Muaj: Shtator 2020

Me datë 8 shtator shënohet Dita Botërore të Fizioterapistëve. Në këtë ditë, në organizatën e Shoqatës Maqedonase të Fizioterapistëve kryhen rregullisht aktivitete organizative të shumta nga ana e fizioterapistëve.

Këtë vit, Dita Botërore e Fizioterapistëve shënohet nën moton “Rehabilitimi dhe COVID-19”. Kjo ditë ka si fokus rehabilitimin e pacientëve pas infektimit me COVID-19 dhe rolin e fizioterapistëve në trajtimin dhe menaxhimin e personave të infektuar nga ky virus.

Fushata është përqendruar tek mesazhet në vijim:

• Ushtrimet luajnë një rol shumë të rëndësishëm në shërimin e personave me Covid -19
• Si ekspertë të lëvizjes, fizioterapistët mund t’i udhëzojnë pacientët se si stërvitja (ushtrimet) mund të ndihmojë në përmirësimin e tyre;
• Personat të cilët kanë probleme serioze të shkaktuara nga Covid-19 kanë nevojë për rehabilitim dhe fizioterapi për t’u rikuperuar nga efektet e trajtimit të sëmundjes;
• Aplikimi i konsultimeve online mund të sigurojë për pacientët qasje më të lehtë me fizioterapistët me qëllim për t’iu ardhur në ndihmë lidhur me trajtimin e gjendjes së tyre nga ndikimi i Covid – 19;
• Konsultimet online mund të jenë po aq efektive sa metodat konvencionale të kujdesit shëndetësor në përmirësimin e funksionit fizik.

Duke pasur parasysh se e gjithë bota është nën ndikimin e pandemisë, World Physiotherapy dhe OBSH rekomandojnë që të mos mbahen ngjarje me grupe të mëdha njerëzish për shkak të rrezikut të transmetimit të virusit SarsCov2, prandaj janë dhënë disa rekomandime edhe për kremtimin e duhur të kësaj dite.

Dita Botërore e Fizioterapistëve festohet çdo vit me datë 8 Shtator, ditën kur është themeluar Konfederata Botërore e Terapisë Fizikale në vitin 1951 e cila në vitin 2020 është riemëruar dhe ka marë emrin Fizioterapia Botërore (World Physiotherapy). Pikërisht, në këtë ditë fizioterapistët promovojnë profesionin e tyre që ka për qëllim:

– demonstrimin e rëndësisë së këtij profesioni në shëndetin dhe mirëqenien e popullatës globale

– realizimin e fushatave në emër të profesionit dhe pacientëve të cilat mbërrijnë deri tek qeveritë dhe krijuesit e politikave

– rritjen e nivelit të profilit të këtij profesioni.

Kjo ditë shënon unitetin dhe solidaritetin e komunitetit të fizioterapisë në të gjithë botën. Është një mundësi për të bërë të njohur punën që bëjnë fizioterapistët për pacientët e tyre dhe komunitetin.

Fizioterapia Botërore (World Physiotherapy) ka për qëllim  të mbështesë organizatat-anëtare të saja dhe  fizioterapistët individualisht në përpjekjet e tyre për të promovuar profesionin dhe për të përmirësuar shëndetin global, nëpërmjet Ditës Botërore të Fizioterapistëve.

Për herë të parë këtë vit, materiali promovues për shënimin e Ditës Botërore të Fizioterapistëve nga ana e menaxhmentit të Shoqatës Maqedonase të Fizioterapisë, në bashkëpunim me World Physiotherapy, është përkthyer në Maqedonisht për qasje më të lehtë për të gjithë kolegët në vend si dhe për pacientët, botuar në faqen e tyre zyrtare https://world.physio/wptday/toolkit

Me qëllim për të shpëtuar edhe një jetë tjetër, për herë të parë në vendin tonë, është aplikuar tek pacienti i sëmurë rëndë me infeksion COVID-19 ECMO (oksigjenizimi i membranës ekstrakorporale) me anë të përdorimit të filterit CytoSorb.

Oksigjenimi i membranës ekstrakorporale – ECMO është një lloj i modifikuar i tejkalimit kardiopulmonar që përdoret si mbështetje e përkohshme për pacientët me çrregullim të funksionit të frymëmarrjes ose me çrregullim kardiak. Komponenti kryesorë i pajisjes ECMO është oksigjenuesi i membranës, me anë të së cilit gjaku shpërndahet nëpërmjet membranës gjysmë të përshkueshme duke bërë në këtë mënyrë pastrimin e dioksidit të karbonit.

Pacienti u shtrua në Spitalin klinik Zhan Mitrev në gjendje shëndetësore jashtëzakonisht të rëndë me sindromën akute të distresit respirator, me saturim (ngopje) të ulët periferike, gulçim dhe temperaturë të lartë 39C. Pacienti u intubua menjëherë dhe u vendos në ventilim mekanik. Për shkak të ndrshimit të analizave të gazit me vlerë të lartë pCO2, pavarësisht mbështetjes së lartë të frymëmarrjes dhe përqendrimit maksimal të oksigjenit, pacienti është vendosur në oksigjenim të membranës ekstrakorporeale – ECMO me përdorimin shtesë të filtrit CytoSorb.

Me zgjerimin e njohurive tona mjekësore dhe me anë të ndjekjes së rekomandimeve më të fundit për trajtimin e pacientëve me COVID-19 kemi filluar një lloj tjetër të pastrimit të gjakut bazuar në metodën e hemoabsorbimit të citokinave dhe ndërmjetësuesve të tjerë inflamatorë me filtrin CytoSorb (të aprovuar nga FDA për trajtimin e pacientëve të sëmurëve kritikë me infeksion COVID-19) me kombinim të oksigjenimit të membranës ekstrakorporale – ECMO.

A i keni vënë re shiritat  me ngjyra të ndryshme që përdorin sportistët? Këto shirita gjithashtu ndihmojnë gjatë shtatzanisë në lehtësimin e vështirësive, mbështetjen e muskujve të barkut dhe lehtësimin e ngërçeve menstruale.

Kinesiotaping është një shirit elastik, vetëngjitës që është zhvilluar që në vitin 1979. Karakteristike tek këto shirita është fakti që nuk kanë lateks, është hipoalergjik dhe mund të përdoret për disa ditë. Përdorimi i tyre është i sigurt për të gjithë duke filluar nga foshnjat deri tek pacientët e rritur.

Shiriti është 100% i përbërë nga fije pambuku dhe ngjitës mjekësor akrilik. Është i papërshkueshëm nga uji dhe nuk  ndikon në kufizimin e lëvizjes. Elasticiteti i shiritit ndikon në relaksimin dhe stimulimin e muskujve. Vetë shiriti lehtëson procesin e shërimit natyral të trupit, siguron mbështetje dhe stabilitet për muskujt dhe nyjet, përmirëson qarkullimin e gjakut dhe atë limfatik, zvogëlon dhimbjen, zvogëlon ënjtjen dhe kontrollon inflamacionin.

Kur bëhet fjalë për shtatzëninë, shiriti kinesio është një mundësi e sigurt dhe efektive e trajtimit. Dhimbja e muskujve është e zakonshme tek gratë gjatë shtatëzanisë, veçanërisht në pjesën e shpinës dhe të pelvisit (legenit), si dhe dhimbja ligamenteve (veçanërisht në pjesën e poshtme të barkut ose në pjesën e bikinit).

Në këto kushte, shiriti kinesio është një metodë alternative e përdorimit të ilaçeve. Nëse aplikohet në mënyrën e duhur, atëherë është opsioni ideal për lehtësimin e dhimbjeve gjatë shtatëzanisë.

Aplikimi i shiritave kinesio në pjesën lumbare të shpinës ose në pjesën e poshtme të barkut ndihmon në balacimin e peshës dhe gjithashtu në reduktimin e lodhjes dhe dhimbjes që shfaqet.

Ekzistojnë disa lloje të shiritave kinesio që mund të ndikojnë për mbështetjen e barkut gjatë shtatzanisë, muskujve të barkut dhe shpinës.

“Brez” abdominal, shirita mbështetës vertikal, “brez” për foshnja, аplikim për mbështetje të plotë të barkut, aplikim i kombinuar për palcën lumbale dhe muskujt e barkut, aplikim për mbështetje të diafragmës, etj.

Me aplikimin e njërës prej këtyre teknikave (sipas nevojës) arrihen efekte të ndryshme: ngritja e barkut dhe lehtësimi apo çlirimi i presionit në pjesën e pelvisit, lehtësimi i dhimbjeve në pjesën e poshtme të barkut dhe shpinës, mbështetja dhe ngritja e pjesës së poshtme të barkut, ulja e pjesës së sipërme të barkut dhe çlirimi i diafragmës për të lehtësuar frymëmarrjen.

Këto aplikacione mund të kombinohen me aplikimin e duhur për muskujt e shpinës, veçanërisht në pjesën lumbale të shpinës.

Duhet theksuar se ekzistojnë teknika të përshtatshme që përdoren në trajtimin e “shenjave” nga lindja cezariane. Ato ndihmojnë në lehtësimin e muskujve të barkut në atë zonë, si dhe lirimin e fascisë.

Teknika e kinesiotaping mund të përdoret gjithashtu për lehtësimin e dhimbjeve të barkut gjatë ciklit menstrual dhe çlirimin e muskujve të barkut. Me anë të teknikave të përshtatshme siç është siç është përdorimi i EDF – kinesiotaping mund të ndihmojë në lehtësimin e ndjeshëm të dhimbjeve të muskujve gjatë kushteve të tilla.

Gjatë shtatëzënësisë, pas lindjes, madje edhe gjatë ditëve të ciklit menstrual, këshillohuni dhe kërkoni ndihmë nga fizioterapisti juaj.

Ruajtja e shëndetit të organeve riprodhuese tek gratë është tepër e rëndësishme përgjatë gjithë jetës.

Duke pasur parasyshë se si rezultat i ndryshimeve ndaj të cilave i nënshtrohet sistemi gjenital, ndryshojnë edhe nevojat shëndetësore të çdo gruaje. Ekipi ynë i gjinekologëve është i përgatitur për ta ndjekur dhe kontrolluar shëndetin e gruas duke filluar nga cikli i parë menstrual deri tek menopauza, si dhe më tej.

E dimë që kujdesi bashkëkohorë përfshin edhe konsultimin me pacienten përsa i përket nevojave fizike, psikologjike, emocionale dhe shoqërore, në një mjedis të relaksuar dhe të rehatshëm, si dhe aplikimin e procedurave më të reja diagnostike, dhe ndjekjen e përparimit të gjendjes shëndetësore nëpërmjet programeve të veçanta individuale dhe nëpërmjet konsultimeve.

Në dispozicion kemi shërbime të plota ambulatore dhe spitalore të cilat përfshijnë kontrolle gjinekologjike, ndjekjen e shtatzanisë, kontroll urogjinekologjik subspecialistik, intervenime ambulatore, procedura operative gjinekologjike, gjinekologji mikroinvazive dhe kirurgji uro-gjinekologjike.

Ne ofrojmë profesionalizëm, kujdest të nivelit të lartë dhe plan individual terapeutik për çdo grua. Sepse shëndeti juaj është i rëndësishëm për ne!

Kujdesi gjinekologjik – përfshin një gamë të gjërë shërbimesh për ndjekjen e nevojave të gruas duke filluar nga kontrollet e rregullta vjetore deri tek gjendjet komplekse. Shërbim ambulator dhe spitalor për sëmundjet beninje dhe malinje të traktit gjenital. Jemi të specializuar në kirurgjinë gjinekologjike minimalisht invazive, me anë të së cilës kohëzgjatja e qëndrimit në spital dhe periudha e rikuperimit është e minimizuar. Përdorim metoda mjekësore bashkëkohore të bazuara në prova përsa i përket diagnotikimit dhe trajtimit të kancerit në organet riprodhuese.

Kujdesi i traktit urinar dhe kushtet e pelvisit

Nuk duhet të keni ndrojtje nëse përballeni me urinim të pakontrolluar dhe të padëshiruar, rënie të organeve gjenitale apo me probleme gjatë periudhës së menopauzës. Ekipi ynë i uro-gjinekologëve është në dispozicionin tuaj. Ata kanë përvojë shumëvjeçare në diagnostikimin dhe trajtimin e çrregullimeve të funksionit të traktit urinar tek gruaja siç është inkontinenca urinare, prolapsi i organeve gjenitale apo inkontinenca fekale.

Kujdesi obstetrik

Shtatzënia është një nga momentet më të rëndësishme në jetën e një gruaje, d.m.th familja. Për ne, çdo shtatzëni është e veçantë, dhe qasja për monitorimin e shtatzënisë bazohet në standardet më të larta të obstetrikës. Ne kujdesemi për ruajtjen e një shtatëzanie të shëndetshme përmes ekzaminimeve rutinë dhe kujdesit para lindjes, shqyrtimeve për anomalitë kromozomale dhe strukturore si dhe diagnostikimin dhe monitorimin e ndërlikimeve të mundshme. Gjithashtu, edhe kujdesi për gratë me rrezik të lartë të shtatzanisë është pjesë e punës tonë dhe ka për qëllim ruajtjen e shëndetit tuaj dhe të fëmijës tuaj.

Çfarë është porti?

Porti është një pajisje e cila vendoset nën lëkurë, zakonisht ndodhet nën kockën e djathtë të qafës. Kjo pajisje mundëson shpërndarje më pa dhimbje dhe të sigurt të ilaçeve të planifikuara.

Çdo port përbëhet nga dy pjesë:

1. Pjesa apo hapësira nën lëkurë – pjesa që lihet nën lëkurë dhe lejon shpimin pa dhimbje
2. Kateteri – tubi i gjatë që përfundon në venën subklaviane, përmes së cilës ilaçet futen në qarkullimin e gjakut të njeriut.

Porti zakonisht vendoset nën ndikimin e anestezisë lokale.

Porti është i parashikuar të vendoset tek ata pacientë që duhet të marrin ilaçe në mënyrë intravenoze dhe që zakonisht kanë dëmtime në murin e venës. Zakonisht përdoret tek pacientët me sëmundje malinje të cilët marrin ilaçe citostatike, si dhe tek pacientët me sëmundje autoimune.

AJO ÇFARË DUHET TË DIJË ÇDO PACIENT

• Është e detyrueshme të lani duart para çdo prekjeje të zonës ku ndodhet pajisja (porti) në mënyrë që të parandaloni infeksionin e mundshëm.
• Duhet të shmanget puna e rëndë fizike
• Porti duhet të pastrohet / shpëlahet rregullisht me Heparin çdo 20 (njëzet) ditë për të parandaluar bllokimin e portit nga mpiksja e gjakut.
• Duhet të mbahet higjena e rregullt e trupit
• Është e ndaluar veshja e rrobave të ngushta, të cilat shkaktojnë presion (shtypje) dhe mund të çojënë në ndërprerjen e qarkullimit në zonën në të cilën ndodhet porti.

Pacienti duhet të shkojë te mjeku MENJËHERË nëse:

• ka skuqje, dhimbje, nxehtësi dhe ënjtje të lëkurës ku ndodhet porti
• ka gjakderdhja
• ka temperature dhe ethe
• lënda e lëngshme del nga porti
• ka marramendje dhe gulçim
• shfaqet katetër nën lëkurë
• nuk mund të pastrohet/shpëlahet porti

Të gjithë pacientët që kanë sëmundje malinje dhe kanë nevojë për mjekim afatgjatë intravenoz, është e mundur që të pranohen në spital dhe të bëhet vendosja e portit.

Për ata pacientë që tashmë kanë të vendosur një port, mund të bëhet rregullisht shpëlarja e portit me heparinë në kushte të sigurta dhe sterile, por më parë me kontroll të detyrueshëm me ultratingull për pozicionimin e duhur të tij.

Nëse keni nevojë për konsultim dhe për kryerjen e kontrollit të portit, ju lutemi të na kontaktoni në numrin tonë të kontaktit: 00389 2 3091 484