Labiaplastika

6 Mars, 2024

Pamja e pjesëve intime të trupit është një temë veçanërisht e ndjeshme për femrat dhe për këtë arsye duhet trajtuar me kujdes. Kjo vlen për të gjitha aspektet, pavarësisht nëse është problem vizual apo funksional. Në këtë kategori bëjnë pjesë edhe labiat e vogla hipertrofike (të zmadhuara). Ato mund të jenë të lindura ose të fituara (pas shtatzënisë, lindjes ose si rezultat i procesit normal të plakjes). Si të tilla, ato ndodhin relativisht shpesh, por me shkallë të ndryshme (më shumë apo më pak). Ato janë shkaktarë të shqetësimeve, infeksioneve dhe shmangies së aktiviteteve seksuale tek femrat dhe pikërisht për këtë arsye pacientët duhet të konsultohen me mjekun.

Çfarë është labiaplastika?

Labiaplastika është një operacion për të korrigjuar labiat e vogla të cilat kanë pësuar ndryshim/ zmadhim. Kjo përfaqëson një kombinim të kirurgjisë plastike gjinekologjike dhe estetike me qëllim rindërtimin (zvogëlimin dhe formësimin) e labia minora hipertrofike, për të marrë pamjen dhe funksionin e tyre natyral anatomik. Labiaplastika përfshin korrigjimin e asimetrisë, veçanërisht kur rritja është vetëm në njërën anë.

Sa shpesh aplikohet labiaplastia?

Vitet e fundit, labiaplastika është bërë një operacion i shpeshtë, si në botë ashtu edhe në vendin tonë. Në kuadër të këtij trendi korrigjimi janë edhe metoda të tjera të destinuara për këtë zonë, si zbardhja e zonës intime, vaginoplastika, korrigjimi i epiziotomisë, ngushtimi i hyrjes vaginale, zmadhimi i labia majora dhe trajtimi jokirurgjik që premton rritjen e zgjimit seksual dhe rinovimin e vaginës.

Përse pikërisht labiaplastika?

Labiat e vogla hipertrofike nuk janë vetëm një problem estetik, por mund të shkaktojë edhe ankesa dhe çrregullime funksionale. Edhe pse shumë gra lindin me labia të vogla të mëdha, të çrregullta-asimetrike ose hipertrofike, dhe në disa raste problemi mund të shkaktohet si pasojë e traumës së lindjes, kirurgjisë gjinekologjike, shkaqeve të tjera traumatike ose procesit natyror të plakjes, ato ende çojnë në të njëjtën pakënaqësi.

Arsyet pse bëhet labiaplastika mund të jenë:

• Pakënaqësi me trupin dhe pasiguri në marrëdhëniet intime
• Problem në ruajtjen e higjienës personale
• Çrregullim funksional i marrëdhënieve seksuale
• Dhimbje gjatë aktit seksual
• Një ndjenjë shqetësimi kur vishni disa lloje veshjesh
• Pengesë gjatë aktiviteteve sportive, dhe ndonjëherë gjatë aktiviteteve normale, të përditshme që shkaktojnë infeksion, kruajtje dhe thatësi të zonës intime
• Ënjtje e labiave, tërheqje e tyre në vaginë dhe lëndime të mëvonshme

Labiaplastika mund të kryhet tek të gjitha femrat që kanë problem, përveç vajzave të mitura, për të cilat kërkohet miratimi i prindërve.
Mjeku specialist në gjinekologji estetike, kirurgji plastike, rikonstruktive dhe estetike, i cili përballet me këtë problem, duhet ta njohë dhe ta kuptojë këtë gjendje, si dhe problemet psikologjike që mund ta shoqërojnë këtë gjendje.

Si duket operacioni i labia minora?

Procedura nuk është e komplikuar, kryhet me anestezi lokale dhe zgjat nga 30 minuta deri në 1 orë. Përdoret një teknikë moderne mikrokirurgjikale, e cila përfshin një prerje shumë të vogël dhe të hollë, duke lënë pas një mbresë si një fije floku. Labiat riformohen dhe lëkura e tepërt dhe indet e tjera hiqen sipas nevojës.

Kur duhet bërë labioplastia?

Ky operacion është një operacion njëditor dhe nuk kërkon përgatitje të veçanta apo shërim të gjatë. Pra nuk është e nevojshme të planifikohet shumë paraprakisht, por operacioni bëhet atëherë kur pacientit i përshtatet më shumë, sigurisht në marrëveshje me kirurgun.
Ajo që është e rëndësishme të theksohet është se, ashtu si me operacionet e tjera jo urgjente, kjo nuk duhet të kryhet gjatë shtatzënisë.

Anestezi lokale apo e përgjithshme?

Labiaplastika kryhet me anestezi lokale dhe si e tillë është mjaft komode dhe pa dhimbje.

A është e rrezikshme labiaplastika?

Ky operacion nuk bën pjesë në operacionet që mbartin rrezik.

Si duket përgatitja për kryerjen e kirurgjisë?

Vetë operacioni nuk kërkon përgatitje serioze. I paraprijnë ekzaminimet rutinë para operacionit, njëkohësisht është e nevojshme të bëhet analiza e plotë e gjakut, si dhe analizat biokimike dhe statusi i koagulimit. Këshillohet që para labiaplastikës të ndërpritet terapia që shkakton gjakderdhje në konsultim me mjekun kirurg.

Rreziqet dhe komplikimet

Komplikimet nga labiaplastika janë shumë të rralla dhe ndodhin në më pak se 1% të rasteve.
Komplikimet mund të parandalohen dhe të reduktohen në minimum me një teknikë të përpiktë operative dhe është gjithashtu e rëndësishme që pacienti t’i përmbahet këshillave të mjekut për kujdesin pas operacionit.

Rezultatet dhe rikuperimi i labiaplastikës

Me labiaplastikë arrihen rezultate të shkëlqyera estetike dhe funksionale, të cilat janë të dukshme menjëherë pas operacionit.
Duhet të keni parasyshë se sportet dhe ushtrimet fizike nuk lejohen menjëherë pas operacionit. Pacienti mund të fillojë sportet dhe aktivitetet e tjera pas kontrollit heqjes së qepjeve. Suturat hiqen ndërmjet ditës së shtatë dhe të dhjetë, kur bëhet kontrolli i parë.

Si të ruani higjienën pas labiaplastikës?

Higjiena mbahet si zakonisht, duke bërë dush me ujë të ngrohtë.

A e zvogëlon labiaplastika ndjeshmërinë në zonën intime?

Përkundrazi, pacientët thonë se cilësia e marrëdhënieve seksuale përmirësohet ndjeshëm pas këtij operacioni.

A janë të përhershme rezultatet e labiaplastikës?

Rezultatet e këtij operacioni janë të përhershme.
Nëse keni nevojë për një konsultë ose ekzaminim, në dispozicionin tuaj është Dr. Violeta Nikollov – gjinekologe dhe mjeke obstetër. Për të rezervuar një termin që ju përshtatet, telefononi në numrin 02 3091 484