3 научни апстракти претставени на Конгресот на Европското здружение за хумана генетика (ESHG)

јуни 2, 2025

Претставници од Лабораторијата за персонализирана генетика и молекуларна дијагностика при Жан Митрев Клиника оваа година беа дел од престижниот конгрес на Европското здружение за хумана генетика (ESHG) кој се одржа од 24 до 27 мај во срцето на Милано, Италија​.
Над 5000 учесници од целиот свет присуствуваа на овој значаен настан, а три научни апстракти од нашата клиника беа презентирани од д-р сци. Горан Кунгуловски, м-р Марија Ѓорѓиевска и дипл. мол. биолог Џансел Буковец.
Особено сме горди, што за прв пат на ваква конференција од овој ранг, претставник од нашата држава, д-р Кунгуловски, одржа усна презентација на тема: “Tumors with mutations in chromatin regulators are associated with higher mutational burden and improved response to checkpoint immunotherapy”.

Со ова, нашата клиника уште еднаш потврди дека е во чекор со светската наука и во областа на генетиката.