Уште еден јунак од нашиот Центар за мајка и бебе си замина дома

декември 12,2025

Новороденче старо еден ден со дијагностициран едностран пнеумоторакс и отежнато дишење, беше транспортирано од друга секундарна здравствена установа на одделот за интензивна нега при Центарот за мајка и бебе во нашата клиника. Истото беше веднаш згрижено од тимот со цел да се реши настанатата состојба. Пнеумотораксот е состојба при која воздухот кој нормално се наоѓа во алвеолоте на белите дробови, излегува надвор од алвеолите. Ваквата состојба е многу почеста кај новроденчињата, отколку во било кој друг период од животот. Инциденцата е 1-2% од сите живородени бебиња.

Во овој случај стануваше збор за така наречен спонтан пнеумоторакс, што значи дека бебето имало нормален развојот на белодробието.

По направените испитувања, одбран беше конзервативен пристап, при што дојде до комплетна резолуција, опоравување. По 6 дена активно следење и третман овој јунак замина дома во добра општа состојба.

Му посакуваме многу здравје и безброј безгрижни мигови.