Месец: м.г

СЕ ОДБЕЛЕЖА НЕДЕЛАТА НА БОРБА ПРОТИВ СРЦЕВОСАДОВИ ЗАБОЛУВАЊА

Традиционално и оваа година, во периодот од 21 до 28 февруари беше одбележана неделата на борба против срцевосадови заболувања. По тој повод, СБХБ Филип Втори и Црвениот крст на град Скопје, уште еднаш ја покажаа својата хуманост и грижа за здравјето на сите жители на Македонија. Под мотото “ЖИВОТОТ Е УБАВ ПОД 7” беа реализирани неколку активности наменети за превенција од дијабет. Едукативната брошура со истоимениот наслов во која можат да се најдат седум едноставни чекори за унапредување на нашето здравје, беше дистрибуирана низ повеќе центри и е достапна за секој заинтересиран.

Сл. 1

Во рамки на едукативниот дел, во просториите на Црвен крст беа одржани две интерактивни предавања, од страна на психолог и лекар интернист од СБХБ Филип Втори за медицинските аспекти на дијабетот, како и психолошките компоненти и начините на превенција. Овие предавања беа наменети за младите волонтери како популација која е во еден животен период на интензивен развој и влогот во здрав живот е од пресудно значење за нивното лично здравје, но и здравјето на поколенијата. Оваа година беа повторно овозможени и спроведени бесплатни педијатриски – кардиолошки прегледи за оние кои имаат потреба од нив, а не можат истите да си ги обезбедат. Десет деца од Домот за деца со воспитно-социјални проблеми “25 Мај” имаа можност да го проверат своето здравје и да почувствуваат дека постојат луѓе кои не ги забораваат и се грижат за нив.

Сл. 2

Дополнително, она што е веќе препознатлив дел од одбележувањето на оваа недела, беа посетени три семејства на веќе оперирани пациенти од кардиоваскуларни заболувања, на кои им беа донирани хуманитарни пакети и симболични поклони како знак на благодарност за нивната доверба. Она што за нас како тим беше најзначајно е да чуеме како се тие и како напредуваат во нивното опоравување. Поддршката која доаѓа од нас и од нивните семејства е нешто кое многу им помага во превземањето одговорност за своето здравје. Оваа активност и понатаму ќе биде дел од нашата пракса, не само во рамки на одбележување на неделата, туку и во нашата секојдневна работа.

Хемороидна болест- инвазивно (неоперативно) лекување

Во аналната регија се наоѓаат богати венски сплетови (надворешен и внатрешен), од кои при одредени пореметени состојби настануваат хемороидни јазли. Хемороидните јазли претставуваат мали, артерио-венски поврзувања од кои почнува развој на хемороидната болест.Причините за ова заболување се поврзуваат со отежнатата циркулација во оваа регија, лошата хигиена на аналната регија, состојби како бременост, зголемен тонус на аналниот свинтер и.т.н.Симптомите на ова заболување зависат од тоа дали се работи за внатрешни или надворешни хемороиди односно кој венски сплет е поизразен. Најчести сензации се дискомфорт во аналниот канал, јадеж, крварење и испаѓање на хемороидните јазли.Внатрешните хемороиди со тек на времето лесно се воспалуваат и овие повторувачки процеси доведуваат до оштетување на површината на лигавицата, кое резултира со крварење на светла црвена крв во капки или тенок млаз. На долг рок ова може да доведе до сериозно ослабнување на крвта (анемија), која потоа дополнително го измачува пациентот. Надворешните хемороиди, пак, лесно знаат да тромбозираат што резултира со силна болка и појава на топчеста формација со големина на зрно грашок (помала или поголема) на крајот од аналниот отвор. Тегобите траат неколку дена кога пополека почнуваат да се смируваат.

Сл. 1

Точната и прецизна дијагноза на хемороидната болест е од пресудно значење во изборот за лекување. Односно дали хемороидите ќе ги лекуваме конзервативно (со лекови, чепчиња, и.т.н.), инвазивно (неоперативно) или на пациентот ќе му препорачаме операција.Центарот за третман на хемороидна болест при специјалната болница Филип Втори, располага со најнова апаратура за дијагноза и интервентно лекување на хемороидите. Процедурите се лесни, не бараат престој во болница и траат кратко. Доколку се постави навремена дијагноза и проценка, резултатите на долг рок се одлични. Ова инвазивно лекување се нарекува лигатура или подврзување на хемороидните јазли кое се врши со сет на специјален инструмент за лигација.Основно е да се разграничи и точно да се утврди дали се работи за хемороидна болест кај пациентот, бидејќи под сликата на оваа болест може да се кријат многу поопасни малигни болести (рак на дебелото црево). Затоа нашата девиза е прво комплетен преглед и точна дијагноза, а потоа процена и одлука за типот на третман. На одделот за Ендоскопија и инвазивна Гастроентерологија, сите прегледи (доколку се болни за пациентот) може да се извршат со краткотрајна анестезија и истиот ден односно по еден час болниот си заминува дома.

Регионална интравенска анестезија (RIVA) како метод на избор кај еднодневна хирургија (fast track surgery)

Во склоп со најновите тенденции за намалување на болничкиот престој на пациентите се прибегнува кон користење на регионални техники за анестезија. Што претставува RIVA? Регионалната интравенска анестезија претставува аплицирање на локален анестетик со пониска концентрација во венскиот систем. Овој тип на анестезија е индициран за секоја процедура на раката под лактот или на ногата под коленото, која ќе биде завршена во рок од 40-60 минути. Почетокот на анестезија е брз и може да се добие задоволителна мускулна релаксација. Единствена опрема потребна за да се изврши оваа постапка е манжетна (tourniquet) и интравенска канила, поставена во дисталната вена од екстремитетот на кој што треба да се изврши процедурата. Лек на избор за RIVA е prilocaine или lignocain.Пред почетокот на процедурата треба да се измери крвниот притисок на пациентот. Интравенската канила, потоа, се пласира во дисталната вена од ногата или раката (на пример, во дорзалниот дел на раката или ногата). Потоа се поставува манжетната на надлактицата или бутот. Подобар ефективен блок се постигнува ако екстремитетите се обезкрват пред манжетната да се надува. Ова се изведува така што екстремитетот се обвиткува со Esmarch гумени завои, за да се обезкрви и потоа се надувува манжетната. Меѓутоа, ако оваа постапка е премногу болна за пациентот, прифатливо е едноставно да се подигне раката или ногата за 20-30 секунди, и истовремено да се врши благ притисок на брахијалната или феморалната артерија. Ова ќе овозможи венската крв да се исцеди од екстремитетите, додека притисокот на феморалната или брахијалната артерија спречува понатамошно полнење со артериска крв.

Сл. 1

Манжетната се напумпува до 50mm/Hg или повеќе, над систолниот притисок од пациентот. Локалниот анестетик, потоа, полека инјектира во канилата и на пациентот му се кажува дека на ногата или раката може да чувствува топлина. Аналгезијата настапува во рок од 3-4 минути и тогаш може да се почне со интервенцијата. Ако операцијата е долготрајна, пациентот може да се пожали на болка поради притисокот од манжетната. Оваа болка може да се намали со инфилтрација поткожно од неколку милилитри на локален анестетик над манжетната или со употреба на “двојна tourniquet техника”. Ако се користи методот на двојна манжетна, прво се дува проксималната манжетна (горната) и се аплицира локалниот анестетик. Ако пациентот почнува да чувствува нелагодност или болка, се дува дисталната манжетна (долната), додека проксималната се отпушта. На крајот од постапката, манжетната се отпушта и нормално чувство се враќа во рок од 2-3 минути. Се смета дека ако манжетната бавно се отпушта, стапката на одмивање на локалниот анестетик од екстремитетот е намалено, а оттука и појавата на несакани ефекти е намалена. Интравенската регионална анестезија е исклучително безбедна и многу ретко се јавуваат проблеми. Најважните компликации се должат на токсичноста на локалните анестетици и се случуваат ако манжетната одеднаш се издува веднаш по апликацијата на локалниот анестетик. Забележани се вртоглавица и тинитус, грчење на мускулите. RIVA е едноставна техника која лесно се учи и изведува. Многу е безбедна ако се даваат соодветни дози на локалниот анестетик, ако притисокот во манжетната е внимателно следен.

РАНО ОТКРИВАЊЕ НА РАКОТ НА ДЕБЕЛОТО ЦРЕВО

Кои се причините за развивање на рак на дебелото црево?Причината за развој на ракот на дебелото црево, како и причината за повеќето малигни болести останува непозната. Сепак, во долгогодишните испитувања на светските истражувачки институти за канцер, непобитни се некои факти кои се дел од повеќето причини за развој на оваа малигна болест.Полипи на дебело цревоПолипите се ризик фактор број 1, за развој на ракот на дебелото црево. Може да се јават на било кој дел на дебелото црево и не мора да бидат проследени со симптоми.Фамилијарна предиспозиција и наследни факториБлизу 25% од болните имаат позитивна фамилијарна анамнеза што упатува на наследна предиспозиција. Што значи тоа? Доколку некој од семејството имал тумор на дебелото црево (мајка, татко, баба, дедо, вујко, чичко), независно од која страна, има зголемен ризик во животот да заболи од оваа болест.Начин на исхрана и стил на животИсхраната игра несомнено голема улога во развојот на ракот на дебелото црево. Тоа ја вклопува оваа болест, како “болест на развиените општества”, каде се живее динамично и се консумира претежно брза храна која е богата со животински масти.

Сл. 1

СИМПТОМИРекталното крварење е еден од честите симптоми, кој го прати ракот на дебелото црево. Крвта е помешана со столицата и истата е потемна, но може и да е посветла (кога пациентите мислат дека се работи за хемороиди), при што не се обрнува посебно внимание со што се прави фатална грешка.Друг симптом кај ова заболување е истенчување на изметот (тој се истенчува како врвка). Можна последица на напреднат процес кој ја стеснува внатрешноста на цревото, правејќи ја тесно проодна за изметот. Слабокрвноста е симптом кој е присутен кај многу заболувања, но исто така и речиси секогаш присутна и кај оваа болест.

ДИЈАГНОЗАТочната и навремена дијагноза е условена од адекватна припрема за преглед, така што, доколку болеста се открие во рана фаза (carcinoma in situ), истата е во потенцијално излечива фаза. Дијагнозата на ракот на дебелото црево, најточно се поставува со колоноскопија. Тоталната колоноскопија, насекаде во светот претставува златен стандард за дијагноза на ракот на дебелото црево. Се работи за инструментален преглед со дијагностичка точност над 95%.

ЛЕКУВАЊЕЛекувањето на ракот на дебелото црево е првенствено хируршко (се отстранува туморот со дел од цревото), а потоа пациентот по упат и проценка на хирургот се лекува на институтот за онкологија и радиотерапија.

КОЛОНОСКОПИЈА СО АНЕСТЕЗИЈА, во специјалната болница “Филип Втори” се изведува во општа анестезија (интравенска анестезија, не класична анестезија со интубација), која се практикува секаде во модерните болници во светот и нуди апсолутно безболен преглед, каде што пациентот е под константна контрола на високостручен анестезилошки тим. Со тоа, прегледот е комплетно безболен, а пациентот по 90 минути ја напушта болницата и продолжува со нормални секојдневни активности.

Активно стареење

Како дел од повеќето активности што ФИЛИП ВТОРИ ги реализира со Црвениот крст е и соработката со Дневниот центар за стари лица. Психолог од болницата на 11-ти февруари одржа интерактивна работилница на тема “Активно стареење” со 30-тина присутни, на возраст од 58 до 80 години.

Сл. 1

Беше огромно задоволство да се работи со ведри и расположени лица, кај кои иако хронолошки веќе можеме да кажеме дека влегуваат во третото доба од животот, сепак нивниот дух и ентузијазам, ниту од далеку не ја покажаа староста, туку напротив младата душа која мудрите велат дека никогаш не старее.

Се радуваме на понатамошна соработка со оваа популација, бидејќи за нас е патоказ и показ за успешно и активно стареење.

Akreditime laboratorike

Në hap me standardet botërore, laboratori tonë biokimik është nën kontroll të përditshëm, komplet të kualitetit nga institucione të standardizuara ndërkombëtare. (EQAS – External Quality Assurance Services)

Si rezultat i nivelit të tij të lartë për kualitet, siguri dhe standardizim, laboratori biokimik fitoi edhe një certifikatë ndërkombëtare me vulë të artë për nivel të lartë të kontrollit të kualitetit të tij për të gjitha aparatet. (analizues biokimik, numërues imunologjik dhe hematologjik)

Ajo do të thotë se komplet të gjitha analizat në laboratorin tonë janë shumë të standardizuara, të certifikuara dhe të vërtetuara si të sigurta nga institucion i specializuar ndërkombëtar.

Ai është çmim për ekzistimin tonë të suksesshëm dhjetëvjeçar sipas standardeve botërore, për shkak të asaj se qëndrojmë komplet pas saktësisë dhe sigurisë së rezultateve tona të dhëna.