SHËRBIMET MJEKËSORE

PSIKOLOGJI DHE PSIKOTERAPI

Teste psikologjike

Psikodiagnostika përfshin testimin e pacientëve me ndihmën e testeve psikologjike që synojnë të diagnostikojnë dhe sqarojnë pyetjet që lidhen me tiparet e personalitetit, sjelljen, disponimin, funksionimin emocional dhe proceset njohëse të individit.

Përdoret në situatat kur është e nevojshme të sqarohet diagnoza, kur ka histori përvojash traumatike, kur ka abuzim me substanca, në rast të problemeve në marrëdhëniet ndërpersonale etj. Përdoret gjithashtu si një mbështetje në procesin e psikoterapisë.

Me ndihmën e testimit psikologjik, pacienti merr informacion të detajuar për veten e tij, dhe psikologu bën një gjetje objektive psikologjike.

Testet psikologjike:

Teste klinike,
Teste të inteligjencës dhe personalitetit,
Teste të vlerësimit organik,
Aparaturë GDV
Bio feedback- aparaturë.

Psikoedukimi është përgatitja psikologjike e pacientëve para operacionit

Psikoedukimi është përgatitja psikologjike e pacientëve para operacionit dhe këshillim i të gjithë pacientëve që janë para operacionit. Ky këshillim përfshin një trajnim të shkurtër mbi kirurgjinë, duke folur për stresin dhe frikën që mbart zakonisht pacienti dhe duke reflektuar mbi emocionet që përfshijnë vërshimin, frikën dhe kërcënimin.

Pacientët të cilët janë të përgatitur psikologjikisht, të këshilluar dhe të informuar rreth operacionit është treguar se e përballojnë më lehtë operacionin dhe shërohen më shpejt. Në shërimin e pacientit merr pjesë edhe e gjithë familja dhe për këtë arsye është e rëndësishme që ata të jenë psikologjikisht të përgatitur dhe të informuar për atë që pret pacienti.

Programi psikoterapik dhe antistres

Psikoterapia mund të praktikohet nga një psikolog i specializuar në psikoterapi për të trajtuar dhe shëruar kryesisht neurozat (si ankthi, depresioni, fobitë dhe hipokondria, sulmet e panikut, çrregullimet e stresit post-traumatik dhe çrregullimet psikosomatike).

Me ndihmën e seancave të rregullta të psikoterapisë ne përpiqemi të zgjidhim problemet psikologjike të personit dhe të përmirësojmë shëndetin e tij.