Закажете преглед

Закажи преглед

Почитувани,

Користејќи ги дигиталните информациски и комуникациски технологии, Zan Mitrev Clinic обезбеди електронски пристап до здравствените услуги кога не е потребна или можна Ваша лична посета.

Воведуваме online консултација, советување со лекар специјалист од одредена област во траење од 10 минути која е овозможена преку видео комуникација.

За време на видео разговорот, лекарот може да ве советува за терапијата, да предлага стратегии за домашна нега или да препорача дополнителни медицински испитувања.

Закажете online консултација преку нашата интернет страница www.zmc.mk или на следниот линк zmc.tiktak.mk

Со почит,

Zan Mitrev Clinic

00389 2 3091 484

Искуства на наши пациенти

Назад до Искуства

08.04.2020

По успешната операција на транспозиција на големи крвни садови, новороденчето заминува дома

Уште едно новороденче си заминува дома здраво и среќно. Денеска за семејството Јашари е најсреќниот ден во животот. Тие во своите прегратки си ја однесоа дома својата ќерка која првите десетина дена од својот живот ги помина во нашата клиника. Овие денови беа исполнети со многу премрежја, очекувани но и неочекувани состојби кои на крај со помош на нашиот тим хирурзи, анестезиолози, педијатри завршија со најповолен исход за овој наш најмал пациент.

Сега веќе слободно можеме да кажеме дека посветеноста и ентузијазмот на тимот на Д-р Жан Митрев извојуваа уште една победа и донесоа насмевки и надеж во уште едно  семејство.

Борбата за животот на ова бебе започна уште со самото негово раѓање на државната клиника.

Тоа веднаш по породувањето беше донесено во нашата клиника како итен случај. Веднаш беа направени сите испитувања по што се утврди дека станува збор за вродена аномалија наречена транспозиција на големите крвни садови.

– Новороденото беше донесено во нашата клиника само три часа после породувањето. Заради срцевата аномалија, крвта не можеше да се снабдува со кислород, па во многу тешка состојба беше префрлено и итно оперирано, објаснуваат од тимот којшто се грижи за интензивната нега во Педијатриското одделение на нашата клиника.

Операцијата ја изведе доктор Жан Митрев кој појаснува дека се направи комплетна корекција на сите аномалии на срцето.

Операцијата траеше четири часа и помина во најдобар ред. Следниот ден, бебето веќе беше тргнато од машината за дишење и се почна со сите мерки на опоравување.

“Состојбата е повеќе од задоволителна. Пред нас имаме бебе кое нема никакви проблеми. Навистина е убаво чувството кога едно бебе кое беше донесено кај нас комплетно модро борејќи се за живот, веднаш по корекцијата на аномалијата го гледате како лакомо бара храна, се бунтува и гласно плаче покажувајќи ја својата волја за живот – изјави д-р. Митрев, додека ги дава насоките на мајката на бебето како да ја продолжат негата, растот и развојот на нивното чедо во домашни услови.

Родителите Јашари пресреќни заминуваат од нашата клиника со многу надежи, љубов и искрена благодарност до сите кои учествуваа во оваа навистина среќна приказна која животот ја испиша по кој знае кој пат во Zan Mitrev Clinic.

Во време кога светот се соочува со најголемата здравствена криза, пандемијата од коронавирус, Клиничката болница „Жан Митрев“ и целокупниот персонал се максимално посветени на грижата за здравјето на сите пациенти а посебно на оние најмалите кои веднаш по раѓањето се со тешки срцеви аномалии за што нашиот оддел за  Детска кардиохирургија нуди најпрофесионални и најсофистицирани услови во овој дел од Европа.