Месец: м.г

ПЗУ ЖАН МИТРЕВ е современа, модерна и специјализирана болница, уникатна по своите медицински услуги и претставува пример во земјата и регионот по користењето на најсовремените протоколи во лекување и грижа на пациентите. Врвниот медицински тим користејќи современи методи и техники им стои на располагање на пациентите 24 часа во денот, 7 дена во неделата.

ПЗУ ЖАН МИТРЕВ за потребите во РАДИОДИЈАГНОСТИЧКИОТ оддел објавува оглас за вработување на:

СПЕЦИЈАЛИСТ по радиодијагностика или специјализант на последна година на специјализација по радиодијагностика (1 доктор)

Потребни квалификации:

Завршено Медицински факултет – специјализација по радиодијагностика
Познавање на англиски јазик

Личен профил:

Професионален и позитивен однос
Љубезност, учтивост и хуманост,
Способност за самостојна и тимска работа.

Огласот e објавен на 18.09.2017 година и ќе трае до 30.09.2017 година. Доколку сметате дека ги исполнувате наведените услови и сте заинтересирани за нови предизвици и постојан развој на Вашата кариера, испратете Ваша кратка биографија (CV) со Ваша слика, на следната email адреса: info@zmc.mk, со задолжителна назнака „За оглас за специјалист по радиодијагностика“. Само апликациите кои ќе влезат во потесен круг, ќе бидат контактирани. Апликациите без назнака нема да бидат разгледани!

Одделението за интензивна нега во болницата ЖАН МИТРЕВ е опремено со најсовремената апаратура за одржување во живот и мониторинг на пациенти во најтешки, критични здравствени состојби. Една од специфичностите се и најновите пумпи за перфузија на интензивна нега и анестезија со вграден систем за прецизно дозирање на лекови (Alaris Guardrails и Alaris PK Syringe Pumps). Сега, пациентот добива индивидуализираната терапија со лекови согласно неговата телесна тежина, ефективната плазма концентрација или постигнување на саканата мозочна концентрација на лекот. На овој начин значително се подобрува ефикасноста и безбедноста во смисла на безбедно дозирање и апликација на лековите, овозможува прецизна контрола на индивидуализираната потрошувачка на лекови за секој пациент и континуирано следење на дозите на аплицираните лекови за време на болничкиот престој. На овој начин се исклучува човековиот фактор како причина за медицинска грешка и безбедноста на пациентот е подигната на највисоко можно ниво. Ова е само еден пример со кој нашата болница станува дел од светските стандарди за нега и терапија на високоризичните пациенти.

MИКРОБИОЛОШКАТА ЛАБОРАТОРИЈА во болницата ЖАН МИТРЕВ има потреба од:

ЛАБОРАНТ за микробиолошка лабораторија (1 лице)

Потребни квалификации:

Завршено најмалку средно образование ( насока лаборант)
со/без работно искуство
Основно познавање на англиски јазик
Работно користење на компјутер – MS office

Вештини и способности:

Одлични комуникациски и интерперсонални вештини
Организациски способности
Мотивирана и стабилна личност
Флексибилност за индивидуално и тимско работење

Доколку ги исполнувате горенаведените услови и квалификации, Ве молиме испратете го Вашето CV на следната е-маил адреса: info@zmc.mk . Ве молиме во предметот на пораката  задолжително наведете  ја  работната позиција „ЛАБОРАНТ“ за која аплицирате.

Само кандидатите кои ги исполнуваат условите ќе бидат повикани на интервју.

Сите пристигнати биографии ќе се третираат со максимална доверливост.

Огласот e објавен на 15.09.2017 година и ќе трае до 25.09.2017 година.

Студентки од шеста година на Факултетот за медицина при Универзитетот „Гоце Делчев“ од Штип се на едномесечна пракса во ЖАН МИТРЕВ КЛИНИКА. Пред завршувањето со оваа обврска разговаравме со нив за впечатоците, искуство кое го стекнале во овој период…

Моника Блажевска и Андријана Николовска првпат биле во болницата за време на студентската посета која ја имале претходно. „Посакуваме еден ден да бидеме, барем на кратко, дел од овој тим, од оваа болница. Макар и како практикантки“, зборуваше Моника.“ За среќа, тоа и ни се оствари кога аплициравме и бевме одбрани да ја поминеме практиканската работа во овој современ медицински центар“, дополни Андријана.

„Презадоволни сме“, со еден збор го дефинираат нивното искуство кое го стекнале низ одделите во болницата. За Моника најголем впечаток е праксата која ја стекнала во одделот за полуинтензивна нега. „Се е на највисоко ниво. Посебен однос имаат кон пациентите, а при тоа е воспоставен исклучителен колегијален однос помеѓу персоналот. Постојано сме вклучени во работа и вниманието кое го добиваме од персоналот е за поздравување. Тоа го нема ниту во една друга клиника, особено не во државните институции“, дополнија тие. Особена благодарност искажаа кон доц. Д-р Милка Клинчева која несебично споделува медицинско знаење со нив и ги вклучува во секојдневната работа на одделот за полуинтензивна нега. Но, благодарност имаат и кон нивниот ментор д-р Емил Стоицовски. „Д-р Никола Кљусев како и д-р Симона Кригер се секогаш отворени за споделување на медицински знаења со нас, но исто така би ја истакнале и соработката со физиотерапевтите Никодин и Виктор, како и целиот средно медицински персонал. Севкупно, беспрекорно функционираат и тоа е за истакнување“, дополнија двете практикантки.

Хирургијата им е предизвик и сакаат еден ден да бидат успешни во оваа област. Затоа и се фасцинирани од стручноста и начинот на функционирање на хирурзите во ЖАН МИТРЕВ КЛИНИКА, кое го утврдиле при присуството на кардиолошки, гинеколошки и абдоминални операции… Имале можност да се сретнат со д-р Жан Митрев. „Перцепцијата за строг доктор која ја имавме претходно ја сменивме од моментот кога првпат се запознавме и поразговаравме со д-р Митрев. Тоа всушност е толку едноставен, со големо срце и гостопримлив што е дополнителна вредност за да бидеме дел од овој тим и да учиме од најдобрите“, завршија студентките.

Посветеноста е нивна доблест, а желбата да научат повеќе ќе им донесе успех. Им посакуваме нивниот сон да бидат дел од тимот на д-р Жан Митрев да им се оствари до крај!

Во периодот од 07-09.09.2017 се одржа шестата Интернационална конференција за хирургија, анестезија и интензивно лекување во Лондон, Велика Британија. Настанот беше организиран од Conference Series – USA and UK, а самиот настан и предавањата беа лиценцирани преку Британската лекарска комора. Имаше повеќе од 160 учесници од 32 земји од светот.

На конгресот беа презентирани новини од областа на кардиоваскуларните заболувања, дијабетот, современи пристапи во дијагностиката и лекувањето на критично болните. Беше дискутирано за новините од областа на кардиоваскуларната хирургија, општата хирургија, хирургијата на штитна жлезда, ортопедијата и заболувањата на ’рбетниот мозок, за новини во анестезијата со главен аспект кон минимално инвазивните техники за надминување на потребата од општа анестезија и изведување на безбедна и безболна хируршка процедура кај возрасни и деца. За прв пат беа одржани предавања како да се организира правилна лекарска едукација.

На конгресот беа присутни многу предавачи меѓу кои еминенти професори од Универзитетот во Филаделфија, Мисури и Оукланд, Мејо Клиниката од САД, Универзитетот Алберта од Канада Клиниката, Глазгов Универзитетот од Шкотска, Универзитетскиот кампус Јустус Грос од Германија, Сао Паоло Универзитетот од Шпанија, Универзитетската болница од Брисел, од Женева, Австралија, како и претставници од многу други универзитетски клиники од Сауди ска Арабија, Јапонија, Индија и Турција. Посебна чест беше што како претседател на организациониот комитет на овој настан беше доајенот во хирургијата проф. Хенри Голдсмит – иноватор на многу хируршки техники кој воедно ја презентираше и неговата последна техника за хируршки третман на Алцхајмеровата болест и третман на повреда на ’рбетниот мозок.

Како поканет предавач на овој научен собир присуствуваше д-р Тања Анѓушева – спец интернист, супспецијалист кардиолог од болницата Жан Митрев. Д – р Анѓушева имаше усни презентации во две главни сесии. Првиот ден го презентираше нашето 17-годишно искуство во третманот на пациенти со акутен септичен ендокардит. Третиот ден беше презентирано искуството со примена на 3Д трансезофагеалната техника во правилна процена на валвуларните заболувања. Д-р Анѓушева доби посебно признанија за вонредните презентации, што и беа врачени од страна на проф. Голдсмит.

Науката, стручноста и добрата клиничка пракса немаат граници. Размената на искуства и новини во медицината секогаш се во интерес на човековото здравје. Но сепак посебно значи и сме горди кога докторите од нашата болница добиваат покани да бидат предавачи, но и воедно наградени на вакви големи и значајни светски манифестации. Тоа е доказ за стручноста и професионалноста на нашата болница.

Септември е почеток за нови работи, за нови животни поглавја особено за децата од претшколска и школска возраст. Во овој период кога децата преминуваат од една во друга средина, кога се запознаваат со нови правила и се стекнуваат со нови навики се појавуваат и проблеми и дилеми, особено кај нивните родители. Кај многу од нив, чие дете за првпат се одделува од домот и е речиси преку цел ден во градинка или училиште периодот се манифестира страв дека немаат контрола над начинот на исхрана на нивното дете.

Педијатрите од ЖАН МИТРЕВ КЛИНИКА советуваат:

Нема голем простор за паника бидејќи повеќето градинки имаат соодветно скроени менија во кои се внимава на нутртитивните потреби на децата во раст. Во некои градинки е дозволено да се понесе спакувана храна од дома, и ако тоа се здрави оброци за ручек и ужинки, тогаш тоа е доволно за во текот на денот ги одржат навиките за здрава исхрана. Но, многу е важно во овој процес на подготовка и пакување на здрава храна да го интегрирате и Вашето дете. Тоа ќе го поттикне да прави добар избор за исхрана подоцна, кога ќе треба да одлучи што и како ќе се храни.
Кога сте дома, имајте на ум дека нивните порции треба да бидат помали од Вашите, но нивната чинија да има иста големина. При тоа, половина од чинијата треба да е полна со овошје и зеленчук, а остатокот со целозрнести житарки, зрна и протеини, како и додаток на млечни производи (млеко/јогурт).
Правилната нутриција е најдобриот начин со кој можете да му помогнете на Вашето дете во периодот кога расте, а со тоа да поддржите и промовирате правилен начин на исхрана на што се темели и доживотно здраво живеење.
Исхраната за деца се базира на истите принципи како и исхраната за возрасни. Секое дете има потреба од истите видови на хранливи материи-како што се витамини, минерали, јаглехидрати, протеини и масти. Децата, сепак, имаат потреба од различни количини на одредени хранливи состојки на различна возраст.

Која е вистинската формула што ќе Ви биде корисна за да знаете дека правилно ги исхранувате вашите деца? Ви претставуваме кои се основните групи на нутритиенти кои ќе Ви овозможат правилна нутриција за растот и развојот на вашето дете.

Овие типови и групи на храна треба да се основата во секојдневната исхрана на Вашето дете:

Протеини одберете протеини од животинско потекло како месо и живина, морска храна, јајца, грав, грашок и несолени јаткасти плодови.
Овошје охрабрете го вашето дете да јаде различни типови на свежо овошје, понекогаш и замрзнато или сушено овошје. Ако Вашето дете пие сок, бидете сигурни дека тоа е 100% сок без додадени шеќери, а притоа ограничете ја количина до 150-200 мл. Имајте на ум дека половина чаша суво овошје се брои како една чаша од свежо овошје. Кога се консумира во изобилие, сушеното овошје може да придонесе во внесување на екстра калории.
Зеленчук потрудете се да им дадете разновидни, по можност свежи зеленчуци. Секој ден во неделата во исхраната вклучете зеленчук, било со темно зелена, црвена или портокалова боја, потоа грав и грашок, скроб и друго. При изборот на конзервиран или замрзнат зеленчук изберете опција без сол/адититиви.
Житарки подберете цели зрна, како што е лебот од цело зрно на жито, овес, пченка, ориз и други нерафинирани житарки. Ограничете ја употребата на рафинирани / обработени житарки.
Млечни производи охрабрете го Вашето дете да јаде ниско-маслени млечни производи, како што се, млеко, јогурт, сирење.

Целта е да се ограничат калориите кои Вашето дете ги внесува од:

Додавање на дополнителни шеќери во исхраната. Во хранителните продукти има шеќери, како што се оние со овошје и млеко, а при тоа фокусирајте се да не се додаваат шеќери. Примери на додаден шеќер вклучуваат кафеав шеќер, сируп од пченка, мед, маџун и друго.
Ограничете го внесот на заситени и транс масти. Тоа се масти кои доаѓаат главно од животинско потекло на храна, како што се црвено месо, живина и полномасни млечни производи. Заменете ги заситените масти со растителни масла или масла од јаткасти плодови (ладно цедени масла), кои обезбедуваат есенцијални масни киселини и витамин Е. Ограничете го внесот транс масти, преку избегнување на храна која содржи хидрогенизирани масло.

Калориски потреби според возрасните групи и полот детето

Возраст од 2 до 3 години

Калории 1.000-1.400 – во зависност од растот и нивото на активност

Протеини 60-120 грама

Овошје 1-1.5 чаши

Зеленчук 1-1.5 чаши

Зрнести житарки 80-150 грама

Млеко до 2 чаши

Возраст од 4 до 8 години за девојчиња

Калории 1.200-1.800 во зависност од растот и нивото на активност

Протеини 80-150 грама

Овошје 1-1.5 чаши

Зеленчук 1,5-2,5 чаши

Зрнести житарки а 100-200 грама

Млеко до 2,5 чаши

Возраст од 4 до 8 години за момчиња

Калории 1.200-2.000 во зависност од растот и нивото на активност

Протеини 50-150 грама

Овошје 1-2 чаши

Зеленчук 1,5-2,5 чаши

Зрнести житарки 100-200 грама

Млеко до 2,5 чаши

Возраст од 9 до 13 години за девојчиња

Калории 1.400-2.200 во зависност од растот и нивото на активност

Протеини 120-170 грама

Овошје 1,5-2 чаши

Зеленчук 1,5-3 чаши

Зрнести житарки 140-200 грама

Млеко до 3 чаши

Возраст од 9 до 13 години за момчиња

Калории 1.600-2.600 во зависност од растот и нивото на активност

Протеини 140 – 180 грама

Овошје 1,5-2 чаши

Зеленчук 2-3,5 чаши

Зрнести житарки 140-250 грама

Многу е важно да се промовира и физичката активност во периодот на раст и развој. Тогаш се оформуваат навиките за здрав живот, се оформува и ’рбетниот столб, мускулите итн. Се препорачува најмалку 30 минутна физичка активност во текот на денот, а при тоа да се сврти внимание на вежбите за ’рбетниот столб и исправеното држење на телото, практикување на гимнастиката, како и да се ограничи и да се избегнува користење на компјутери, телефони повеќе од 40 минути во тек на денот.

По повод светскиот ден на физиотерапевтите – 8 септември, тимот на физиотерапевтите од ЖАН МИТРЕВ КЛИНИКА се приклучуваат на годинешното мото“ Физичка активност за живот“, испраќајќи порака до сите за поголема физичка активност со што значајно ќе се придонесе за намалување на многу болести. Во тимот на физиотерапевтите е и претседателот на Македонско физиотерапевтско здружение – www.mfz.mk, Блаже Арсов кој потенцира на важноста од одбележување на 8 септември – Светскиот ден на физиотерапевти, со цел подигнување на свеста кај сите колеги за нивната улога и значајниот придонес за одржување на луѓето да бидат мобилни и независни. „Овој ден се одбележува со единство и солидарност на глобалната физиотерапевтска заедница со цел да се признае делото што го прави секој физиотерапевт за своите пациенти како ви пренесуваме дел од препораките за повеќе физичка актиовност“, упати порака Арсов. Тој објасни и зошто е важна физичката активност, односно ги пренесе препораките од Светската конфедерација на физиотерапевти:

Физичката неактивност е 4-иот најголем ризик фактор за смртност на светско ниво и има влијание на 6% смртност во светот.

Редовната физичка активност има влијание на намалување на следниве болести:

30-40% РАК НА ДЕБЕЛО ЦРЕВО
20-35% КАРДИОЛОШКИ БОЛЕСТИ
26-28% ХИПЕРТЕНЗИЈА
20-30% РАК НА ДОЈКА
20-30% ДИЈАБЕТ ТИП 2
20-30% МОЗОЧЕН УДАР

Тимот на физиотерапевти во ЖАН МИТРЕВ КЛИНИКА е важна алка во системот на лекување на пациентите. Тие се секогаш во чекор со светските трендови и техники, посетуваат континуирана едукација со што и се лидери во примена на нови методи и техники во праксата.

ЧЕСТИТ ДЕН НА ФИЗИОТЕРАПЕВТИ! ВАШАТА УЛОГА Е ЕДНАКВО ВАЖНА ВО ПРОЦЕСОТ НА ПОБРЗО И ЕФИКАСНО ЗАКРЕПНУВАЊЕ НА ПАЦИЕНТИТЕ.

„Докторите спасуваат животи, но не заборавајте дека сепак ФИЗИОТЕРАПЕВТИТЕ го прават тој живот вреден за живеење! “

Вашето дете повремено `рчи во сон, таа состојба е присутна подолго време, има немирен сон, често се буди, има зголемено ноќно потење или пак сте забележале дека престанува да дише во текот на сонот…  Ова се симптоми кои наведуваат дека Вашето дете има сериозен здравствен проблем и затоа е потребно да се направи стручно испитување. И кога ќе се вклучи црвено светло, неизбежно е да се закаже педијатриски преглед!

Педијатрите од ЖАН МИТРЕВ КЛИНИКА ќе го прегледаат Вашето дете и доколку има потреба ќе се направи полисомнографско снимање. Тоа е најточна и најсигурна метода со која се потврдуваат промените  во дишењето во текот на сонот кај Вашето дете.

Овие промени во  дишењето може да се резултат на зголемени крајници, дебелина, поради промени во структурата на лицето или пореметувањето во преносот на сигналите од нервите кон мускулите .

Mозокот е најчувствителен орган  на намален  внес  на кислород , а кога  ова се случува во раното детство може да предизвика сериозни проблеми во неврокогнитивниот развој кај децата, како и проблеми во однесувањето (агресивно однесување, хиперактивност), но  и послаби резултати во  училиште. Ноќната апнеа или престанок на дишење во тек на сон  се јавува  кај 1-5% од  детската популација  помегу 2 -8 годишна возраст. Овој период  на рано детство се карактеризира со интезивен раст и развој на многу органи и системи, а намалениот  внес на кислород во овој период  ќе резултира со сериозни  промени во функцијата на истите

Најчест симптом кој што родителите го забележуваат  е `рчењето во сон. Многу од децата повремено `рчат  кога имаат вирусни инфекции на горните дишни патишта, или заради  зголемени крајници. Дали `рчењето кај Вашето дете е сериозен проблем кој може дополнително да влијае на неговото здравје ќе се утврди со со полисомнографско снимање. Тоа испитување се прави со софистициран мал апарат кој се аплицира на пациентот непосредно пред спиење. Снимањето се одвива во домашни услови при што апаратот регистрира  бројни параметри кои се анализираат и од каде Вашиот доктор може да ја утврди тежината  на состојбата, а со тоа да предложи и соодветен третман за разрешување на истата. Затоа, закажете го прегледот кај Вашиот педијатар доколку детето ги има горенаведените симптоми!