Çfarë është katarakti?

14 Maj, 2025

Katarakti, ose më i njohur gjerësisht si “perde”, është mjegullimi/turbullimi i lentes natyrale në sy. Lentja vendoset pas bebëzës së syrit dhe funksioni i saj lidhet me fokusimin e shikimit në distanca të ndryshme dhe marrjen e një imazhi/pamje të qartë. Mjegullimi/turbullimi i lentes çon në shpërndarjen e dritës, turbullimin e shikimit dhe humbjen graduale të shikimit.

Cilat janë shkaqet që çojnë në shfaqjen e kataraktit?

Kataraktet janë zakonisht rezultat i ndryshimeve në strukturën e lentes të shkaktuara nga mosha. Me kalimin e kohës, struktura e lentes ndryshon përbërjen dhe ajo humbet transparencën duke e bere shikimin te t. E gjithë kjo ndikon në përkeqësimin e shikimit dhe uljen graduale të tij. Ky është lloji më i zakonshëm i kataraktit – i lidhur me moshën. Ndonjëherë, përveç moshës, katarakti mund të shfaqet edhe për arsye të tjera, si p.sh. të jetë kongjenital, pasojë e një ndikimi traumatik, të jetë shkaktuar nga një proces post-inflamator i syrit ose edhe të jetë patologjik – për shkak të pranisë së ndonjë sëmundjeje tjetër.

Si manifestohet katarakti?

Simptomat tipike të kataraktit janë: shikim i dyfishtë, shikim i turbullt, shikim i vështirë ose i zbehtë i ngjyrave (veҫanërisht blu), vështirësi në shikim në errësirë, aureola ose shkëlqim verbues (reflektim) rreth objekteve të ndritshme, ndryshime të shpeshta të lenteve të kontaktit ose numrit të syzeve, humbje e perceptimit të thellësisë, lodhje e syve dhe dhimbje koke.
Lloji i kataraktit përcaktohet nga pjesa e lentes që është e turbullt dhe koha kur është shfaqur turbullimi.

Ekzistojnë disa lloje të kataraktit:

• Katarakti bërthamor/nuklear: turbullim i bërthamës (bërthama e lentes)
• Katarakti kortikal: turbullim i pjesëve periferike të lentes
• Katarakti kortikonuklear: një kombinim i dy llojeve të mëparshme.
• Katarakti i kapsulës së pasme: turbullim i pjesës pranë kapsulës së pasme të lentes
• Katarakti i pjekur: turbullim i plotë i lentes
• Katarakti nigra: forma më e avancuar e kataraktit

Trajtimi i kataraktit

I vetmi trajtim për kataraktin është operacioni!

Kataraktet nuk trajtohen me ilaçe, e vetmja metodë është ndërhyrja kirurgjikale.
Kataraktet nuk mund të shërohen me ilaçe, pika për sy, ushtrime ose përdorimin e syzeve. E vetmja mundësi është heqja e lentes së errësuar dhe zëvendësimi i saj me një implant (lente intraokulare) që do të kryejë funksionin e lentes natyrale dhe do të mbetet në sy përgjithmonë.
Në spitalin tonë, operacionet e kataraktit kryhen duke përdorur teknikën FAKO (Fakoemulsifikim). Kjo është metoda më e re e zhvilluar në botë. Në rastin e përdorimit të kësaj metode, nuk është e nevojshme të pritet që katarakti të piqet dhe pacienti nuk ka pse të jetojë me shikim të dëmtuar për kohë të gjatë.
Periudha e rikuperimit është e shkurtër.

Lentet intraokulare që implantohen gjatë operacionit kryejnë/marrin përsipër funksionin e lentes natyrale. Në varësi të faktit nëse përqendrohen në distancë dhe/ose afër, nëse korrigjojnë fokusime të shumëfishta dhe astigmatizëm, ato ndahen në disa lloje:

• Lentet monofokale korrigjojnë shikimin në distancë, por nëse nevojitet korrigjim për shikimin nga afër, është e nevojshme të përdorni/mbani syze pas operacionit.
• Lentet intraokulare EDOF janë implante me fokus të zgjeruar shikimi. Ato janë bifokale, me fokus për në distancë dhe për afër deri në 50 cm. Kur shikoni në një distancë më të shkurtër dhe për gjëra më të vogla (lexim), është gjithashtu e nevojshme të përdorni syze me dioptri të ulët për shikim nga afër.
• Lentet intraokulare multifokale kanë fokus për shikim të largët, të ndërmjetëm dhe të afërt.
  
  – Lentet intraokulare torike mund të jenë monofokale, EDOF dhe multifokale në të cilat gjithashtu llogaritet dhe përfshihet astigmatizmi.
  Para operacionit, është gjithmonë e nevojshme të ndiqet një qasje individuale ndaj pacientit me katarakt në mënyrë që të përcaktohet se cili lloj implanti intraokular është më i përshtatshëm.

Ekipi ynë i oftalmologëve ju pret. Për rezervimin e terminit telefononi në 02/3091-484