Месец: м.г

Денеска планетата Земја го одбележува светскиот ден на здравјето 7-ми Април. Оваа година посветен  на борбата против дијабетесот под мотото „Да го победиме дијабетот“. Шеќерната болест  претставува еден од најголемите здравствени проблеми и предизвици на модерното време со големи хумани , економски и социјални последици. Лицата со дијабетес имаат 2-4 пати поголема можност за мозочен удар и инфаркт на срце . Ова заболување е најчеста причина за слепило кај работоактивното население, терминална бубрежна болест и нетрауматските ампутации на долните екстремитети. Фрапирачки е податокот дека годишно на светско  ниво умираат подеднаков број на лица кои се заболени од дијабетес и од СИДА. Според податоците на СЗО во светот околу 450 милиони луѓе имаат дијабетес  кој е со рапиден  пораст особено во земјите во развој . Поголемиот број од заболените се на возраст од 45- 65 години.  Во Македонија има околу  120.000 лица со дијабетес тип 1 и тип 2. Од нив околу 36 000 лица примаат инсулин. Најчестите знаци, симптоми кои можат да бидат аларм за постоење на зголемени вредности на шеќер во крвта се следните : Зголемено чувство на жед, често мокрење, зголемен апетит, необјасниво губење на телесната маса, замор, заматен вид, споро зараснување на рани, чести инфекции.  Превентивните прегледи и зголемувањето на свеста за ризик факторите за ова заболување можат да ги намалат бројките,  да споменеме некој од нив:  недоволна физичка активност, стрес, зголемена телесна тежина. На Генералното Собрание на ОН во 2006 година беше усвоена  Резолуцијата за дијабетесот. Тогаш за прв пат едно незаразно заболување –дијабетесот е посочено како глобален проблем кој може да се третира како епидемија.  Затоа на секој од нас мора императив да му биде сопственото здравје. Редовните контроли и здравиот начин на живот да станат дел од нашето постоење.

Медицински тим од специјалната болница  „Филип Втори“  составен од двајца  лекари , две медицински  сестри  и двајца физиотерапевти , ќе биде задолжен за здравствениот  мониторинг на децата на вториот ракометен камп „Кирил Лазаров 7“ . Исто како и минатата година така и оваа, на децата ќе им претходат детални  педијатриски прегледи кои ќе вклучуваат ЕХО и  ЕКГ на срце, стрес тест , комплетни биохемиски испитувања на крв. Со овие иследувања ќе се детектираат евентуалните  проблеми и аномалии, кои доколку не се воочат на време можат да бидат сериозен проблем за децата кои се физички активни. Преку овие прегледи лани кај две деца  беа откриени проблеми, заради кои децата не можеа  да заминат на кампот.

На иницијатива на д-р Митрев., без оглед од кој дел од Македонија доаѓаат децата, секое од нив како и минатата година , ќе биде земено од дома донесено на преглед и пак вратено дома. Прегледите ќе се прават  во нашите болници во Скопје, и во поликлиниките на „Филип Втори“  во Битола и Струмица.

Според организаторите на кампот,  агенцијата КМГ Спорт,  годинава се очекува учевство на 300 деца , кои нема да бидат само од РМ со што  кампот ќе има интренационален карактер. Нашата болница ќе ги прегледа и тие деца .

Освен медицинските обврски , со задоволство ќе организираме едукативни работилници адаптирани според возраста  на децата . Покрај темите од областа на спортот , исхраната и здравјето ќе имаме дискусија и на тема поврзани со генетиката. Во нашата нова болница ќе се прават и генетските испитувања, кои се од особена важност за сите луѓе , а голема полезност од нив имаат и спортистите , заради постигнување на подобри резултати.

„Жената која што има сила на змеј, а душа на уметник“ со овие зборови  Д-р Тања Анѓушева субспецијалист кардиолог, раководител на одделот за интензивна нега и медицински директор на нашата болница беше поканета на сцена да и ја врачат Јубилејна статуетка за континуирано менаџирање, која во чест на 20 годишнината од своето постоење и ја додели агенцијата „Марили“.

Ова признание им беше доделено на 25 жени менаџери од Македонија и дијаспората како поддршка за нивниот постојан успех и докажаност во работата. Кога е во прашање д-р Анѓушева ние би го додале и следното. Неприкосновена во работата, професионалец за пример, лекар за поттик, која зад себе има илјадници спасени животи и непреспиени ноќи, давајќи се себе си не резервирано, таа е вистински пример како се почитува Хипократовата заклетва. Во нејзината богата биографија  има огромна акомулација на знаење, која многупати светот на медицината ја потврдил преку голем број на признанија за нејзините стручни трудови и достигнувања. Специјалната болница „Филип Втори“ има 220 вработени а клуч на секоја организација  без оглед на нејзината големина е тимската работа или почитување на мотото, „Индивидуален максимум за колективен успех“.

„Голема чест е да се биде дел од оваа манифестација, Афирмацијата како лекар е нешто што се гради преку долгогодишна и хумана работа, но афирмацијата како менаџер се добива преку успешноста на установата и реалната тимска работа. Специјалната болница по хируршки болести „Филип Втори“  е современа болница, опремена со врвна медицинска технологија, високо едуциран персонал кој ги следи последните светски стандарди на медицината. Драго ми е што ја имам улогата на менаџер и што имам можноста да допринесам во организираноста на вака стручна и врвна установа. Но уште ми е по драго што постои една организација  „Марили“ која ја препознава успешната жена и која несебично се труди да ја претстави пред јавноста” – изјави д-р Анѓушева добивајќи ја наградата.

Ова е второ признание за д-р Анѓушева доделено од страна на г-ѓа Лидија Трипуноска и нејзината агенција, имено лани таа беше проглaсена за една од жените менаџери за тековната година.