Дигестивно здравје за време на празниците

декември 31, 2025

За време на празниците вообичаено се случуваат заеднички оброци, ручеци или вечери кои честопати траат подолго од вообичаеното. При такви оброци, лесно е нашиот дигестивен систем да се преоптовари и тоа да влијае не само на варењето, туку и на целокупната благосостојба, сонот, па дури и на расположението.
Одржувањето на баланс во нашиот систем за варење во текот на овој период од годината е клучно за уживање без проблеми.

Што се случува во дигестивниот систем за време на празниците?

За време на празниците, промените кои што влијаат на здравјето на дигестивниот систем се следни:

• Консумирањето пообилни или мрсни оброци , може да го забави празнењето на желудникот и да доведе до лошо варење или надуеност.
• Прекумерната консумација на шеќери и празнични слатки, може да ја наруши цревната флора или да предизвика гасови.
• Алкохолните пијалоци, го стимулираат лачењето желудочна киселина и влијаат на цревната подвижност.
• Промените во распоредот на оброците, нарушениот распоред на спиење или намалена физичка активност, можат да влијаат на функцијата на цревата и нивно редовно празнење.
• Промените во емоционалната состојба, нервозата и стресот, можат да придонесат за појава на симптоми како што се рефлукс или дигестивна непријатност.

Практични совети за здравјето на дигестивниот систем за време на празниците

Еве неколку конкретни препораки кои ќе ви помогнат да се чувствувате подобро:

• Умерени порции: послужете мали порции и уживајте во нив полека. Побавното варење го поттикнува празнењето на желудникот и ја намалува надуеноста.
• Внимавајте на комбинациите на храна: избегнувајте комбинирање на премногу масни протеини, тешки сосови и скроб истовремено. Наизменично комбинирајте со зеленчук подготвен на пареа или свежи салати.
• Изберете мудро: одлучете се за риба, посно месо, сезонски зеленчук и мешунки, кои го поттикнуваат здравото празнење на цревата.
• Избегнувајте да заспиете веднаш по јадење: одржувањето на активности (дури и само кратка прошетка) ја поттикнува подвижноста на цревата.
• Останете добро хидрирани: водата е клучна за оптимално варење и спречување на запек, чаеви од билки исто така можат да помогнат за дигестија (на пример, нане или камилица).
• Намалете ја консумацијата на алкохол: ако пиете алкохолни пијалоци, пијте ги со вода, избегнувајте да ги мешате и количината нека биде умерена. Алкохолот може да го наруши варењето и цревната флора.
• Потрудете се да го задржите вашиот вообичаен распоред за оброци и спиење: нарушувањата во вашата рутина можат да влијаат на вашиот дигестивен систем.
• Одвојте време за релаксација: стресот и вознемиреноста влијаат на варењето и можат да предизвикаат прекумерно производство на киселина или цревни спазми. Одвојте неколку минути за да дишете, да разговарате опуштено и да уживате во моментот.
• Вклучете храна што поддржува здрава цревна флора: природен јогурт, кефир и ферментирана храна (доколку не ви пречат) може да помогнат во одржувањето на рамнотежата на цревата.

Кога треба да се консултирате со специјалист?

Иако повеќето дигестивни непријатности во овој период се благи/лесни и привремени, важно е да бидете свесни за одредени знаци кои укажуваат дека треба да се консултирате со гастроентеролог:

• Честа или силна горушица која не се подобрува со основни лекови и трае повеќе од 2-3 дена.
• Постојана надуеност, гасови или абдоминална болка што го попречува одморот или дневните активности.
• Постојани промени како запек или дијареја кои траат неколку дена без очигледна причина.
• Губење на апетит, повраќање, гастроинтестинално крварење (темна или крвава столица), необјаснето губење на тежина.
• Доколку веќе имате дијагностицирана дигестивна состојба (на пример, рефлукс, воспалителна болест на цревата, синдром на иритабилни црева) и доживувате влошување на вашите симптоми.

Закажете консултација со нашите специјалисти на 02 3091 484