Закажете преглед

Закажи преглед

389 2 3091500

11.09.2019

Бесплатен педијатриски преглед за 101 новороденче од општина Центар

Денеска Zan Mitrev Clinic додели 101 ваучер на новороденчиња од општина Центар. Станува збор за педијатриски преглед за новороденчињата кои треба да го искористат во наредните три месеци од доделувањето. Нашите педијатриски служби ги очекуваат родителите на телефонскиот број 02 / 3091-484 за да закажат преглед за своето бебе.

Инаку, акцијата за доделување на вакви ваучери е согласно меморандумот за соработка што нашата клиника го има потпишано со општината Центар.

На настанот освен родителите со нивните деца присуствуваа и претставници од локалната самоуправа предводени од градоначалникот на Центар, Саша Богдановиќ, кој од страна на општината на семејствата на новороденчињата им подели решенијата за парична помош во висина од 7.000 денари.

Средствата се доделуваат редовно, во рамките на проектот на општината за првична помош и поддршка на родителите кои се жители на Општина Центар, а од оваа година општината потпиша меморандум за соработка со општествено одговорни компании и здруженија, меѓу кои се најде и Zan Mitrev Clinic, кои на овие семејства им донираат свои производи и услуги.