Месец: м.г

Здружението на медицински сестри за интензивна нега од Македонија, стана рамноправна членка на EfCCNa – Европска федерација на сестрински асоцијации за интензивна нега, кој неодамна се  одржа во Париз.

Бројните активности на сестрите од Здружението на интернационалните сестрински собири , беа забележани од страна на долгогодишните членки на Федерацијата по чија  иницијатива беше пополнета апликацијата за членство.  Во EfCCNa  рамноправно членуваат 27 земји.

Претставникот од  Македонија  во оваа федерација, Жанета Богоевска – Митева, дипл.мед сестра, специјализирана за интензивна нега и лекување, одговорна на одделот за интензивна нега и лекување во „  Филип Втори“ , непосредно по приемот на здружението во федерацијата го изјави следното:

„ Ова е голем чекор за нас , драго ми е што нашето здружение стана дел од Европската федерација на сестрински асоцијации за интензивна нега. Очекувам  афирмација на сестрите за интензивна нега од Македонија на европско ниво, преку нивно поактивно учество на сите позначајни меѓународни сестрински собири се со цел издигнување на сестринската професија во Македонија на заслуженото ниво. Исто така тоа учество ќе понуди и можност за  превземање на иницијатива за научно-истражувачка дејност, размена на искуства со другите земји членки на Федерацијата, неминовни промени во образовниот систем и активно учество во истиот“ .

Здружението на медицински сестри за интензивна нега е отворено за сите професионални истомисленици.

Ректорот на МИТ Универзитетот од Скопје професор д-р Маријан Стевановски му врачи признание на Академик д-р Жан Митрев  за посебни заслуги во развојот на кардиохирургијата во Република Македонија ,  лидерство и менаџирање во здравството, наметнување нови вредности и стандарди во медицината и здравствениот сектор  и хуманизам и борба за секој човечки живот.

Покрај ова признание д-р Митрев доби и одликување и плакета ,како што истакна ректорот,  во име на досегашната и идната соработка на овие две институции.

„ Навистина сум пријатно изненаден , вообичаено не сум научен на толку признанија, многу повеќе на сопки и слични работи, но така е во животот. Треба да се изборите за она што сакате да го работите. Ќе има  сопки и лакти и ќе сакаат на некој начин да Ви попречат додека одите по патот кој сте го избрале како вистински. Секој од Вас ја има истата можност како и јас, само прашање е колку ќе се заложите за нешто, колку тоа го сакате и колку енергија ќе посветите додека работите во остварување на Вашата цел. Што и да Ви пренесуваат  професорите, на што и да Ве учат,  Вие имате во Вас нешто внатрешно,  кое Ви кажува што треба да правите во животот. Ви благодарам уште еднаш за овие признанија и каде што можеме да помогнеме во науката , едукацијата , во практичните работи ,  Ви стоиме на располагање“, изјави д-р Митрев по доделувањето на одликувањата.

Ова не е прва награда за д-р Митрев од страна на МИТ Универзитетот , пред две години тој беше прогласен за почесен  доктор на науки од областа на медицината и на здравството.

Медицинскиот директор на болницата д-р Тања Анѓушева ,на педесетината студенти од  повеќето факултети на МИТ Универзитетот и нивните професори, преку кратка едукативна прошетка им  ја претстави болницата.

Во салата за аудиториум  на гостите им беше прикажан и 15 минутниот документарен филм кој ги опфаќа најважните датуми и настани  од 16 годишното постоење на специјалната болница „Филип Втори“.  Како што изјавија гостите од МИТ Универзитетот тие се задоволни и импресионирани од она што го видоа во болницата,  потенцирајќи дека постојат многу заеднички полиња на соработката со д-р Жан Митрев и неговиот тим.

По покана на наставничка Татјана Јанкуловска од ОУ,,Владо Тасевски” – Карпош, сестра Снежана Блажевска инструментрка беше поканета како дел од наставата по предметот природни науки за IV-одделение. Најзината посета беше во улога на родител-наставник на тема ,,Срцев мускул”.  Дел од активностите се состоеа и во обработка на  едукативната боенка на болницата “ Филип Втори “ насловена ,,Моето срце во сите бои”.

Учениците беа запознаени со анатомија на срце, вродени срцеви маани и заболувања на срце како и нивно хируршко решавање. Воедно беа информирани и  за огромната хуманост на д-р Жан Митрев за помош на сите деца во Македонија и пошироко.

Учениците упатија и едукативни пораки за ,,Негување на здрав и квалитетен живот”

Секогаш кога можеш погали го твоето срце, тоа можеш да го направиш со твоето раче. Подари му добра и охрабрувачка  мисла – Нека вашите срца бидат исполнети со љубов.

Огромна Благодарност до наставничката Татјана Јанкуловска и Директорка Даскалова на ОУ Владо Тасевски за нивната покана. Соработката продолжува.

Среќен, задоволен, бескрајно благодарен,  таков сум во моментов со овој мој нов живот. Сите најубави зборови на светот ги упатувам до д-р Жан Митрев , човекот кој ми го спаси животот“ .

Со оваа порака првиот опериран пациент во новата болница ја напушти болничката соба бр 2 . Непосредно пред неговото заминување ни го раскажа и следното:

„ Милиони километри поминав низ Европа со мојот камион. Не сум имал некои посериозни здравствени проблеми. Никакви симптоми или непозната состојба на организмот која би укажувала дека нешто се случува со мене, се до 3-ти април денот кога од болка ми беше отежнато дишењето, незапирливо стегање во градите. Веднаш ме однесоа во болница. Ми направија снимање од кое констатираа дека имам инфарктна состојба која тие не можат да ја решат со поставување на стентови, туку спас ми се само бајпасни премостувања .

Ми дадоа можност да одбирам помеѓу три здравствени установи , една од нив беше и „Филип Втори“. Не размислував ни секунда. Затоа што првата асоцијација за срце секогаш ми беше д-р Жан Митрев и оваа болница. Денеска ми е 13 -ти ден од кога сум овде си ги чекам сопругата и децата и си одам дома. Имав и тешки денови,посебно оние првите од моето хоспитализирање , кога докторите и останатиот медицински персонал правеа надчовечки напори да ме стабилизираат . Слабото срце мораше да се засили за да може да ме внесат во операциона сала. Бев свесен за се , не се плашев, силно верував во овие луѓе.

Во понеделникот на 11 април ме оперираше д-р Митрев операцијата помина одлично. Знам дека бев првиот опериран пациент во оваа преубава болница. Првата ноќ бев сам немаше други пациенти, само јас и дежурниот персонал. Сите тие се вистински професионалци, со максимална посветеност кон мене и дење и ноќе. Како поминуваа деновите така ми се враќаше силата. Редовни вежби секој ден, наутро и навечер со инструкции и помош од физиотерапевтите , ми се чини тие беа една силна причина за напредокот во моето закрепнување.

Храната ми кажаа дека овде се подготвува , секоја чест за готвачите , превкусна, иако е наменета за болни , само количински многу не се дојадува, им благодарам на сите за се “, со насмевка раскажува пациентот. Радоста е обострана, за хуманите луѓе од болницата „Филип Втори“ затоа што спасиле уште еден живот , затоа што ја вратиле среќата во уште едно семејство, на пациентот затоа што повторно заминува на најубавото место во светот, во неговиот дом.

Пишува Проф. д-р Васил Илиев

Специјалист гинеколог акушер, супспецијалист урогинеколог

Инконтиненцијата е проблем кој влијае на животот на многу жени. Ако мислевте дека тоа им се случува на другите, или само на постарите дами , можеби е време  да размислите уште еднаш.  Ако мислевете дека ретко се случува,  дека малку особи се погодени со неа повторно не сте во право. Но имате право… многу малку жени зборуваат за тој проблем и мал број од нив бараат решение за истиот. Никој не е подготвен да се изложи пред  јавноста, пред другите да признае дека има инконтиненција.  Но повторно е време да размислите уште еднаш!

Испуштате неколку капки урина додека миете садови или додека слушате жуборење на вода? Или можеби кога кашлате, се смеете, кивате, дигате товар, спортувате или  додека водите љубов?  Доколку се препозанавате во горе наведениот опис  тогаш  Вие страдате од некоја од двата типа на женска инконтиненција.

Ургентна инконтиненција – се карактеризира со итност , нагла и несовладлив нагон за мокрење, често мокрење, станување навечер неколку пати за мокрење. Вообичаено луѓето откако ќе добијат нагон  за мокрење, можат да го одложат мокрењето за некое време, што кај жените со ургентна инконтиненција тоа време е доста кратко, па често може да да дојде до испуштање на уирина пред да стигнат до тоалет. И со цел да го превенираат ова пациентките често мократ понекогаш и на секој час.
Стрес инконтиненција – е најчест облик на женската инконтиненција, со кој скоро секоја жена се среќава  во различни околности и со различен интензитет. Стрес инконтиненцијата  е  истекување на неколку капки урина при смеење, кашлање, подигање товар, физичка активност, па дури и при сексуален однос, односно во сите случаи на покачување на интрабдоминалниот притисок.

Во нашата средина жените живеат со инконтиненцијата без да побараат стручна помош, бидејки се плашат или им е непријатно за тој проблем да разговараат со својот доктор, или пак живеат со верувањето дека подмочувањето е нормална појава со стареењето. Скоро две третини од жените се чуствуваат непријатно, анксиозно, едн третина признаваат дека тоа им влијае на врската со партнерот и сксуалниот живот. Стравот дека незгодата ке се случи во било кое време и на било кое место е главна причина за социјална изолација, односно во голема мера е нарушен квалитетот на животот.

И она што сите жени требаат да го знаат – ИНКОНТИНЕНЦИЈАТА МОЖЕ ДА СЕ ИЗЛЕЧИ или контролира, посебно кога со лечење се почнува доволно рано со појава на првите симптоми. Само оние кои ке го направат првиот чекор и ќе побараат помош, ќе го најдат решението за нивниот проблем. И колку повеќе жени ќе побараат решение за овој свој проблем толку полесно ќе го промениме сопствениот став  и ќе придонесеме за квалитетот на животот.

И конечно да го скршиме последното табу за женската инконтиненција.

Изведување на оперативни  интервенции, без отворање на стомачната празнина

Оперативните интервенции на стомачните органи, се изведуваат низ неколку отвори на стомачниот ѕид – порти, во пречник од 5-10 мм. од каде се внесуваат интерументите за вршење на оперативната интервенција.

Низ првиот отвор кој обично се креира над папокот, најнапред се пласира една игла-Верес –ова игла во стомачната празнина, низ која се вдувува воздух- CO2 или N2O, до достигнување на одреден притисок внатре во стомачната празнина, така да стомачниот ѕид се подига како шатор, каде што може потоа слободно да се работи.

Минимално агресивна хирургија
Максимална можност за експлорација на интраабдоминалните органи бидерјќи со лапароскопот е доволен простор од 1 см да се влезе позади секој орган, да се стекне увид од сите страни, а сето тоа зголемено на екран за 10-20 пати.
Брзо постоперативно опоравување и заздравување
Брзо враќање на работоспособноста и во општествениот живот
Последна и директна дијагностичка метода, со можност да помине и во терапијска.

Во нашата установа лапароскопска хирургија се работи од 2002.год.

Во нашата установа за прв пат во македонија се направија следните лапараскопски интервенции :

Прва лапароскопска спленектомија – лапароскоспко вадење на слезенката во РМ (07.11.2002 год.)
Прва Лапароскопска холецистектомија во Р.М. на буден пациент – во висока епидурална анестезија ( 14.11.2002 год.)
Прва лапароскопска екстирпација на Тумор на десен овариум со деснострана аднексектомија –  лапароскопско отстранување на голем тумор – големина на портокал – солиден дел + цистичен дел во големина на детска глава на десниот јајник заедно со десната туба (24.01.2003 год.)
Лапароскопско затворање на јејуностома за исхрана ( 13.06.2004 год. )

Лапароскопски интервенции кои се работат во нашата установа:

Лапароскопска холецистектомија – вадење на жолчната кеса
Лапароскопска спленектомија – вадење на слезенката
Лапароскопска корекција на херниа-кила
Лапароскопска апендектомија – отстранување на слепо црево
Лапароскопско отстранување на цисти на овариум- јајник, отстранување на овариум и туба утерина.
Лапароскопска адхезиолиза – решавање на прираслици помеѓу органите во стомачната празнина
Лапароскопски ресекции на дебело црево
Лапароскопски ресекции на тенко црево
Лапароскопска фундупликација – решавање на хијатална хернија – кила на желудникот
Лапароскопски интервенции кај гојазност – 1. Гастрик бендинг – затегање на желудникот,  2. Надолжна ресекција на желудникот.
Лапароскопска експлорација како дијагностичка метода, а истовремено и терапијска доколку процесот дозволува.

Лапароскопска спленектомија ( вадење на слезенката )

Индикации:

Идиопатска тромбоцитопенија – силно смален број на крвните плочки-тромбоцити, без дијагностицирана причина.
Спленомегалија со хиперспленизам – наголемена слезенка  со ниски вредности на крвните елементи ( забрзано се распаѓаат во слезенката ).
Епидермоидни цисти – најчести цистични формации на слезенката
Туморозни промени на слезенка

Специјалната болница  „ Филип Втори “  ја проширува листата на услуги . Во еден ден на пациентите  ќе им овозможи авио транспорт , дијагностика и операција.  Пациентите ќе ги превезува авио операторот „Ер  – Панонија“  од Хрватска кој во својата флота има 11 авиони, специјализирани за медицински транспорт на пациенти.

Оваа  соработка ќе биде уште еден  исчекор во медицинскиот туризам и извоз на македонска медицина во светот. Соработката беше најавена со потпишување на договор помеѓу  д-р Жан Митрев и г-ѓица Зринка Влашиќ, менаџер на авио компанијата.

На оваа средба се најави и соработката со Специјализираната болница  „Св. Катарина“ од Хрватска.  Значењето на една болница како што е „Филип Втори“  за државата но и пошироко го потенцираше проф. д-р спец  Драган Приморац , кој е редовен професор на ПЕН Универзитетот во САД. Тој истакна дека државата не може да изгради ваква болница и токму затоа треба да биде горда што ја има ,  бидејќи постоењето на „Филип Втори“ е голем чекор  за приватниот здравствен  систем во целиот регион.

Почесен гостин на  овој настан беше  и нејзината  Екселенција г-ѓа Данијела Баришиќ амбасадор на Р. Хрватска во Р.Македонија.

„Убаво ми е на душава што сум јас првиот опериран пациент “

Академик д-р Жан Митрев со својот тим ја направи првата операција во новата болница „Филип Втори“.  Пациентот се чуствува добро , операцијата траеше  2 часа , екстубиран е за 120 минути. Одлични  вести за нов почеток.  Ден кој се чекаше заради многу причини, случајно 11 април,  случајно  16.00 часот. Д-р Жан Митрев  кој има зад себе илјадници операции, после вчерашната прва операција во една од најмодерните болници во Европа, го изјави следното:

„Како прва операција тука во овие услови, ова беше  посебна операција.  Посебноста се состоеше во  техничкиот дел и новите услови кои ги имаме во операционите сали. Се помина беспрекорно,  одлично.  Пациентот доби 3 бајпаса, целокупната операција траеше 2 часа  без никакви потребни брзања , што е релативно краток временски период за овој тип на операции. Пациентот е одличен, тимот е задоволен, јас сум задоволен бидејќи се функционираше беспрекорно, условите се идеални, продолжуваме со секојдневниот ритам. Сега имаме втора операција, се работи за пациент со аортна валвула и полека се подготвуваме да дојдеме во некоја оптимална бројка и работа“.

Утринава го посетивме  првиот опериран пациент во новата болница   , расположен за разговор и одговор на сите наши прашања. Сместен во високоопремена интензивска соба,  во очекување на својот прв оброк , кој е подготвен од готвачите во кујната на новата болница.

„Јас сум повеќе од добро,  иако сум опериран вчера доцна попладне. Не знаев ниту очекував дека  јас ќе бидам првиот опериран пациент, случајно излезе така и да ми значи,  убаво ми е . Се чуствувам посебно затоа што со операцијата над мене почнува со работа оваа преубава болница. Во  старата болница бев една недела,  примен во инфарктна состојба  со силни болки во рацете, во грбот, ме третираа 7 дена за да ме довдедат во некоја нормала за операција. Ме стабилизираа ме подигнаа,  вчера ме оперираа и ете ме гледате денеска “, ни раскажа пациентот.

Со првиот опериран пациент во новата болница се случи и првото дежурство. Дежурен лекар беше медицинскиот директор на болницата  д-р Тања Анѓушева која е  одговорна на одделот за интензивна нега.  Иако 16 години таа е дел од болницата  и за неа ова беше посебен ден, посебна ноќ.

„ Со душа чекавме да започнеме со работа, нема чест секој да работи на ваква интензивна нега, која што е опремена со најсовремена апаратура, со перфузери кои што нудат максимална безбедност на пациентот, во однос на начинот на третманот. Многу сме среќни и задоволни нашиот прв пациент помина сосема добро, екстубиран е само 2 часа по операцијата, се беше во најдобар ред, немаше никакви компликации, за што зборува и самиот тој и неговиот изглед непосредно после операција. Горди сме што почнуваме со работа во оваа установа, затоа што сметаме дека нашите стандарди кои што 16 години ги градевме и нашата организација на работа дури сега ќе имаат можност да го добијат своето вистинско лице.  Денес очекуваме во оваа врвно опремена соба од интензивната нега да донесеме уште еден пациент, кој во моментов е на операција, сложен зафат замена на аортна валвула и бајпас, пациент со доста напреднат стадиум од болеста, но нашето искуство ни ја дава нашата сигурност“.

Првооперираниот пациент за ден-два ќе си замине дома. Му посакуваме многу здравје, убави денови нека биде  како и првооперираниот пациент во старата болница кој ја живее шестаесетата година од операцијата.