7 hapa të rëndësishëm për hidratimin e lëkurës

Korrik 07,2021

Çfarë nënkupton lëkura e hidratuar?

Është e natyrshme të mendoni për ujë kur dëgjoni fjalën “hidratim”. Me të drejtë, hidratimi i lëkurës nënkupton rritjen e përmbajtjes së ujit në të. Nëse lëkura juaj është e dehidratuar, mund të duket e çarë, e tendosur, e thatë dhe pa shkëlqim.
Lëkura e hidratuar është e lëmuar, me shkëlqim dhe ka një ton të barabartë. Për ta arritur këtë, duhet të shuani etjen tuaj herë pas here.
Sidoqoftë, njerëzit shpesh kanë tendencë të ngatërrojnë lëkurën e dehidratuar me lëkurën e thatë. Edhe pse ato përdoren si sinonim, ekziston një ndryshim thelbësor ndërmjet këtyre dy gjendjeve.

Ndryshimi ndërmjet lëkurës së dehidratuar dhe lëkurës së thatë

Lëkurës së dehidratuar i mungon uji i mjaftueshëm, ndërsa lëkurës së thatë i mungon sebumi i mjaftueshëm. Lëkura e thatë gjithashtu mund të jetë rezultat i përdorimit të disa ilaçeve ose pranisë së disa sëmundjeve të caktuara.
Faktorë ndikues të tillë si klima, stili i jetës, mosha dhe produktet që aplikoni në lëkurën tuaj, të gjithë mund të kontribuojnë në ndryshimin e llojit tuaj të lëkurës.

Simptomat e lëkurës së thatë:

• Kruarje
• Skuqje
• Lëkura e çarë
• Lëkura e irrituar
• Simptomat e lëkurës së dehidratuar
• Lëkurë e tërhequr dhe e errët
• Rrath dhe hije të errëta rreth syve
• Kruarje dhe ndjesi shpimi gjilpërash
• Rrudha
• Tharje goje
• Fryrje të syve

Hidratimi dhe njomja e lëkurës

Nëse hidratimi i lëkurës kërkon rritjen e sasisë së konsumit të ujit, njomja e lëkurës përfshin shtimin e përbërësve që e mbajnë ujin brenda. Hidratimi dhe njomja e lëkurës zakonisht duhet të bëhen paralelisht.
Nëse thjesht shtoni sasinë e konsumit të ujit, lëkura mund të ndihet përkohësisht e shtrirë, megjithatë, uji do të zhduket nga lëkura nëse nuk keni me çfarë ta mbani.
Hidratimi përfshin shtimin e përbërësve që mbajnë lagështinë dhe riparojnë barrierën në lëkurën tuaj. Kjo parandalon humbjen e ujit dhe përmirëson strukturën dhe shëndetin e lëkurës tuaj.

Si të hidratoni lëkurën me 7 veprime

1. Konsumoni sasinë e nevojshme të ujit
   Hapi i parë për hidratimin e lëkurës është hidratimi i trupit tuaj. Rekomandohet të pini të paktën 8 gota ujë çdo ditë. Trupi juaj mund të kërkojë më shumë, në varësi të aktiviteteve tuaja të përditshme dhe peshës.
2. Përdorni produkte hidratuese për kujdesin e lëkurës
   Nëse keni lëkurë të dehidratuar, rekomandohet aplikimi i kremrave me bazë uji. Produktet që depërtojnë në lëkurë dhe e ushqejnë atë me ujë janë jetike kur bëhet fjalë për lëkurë të dehidratuar.
   Kërkoni produkte me përbërësit e mëposhtëm hidratues:
   
   A. Acidi hialuronik
   Ky përbërës luan një rol të rëndësishëm në hidratimin e lëkurës tuaj dhe ruajtjen e elasticitetit të saj. Karakteristikat lidhëse të acidit hialuronik ndihmojnë në rimbushjen e lëkurës tuaj dhe gjithashtu parandalojnë shenjat e hershme të plakjes.
   B. Glicerinë
   Është një përbërës i njohur në industrinë e bukurisë, ka veti hidratuese që mund të lehtësojnë lëkurën nga thatësira dhe kruajtja. Kjo sepse glicerina është një krem hidratues, domethënë, funksionon duke tërhequr lagështi nga sipërfaqja e lëkurës tuaj.
   C. Urea
   Është një përbërës i përdorur gjerësisht në botën dermatologjike, ureja shkëput /çliron lidhjet dhe shpërbën proteinat e ngurtësuara, duke çliruar lëkurën nga ashpërsia dhe kruajtjet.
   D. Qeramidet
   Këto janë përbërës të rimbushjes së lëkurës, të tilla si çimentoja që mbështet tullat e ndërtimit. Ato përbëjnë dhe riparojnë barrierën e lëkurës tuaj, e cila parandalon humbjen e ujit dhe stimulon mbajtjen e lagështisë.
   E. Pantenol
   Është një përbërës që depërton në lëkurë dhe u jep lagështirë qelizave. Parandalon gjithashtu humbjen e ujit ndërqelizor. Kjo do të thotë se përmirëson funksionet e lëkurës si pengesë duke stimuluar qelizat që e rrisin atë.

3. Shmangni dushet shumë të nxehta dhe të gjata
   Sado që tingëllon kontradiktore, një banjë e gjatë mund të anulojë barrierën e lëkurës tuaj. Kjo mund të rezultojë në humbjen e lagështisë së brendshme dhe vajrave thelbësorë, të cilët mund të dehidratojnë lëkurën tuaj. Ideale është përdorimi i ujit të vakët gjatë larjes.
4. Përkëdhelni veten me maska për fytyrën
   Maskat e fytyrës janë plot me përbërës hidratues. Aplikimi I maskave hidratuese për fytyrën në regjimin tuaj të përditshëm për kujdesin e lëkurës do ta mbajë atë të butë dhe të hidratuar. Gjithashtu mund të zvogëlojë shfaqjen e vijave të holla dhe rrathëve të errët.
5. Përdorni aparat lagështues
   Aparati lagështues mund të përdoret kur përmbajtja e lagështisë së ajrit përreth jush është e ulët. Kjo mund të jetë veçanërisht e dobishme gjatë ditëve të thata të dimrit.
6. Kremi kundër diellit është i domosdoshëm
   Aplikoni krem dielli për të parandaluar dëmtimin e lëkurës nga rrezet UVA dhe UVB sa herë që dilni gjatë ditës. Ekspozimi në diell mund të dehidratojë lëkurën tuaj, duke bërë që ajo të humbasë lagështinë dhe të shpërbëjë kolagjenin dhe elastinën, të cilat janë përgjegjëse për qëndrueshmërinë dhe elasticitetin e saj. Kjo mund të shkaktojë shenja të parakohshme të plakjes.
7. Konsumoni ushqime të pasura me ujë
   Frutat dhe perimet jo vetëm që hidratojnë, gjithashtu ofrojnë benefite të tjera të ndryshme për lëkurën. Frutat agrume, të tilla si portokalli dhe limoni, janë të mbushura me lëng dhe janë të pasura me vitaminë C, e cila është jetike për ruajtjen e structures së lëkurës tuaj. Ushqimet e pasura me vitaminë A dhe B3 janë gjithashtu thelbësore për përmirësimin e shëndetit të përgjithshëm të lëkurës.
   
   Përveç këtyre hapave themelorë të përditshëm, metoda më e mirë dhe më e shpejtë për të siguruar hidratim të thellë të lëkurës, veçanërisht gjatë verës është nëpërmjet trajtimeve me mezoterapi që janë në dispozicion në qendrën tonë për dermatologji estetike, ku gjatë kësaj periudhe konsultimi është falas.