Implantet vendosen kur pacienti ka edentulizëm të pjesshëm ose të plotë. Qëllimi i tyre është të shërbejnë si zëvendësim për rrënjën e dhëmbit. Mbi to vendosen kurora për të zëvendësuar dhëmbin e humbur ose për të rregulluar strukturat protetike kur është e nevojshme të zëvendësohen disa ose të gjithë dhëmbët. Materiali i tyre është prej titaniumi, nuk janë korrozive dhe përsa i përket kockës është bikompatibile dhe interne.

• Humbja e një ose disa dhëmbëve – në këto raste, pacientëve u vendosen një ose dy implante dhe mbi to vendoset një kurorë ose urë e vetme për të kompensuar mangësitë funksionale dhe estetike.

• ALL ON 4 – kjo metodë shpjegon procesin e rikthimit të një buzëqeshjeje kur humbasin të gjithë dhëmbët. 4 implante vendosen në vende të planifikuara më parë dhe mbi to vendoset një strukturë protetike (ndërtim hibrid protetik).

• ALL ON 6 – kjo metodë përdoret kur ekzistojnë kushtet për të vendosur 6 implante në një nofull. Ndërtimi protetik sipër tyre synon të zëvendësojë të gjithë dhëmbët e humbur.

• Guided implantology – kjo është një metodë e përdorur për pozicionimin perfekt të një ose më shumë implanteve. Me ndihmën e programeve të specializuara, vendi i vendosjes përcaktohet në mënyrë dixhitale, krijohet një i ashtuquajtur udhëzues (implant guide) dhe implanti vendoset në vendin e saktë të planifikuar.

Kur pulpa e një dhëmbi është e infektuar ose e inflamuar për shkak të kariesit të thellë, plasaritjes, traumës ose procedurave të përsëritura dentare, trajtimi endodontik është i nevojshëm për të parandaluar nxjerrjen e dhëmbit.

. Procedura përfshin:

-heqjen e pulpës së infektuar

– pastrimin dhe dezinfektimin e kanaleve rrënjore

– mbushjen dhe mbylljen e kanaleve me materiale speciale

Avantazhet e trajtimit endodontik janë:

– ruan dhëmbin natyral

– eliminon dhimbjen dhe infeksionin

– parandalon ndërlikimet e mëtejshme dhe nevojën për ndërhyrje më komplekse

Në klinikën tonë, terapia komplekse endodontike kryhet duke përdorur teknologji me instrumente makinerike dhe radiografi dixhitale, e cila lejon rezultate më të shpejta, pa dhimbje dhe të sakta.

Zakonisht, trajtimi ortodontik kryhet pasi dhëmbët e përhershëm kanë dalë plotësisht, por në disa parregullsi që ndikojnë në zhvillimin e nofullave, trajtimi i hershëm ortodontik është thelbësor dhe zvogëlon nevojën për trajtime komplekse në të ardhmen. Një ekzaminim ortodontik në kohë është gjithashtu i rëndësishëm për vlerësimin e funksioneve orofaciale: frymëmarrjen, gëlltitjen, të folurit. Fëmijëria dhe adoleshenca nuk janë koha e vetme për drejtimin e dhëmbëve. Me përparimin e teknologjisë, sot janë në dispozicion aparatet ortodontike që janë shumë më të vogla, më të rehatshme, më të shpejta dhe më diskrete. Aparatet ortodontike, si lloji përfundimtar i trajtimit ortodontik që përmirësohet vazhdimisht, mund të jenë një mundësi për të gjitha moshat, dhe veçanërisht për ata që nuk duan që të vërehet procesi i arritjes së një buzëqeshjeje të bukur.

• Protezë fikse me kllapa qeramike

• Protezë fikse me kllapa vetëlidhëse

• Alajner/ Drejtues

• Pajisje mobile/e lëvizshme

• Ekzaminim dhe diagnostikë të dhëmbëve të qumështit dhe dhëmbëve të përhershëm
• Heqje e kariesit dhe mbushje
• Trajtime profilaktike (pastrim, fluorizim, mbyllje fisurash)
• Këshilla për higjienën dhe ushqyerjen
• Monitorim në kohë i rritjes dhe zhvillimit të dhëmbëve dhe nofullave
• Trajtim i lëndimeve ose infeksioneve të dhëmbëve të qumështit
• Sedativ/qetësues i lehtë kur është e nevojshme për të reduktuar frikën ose dhimbjen
• Mbështetje për fëmijët me nevoja të veçanta
• Zbulim dhe udhëzim në kohë për vlerësim ortodontik

Për më tepër, ne ofrojmë një qasje individuale për ҫdo fëmijë, me qëllim krijuar dhe respektuar  zakonet pozitive, besimin dhe një ndjenjë sigurie në klinikën dentare. Ekipi ynë ka përvojën dhe durimin për t’u përballur me frikën ose ankthin tek pacientët më të vegjël, duke e shndërruar çdo vizitë në një përvojë pozitive.

• Ekstraktimi i dhëmbëve: Heqja e dhëmbëve të dëmtuar ose që kanë procese infektive. Heqja e dhëmbëve të pjekurisë (molarët e tretë).

• Heqja kirurgjikale e lezioneve patologjike: Heqja e cisteve, tumoreve dhe rritjeve të tjera anormale në zgavrën orale

• Kirurgjia e indeve të buta dhe kockave: Frenulektomi, gingivektomi, kortikotomi, apikotomi

• Kirurgjia para-protetike: Procedura për përgatitjen e indeve orale për ndërtime protetike, të tilla si alveoloplastika, gingivoplastika, vestibuloplastika, frenulektomia, etj.

• Zgjerim kockor dhe transplantim i indeve të buta: Shtimi i nofullës së mangët, indeve kockore dhe gingivave duke përdorur një shart për të mbështetur implantet ose restaurimet e tjera.

• Sinus lift: Ngritja e membranës së sinusit për të krijuar vend për vendosjen e një implanti dentar.

• Biopsi: marrja e mostrave të indeve nga lezione të dyshimta për diagnozë.

Kurorat solo mund të bëhen në çdo dhëmb, ndërsa ura dentare duhet të ketë një hapesire/renditje të përshtatshme të dhëmbëve për vendosjen e saj, e cila përgatitet nga specialisti i protetikës dentare. Gjatë përgatitjes së dhëmbëve, bëhet filmimi/grafia dixhitale e dhëmbëve që trajtohen dhe krijohet një model tre-dimensional. Ky model dërgohet në mënyrë dixhitale në një laborator dentar. Në laboratorin dentar printohet një model 3D, mbi të cilin bëhen restaurimet protetike fikse. Ato kthehen në klinikën dentare dhe provohen në gojën e pacientit. Nëse janë të përshtatshme, mbahen përkohësisht, ose nëse pacienti ka ndonjë vërejtje, korrigjohen në laborator.

Protezat hiqen lehtësisht për pastrim ose korrigjim. Ekzistojnë gjithashtu proteza të plota të mbështetura nga implantet që janë më të pranueshme për pacientin sepse janë më të qëndrueshme (të fiksuara në implante) dhe mund të bëhen minimum prej dy, katër ose gjashtë implantesh.

Shenja e parë është gjakderdhja dhe tërheqja e mishrave të dhëmbëve, si dhe era e keqe e gojës, dhe në fazën e avancuar fillon humbja e kockave rreth rrënjëve, e cila manifestohet me lëvizje/lëkundje të  dhëmbëve. Në klinikën tonë kryhen trajtime periodontale për të kontrolluar inflamacionin, të cilat, të kombinuara me higjienën e duhur të përditshme orale, ndalojnë procesin dhe ruajnë më tej rezultatin.

Procedura kryhet në ordinancë dentare me anë të një xheli zbardhues profesionalë të bazuar në hidrogjen ose peroksid karbamid, ose me trajtim në shtëpi duke përdorur kallëpe të përgatitura individualisht. Kohëzgjatja dhe metoda përshtaten sipas gjendjes së dhëmbëve dhe rezultatit të dëshiruar. Zbardhja është pa dhimbje, nuk dëmton strukturën e dhëmbëve dhe ofron rezultate të shpejta dhe të dukshme, shpesh që në seancën e parë. Trajtimi është i përshtatshëm për të rriturit e të gjitha brezave që duan të rifreskojnë buzëqeshjen e tyre dhe të përmirësojnë vetëbesimin e tyre.

Në klinikën tonë, ky proces kryhet me një metodë profesionale, me ndihmën e llambës zbardhuese Beyond dhe efektin e lazerit të përshpejtimit.

Konsultohuni me dentistët tanë për të marrë një plan të personalizuar dhe trajtim të sigurt.

Pavarësisht nëse bëhet fjalë për kavitete, çarje, trauma apo konsumim natyral, stomatologjia restauruese ofron zgjidhje që rikthejnë funksionin, stabilitetin dhe estetikën e dhëmbëve.

Në varësi të nevojave të pacientit, restaurimi mund të jetë:

-i drejtpërdrejtë/i kryer në një vizitë të vetme, siç janë mbushjet kompozite në zonën e pasmë dhe fasetat nanokompozite shumë estetike në dhëmbët e përparmë

-i tërthortë/i bërë në laborator siç janë kurora, inlay, onlay ose fasetat prej porcelani.

Qëllimi i restaurimit dentar nuk është vetëm korrigjimi vizual, por edhe mbrojtja e pjesës tjetër të dhëmbit, përmirësimi i përtypjes dhe parandalimi i ndërlikimeve të mëtejshme.

Materialet dhe teknologjitë moderne në klinikën tonë do t’ju ofrojnë një pamje natyrale, qëndrueshmëri dhe rehati – për një buzëqeshje që duket dhe ndihet e shëndetshme.

Imazhet radiologjike mund të përdoren për: zbulimin e kariesit të fshehur, pozicionimin e rrënjëve të dhëmbëve, trajtimin e rrënjëve të dhëmbëve, planifikimin e trajtimit ortodontik, pozicionimin e dhëmbëve të paeruptuar, zbulimin e proceseve infektive, cisteve, tumoreve. Me ndihmën e radiografive, ne marrim informacion rreth cilësisë dhe sasisë së kockave në nofulla nëse është e nevojshme të vendoset një implant. Përmes tyre, ne shohim përmbajtjen anatomike (nervat, enët e gjakut, kanalet në kockë, pozicionimin e sinusit maksilar, etj.)

• PANORAMA ME RREZE X

• TOMOGRAFIA E KOMPJUTERIZUAR

• Sedacion/qetësues i lehtë me gaz oksid azoti (gaz qeshës) – synon të ngadalësojë sistemin nervor dhe të çojë në relaksimin e pacientit dhe kapërcimin e ankthit gjatë gjithë trajtimit.

• Gazi është efektiv vetëm gjatë thithjes, pasi ndërhyrja të përfundojë pacienti nuk thith më gaz dhe nuk është nën ndikimin e sedativit, pra nuk i nevojitet kohë për tu zgjuar dhe është gati të largohet nga spitali vetë dhe menjëherë. Rekomandohet për: procedura të shkurtra tek pacientët me ankth, fëmijët, pacientët që nuk duan të ndiejnë asnjë shqetësim gjatë punës, etj.

• Sedacioni intravenoz i theksuar – synon ta relaksojë dhe qetësojë plotësisht pacientin. Qetësuesit dhe analgjezikët administrohen nëpërmjet një linje intravenoze, e cila e çon pacientin në një gjendje gjysmë të përgjumur me reflekse të ruajtura. Pacienti monitorohet nga një ekip anesteziologësh gjatë gjithë procedurës.Pas përfundimit të ndërhyrjes, pacienti nuk është i vetëdijshëm për ndërhyrjen, zgjohet shpejt, por duhet të monitorohet dhe të qëndrojë në spital për rreth 2 orë. Rekomandohet për: ndërhyrje më komplekse ku koha e operacionit shkurtohet për shkak të kësaj anestezie, fëmijë që kanë nevojë për ekstraktim/heqje të dhëmbit dhe bashkëpunimi është i vështirë, pacientë dentofobikë, pacientë që kanë frikë nga gjilpërat, etj.

• Anestezia e përgjithshme – është një gjendje pavetëdijeje në të cilën pacienti është në gjumë të thellë dhe nuk i përgjigjet stimujve. Gjatë këtij lloji anestezie, pacientët intubohen, dhe në stomatologji e përdorim kur ka nevojë për ndërhyrje më të gjata. Pas përfundimit të trajtimit stomatologjik, pacienti zgjohet në një dhomë të veçantë, dhe të gjitha shenjat jetësore monitorohen gjatë gjithë kohës. 2-3 orë pas zgjimit, pacienti është gati të largohet nga spitali. Rekomandohet për: ndërhyrje të gjata dhe të rënda dentare që janë jashtëzakonisht stresuese për pacientët, pacientët me çrregullime psikologjike, fëmijët me nevoja të veçanta, etj.