Muaj: Mars 2020

Trajtimi i suksesshëm i mosmbajtjes së urinës tek gratë

Posted on by zmc_piksel_dev

 

Mosmbajtja e urinës e njohur ndryshe si stres-inkontinenca zakonisht ndodh gjatë aktiviteteve të tilla si kollitja, teshtitja,të qeshurat, stërvitja ose në rastet më të rënda gjatë marrëdhënieve seksuale duke u manifestuar me lëshimin e një sasie të vogël të urinës nga uretra – kanali urinar.

Stres-inkontinenca është një nga gjendjet më të zakonshme tek gratë, veçanërisht tek më të moshuarit. Shumë më e madhe është mundësia e shfaqjes së kësaj gjendje edhe tek gratë të cilat kanë pasur një apo më shumë lindje.

Për shkak të stres-inkontinencës, gjatë kollitjeve, teshtitjeve dhe ngritjeve të peshave të rënda shkaktohet presion më i madh në abdomen, presion i cili ndikon drejtpërdrejtë në uretër, duke shkaktuar kështu lëshimin e pakontrolluar të një sasie të caktuar të urinës. Një numër i madh shkaqesh të ndryshme mund të çojnë në shfaqje të stres-inkontinencës. Për shembull, kjo mund të shfaqet si rezultat i dobësimit të muskulit në zonën e pelvisit ose dobësim i muskulit të sfinkterit në qafën e fshikëzës së urinës.  Problemi me mënyrën e në të cilin muskuli i sfinkterit hapet dhe mbyllet, gjithashtu mund të rezultojë në shfaqje të stres-inkontinencës. Kolla kronike, konsumi i duhanit dhe mbipesha trupore ndikojnë në shfaqjen e kësaj gjendje.

Në rastet e mosmbajtjes së urinës, muskujt e pelvisit (legenit) mund të dobësohen. Kjo mund të bëjë që fshikëza të zbresë në pozicion në të cilin ndalon mbylljen e plotë të uretrës, gjë e cila rezulton me urinim të pavullnetshëm.

Simptoma kryesore e stres-inkontinencës është urinimi i pavullnetshëm gjatë ecjes dhe aktiviteteve fizike.  Ky urinim i pavullnetshëm mund të shfaqet në sasi më të vogla ose më të mëdha në varësi të arsyes që e shkakton atë.


Ekzistojnë disa mënyra për trajtimin  e stres-inkontinencës:

– Ushtrime të Kegelit, të njohura ndryshe si ushtrime të pjesës së pelvisit të cilat ndihmojnë në forcimin e muskujve të cilët ndihmojnë në mbajtjen e fshikëzës së urinës, mitrës dhe zorrëve. Me forcimin e këtyre muskujve, mund të reduktoni problemin e lëshimit të pavullnetshëm të urinës.

-Reduktimi i peshës trupore: Stres-inkontinenca është e lidhur me mbipeshën.

Kirurgjia: Kur metodat e tjera të trajtimit të stres-inkontinencës nuk funksionojnë, operacioni mund të jetë një zgjidhje. Kirurgjia tani është minimale invazive dhe kryhet në mënyrë ambulatore në shumicën e rasteve. Ekzistojnë disa lloje të operacioneve të kanë për qëllim  përmirësimin e funksionit të sfinkterit të fshikëzës dhe trajtimin e mosmbajtjes së urinës.

– Ndërhyrje minimale invazive: Në këtë procedurë, kirurgu bën 8 deri në 9 mm.  Prerje në pjesën e përparme të murit të vaginës dhe me ndihmën e disa mjeteve të veçanta për ndërhyrje bëhet vendosja e  një aksesori polipropilen i cili është i qëndrueshëm dhe merr funksionin e sfinkterit në fshikëzën e urinës. Ky konsiderohet si një standard i artë për trajtimin e stres-inkontinencës i cili është mbi 95% i suksesshëm  me ndjekje deri në 5 vjet.

Sfinktere artificiale: Zakonisht aplikohen tek meshkujt, por gjithashtu mund të jenë të përshtatshme edhe për gratë.

 

Vetëm një e katërta e grave kërkojnë ndihmë mjekësore në periudhën e menopauzës

Posted on by zmc_piksel_dev

Menopauza, e njohur ndryshe edhe si klimaterium ose si puberteti i dytë, shënon fundin e ciklit menstrual tek gratë pas moshës 50 vjeçare, po kështu edhe fundin e periudhës së riprodhimit tek gratë. Menopauza përcaktohet si gjendje e mungesës së menstruacioneve gjatë 12 muajve të njëpasnjëshëm.

Përfundimi i periudhës riprodhuese është rezultat i zvogëlimit të sekretimit të hormoneve femërore (estrogjenit dhe progesteronit) tek vezoret. Kalimi i gjendjes së riprodhimit në infertilet tek gratë ndodh gradualisht gjatë disa viteve dhe është pasojë e plakjes biologjike. Përfundimisht, vezoret nuk prodhojnë më vezë dhe gruaja nuk mund të mbetet shtatzënë, por gjithësesi ajo vazhdon të jetë e shëndetshme, vitale dhe të ketë jetë seksuale aktive, shprehet Prof. Dr. Vasil Iliev, specialist në gjinekologji dhe obstetrikë.

Fillimi i menopauzës është individual. Zakonisht shfaqet ndërmjet moshës 45 dhe 55 vjeç, ka gra që hyjnë në menopauzë në vitet 30 ose 60. Mosha mesatare në të cilën gratë hyjnë në menopauzë konsiderohet të jetë 51 vjeçare.

Gjatë periudhës se menopauzës vezoret prodhojnë estrogjen, por ka mungesë të progesteronit – hormon i cili rregullon ciklin menstrual dhe fertilitetin. Gjatë kësaj periudhe rreziku i shfaqjes së osteoporozës rritet, sikurse edhe rreziku i shfaqjes së sëmundjeve kardiovaskulare dhe rënies konjitive. Edhe pse 70 – 80 përqind e grave gjatë periudhës së menopauzës përjetojnë valë nxehtësie dhe djersitje gjatë natës (simptoma vazomotorike), ndjesi kalimtare të nxehtësisë, djersitje, nervozizëm ose ndjesi të ftohti që zgjasin nga 1 deri në 5 minuta (ose ndonjë kombinim i tyre),  vetëm 25%  e grave kërkojnë ndihmë mjekësore gjatë periudhës së menopauzës.

Në vijim disa nga simptomat të cilat tregojnë fillimin e menopauzës:

1.Çrregullim i ciklit menstrual

Çrregullimi i ciklit menstrual është simptoma e parë dhe më e zakonshme e menopauzës. Eshtë rezultat i paqëndrueshmërisë së hormoneve në trupin tuaj që funksionojnë deri në fund të riprodhimit tuaj.

  1. Valë nxehtësie

Valët e nxehta dhe nganjëherë të ftohta ndodhin papritmas dhe shkaktojnë skuqje në fytyrë. Kjo ndodh për shkak të rënies së estrogjenit.

  1. Siklet gjatë fjetjes

Gratë të cilat tashmël kanë hyrë në periudhën e menpopauzës mund të vuajnë nga pagjumësia, shpesh ato nuk mund të flenë për shkak të valëve të nxehtësisë. Përveç reduktimit të furnizimit të trupit me estrogjen, gjithashtu reduktohet edhe furnizimi i trupit me progesteron gjatë periudhës së menopauzës.

  1. Tharje vaginale

Për shkak të zvogëlimit të prodhimit të estrogjenit, i cili është përgjegjës për ruajtjen e lagështirës vaginale, indet fillojnë të thahen dhe bëhen më pak elastike.

5.Nervozizëm dhe depresion

Stresi, zemërimi dhe depresioni mund të jenë të pranishëm tek gratë të cilat kanë hyrë në periudhën e menopauzës. Ankthi dhe humbja e stabilitetit emocional janë simptoma të zakonshme, siç janë momentet e panikut dhe simptomat fizike, si rrahjet e shpejtuara të zemrës dhe vështirësitë në frymëmarrje.

  1. Dhimbje në gjymtyrë

Për shkak të çekuilibrit hormonal, gjymtyrët ngadalë fillojnë të ënjten dhe të shfaqin dhimbje. Sidoqoftë, nëse dhimbja bëhet më e shpeshtë dhe e padurueshme, duhet patjetër të konsultoheni me mjekun tuaj.

  1. Disbalancimi hormonal

Një simptomë e zakonshme e menopauzës është prania e disbalancimit hormonal gjë e cila reflektohet edhe në shfaqjen e ndryshimit në rritjen e flokëve. Për shkak të reduktimit të prodhimit të estrogjenit, mund të ndodhë edhe humbja e flokëve.

Simptomat e vazomotorit, janë të zakonshme tek gratë perimenopausal dhe menopausal, shoqërohen me cilësi të dobët të gjumit, vështirësi në përqendrim, nervozizëm, ulje të cilësisë së jetës, gjendje të dobët shëndetësore dhe humbje të eshtrave.

Menopauza gjithashtu mund të shoqërohet me një rrezik të shtuar të sëmundjeve kardiovaskulare dhe ndryshimeve konjitive.

Sindroma gjenitourinare e menopauzës, me ndryshime në fshikëz, vulvë dhe vaginë, është e pranishme tek pothuajse 50% e grave pas menopauzës. Simptomat përfshijnë thatësira vaginale, ethe, acarim, thatësi, dhimbje gjatë marrëdhënieve seksuale, urinim të shpeshtë dhe infeksione të përsëritura të traktit urinar. Kjo ndikon shumë në marrëdhëniet intime dhe cilësinë e jetës në përgjithësi.

Terapia me anë të hormonit menopausal siguron lehtësimin e simptomatologjisë vazomotore (valët e nxehtësisë, djersitjet gjatë natës, gjumi i jo i qetë, etj.), redukton osteoporozën dhe rrezikun e frakturave dhe shmang sindromën gjenitourinare të menopauzës.

është shumë e rëndësishme dhe e veçanërisht e dobishme për gratë që të informohen saktësisht rreth menopauzës, si dhe opsionet e ndryshme të cilat mund t’iu ofrohen në rast se kanë nevojë për ndihmë dhe për ti përballuar më lehtë simptomat dhe pasojat e mundshme.

Muaji i dashurisë në emër të të gjithë herojve tanë të vegjël

Posted on by zmc_piksel_dev

Dhe këtë vit nën moton “MUAJI I DASHURISË NË EMËR TË TË GJITHË HEROJVE TANË TË VEGJËL”

“Ndryshimet e vogla mund të bëjnë dallime të madha”. Në muajin shkurt, janë realizuar disa aktivitete me anë të të cilave i jemi bashkuar përpjekjeve për të rritur ndërgjegjësimin e çdo individi për kujdesin që të gjithë duhet t’i kushtojmë shëndetit të zemrës dhe kujdesit ndaj  rreziqeve të shfaqjes së anomalive të caktuara të cilat mund të ndikojnë në funksionin e zemrës.

Muaji Shkurt është shënuar si muaji i shëndetit të zemrës në Amerikë dhe për më tepër muaji që përqëndrohet në ndërgjegjësimin e defekteve të lindura të zemrës. Me anë të promovimit të mënyrës së shëndetshme të jetesës dhe ekzaminimeve në kohë, ekipi i ZAN MITREV CLINIC bëri përpjekje për të përcjellë mesazhin tek të rinjtë të cilët duhet të jenë promovues të këtyre ndryshimeve dhe të vazhdojnë punën e tyre me përgjegjësi shoqërore.

Si pjesë e aktiviteteve, në ambjetet e Zan Mitrev Clinic u organizuan disa seminare për vullnetarët e Kryqit të Kuq të Qytetit të Shkupit dhe u drejtuan nga ekipi i ekspertëve të klinikës tonë. Është mbajtur seminar nëpërmjet të cilit psikologët tanë kishin si qëllim kryesor reflektimin tek të rinjtë në lidhje me atë çfarë mund të bëjmë për shëndetin tonë mendor duke mbështetur kështu edhe shëndetin e zemrës, fizioterapistët folën për rëndësinë e aktivitetit fizik ndërsa nutricionistët për mënyrën se si ushqimi kontribuon në shëndetin e duhur dhe energjinë e nevojshme.

Në kuadër të këtyre aktiviteteve gjithashtu janë realizuar edhe ekzaminime falas kardiologjike dhe pediatrike për fëmijët e kampeve të refugjatëve të vendosura në Maqedoni.

Ne besojmë se aktivitete të tilla do të kontribuojnë në promovimin e shëndetit të zemrave tona, dhe nëpërmjet të cilave i respektojmë të gjithë herojtë tanë të cilët kanë kryer intervenime dhe operacione në klinikën tonë.

Festimi i 20 vjetorit të “Zan Mitrev Clinic”

Posted on by zmc_piksel_dev


Akad. Dr. Mitrev: Jam i lumtur që ju kam, që mund t’i bëj të gjitha këto për ju dhe që gjithçka që bëj ka kuptim!

“Shpresoj që të jeni duke kaluar mirë, jam i lumtur që shoh kaq shumë njerëz të dashur. Po të mos ishin këto ngjarje dhe momente të tilla, nuk do të kishim mundësi të takohemi me njeri-tjetrin, ndërsa unë, e besoni apo jo, këtu jam për 20 vjet me rreadhë. “Shumë gjëra kemi kaluar përgjat këtyre viteve, por rëndësi ka që jemi këtu dhe bëjmë nje pune te shkelqyer, kemi bërë shumë dhe do të vazhdojmë po në këtë rrugë” – u shpreh Akad. Dr. Zhan Mitrev, gjatë fjalimit që mbajti për të pranishmit në Hotelin Aleksandar Palace me rastin e festimit të 20 vjetorit në ditën kur filloi punën Zan Mitrev Clinic 20 vjet më parë.

Saktësisht 20 vjet më parë, më 1 mars të vitit 2000, me operacionin e parë të by-pass në Republikën e Maqedonisë, u vendosën themelet e shërbimeve moderne mjekësore. Pikërisht atëherë  filloi të shkruhet historia e shëndetësinë maqedonase, epoka e re në kirurgjinë kardiovaskulare në Maqedoni.

“Sot është një ditë e veçantë, sot është “dita e faljes” shumë persona më kanë kërkuar që “ti fal” nëse dicka kanë gabuar me mua, por sot edhe unë dua t’iu them “më fal” të gjithë atyre që kanë qenë me mua për gjithë këto vite, të më falin që jam kështu sic jam. Nuk e kanë aspak të lehtë, le të më falin pasi më duhet të kërkoj rregull dhe disiplinë, të dihet puna e secilit, të ketë respekt të ndërsjelltë  dhe të ketë hierarki. Nuk është e lehtë, prandaj, të më falin, por nuk do të mund të jetë ndryshe, kështu do të vazhdojmë më tej” – shprehet me buzëqeshje Akad. Dr. Mitrev dhe shtoi se është krenar që nga spitali si institucion nga i cili njerëzit kanë frikë dhe traumatizohen ai ka arritur të krijojë diçka krejtësisht ndryshe.

“Jam krenar që kami persona të një niveli të lartë, mjekë të nivelit të lartë, sonte dhe mysafirë të nivelit të lartë, dhe ne të gjithë bëjmë punë dhe vepra të nivelit të lartë. Pra, është e mundur që edhe në Maqedoni të bëhen vepra të tilla dhe unë këtë e tregoj me gjithçka që bëj edhe pse kam pasur kundërshtarë të ndryshëm. Por fakt është se gjithçka që unë bëj është këtu, qëndron këtu dhe është për të gjithë ne. Ne kemi krijuar një sistem në të cilin, pavarësisht nëse bëhet fjalë për biznesmen apo për ndonjë rast social, të gjithë marrin të njejtin shërbim, të njëjtin trajtim, të njëjtën qasje njerëzore dhe unë e konsideroj këtë si një arritje të madhe” – shprehet Akad. Dr. Mitrev, para se t’iua dorëzonte skenën mysafirëve të muzikës, të cilët u kujdesën për atmosferën fantastike dhe shënimin e këtij përvjetori,duke ftuar në skenë një prej tyre, kitaristin e njohur Vllatko Stefanovskin,  i cili shpesh në bisedat e tyre thoshte – ‘Ju jeni të suksesshëm nëse jeni të lumtur; “Dhe unë”, tha Akad. Dr. Mitrev, “Jam shumë i lumtur që ju kam të gjithë ju që mund t’i bëj të gjitha këto për ju, dhe që gjithçka që bëj ka kuptim, dhe këtë e shoh në të gjitha anët dhe kjo më plotëson, më motivon”.

Përveç Stefanovskit, i cili luajti në kitarë sëbashku me grupin e tij, tenori Pavle Kamiloski ishte gjithashtu përgjegjës për atmosferën e shkëlqyer të festimit, me zërin e tij dhe performancën unike me këngë italiane, këngë franceze dhe shfaqjeve unike nga ana e orkestrës shoqëruese.

Në përputhje me pjesën zyrtare në këtë ditë u mbajt dhe simpoziumi i cili filloi saktësisht në mesditë me temë: Zhvillimi i kardiokirurgjisë gjatë 20 viteve të fundit”, në të cilin morën pjesë emra të njohur në këtë fushë si: Prof. Dr. Marko Turina, ish-drejtor i Klinikës për kirurgji kardiovaskulare në Spitalin Universitar në Zyrih, Zvicër dhe ish-president i Shoqatës Evropiane për Kirurgji Kardiake; Prof. Dr. Martin Kostoli, drejtor i departamentit të shërbimeve klinike të kirurgjisë kardiotorakale në spitalin “Great Ormond Street”, Londër, Angli; Prof. Dr. Stiven Bibevski – nga spitali për fëmijë “Joe DiMaggio”, për transplantim dhe mbështetje mekanike të zemrës, Hollywood, Florida, SHBA; Prof. Dr. Sllobodan Ilic, drejtor i departamentit të kirurgjisë kardiake në Klinikën Universitare për Fëmijë “Tirshova”, Beograd, Serbi; Prof. Dr. Ditmar Franz, në kardiologjinë pediatrike, Universiteti “Johann-Wolfgang Goethe” në Frankfurt, Gjermani; Prof. Dr. Sotirios Prapas, drejtor i departamentit të kirurgjisë kardiake, Qendra spitalore “Henry Dunant”, Athinë, Greqi; Prof. Dr. Ivan Knezevic, drejtor i qendrës së transplantit, departamenti i kirurgjisë kardiovaskulare, Qendra Klinike Universitare Ljubljanë, Slloveni; Prof. Dr. George Babin Ebel, nga klinika e kirurgjisë kardiovaskulare “Bad Neustadt”, Gjermani, Prof. Dr. Bojan Biocina, Shef i departamentit të kirurgjisë kardiake në Spitalin Universitar “Rebro”, Zagreb, Kroaci;  Prof. Dr. Anton Moritz, ish-drejtor i Departamentit të kirurgjisë kardiovaskulare dhe torakale në Klinikën Universitare të Kirurgjisë kardiovaskulare dhe torakale në Frankfurt, Gjermani. Nderin për përmbledhjen e këtij simpoziumi me mbajtjen e fjalimit të tij e kishte  Akad. Dr. Zhan Mitrev, Drejtor ekzekutiv i Zan Mitrev Clinic.

Me respekt,

Zan Mitrev Clinic