Laboratori i gjenetikës dhe mjekësisë së personalizuar në Spitalin klinik Zhan Mitrev filloi me kërkimin e virusit të “llojit britanik” VOC 202012/01 në Maqedoni

8 Janar, 2021

Laboratori i gjenetikës dhe mjekësisë së personalizuar në Spitalin klinik Zhan Mitrev filloi me kërkimin e virusit të “llojit britanik” VOC 202012/01 në Maqedoni.

Këto ditë, si pjesë e punës kërkimore shkencore, kemi zhvilluar një protokoll të shpejtë PCR, sipas të cilit mund të zgjedhim kandidatë të dyshimtë për llojin e virusit VOC 202012/01 në Maqedoni. Pas selektimit, prania ose mungesa e tij konfirmohet nga gjenerata e re e sekuencave në kohë reale. Sipas analizave të deritanishme, nuk është zbuluar asnjë izolim me praninë e llojit britanik VOC 202012/01.

Por është zbuluar një lloj i njohur tashmë me konstruktimin e mëposhtëm të mutacioneve në proteinën Spike: del69-70, N439K, D614G. Ekzistojnë prova në literaturën shkencore që këto mutacione çojnë në rritjen e transmetueshmërisë së virusit dhe zvogëlimin e efektit ndaj terapisë me disa antitrupa monoklonalë dhe plazmën kovalente.

Monitorimi i rregullt i evolucionit të virusit në Maqedoni do të ketë një rëndësi të madhe në formimin e strategjive për të luftuar pandeminë, testet diagnostikuese, terapitë dhe vaksinat kundër koronavirusit. Edhe gjatë muajve të ardhshëm, laboratori ynë do të vazhdojë me punën kërkimore shkencore.