00389 2 3091 484
Prill 04,2025
“Në orën 05:30 mora trenin nga qyteti Veles dhe u nisa për në Shkup. E vetme, me besimin se do të gjej një zgjidhje për problemin tim. Qëllimi im ishte të vija në klinikën Zhan Mitrev, dhe erdha. “Arrita në spital rreth orës 07:00 dhe ekipet që tashmë kishin filluar punën më dërguan menjëherë për një ekzaminim tek Dr. Enver Idoski, fillon rrëfimin e saj për përvojën që ka pasur në klinikën tone Hrisula Velickova, nje zonje 74 vjecare, e guximshme e cila pas paralajmërimit për gjendjen e shëndetit të saj nga mjeku në qytetin e saj të vendlindjes – Veles, nuk priti asnjë ditë, por menjëherë kërkoi zgjidhje.
“Gjatë dy muajve të fundit kam ndjerë mungesë ajri,lodhje dhe shqetësime.” Mezi lëvizja dhe nuk ecja dot më shumë se dhjetë metra. Ndjeva se diçka nuk shkonte mirë me shëndetin tim. Kam pasur probleme edhe me presionin e gjakut. Ndihesha e pasigurt dhe e frikësuar. Shkova për kontroll në klinikën e qytetit Veles, ku doktori më tha se duhej të vizitoja një kardiolog sepse kisha probleme me zemrën. Menjëherë vendosa të vij në Shkup në klinikën Zhan Mitrev. Kisha dëgjuar shumë përvoja pozitive për klinikën dhe kjo më dha besim. Kështu bëra. Në mëngjes kam kapur trenin e parë dhe kam ardhur vetëm në klinikë, – vazhdon me tregimin e rrugëtimit të saj zonja Hrisula, duke buzëqeshur para se të shkojë në shtëpi pas kryerjes së 3 bypass-eve.
Menjëherë pas mbërritjes në klinikë, ajo është ekzaminuar nga Dr. Enver Idoski, i cili ka konstatuar nevojën për operacion urgjent për shkak të gjendjes së rëndë në të cilën ndodhej zonja Hrisula. “Menjëherë e dëgjova mjekun dhe pa hezitim i thashë se dua të qëndroj në klinikë dhe të bëj operacionin. E dija që duhej të ishte tani dhe pa asnjë vonesë. Të nesërmen më planifikuan për kryerjen e operacionit i cili përfundoi me sukses. Një ditë pas operacionit tashmë fillova të ngrihesha vetë dhe të ndihesha shumë më e lehtë, më e sigurt dhe thjesht më e lirë. Tani pas 3 ditësh po pres të kthehem në shtëpi”, përfundon rrëfimin e saj zonja Veliçkova. I gjithë ekipi i klinikës i uron kësaj gruaje të guximshme shërim të shpejt dhe jetë të gjatë dhe ditë të bukura.