Ново во Клиника Жан Митрев! Единствeно во Македонија на одделот за естетска дерматологија пристигна – Nordlys најмоќниот и технолошки најнапреден ласер од американскиот премиум бренд Candela. Оваа ласерска платформа 5 во 1 за прв пат достапна во клиниката, овозможува вистинско решение за дерматолошки и естетски проблеми како: • трајно отстранување на влакна, • брчки, • лузни и стрии, • хиперпигментации, • розацеа, • телеангиектазии, • хемангиоми, • капилари и вени, • бенки, • брадавици, • габични инфекции на нокти и уште многу други.
Информирајте се 072/262-385 и бидете самоуверени со вашиот најдобар изглед. Сите третмани се со летен попуст од 10%.
Летото е период кога всушност вагиналните инфекции можат да зачестат. Затоа информирајте се како да останете безбедни. Гинеколошките прегледи за соодветна дијагноза и навремен третман се клучни.
Зошто во лето има повеќе епизоди на вулвовагинална кандидијаза?
Главната причина за вулвовагинална кандидијаза во лето е влажноста. Поминувањето долги часови на плажа или базен со влажен костим за капење може да ја промени природната pH вредност на таа зона, поттикнувајќи ја појавата на овие инфекции. Покрај тоа, потта, предизвикана од високите летни температури, исто така може да предизвика раст на габи и бактерии во вагиналната област.
Да е потсетиме што претставува вулвовагиналната кандидијаза и кои се симптомите?
Вулвовагиналната кандидијаза (VVC) е подмолна габична инфекција која погодува 3 од 4 жени во одреден период од нивниот живот. Најчесто, вагиналната кандидијаза е предизвикана од интестинална контаминација. И, иако не се смета за сексуално пренослива болест, редовната сексуална активност за прв пат може да го зголеми ризикот од вагинална габична инфекција. Исто така, се смета дека инфекциите може да се поврзани со контакт помеѓу устата и гениталиите, односно оралногенитален однос. Други фактори на ризик за развој на вулвовагинална кандидијаза се: исхрана богата со шеќер, бременост или постојана влага во зоната на гениталиите (носење влажен костим за капење долго време).
Симптоми на вулвовагинална кандидијаза
Симптомите на вулвовагинална кандидијаза може да се движат од благи до умерени и вклучуваат:
Чешање и иритација на вагината и вулвата.
Чувство на печење, особено при сексуален однос или при мокрење.
Неколку совети за спречување на вагинални инфекции во текот на летото
Во лето, важно е секогаш да ја одржувате вашата интимна област сува. Доколку често имате епизоди на кандидијаза, се препорачува често да ја менувате вашата долна облека и вашиот костим по секое капење.
Препорачливо е да користите чиста, сува крпа специјално за интимната зона. Особено во текот на летото, важно е секогаш да носите памучна долна облека. За време на престој на плажа избегнувајте да седите директно на карпи или песок, бидејќи овие површини, кои обично се ладни и влажни, можат да поттикнат појава на инфекции. Се препорачува да се користат соодветни производи за интимна хигиена кои ја зачуваат вагиналната pH вредност.
Пијте многу течности. Водата помага да се елиминираат токсините и бактериите преку урина. Во летниот период додавајте на вашата исхрана боровинки, цели зрна, ѓумбир, маслиново масло и лук. Оваа храна може да помогне во борбата против кандидијазата.
Во клиниката Жан Митрев нашиот долгогодишен тим на гинеколози ви стои на располагање за сите ваши гинеколошки проблеми.
Уникондиларна ендопротеза на колено е минимално инвазивна процедура во однос на тоталната ендопротеза, при која што само оштетениот дел на коленото се заменува со имплант. Се нарекува уште и парцијална , односно делумна ендопротеза на колено.
Гонартроза претставува хронично, дегенеративно оштетување на рскавицата на коленовиот зглоб која предизвикува болка, воспаление и ограничување на движењата. Симптомите се јавуваат постепено и со текот на времето се интензивираат. Во почетокот се изразени при одење, качување односно симнување по скали, а со напредување на болеста болката се јавува и во мирување. Може да се јави оток на коленото како и вкочанетост на зглобот. Често се јавува и деформитет на коленото во облик на О (варус) или Х (валгус) нозе.
Коленовиот зглоб е поделен на 3 компартмани (делови) : медијален (внатрешен), латерален (надворешен) и пателофеморален компартман.
Тоталната замена на коленото е индицирана кај тешки облици на артритис каде што се заменуваат сите оштетени делови на коленото.
Уникондиларната ендопротеза е хируршка опција кај пациенти кај кои што дегенеративните промени зафаќаат само еден дел од коленото (најчесто внатрешниот), додека останатите зглобни површини се интактни-незасегнати, однoсно не се оштетени. Индикација за овој тип на хируршка интервенција се поставува врз основа на анамнестички податоци, клинички преглед и рендген графија на коленото. Во поретки случаи е потребна и магнетна резонанца на коленото. Индикацијата за уникондиларна протеза изнесува околу 50% од пациентите со гонартроза при што на тој начин се избегнува поопсежен оперативен зафат односно имплантација на тотална ендопротеза на коленото.
Кои пациенти се кандидати за уникондиларна протеза
Пациенти кај кои што дегенеративниот процес е ограничен само на еден компартман (дел) на коленото, и тоа најчесто внатрешниот. Кај истите треба да постои:
Стабилно колено (зачувана функција на преден вкрстен лигамент и колатерални лигаменти),
Добра мобилност на коленото (зачуван опсег на движења),
Корективен деформитет на коленото.
Кои пациенти не се кандидати за уникондиларна протеза
Пациенти со нестабилност на коленото (скинат преден вкрстен лигамент),
Пациенти со ограничени движења на коленото и контрактури,
Варус деформитет поголем од 10 степени и валгус деформитет поголем од 5 степени,
Обезни пациенти,
Дегенеративен процес на повеќе од еден компартман на коленото.
Хируршка процедура
Со мал рез се пристапува до оштетениот дел на коленото. Се остранува оштетениот дел од менискусот, минимално се ресецира оштетениот дел на коската на тибијата и фемурот и се поставува имплант во коленото. Не се поставува постоперативна дренажа.
Предности
Мал рез,
Зачувани лигаменти во коленотo,
Помала постоперативна болка,
Подобар обем на движења во коленото,
Помал губиток на крв,
Кус болнички престој,
Заменетиот оштетен дел на коленото го штити здравиот од понатамошно оштетување,
Краток период на опоравување и враќање на секојдневни активности
Пациентот се вертикализира на денот на операција, со оптоварување на оперираниот екстремитет. Се отпушта од болница вториот или третиот постоперативен ден во зависност од неговата општа состојба. Отстранување на конци од оперативна рана се врши на 14 постоперативен ден. Враќањето на секојдневни животни активности е 6 – 8 седмици после оперативениот третман.
Главна причина за појава на цервикален карцином е перзистентна инфекција со високо ризични типови на ХПВ ( хуман папилома вирус), кој е најчестата сексуално пренослива инфекција. Не секој ХПВ вирус предизвикува карцином. Такви се онкогените типови ХПВ 16 и ХПВ18 кои заедно се одговорни за преку 70 % од сите карциноми на грлото на матката.
Скрининг методи
Постојат неколку видови:
Молекуларен тест – тој служи за детекција на присуство на ХПВ. Познат е уште како ХПВ типизација.
Цитолошки тест – овде спаѓаат:
-Конвенционалниот ПАП тест и -Liquid-based cytology (LBC)
Визуелна инспекција. Таа која може да се изведе на два начини:
-со помош на оцетна киселина или Lugol’s iodine -со помош на колпоскоп или камера
Денес препораките на светските здруженија за гинекологија и акушерство поттикнуваат примена на обете методи во зависност од возраста и предходните скрининг наоди, задолжително во комбинација со визуелната инспекција.
Информации кои не смеете да ги заборавите
Почеток на скрининг една година по почеток на сексуални односи.
До 30 години скрининг со ПАП тест на 3 години доклку се негативни наодите.
Од 30 до 65 години постојат две опции – скрининг со цитологија секои три години или скрининг со ХПВ и цитологија на 5 години кај пациентки кои имаат негативни скриинг резултати.
Над 65 години скринингот може да престане кај одредена категорија на пациентки.
Позитивен цитолошки наод или ХПВ типизација со високо ризичен ХПВ тип – индицира понатамошни дијагностички постапки како:
-колпоскопија -биопсија и ендоцервикална киретажа
Дефинитвна дијагноза се поставува по земање на биоптичен примерок и хистопатолошка анализа. Закажете го вашиот преглед на 02 3091 484
Иако звучи прилично компликувано, тој претставува синдром кој се карактеризира со болка и вкочанетост во горниот дел од цервикалниот ‘рбет проследен со главоболка. Синдромот често е придружен и со вртоглавица, проблеми со видот (нистагмус) и аудитивни проблеми (на пр. тинитус).
Овие симптоми може да бидат поврзани и со недостаток на проток на крв (инсуфициенција во вертебробазиларната зона), односно појава на мешање на протокот на крв во вертебралната артерија во позиција кога вратот е наслонет на едната страна, во ротација или истегнат.
Етиологија-потекло на синдромот
Цервикоцефаличниот синдром често пати е мешан синдром предизвикан од спондилогена иритација и компресија.
Суштински фактори предизвикувачи се:
• иритација на сензорните влакна, ретко на моторните и автономните влакна; • иритација или компресија на вертебралната артерија; • иритација на поголемите и помалите окципитални нерви.
Притисокот на вертебралната артерија и симпатичкиот нерв во близина на цервикалниот ‘рбет може да е поврзан со цервикоцефаличниот синдром. Со стимулација на ноцицепторите во зигапофизеалните зглобови може да се стимулираат болки во блиските мускули и тетиви. Ова може да се појави од неправилно позиционирани зглобови на поврзувањето глава/врат, отстапување на цервикалниот ‘рбет од оската на телото, изместување на пршлените и сл.
Овој синдром се карактеризира со главоболки од цервикално потекло, вртоглавици, аудитивни и визуелни нарушувања. Може да се појави и благо нарушување во рамнотежата и намалување на подвижноста на вратот.
Физиотерапија
Оваа состојба се третира со комбинација на конкретни физиотерапевтски модалитети. Во третманот може да се применат следните:
• манипулативни – мануелни техники на цервикалниот ‘рбет; • мобилизациски техники на цервикалните пршлени; • кинезитераписки вежби за врат; • електротерапија, електроакупунктура; • функционална магнетна стимулација (ФМС); • кинезиотејпинг; • истегнување (stretching); • нервромускулни вежби.
Пилонидалниот синус претставува хронична инфективна состојба која се карактеризира со формирање на циста или абсцес во предел на глутеалната или интерглутеалната регија. За оваа состојба постојат уште неколку компликувани стручни изрази (пилонидална циста, сакрококцигеална фистула), но всушност се работи за појавата широко позната како враснато влакно.
Оваа состојба претставува формирање на цистична творба или ограничено гнојно воспаление (апсцес) локализирано во глутеалната бразда. Некои пациенти имаат само една циста додека кај други се создава фистуларна траекторија. Во голем дел од случаите, на површината на кожата се формира отвор преку кој се дренира гнојна содржина.
Третман
Третманот на пилонидалниот синус може да биде спроведен на традиционален начин со класичен хируршки зафат– отстранување на изменетиот сектор кожа со поткожното ткиво се до здраво ткиво или пак може да се примени ласерски третман.
Ласерскиот третман на пилонидален синус претставува минимално инвазивна процедура која користи фокусирана ласерска енергија со цел аблација на изменетото и инфективно ткиво во синусната шуплина.
Предности и недостатоци на двата третмани
Хируршкото отстранување е најстариот начин за решавање на враснато влакно, но најчесто доведува до голем постоперативен дефект на местото на отстранетиот синус. Самото место на рез во зависност од условите, може да се затвори со препокривање со околната кожа преку формирање на кожни флапови или со директно сошивање под голема тензија. А во одредени состојби може да се остави отворен самиот дефект со цел спонтано зараснување. Оваа метода на третман има низок ризик за рецидив односно повторна појава на пилонидален синус. Но од друга страна самиот третман доведува до пролонгиран престој во болница, отежнато зараснување, подолг период на рехабилитација, не можност пациентот да се врати на секојдневните активности, не можност за спортување, почести лекарски контроли, чести преврски, подолг антибиотски третман.
За разлика од оваа класична метода, неинвазивниот ласерски третман претставува значаен напредок во третман на самата состојба. Ласерскиот третман користи прецизна технологија која ни овозможува да го отстраниме изменетото ткиво со минимално оштетување на околното ткиво и кожата. Ласерскиот третман се врши со диоден ласер со 1470 нанометри должина. Овој третман има голем број предности. Тоа се:
Пократко трае зафатот
Безболно е
Престојот во болница е кус
Еднодневна хирургија
Минимален рез на кожата
Минимална постоперативна лузна
Подобар естетски ефект
Брзо зараснување
Кратка рехабилитација
Враќање на секојдневните активности веќе следниот ден
Можност за враќање на работни активности за 7 дена
Можност за спортување по 2 недели
Помал број на преврски
Помала потреба за лекарски контроли
Низок ризик за рецидив
Како изгледа целата процедура?
Предоперативно се одредува постоењето на кожни отвори, се одредува постоење на фистули. Доколку е потребно, се прави снимање на самите фистули – фистулографија. Потоа се прави оперативен план по кој следи предоперативна подготовка по која се пристапува кон изведување на операцијата. Операцијата се изведува во спинална анестезија или комбинирана интравенска седација со локална анестезија. По подготовка на оперативното поле, претходно обележаните отвори на површината на кожата се прошируваат со циркуларен скалпел, при што големината на отворите се проширува до максимум 8mm. Најпрво се отстранува содржината од синусната шуплина, се отстрануваат влакната или другиот дебрис, се прави испирање на синусната шуплина се додека да се отстрани комплетната содржина.
По отстранувањето на комплетната содржина, преку отворот на кожата во самата шуплина ја вметнуваме фибероптичката ласерска сонда. Ласерската енергија ја насочуваме во сите правци во самата шуплина и во околните фистулозни канали со цел да се вапоризира синусот и инфективното ткиво. Како што го извлекуваме ласерот, истиот доведува до хемостаза односно го спречува крварењето со што го намалуваме ризикот од постоперативен крвен подлив, но исто така доведува до успешна редукција на големината на самата шуплина.
По изведениот ласерски третман, во предел на синусната шуплина директно вметнуваме антибиотик, но и колаген стимулатори кои доведуваат до намалување на ризик за рецидив и до побрзо заздравување. Доколку синусната шуплина предоперативно е малечка и доколку отворот на површината е помал од 3мм, тогаш може и воопшто отворот да не се шие, но доколку отворот е поголем од 3mm тогаш се поставува само еден шав на кожата, кој истиот може да биде и ресорптивен односно самиот да отпадне.
Постоперативен третман
По изведениот третман, доколку пациентот се чувствува добро, може да биде отпуштен дома уште истиот ден или следното утро. Пациентот се отпушта со преврска која стои 24 часа. По 24 часа се советува да ја отстрани преврската, да започне со хигиенски третман. Доколку раната е во ред, може и да не се прави преврска или да направи уште една до две преврски во домашни услови. Пациентот се јавува на контрола 3 дена по операцијата со цел проценка на самата рана, евалуација на степенот на болка, одредување натамошна терапија и советување за натамошна физичка активност.
За да закажете преглед, јавете се во нашиот контакт центар на 02/3091-484
болни и воспалени тетиви во пределот на шаката, рачниот зглоб, лактот, рамото, стопалото или ногата
болки и оток во малите зглобови на шаките
болки и оток во малите зглобови на стопалото
мускулна болка -болка во плешките -ослободување на притиснати нерви како карпал тунел синдром, или кубитал тунел синдром? -контрактура на зглоб (вкочанет, ригиден зглоб)? -сите стадиуми на Дипитренова контрактура во шаките (трајно свиткување на прстите), дури и најтешкиот 4 (четврти) стадиум.
Можно е решавање на сите овие состојби без класична операција. Оваа револуционерна метода (интервенција) ја спроведува д-р Синоличка Џамбазова која од скоро е дел од нашиот тим ортопеди. Таа е единствениот хирург за рака на Балканот која ги решава и најсложените проблеми со рацете со оваа специјална оперативна техника без користење на нож (скалпер).
Што треба да знаете за самата интервенција?
Се работи во локална анестезија и трае 30 минути, по што пациентот може веднаш да си оди дома. Нема контраиндикации и нема возрасно ограничување. Оваа интервенција е ТРАЈНО РЕШЕНИЕ ЗА ПРОБЛЕМОТ, нема рецидиви. И токму минималната инвазивност на интервенцијата овозможува и побрзо закрепнување на пациентите. За примената на оваа оперативна техника д-р Џамбазова минатата година го освои 1-то место на светско ниво.
Подмладување, вечна младост, како да се остане млада и посакувана? се теми кои се стари колку и човештвото. Во последните неколку години особено актуелен меѓу жените е трендот за рејувенација, односно подмладување на гениталната област. Оваа процедура се изведува со цел затегнување на внатрешните и надворешните мускули и структури на вагината, со што се подобрува тонусот, силата и контролата на вагиналните мускули. Вагиналното подмладување ја третира и вагиналната релаксација, честа состојба поврзана со породувањето и стареењето. Вагиналното подмладување е процедура со која се решаваат не само естетските туку и функционалните проблеми со кои се соочуваат жените.
Кога зборуваме за вагиналното подмладување, мора да кажеме дека не станува збор само за подобар сексуален живот по направената интервенција. Жените одбираат да се подложат на вагинално подмладување од голем број други причини, а многу од нив немаат никаква врска со сексот. Тоа се генерално проблеми кои произлегуваат од непријатностите поврзани со вагиналната структура чија структура со текот на годините или од некоја причина (породување) се променила. Тука би ги споменале функционалните проблеми, како држење на урината (прокапување при кашлање, смеење), видливо ткиво со лузна од епизиотомија, болка при односи, сувост во вагината, проблеми при движење, спортување или други активности.
Освен решавањето на наброените проблеми како бонус доаѓа и подобрениот сексуален живот како резултат на затегнувањето на вагиналниот канал. Конкретно триењето се зголемува за време на сексуалниот однос и предизвикува поголема стимулација и задоволство за време на сексот. Постојат студии кои всушност покажуваат дека од 83% до 90% од пациентите со вагиналното подмладување доживуваат подобрување во нивниот сексуален живот по интервенцијата. Исто така, освен што вагиналната структура го подобрува сексуалниот живот на пациентките, подобрувањето на естетскиот изглед ја подобрува нивната самодоверба што резултира со зголемено либидо.
Што значи ова за жените?
Тие можат да си го вратат задоволството, чувството на сигурност и самодоверба! Секако клучно е да се избере специјалист за оваа проблематика. Интервенцијата за подмладување на вагината е кратка, трае помалку од 1 час. Идеално ја изведува гинеколог-хирург, специјализиран во областа на естетската вагинална хирургија, што обезбедува оптимални резултати како естетски така и функционално.
Оваа интервенција е долготрајна инвестиција. Иако е нормално сите делови од телото малку да се релаксираат како што старееме, вагиналната област никогаш не треба да се врати на степенот на релаксација која постоела пред интервенцијата.
Пациентките кои планираат да се подложат на вагинално подмладување ќе добијат план за третман кој е целосно персонализиран согласно секоја од нивните потреби. Тие ќе можат да добијат попрецизна проценка уште при нивната првична консултација, односно при темелениот гинеколошки преглед. При тоа докторот – гинеколог ќе го открие степенот на проблемите и ќе разговара повеќе со пациентот со цел да ги дознае за нивните желби. Откако сето ова ќе се земе предвид, се пристапува кон реализација на вагиналното подмладување, односно кон остварување на желбата на пациентот.
Доколку сте заинтересирани за оваа процедура, ве повикуваме да се јавите во контакт центарот на 02/3091-4894 и да закажете консултација со д-р Виолета Николов – гинеколог акушер која е искусна во спроведување на вагинална рејувенација.
