Месец: м.г

Новата година означува нов почеток. Вообичаено сите правиме ретроспектива поставувајќи си нови цели. Најчесто станува збор за работи кои би сакале да ги спроведеме во насока на личен напредок и подобрување. Тоа може да вклучува секако и здравствени цели, како што се губење на тежината, следење поздрава исхрана и започнување рутина за вежбање.

Понекогаш овие цели, доколку се премногу рестриктивни и неодржливи, истите ќе бидаат прекршени во рок од неколку недели. Ова е причината зошто многу луѓе си ги поставуваат истите цели од година во година.

За да се прекине тој циклус, важно е да се спроведат вистинските цели кои не само што можат да го подобрат здравјето, туку и ќе се следат доживотно.

Еве неколку такви цели:

Јадете непреработена храна

Еден од најлесните и најодржливите начини за подобрување на целокупното здравје е да јадете повеќе непреработена храна.
Непреработената храна, вклучително зеленчук, овошје, јаткасти плодови, семки, интегрални житарки и риба, содржи многу хранливи материи што му се потребни на вашето тело за да функционира на оптимално ниво.
Истражувањата покажуваат дека спроведувањето на исхрана базирана на непреработена храна може значително да ги намали факторите на ризик за срцеви заболувања, проблеми со телесната тежина и нивото на шеќер во крвта, како и да го намали ризикот од одредени болести, како што е дијабетес тип 2.
И што е најважно, додавањето на повеќе непреработена храна во вашата исхрана може да се прави бавно и доследно. На пример, ако не сте навикнати да јадете зеленчук, започнете со додавање на една порција од вашиот омилен зеленчук во вашата исхрана секој ден.

Седете помалку и движете се повеќе

Многу луѓе седат повеќе отколку што треба. Без разлика дали тоа е поради седечкиот начин на работа или едноставно сте неактивни, премногу седење може да има негативни ефекти врз здравјето. Всушност, тоа може да биде поврзано со зголемен ризик за вашиот живот воопшто.
Одлуката за помалку седење е лесна и достижна цел, која може да се прилагоди за да одговара на вашиот животен стил.
На пример, ако вашата работа е на биро и бара долги периоди на седење, одете 15 минутна прошетка по ручекот или да станете и раздвижете се 5 минути на секој час.

Намалете ги засладените пијалоци

Намалувањето на внес на засладени пијалоци е паметна идеја имајќи предвид дека токму засладените пијалоци се поврзани со зголемен ризик од дебелина, замастен црн дроб, срцеви заболувања, отпорност на инсулин и кариес и кај децата и кај возрасните .
Иако комплетното откажување од засладените пијалоци е секогаш опција, постепеното намалување на внесот може да ви помогне да се ослободите од навиката за слатки пијалоци засекогаш.

Спијте поквалитетно

Спиењето е суштински дел од целокупното здравје, а лишувањето од сон може да доведе до сериозни последици. На пример, недостатокот на сон може да го зголеми ризикот од зголемување на телесната тежина, срцеви заболувања и депресија.
Постојат многу причини зошто луѓето не спијат доволно, па затоа е важно да се фокусирате на вашиот распоред и начин на живот за да ги одредите најдобрите начини за подобрување на количината и квалитетот на спиењето.
Намалувањето на времето поминато на сите видови електронски уреди (ТВ, мобилен, компјутер итн.) пред спиење, намалувањето на светлина во вашата спална соба, намалувањето на кофеинот и легнувањето во разумно време, се неколку едноставни начини за подобрување на навиките за спиење.

Најдете физичка активност во која ќе уживате

Секоја Нова Година, луѓето купуваат скапи членства во теретани, студија за вежбање и онлајн фитнес програми со надеж дека ќе ги решат вишокот телесна тежина во годината што доаѓа. Иако повеќето луѓе почнуваат интензивно, мнозинството не ја претвораат својата нова рутина во трајна навика.

Сепак, постои начин да си ги зголемите шансите за остварување на целите поврзани со вежбање. За да започнете, изберете активност во која ќе најдете задоволство и ќе уживате. Секако клучно е таа да се вклопува во вашиот распоред.
На пример, пешачењето половина час, џогирањето или возењето велосипед пред работа или пливањето и вежбање во теретана што е на пат кон дома, се едноставни и одржливи решенија за вежбање.

Потоа, поставете остварлива цел. Планиирајте да пешачите неколку одредени денови неделно наместо да се стремите кон секој ден.
Поставувањето пореална цел може да ги зголеми шансите вашата нова рутина да биде трајна, особено ако започнувате со вежбање.

Одвојте повеќе време за себе и вежбајте грижа за себе

Одвојувањето време за себе не е себично. Всушност, тоа е императив за оптимално здравје и благосостојба. Ова е особено точно за оние во улоги на старатели, како што се родители и здравствени работници.
За луѓето со полн распоред и ограничено време, донесувањето одлука за поголема грижа за себе може да потрае и да захтева одредено планирање. Сепак, вреди да се вложи напор во обезбедување грижа за себе.
Грижата за себе не мора да биде специфочна или да ви одзема време. Тоа едноставно може да значи да си ја наполните кадата еднаш во неделата, да присуствувате на вашиот омилен неделен час по јога, да подготвите здрав оброк за себе, да одите на прошетка во природа или да отспиете еден дополнителен час.

Гответе повеќе оброци дома

Истражувањата покажуваат дека луѓето кои готват повеќе оброци дома имаат подобар квалитет на исхрана и помалку телесни масти од луѓето кои јадат повеќе оброци во движење, подготвени во ресторан или слично.
Всушност, една студија во 11.396 возрасни покажа дека оние кои јаделе 5 или повеќе домашно зготвени оброци неделно имале 28% помали шанси да имаат прекумерна тежина, во споредба со оние кои јаделе помалку од 3 домашно зготвени оброци неделно.
Започнете со правење еден оброк дневно, а потоа зголемете ја фреквенцијата со текот на времето додека не го подготвите најголемиот дел од вашите оброци и закуски дома.

Иако повеќето новогодишни одлуки се применубваат само за краток период, здравите решенија наведени погоре се одржливи начини за подобрување на вашето физичко и емоционално здравје што може да се следи доживотно.

Создавањето поздрав однос со храната и подобра грижа за вашето тело и ум може драстично да го подобри вашето здравје на различни начини.

Оваа Нова Година, применете барем дел од здравитре навики – и годините што следат – да бидат најздрави и најсреќни можни.

Дали е возможен лифтинг без хируршки зафат? Одговорот е ДА! Возможно е со Ultherapy®
Третманот со Ultherapy® е неинвазивна постапка за лифтинг и затегање на кожата на лицето, вратот и деколтето, единствената која е одобрена од страна на FDA (Американската Федерална Агенција за лекови и храна).

Ultherapy® е ,,златниот стандард,, кога станува збор за нехируршки лифтинг и затегање на кожата согласно следните 3 параметри:
начин на функционирање, голем број клинички докази и високото ниво на задоволство на пациентитие. Секако тука се бројните награди кои ги освојува секоја година во својата категорија како резултат на мислењата на релевантни медицинаки експерти и естетичари

Поттикнете производство на колаген со Ultherapy®

Предностите на Ultherapy®:

• нехируршки третман
• го стимулира производството на колаген
• дава природни резултати
• еднократна постапка

Ulthera пренесува ултразвучна енергија на истиот слој на кожа што хирурзите-пластичари обично ја третираат со хируршки зафат. Со Ultherapy® ефектот се постигнува без сечење на површината на кожата. Токму оваа енергија ја активира природната реакција на телото за да го стимулира формирањето на свеж, нов колаген и да го зајакне слабиот колаген. Некои пациенти забележуваат ефект веднаш по третманот, но вистинските резултати се покажуваат после 2-3 месеци. Создавањето на колаген постепено ја затегнува и ја измазнува кожата на лицето и вратот и деколтето. Во споредба со ласерот, радиофреквенцијата и другите технологии, Ultherapy® продира под површината на кожата пренесувајќи оптимална енергија, температура со огромна прецизност во длабочината на кожата. Ultherapy® има уникатна визуелизација со ехо што овозможува ултразвучната енергија да се пренесува безбедно и на начин кој е најефикасен и каде што е најпотребно. Ultherapy® е интересана алтернатива за оние кои не се подготвени за операција и за пациентите кои сакаат да ги подобрат ефектите од естетската хирургија.

НАУЧЕТЕ КАКО ДЕЛУВА Ultherapy®

Со употреба на комбинирана технологија под ултразвук, Ultherapy® генерира термички ефект под кожата кој предизвикува вашето тело веднаш да започне со процесот за создавање свеж, нов колаген. А ултразвучното снимање, прецизно ги прикажува сите слоеви на вашето ткиво под кожата, така што вашиот дерматолог со помош на Ultherapy® може да го приспособи третманот согласно вашите потреби. Едноставно насочувајќи вистинска количина на енергија, на вистинската длабочина и секако со соодветна температура. Ова со сигурност овозможува енергијата да се достави до областите каде е најделотворно за вас.

Колагенот е природен протеин кој ја одржува кожата во форма и влијае на младешкиот изглед бидејќи ја одржува цврста и тонирана. Како старееме опаѓа продукцијата на колагенот и резултатот е губење на јачината и еластичноста на кожата.
Но нема место за паника – Ultherapy® е тука!
Ultherapy® делува подлабоко за да го стимулира производството на сопствен колаген и еластин.

Може да се применува на следните области на лицето:

• над очните капаци
• во зоната на оразите
• подбрадок
• врат
• деколте

Согласно резултатите од бројните испитувања, докажано е дека производството на колаген по примена на Ultherapy® во просек пораснало за 50%.

НАЈЧЕСТО ПОСТАВУВАНИ ПРАШАЊА

Дали Ultherapy® е безбедна?

Да, Ultherapy® има добро воспоставен безбедносен профил. Ефектите се научно докажани со над 50 клинички студии. Моментално се продава низ целиот свет во повеќе од 78 земји. Изведени се над 1,5 милиони третмани на глобално ниво. Покрај тоа, ултразвучната енергија има докажана примена која во областа на медицината се користи повеќе од 50 години.

Како Ultherapy® се разликува од другите козметички процедури?

Ultherapy® е нехируршки козметички третман кој користи тестирана технологија со ултразвук за стимулација на формирање на нов колаген длабоко под површината на кожата. Третманот трае околу 30 до 90 минути, во зависност од третираната област, без потоа да има потреба од дополнително опоравување. Тоа е и единствената процедура при која се користи ултразвучно снимање, што им овозможува на лекарите всушност да ги видат слоевите на ткивото каде треба да се насочени третманите, а со тоа да се обезбеди депонирање на енергијата токму таму каде што ќе биде најкорисно.
Дали ќе треба да земам слободни денови?
Со Ultherapy®, нема пауза. По процедурата, можете да продолжите со вашите вообичаени активности веднаш, без да мора да следите дополнителни мерки по третманот.

Колку долго трае ефектот?

Бидејќи постапката го стимулира сопственото роизводство на колаген, колку долго ќе траат резултатите зависи од поединецот. Првичните резултати на затегнатост на кожата се видливи уште веднаш. Но, крајните резултати ќе дојдат до израз по вториот, односно третиот месец, како резултат на стимулираниот раст на новиот колаген и еластинот кои го надополнуваат/заменуваат старото ткиво кон кое бил насочен третманот.
Еден третман Ultherapy® може да даде траен ефект кој ќе се задржи повеќе од една година кај некои луѓе. Вашиот дерматолог ќе ве советува за веројатните исходи согласно возраста, состојбата и типот на кожа.

Какво е чувството при третманот со Ultherapy®?

Како што се испорачува енергијата од ултразвукот, може да чувствувате дека се депонираат мали количини на енергија на конкретна длабочина, стимулирајќи го процесот на создавање на колаген. Нивоата на лагодност/нелагодност варираат од личност до личност. Сензацијата трае само додека трае испораката на ултразвучна енергија.

• 

Во Центарот за естетска дерматологија при „Жан Митрев Клиник“ пристигна последната иновација за рано откривање на рак на кожата. Со помош на првиот дермоскопски систем за сликање FotoFinder се добива целосното мапирање на телото и дермоскопија со хигиенско растојание.

Кожата е најфасцинантниот орган на човечкото тело. Ја носиме на себе цел живот, преку неа чувствуваме и восприемаме, а и треба и да изгледаме убаво во неа. Кожата не’ заштитува одново секој ден. Токму оваа фасцинација од најголемиот орган-кожата ги мотивирала иноваторите од Фотофајндер преку континуиран развој да ја реализираат својата пасија да се грижат и да ја лекуваат кожата.

Од визија до реализација

Се’ започнало во 1991 година, на почетокот на новата мултимедијална ера. Андреас и Рудолф Мајер имале визија да развијат база на податоци за дигитални слики која ќе ги направи фотографските архиви излишни! Оваа визија беше всушност камен-темелникот на FotoFinder. Првата канцеларија им била зад една азиска продавница во Минхен, а тие немале ниту бизнис план ниту почетен капитал.

Никој не ни претпоставувал дека FotoFinder ќе еволуира од старт-ап со двајца луѓе во глобален мед-тех бренд. Сето тоа се случило благодарение на контактот со еден професор по дерматологија кој прецизно фотографирал бенки и креирал хартиена архива, процедура која одземала многу време. Наскоро им станува јасно дека следењето на бенките во дигитална форма може да направи револуција во откривањето на рак на кожата!

Така во 1994 година се раѓа медицинската видео камера и наскоро бидува развиен првиот дермоскопски систем за сликање FotoFinder. Во првите неколку години, секоја продажба била достигнување, а испораките патешествие со малиот компактен автомобил низ цела Европа.

Денес, FotoFinder (ФотоФајндер) е светски лидер во видео дермоскопија, наградуван и присутен во над 100 земји ширум светот.

Што е дермоскопија?

Минатата година 2020, беше 100 годишнината од кога за прв пат бил употребен терминот дермоскопија од страна на германскиот дерматолог Јохан Сапиер кој препорачал систематска примена на микроскоп за да ја испита анатомијата на кожата и различните патологии, така Карл Цајс за оваа намена го развил првиот биокуларен површински микроскоп. Но овој термин дермоскопија/дерматоскопија влегува во употреба дури во 1951 година кога го искористил Американскиот дерматолог Лон Голдман, а потоа го презел неговиот Англиски колега Рона Мек Ки.

Потоа следеле години кога научните сознанија биле проследени со технолошки иновации во медицината кои овозможиле рано откривање на меланома и останатите типови рак како што е автоматизираното мапирање на телото. Денес 101 година по првата употреба на овој термин, дермоскопијата е пожива од билокога до сега, полна со нови перспективи и полиња на делување. Дерматолозите од целиот свет се актоивно инволвирани во научните организации, истражувачки групи и форуми кои се занимаваат со оваа тематика.

Добре дојде ФотоФајндер!

Последната иновација за рано откривање на рак на кожата го револуционизира мапирањето на бенки во пост-корона времето: Дермоскопското испитување на целото тело со помош на FotoFinder ги спојува целосното мапирање на телото (Total Body Mapping) и дермоскопијата. Притоа, со хигиенско растојание од повеќе од 1,6 метри до пациентот, прегледот може да се одвива во безбедно опкружување.

Новиот, ултрабрз работен процес ја визуелизира површината на кожата без рефлексија и со спектакуларен квалитет. Ова овозможува преглед на статусот на бенките на пациентот веднаш, без да имапотреба од правење на дермоскопска слика на секоја поединечна лезија. Благодарение на поларизираните, обработени, слики со висока резолуција, структурата на невусите достапна преку слика на целото тело.

Ова е чекорот од целосно мапирање на телото до комплетна дермоскопија на целото тело!

Благодарение на модуларниот дизајн, функционалноста на FotoFinder може да се прилагоди на поширок опсег на услуги во секое време, без разлика дали се работи за дермоскопија, фотографирање на целото тело, консултација за коса или естетика. Неговите иновации ќе ги воодушеват пациентите!

Како работи ФотоФајндер (FotoFinder)?

Во време на пандемија на коронавирус секој миг е важен. Со ултрабрзиот процес на скенирање и интегрираната технологија на вештачка интелигенција, заштедува време, а контролите на кожата ги подига на сосема ново ниво на квалитет. Самата оддалеченост од пациентот на повеќе од 1,6м овозможува прегледот да биде безбеден.

Мозаикот наречен бенки

Мајсторот за скенирање на тело (Bodyscan Мaster) ги идентификува лезиите во сите направени слики на телото и интелигентно ги распоредува според нивната важност на еден екран. Софтверот ги категоризира како: нови, променети и непроменети невуси. Овој таканаречен ,,мозаик приказ,“ помага да се идентификуваат сомнителните лезии уште веднаш. Со тоа, видео-дермоскопскиот преглед се фокусира само на неколку атипични лезии за кои е потребна дополнителна проценка. Ова заштедува многу време и го намалува блискиот контакт на минимум.

Tехнологија на вештачка интелигенција за комплетно мапирање на кожата

Комплетното дермоскопско мапирање на кожата како процес, комбинира извонреден квалитет на слики, со нови софтверски функции и вештачка интелигенција (AI).

Токму Фотофајндерот со вештачка интелигенција овозможува исклучителни рeзултати на овој комбиниран систем. Од една страна тоа значи оптимизација на резултатите од скенирањето на телото (Bodyscan) и комплетното дермоскопско мапирање (Total Body Dermoscopy), а од друга страна ги поддржува анализите на поединечни лезии со анализаторот на бемки Moleanalyzer Prо кој дозволува пред-проценка на меланоцитски и немеланоцитски лезии користејќи алгоритам базиран на ,,длабоко учење“ тестиран при клинички испитувања.

Дермоскопија со максимална хигиена

Во случај лезијата да бара дополнително испитување, можете да ја искористите видео дермоскопијата со зумирање во најдлабоките структури на невусот со големо оптичко зголемување и моментално зумирање на областа. FotoFinder medicam доаѓа со заменливи предни капачиња кои може да се менуваат за дезинфекција после секој пациент.

Особено во услови на пандемија на ковид-19, која трае подолго време, сигурни сме дека не сте направиле редовна контола и затоа би сакале да ве потсетиме дека особено во случај на малигнен меланом, раното откривање може да спаси живот!

За да закажете кај дерматолози во Центарот за естетска дерматологија при клиничката болница Жан Митрев јавете се на 02/3104-910.

Извор: Убавина и здравје

Зимата и студот влијаат на целото наше тело, особено на кожата. Таа е изложена и може сериозно да биде оштетена од температурните промени. Лошите временски услови како што се ниските температури ги засегаат најчувствителните области на лицето, усните, вратот, деколтето и секако рацете.

Затоа, во прилог ќе ви дадеме неколку совети кои треба да ги почитувате, со цел подобро здравје на вашата кожа:

• Хидрирајте ја кожата секојдневно, неколку пати на ден. Ова е особено важно кај оние кои страдаат од некој тип на дерматоза (атопичен дерматитис, псоријаза…). Соодветна крема за омекнувње на кожата (на база на ланолин, уреа, итн.) ќе помогне да се одржи кожа здрава во текот на зимата.

• Избегнувајте прекумерно миење раце. Дерматитисот што го зафаќа надворешниот дел на рацете е честа причина за иритации во овој период од годината, особено кај луѓето кои постојано ги мијат рацете од причини поврзаи со нивната работа. За да се избегне тоа, треба да се употребуваат ракавици и бариерни креми.

• Не користете агресивни производи за миење на лицето и телото. Изберете нежни и дерматолошки тестирани производи.

• Избегнувајте туширање со многу топла или многу ладна вода. Идеално е млака вода и да не се туширате повеќе од еднаш дневно, бидејќи тоа би ја зголемило дехидрацијата-сушењето на кожата.

• Хидрирајте ги усните и заштитете ги од ултравиолетова светлина. Усните многу страдаат во зима, уште повеќе ако има некоја основна промена (атопичен, актиничен хелитис…).

• Не заборавајте ги очилата за сонце и секојдневната заштита од сонце и во зима, особено во областите каде има снег или на планина, бидејќи на тие места се рефлектира 80% од сончевото зрачење.

• Носете ракавици и топла облека. Особено оние лица кои се осетливи на студ и кои обично страдаат од перниоза или феноменот на Рејно (ладни прсти на рацете кои стануваат бели, сини и црвени)

• Избегнувајте нагли промени на температура, бидејќи тоа ја зголемува можноста за појава на проширени капилари (пајакови вени) на лицето (особено образите).

Активни состојки препорачливи за нормален тип на кожа: витамин Ц, ретинолна киселина, гликолна киселина и хидрокси киселини, сите со важна функција против стареење. Сепак, кај осетлив тип на кожа, мора да користат смирувачки, вазоконстриктивни и деконгестиви супстанци. Такви се декспантенол, алфабизоболол, глициретична киселина. Покрај тоа, тие мора да избегнуваат производи кои содржат алкохол, конзерванси или парфеми. Поради оваа причина, неопходна е индивидуална дерматолошка проценка на секој тип на кожа.

Идеалниот вид на средства за нега ќе зависи и од типот на кожата и евентуално постоење на некаква состојба, проблем, алергии и слично. Во принцип, лосионите со активни состојки за прочистување се подобри за комбинирана или мрсна кожа, а масните, богати креми за зрела и сува кожа.

Постојат нови маски и третмани, како што е мезотерапијата со хијалуронска киселина, кои помагаат да се хидратира кожата длабински.

Добро е да знаете дека зимата е најдобро време за извршување на интензивни третмани за депигментација на лицето, како дома така и во ординација (хемиски пилинг или маски).

Секако клучно е да внимавате на исхраната. Нека биде богата со витамини и антиоксиданси. Не заборавајте да пиете помеѓу 1,5 -2 литри вода дневно.Избегнувајте тутун и алкохол, бидејќи тие имаат негативно влијание врз здравјето на нашата кожа, создавајќи слободни радикали. Покрај тоа, алкохолот ги влошува проширените капилари на лицето.

• 

Оваа тема иако безброј пати обработувана, сепак е актуелна и предизвикува интерес кај широката популација, поради фактот што станува збор за вродено заболување. Затоа да се потсетиме:

Што се вродени срцеви заболувања?

Тие се низа малформации на структурата на срцето и/или на големите крвни садови кои се создаваат во феталната фаза, а можат да се откријат за време на бременоста, за време на породувањето или во одреден момент подоцна во животот.

Кои се причините за појава на оваа болест?

Според Светската здравствена организација (СЗО), причините можат да бидат од генетско потекло, инфекции, фактори поврзани со животната средина и нутритивниот статус на мајката. Иако во 50% од случаите на генетски абнормалности многу е тешко, скоро невозможно да се идентификува причината.
Повеќето срцеви абнормалности може да се дијагностицираат за време на бременоста преку ултразвук на фетално срце. Сепак, симптомите може да се појават при раѓање или месеци по породувањето, во зависност од условите. Во некои случаи, може и со години да не се појават.

Третман на вродени срцеви мании

Во зависност од видот на срцевата болест и нејзиното влијание, третманите обично се хируршки и се изведуваат од високо специјализирани мултидисциплинарни тимови, кои се лековити во значителен процент од случаите, иако повремено се изведуваат палијативни операции.

Превенција

Бидејќи кај повеќе од половина од случаите не ја знаеме причината за овие вродени срцеви заболувања, најдобар начин за нивно спречување е раното откривање, преку фетална ехокардиографија за време на бременоста или со педијатриски кардиолошки преглед на детето при раѓање.

Вродени срцеви заболувања кај адолесценти и возрасни

Се проценува дека најголем број од пациентите оперирани во неонаталниот период достигнуваат зрелост и водат нормален живот.
За да се обезбеди грижа за сите пациенти со вродени срцеви заболувања, потребна е соработка на мултидисциплинарни тимови за да се понудат соодветни совети, дијагноза и третман за возрасните.

Мултидисциплинарниот тим на одделот за кардиологија во Клиничката болница Жан Митрев, вклучува кардиолози, педијатриски кардиолози, интервентни кардиолози, кардиохирурзи, како и анестезиолози и интензивисти високо специјализирани за пациенти со вродени срцеви заболувања кои периодично се состануваат за да разговараат и заеднички да го одберат најдоброто решение и терапија за секој пациент.

Доколку страдате од вродени срцеви заболувања и/или имате прашања, можете да го закажете вашиот преглед на 02 3091-484. Во моментов кардиоваскуларниот пакет е со намалување од -20%.

• 

Повреди и дијагноза на вкрстените лигаменти

Многу луѓе практикуваат спортови со висок интензитет без да бидат физички подготвени, а една од последиците предизвикани од тие спортови се повредите.
Најчести се оние поврзани со вкрстените лигаменти предизвикани од практикување на спортови кои вклучуваат нагло менување на интензитетот, запирање, скокање и ненадејно менување на насоката на движење како фудбал, кошарка, тенис, скијање итн.

Дали знаете како да препознаете повреда на лигаментите?

Во повеќето случаи, постојат низа симптоми кои можат да ве натераат да се сомневате дека имате повреда од овој тип, но важно е да запомните дека за да поставите правилна дијагноза задолжително треба да посетите лекар.

Дел од симптомите може да бидат:

• Силно крцкање во коленото
• Тешкотии при обидување да ја издржите својата тежина на конкретната ногата
• Силна болка и неможност да продолжите да се движите поради болка
• Оток во зафатениот дел
• Нестабилност

Како се дијагностицира и како да се лекува?

За да дијагностицира, лекарот го испитува коленото на пациентот користејќи конкретни методи како: рентген, МРИ (магнетна резонанца) или ултразвук. Овие испитувања ќе помогнат за лекарот да ја процени сериозноста и да знае како да ја третира ваквата повреда.

Грижата за прва помош може веднаш да ја намали болката и отокот и вклучува:

• Одмор: неопходен за заздравување и ограничување на тежината што коленото мора да ја поднесе.
• Мраз: се препорачува да ставате мраз на колено на секои два часа по 20 минути
• Компресија: Се препорачува коленото да се завитка со еластичен завој за да има компресија околу него и да биде заштитено.
• Висина: препорачливо е да се стави предмет за потпирање (перница) одоздола за да се подигне ногата.
• Рехабилитација: Во некои случаи, неопходно е да се оди на сесии за рехабилитација со физиотерапевт за да се изведат одредени вежби кои помагаат да се подобри состојбата.
• Хирургија: Одлучувачки ќе биде степенот на нестабилност што го прикажува коленото по повредата. Доколку пациентот не реагира добро во зглобот и повредата е сериозна, треба да се направи операција. Во овој случај, процесот на лекување и закрепнување е подолг.

Доколку страдате од некој од горе сппоменатите симптомите, треба да се консултирате со вашиот лекар за да добиете правилна дијагноза. Во Клиничката болница Жан Митрев имаме Оддел за ортопедија составен од стручен тим од специјализирани лекари кои ќе ви направат целосна дијагноза и ќе го следат целиот процес на повреда и закрепнување.

За да закажете термин може да се јавите на 02/3091-484

• 

Ви звучи сложено и непознато? Всушност станува збор за процедура за разбивање на камења (калкули) во урогениталните зони со помош на ласерски уред.

Проблемот на постоење на наслаги најчесто од калциум, кои создаваат камени формации со различна големина е чест и може да биде многу нелагоден и болен.
Најчесто, освен со силни болки во долниот дел од стомакот, може да се манифестира со присуство на крв, па и ситни парченца во урината. Овие камчиња може да предизвикаат и инфекции кои можат да додведат до различни проблеми со уринарниот тракт.

Присуството на камења се дијагностицира со помош на ехо на уретрата, мочниот меур или бубрзите, по што лекарот ќе препорача следни чекори за решавање на овој проблем.
Ние во Клиничката болница Жан Митрев за разбивање на камења во урогениталниот тракт, го користиме Ласерот Ho:YAG. Овој ласер има двоен ефект, фото-термички и фотомеханички. Импулсната емисија, со бранова должина од 2.100 nm која е високо апсорбирана од водата, пренесува енергија во форма на ударни бранови кои произведуваат ефект на кавитација во течната околина, предизвикувајќи пулверизација (разбивање на каменот во форма на многу мали честики како прашина) или фрагментација на каменот, без инвазивни хируршки процедури.

Ефикасен е за третман на сите различни видови и хемиски состави на камења и претставува оптимално решение дури и за оние камење кои се особено тешко достапни. Покрај тоа, неговата поголема моќност од 35 W му овозможува на овој систем да управува со големи калкули со ефикасни и побрзи операции. Широкиот опсег на повеќекратни комбинации на фреквенција и енергија му овозможуваат на урологот да ја избере соодветната поставка за секој третман.

Ниската фреквенција и високата енергија се користат за брза и груба фрагментација, додека поставките со ниска енергија и висока фреквенција овозможуваат пулверизација на камењата во толку мали честички што може да се исфрлат со минимална непријатност за пациентот.

Се користи во ендоурологија и при ендохируршка литотрипсија. А самиот зафат се изведува во болнички услови од страна на соодветно обучен уролог.
Во зависност од големината, текстурата и локацијата на каменот, како и од симптомите и степенот на опструкција, хирургот може да изврши различни хируршки зафати: URS – уретерескопија, RIRS – ретроградна интраренална хирургија и PCNL – перкутана нефролитотомија.

Литотрипсијата направена со MultiPulse Ho е одлична алтернатива за традиционалната ESWL (Extracorporeal Shockwave Lithotripsy), бидејќи вклучува помал ризик од компликации и повисок степен на ефикасност и безбедност, без оглед на типот на камењата што треба да се третираат. Во споредба со другите хируршки процедури, ја има непобитната предност за минимизирање на крварењето и движењето на камењата (ретропулзија) за време на операцијата.

Предности за пациентите има многу, а дел од нив се:

• Минимално инвазивна метода
• Веднаш се решаваат симптомите
• Многу кратко време на опоравување и враќање на секојдневните активности
• Минимални нусефекти

Д-р Горан Јовиќ
Хирург уролог