен тонус
• Затегнување на кожа
• Зацврснување на мускулатурата
• Опуштање на мускулатурата

Ние го имаме вистинското решение за вас!

Третманите со Tesla Former се изведуваат по предходно спроведена бесплатна физиотерапевтска проценка која вклучува: мерење обем на екстремитети, BMI (индекс на телесна тежина), анамнеза, прибирање на информации за болни состојби, проверка за сите индикации и контраиндикации според протоколот за употреба на Tesla уредот.

Бројот на третмани е од 8 до 10 за една иста регија. Истите се спроведуваат секој втор ден бидејки е потребно еден ден одмор на мускулите помеѓу два третмани на иста регија.
Третманот може да се спроведува и секој ден, но само доколку се третира друга регија, при што бројот на третмани треба да се зголеми со цел секоја регија да добие соодветен број на третмани и за да може да се постигнат очекуваните резултати.

Подготвивме специјална цена за пакет од 10 третмани за 15 000 денари. Поединечен третман чини 1800 ден.

За да закажете термин и проценка јавете се на 02/30104-910