Импланти се поставуваат кога постои парцијална или тотална беззабост кај пациентот. Нивната цел е да служат како замена за коренот на забот. На нив се поставуваат коронки кои го заменуваат изгубениот заб или ги фиксираат протетските конструкции кога е потребно да се заменат неколку или сите заби. Изработени се од титаниум, не се корозивни и во однос на коската се бикомпатибилни и интернтни.

• Загубен еден или неколку заби – во овие случаи кај пациентите се вградуваат еден или два импланти и над нив се поставува поединечна коронка или мост за да се надоместат функционалните и естетските недостатоци.

• ALL ON 4 – овој метод го објаснува процесот на враќање на насмевката кога се изгубени сите заби. Се поставуваат 4 импланти на претходно испланирани места и над нив се поставува протетска структура (хибридна протетска конструкција)

• ALL ON 6 – на овој метод се пристапува кога има услови да се постават 6 импланти во    една вилица. Протетската конструкција над нив има за цел да ги надомести сите изгубени заби.

• Guided implantology – ова е метод кој се користи за перфектно позиционирање на еден или повеќе импланти. Со помош на специјализирани програми дигитално се одредува местото на поставување, се изработува така наречен водич (implant guide) и имплантот се поставува на точното испланирано место.

Кога пулпата на забот е инфицирана или воспалена поради длабок кариес, пукнатина, траума или повторени стоматолошки интервенции ендодонтскиот третман е неопходен за да се спречи вадење на забот.

Процедурата вклучува:

-отстранување на инфицираната пулпа

-чистење и дезинфекција на коренските канали

-полнење и запечатување на каналите со специјални материјали

Предности на ендодонтскиот третман се:

-го зачувува природниот заб

-ги елиминира болката и инфекцијата

-спречува понатамошни компликации и потреба од посложени интервенции

Во нашата клиника е изведува сложена ендодонтска терапија со помош на технологија со машински инструменти и дигитална радиографија штп овозможува побрзи, побезболни и прецизни резултати.

Најчесто ортодонтскиот третман се спроведува по комплетно никнување на трајните заби, но при одредени неправилности кои го засегаат развојот на вилиците раниот ортодонтски третман е есенцијален и ја редуцира потребата од сложени третмани во иднина. Навремениот ортодонтски преглед е важен и заради процена на орофацијалните функции: дишење, голтање, зборување. Детската и тинејџерската возраст не е единственото време за исправување на забите. Со напредокот на технологијата денес се достапни протези кои се многу помали, покомфорни, побрзи и подискретни. Алајнерите како ултимативен тип на ортодонтски третман кој постојано се усовршува може да биде опција за сите возрасти, а најмногу за оние кои не сакаат да бидат забележани во процесот на постигнување на убава насмевка.

• Фиксна протеза со керамички брекети

• Фиксна протеза со самолигирачки брекети

•  Алајнери

• Мобилен апарат

• Прегледи и дијагностика на млечни и трајни заби
• Отстранување на кариес и пломбирање
• Профилактички третмани (чистење, флуоризација, залевање на фисури)
• Совети за хигиена и исхрана
• Навремено следење на растот и развојот на забите и вилиците
• Третман на повреди или инфекции на млечните заби
• Лесна седација при потреба за намалување на страв или болка
• Поддршка кај децата со специјални потреби
• Навремено откривање и упатување за ортодонтска проценка

Дополнително нудиме индивидуален пристап кон секое дете, со цел да изградиме позитивни навики, доверба и чуство на сигурност во стоматолошката ординација.Нашиот тим има искуство и трпение да се справи со стравот или анксиозноста кај најмладите пациенти, претворајќи ја секоја посета во позитивно искуство.

• Екстракции на заби: Отстранување заби кои се деструирани или имаат инфективни процеси. Отстранувањето на импактирани заби (најчесто умници-трети молари)

• Хируршко отстранување на патолошки лезии: Екцизија на цисти, тумори и други абнормални израстоци во усната шуплина.

• Мекоткивна и коскена хирургија: Френулектомија, гингивектомија, кортикотомија, апикотомија

• Пред-протетска хирургија: Процедури за подготовка на оралните ткива за протетски конструкции, како што е алвеолопластика, гингивопластика, вестибулопластика, френулектомија итн.
• Аугментација на коски и мекоткивен графт: Зголемување на дефицитарно вилично

• коскено и гингивално ткиво со помош на графт за поддршка на импланти или други реставрации.

• Синус лифт: Подигање на синусната мембрана со целда се направи простор за поставување на дентален имплант.

• Биопсии: земање примероци од ткиво од сомнителни лезии за дијагноза.

Соло коронки може да се изработат на секој заб, додека дентален мост мора да има соодветна распределеност на забите за негова изработка, која ќе ја воочи специјалистот по стоматолошка протетика. При препарација (стругање на забите) се зема дигитален отпечаток од забите што се третираат и се креира тродимензионален модел. Овој дигитално се праќа до дентална лабораторија. Во денталната лабараторија се принта 3д модел, на кој се изработуваат фиксните протетски надоместоци. Тие се враќаат во стоматолошката ординација и се пробуваат во устата на пациентот. Доколку се добри се оставаат привремено да се носат, или доколку има забелешки, се корегираат во лабараторија.

Протезите лесно се вадат од устата за чистење или поправки. Постојат и тотални протези над импланти кои се поприфатливи од страна на пациентот бидејќи се постабилни (се фиксираат за имплантите) и можат да се изработат минимум над два, четири или шест импланти.

Првиот знак е крварење од непцата и нивно повлекување, како и непријатен мирис од устата, а во напреднатата фаза започнува и губиток на коската околу корените кој се манифестира со клатење на забите. Пародонтални третмани за контрола на воспалението се спроведуваат во нашата клиника кои во комбинација со беспрекорна секојдневна орална хигиена го стопираат процесот и понатаму го одржуваат резултатот.

Процедурата се изведува во стоматолошка ординација со професионални избелувачки гелови на база на водород или карбамид пероксид, или со домашен третман преку индивидуално изработени калапи. Времетраењето и методот се прилагодуваат според состојбата на забите и посакуваниот резултат. Избелувањето е безболно, не ја оштетува забната структура и дава брзи и видливи резултати, често уште во првата сеанса. Третманот е погоден за возрасни од сите генерации кои сакаат да ја освежат својата насмевка и да ја подобрат самодовербата.

Во нашата клиника овој процес се изведува со професионална метода, потпомогната со Beyond лампа за белеење и ласерски забрзувачки ефект.

Консултирајте се со нашите стоматолози за да добиете персонализиран план и безбеден третман.

Без разлика дали се работи за кариес, пукнатини, траума или природно трошење, реставративната стоматологија нуди решенија кои ја враќаат функцијата, стабилноста и естетиката на забот.

Во зависност од потребите на пациентот, реставрацијата може да биде:

-директна/изведена во една посета, како што се композитните пломби во бочната регија и високо естетските нанокомпозитни фасетина фронталните заби

-индиректна/изработена во лабораторија како што се коронки, инлеи, онлеи или порцелански фасети.

Целта на денталната реставрација не е само визуелна корекција, туку и заштита на остатокот од забот, подобрување на џвакањето и спречување на понатамошни компликации.

Современите материјали и технологии во нашата клиника ќе ви овозможат природен изглед, долготрајност и удобност- за насмевка што изгледа и се чуствува здраво.

Радиолошката снимка може да служи за: откривање на скриен кариес, поставеност на корените на забите, лекување на коренот на забот, планирање на ортодонтски третман, позиција на нееруптирани заби, детектирање на инфективни процеси, цисти, тумори. Со помош на радиографските снимки добиваме сознаение за квалитетот и количина на коска во вилиците доколку е потребно да се постави имлант. Преку нив ги гледаме анатомските содржини (нерви, крвни садови, канали во коската, поставеност на максиларниот синус итн)

• РЕНТГЕН ПАНОРАМА

• КОМПЈУТРЕСКА ТОМОГРАФИЈА

• Блага седација со диазот оксид гас (гас за смеење) – има за цел да го успори нервниот систем и да доведе до релаксација на пациентот и надминување на анксиозноста во тек на целиот третман. Гасот има дејство само додека се инхалира, по завршувањето на интервенцијата пациентот нема време на будење и е спремен сам и веднаш да ја напушти болницата. Се препорачува за: кратки процедури кај анксиозни пациенти, деца, пациенти кои не сакаат да осеќаат никаков дискомфорт за време на работата итн.

• Потенцирана интравенозна седација – има за цел целосно да го опушти и седира пациентот. Преку интравенска линија се аплицираат седативни и аналгетични средства кои пациентот го водат во полузаспана состојба со зачувани рефлекси. За целата процедура пациентот е мониториран од анестезиолошки тим. По завршувањето на интервенцијата пациентот нема меморија од самата интервенција, брзо се буди, но е потребно да се набљудува и да престојува во болницата околу 2 часа. Се препорачува за: посложени интервенции кај кои се скратува времето на работа заради
• оваа анестезија, деца кај кои е потребна екстракција а соработката е отежната, дентофобични пациент, пациенти кои се плашат од игла итн.

• Генерална анестезија – претставува состојба на несвестна состојба во која пациентот е во длабок сон и не реагира на дразби. Во овој тип на анестезија пациентите се интубирани, а во стоматологијата ја користиме кога има потреба за подолготрајни интервенции. По завршување на стоматолошкиот третман, пациентот се буди во посебна просторија, а за цело време се мониторирани сите витални знаци. 2-3 часа после будењето пациентот е спремен да ја напушти болницата. Се препорачуваат кај: долги и обемни стоматолошки интервенции кои се исклучително стресни за пациентите, пациенти со психолошки нарушувања, деца со специјални потреби итн.