Autor: zmc_piksel_dev

Në kongresin ndërkombëtar të këtij viti në Edinburgh të Skocisë, organizuar nga Shoqata Evropiane e Kardiologjisë (ESC) dhe Shoqata e Infermierëve Kardiovaskularë dhe profesioneve të ngjashme (ACNAP), klinika jonë dhe vendi ynë u përfaqësuan nga infermierja Susana Dimishkovska. Me këtë kongres është pranuar si anëtare e rregullt, si një nga 20 vendet që janë pjesë e kësaj shoqate.
Tema e kongresit, “Vendosim zemrat tona në kujdesin ndaj pacientëve”, pasqyron synimin për të nxjerrë në pah njëkohësisht të gjitha dimensionet e praktikës kardiovaskulare, me një fokus të veçantë tek pacienti.

Të dyja shoqatat punojnë për të përmirësuar kujdesin kardiovaskular për pacientët që jetojnë me ose në rrezik të sëmundjeve të zemrës nëpërmjet aplikimit të praktikës së avancuar profesionale dhe zgjidhjeve inovative për të përmirësuar rezultatet në të gjithë spektrin e sëmundjeve kardiovaskulare.
Shoqata ekziston që nga viti 2018, kur Asambleja e Përgjithshme e Shoqatës Evropiane të Kardiologjisë (ESC) në Mynih votoi dhe vendosi të hap Këshillin e Infermierisë Kardiovaskulare dhe Profesioneve të ngjashme (CCNAP) në shoqatën (ACNAP). Që nga fillim ACNAP ka qenë një shoqatë dinamike dhe bashkëpunuese e specializuar në parandalimin, rehabilitimin dhe menaxhimin e pacientëve me sëmundje kardiovaskulare.

Misioni i tyre është të promovojnë përsosmërinë në infermierinë kardiovaskulare dhe profesionet e lidhura me to përmes praktikës, edukimit dhe kërkimit.
Ata besojnë se infermierët dhe profesionistët e kujdesit shëndetësor kanë një rol kyç në kujdesin ndaj zemrës. Ndërhyrjet e zhvilluara,të testuara dhe të zbatuara nga infermierët dhe profesionistët e tjerë shëndetësorë mund të ndihmojnë pacientët të parandalojnë, përshtaten dhe shërohen nga sëmundjet e zemrës.

Vizioni i tyre është një pasqyrim i vetë aspiratave të tyre. I urojmë atyre edhe shumë kongrese të tjera të suksesshme.

Karvani “ Shëndet për të gjithë” që mundësoi ekzaminime kardiovaskulare gratis për pensionistët përfundoi misionin e tij me vizitën e fundit në Krushevë. Ekipi i mjekëve nga Klinika Zhan Mitrev ka vizituar gjithsej 11 qytete në Maqedoninë Lindore dhe Perëndimore, gjatë të cilave janë dhuruar ekzaminime që mbartin një vlerë prej mbi 1.000.000 denarë.

Realizimi i karvanit shëndetësor dhe kontrolleve falas ishin pjesë e Memorandumit për bashkëpunim të nënshkruar ndërmjet Klinikës Zhan Mitrev dhe Sindikatës së shoqatave të pensionistëve të Maqedonisë. Ato janë realizuar në terren në bashkëpunim me organizatat vendase për të mbuluar këtë kategori vulnerabël qytetarësh që nuk kanë mundësi të udhëtojnë apo të marrin këtë lloj shërbimi në nivel lokal.

Të gjithë pensionistët që janë regjistruar për ekzaminime falas kanë marrë anamnezë, EKG dhe lexim të rezultatit, ekzaminim kardiovaskular me ultratingull, kontroll të terapisë dhe konsultim për zbulimin e hershëm dhe parandalimin e sëmundjeve të zemrës. Ekzaminimet janë bërë nga mjeket tona specialiste  Dr. Jasmina Zafirovska dhe Dr. Dashurie Neziri.

Klinika Zhan Mitrev filloi karvanin shëndetësor “Shëndet për të gjithë” dhe ekzaminimet falas me qëllim për të rritur mundësitë dhe qasjen e ekzaminimeve specialistike për të gjithë ata që nuk kanë dhe nuk mund të marrin mendim nga mjeku për gjendjen e tyre shëndetësore. Klinika Zhan Mitrev rrit kujdesin për shëndetin e qytetarëve, veçanërisht për kategoritë vulnerabël dhe ata të cilët nuk kanë mundësi për tu konsultuar me mjekun. Përveç ekzaminimeve, pensionistët morën këshillim dhe edukim për diagnostikimin korrekt dhe në kohë të sëmundjeve të mundshme.

Javën e kaluar, në organizim të klinikës sonë dhe partnerëve dixhitalë nga projekti Erasmus Plus EU, në ambientet e Netavil-it u mbajt prezantimi praktik i platformës shëndetësore të destinuar për trajnim/simulim virtual me titull “E ardhmja është në trajnim”.

Prezantimi edukativ u mbajt nga ekspertë të huaj të njohur si Prof. Dr. Edris Mahtab, Dr. Samuel Max dhe sigurisht prof. Dr. Milka Klinçeva, e cila foli para numrit të madh të kardiokirurgëve të pranishëm, mjekëve të terapisë intensive, kardioperfuzionistëve dhe pjesës tjetër të stafit mjekësor.

Kjo platformë e realitetit virtual është pjesë e një projekti që përfshin Klinikat Universitare të Roterdamit, Vjenës dhe Barcelonës dhe klinikën tonë.
Simulatori ka për qëllim edukimin në fushën e kardiokirurgjisë, veçanërisht duke përfshirë dhe përjashtuar pacientët nga qarkullimi ekstrakorporal, si dhe reanimimin kardiopulmonar pas operacionit të zemrës.

Si funksionon?

Simulatori përbëhet nga syze VR (virtual reality) që lidhen me shkopinj që mbahen në duar dhe softueri special i monitorit transmeton lëvizjet e përdoruesit në trupin e pacientit virtual.

Ky projekt ndërkombëtar për aplikimin e simulatorit VR për mësimin dhe trajnimin e kardiokirurgëve të rinj ka disa përparësi. Një prej tyre është aftësia që stërvitet në përsëritje të shumta dhe me gabime të mundshme nga të cilat mund të mësohet, pa rrezikuar realisht jetën e pacientit.
Aplikimi konkret dhe përhapja e gjerë e kësaj mënyre edukimi dhe trajnimi me simulator VR pritet që në vitet e ardhshme të ndodhë në mbarë botën.

Spitali klinik Zhan Mitrev mori pjesë në kongresin neuropsikiatrikë të mbajtur në Pula, Kroaci nga data 18-21 maj 2023, të prezantuar nga Dr. Marija Kostadinovska, specialiste psikiatre. Kongresi është i karakterit ndërkombëtar, tradicional, i 62-ti me radhë, ku nuk mungojnë as ekspertët eminentë nga Evropa dhe Amerika.
Në kongres u mbajtën tema nga të dy fushat që kanë të bëjnë me neurologjinë dhe psikiatrinë, me referencë të veçantë për pasojat neurologjike dhe psikiatrike të sëmundjeve cerebrovaskulare dhe dëmtimeve të trurit, vlerën klinike dhe problemet e mjekësisë moderne teknike, plakjen e trurit, neuro- dhe psikogeriatrinë, demencën.
Dr. Kostadinovska me pjesëmarrjen e saj prezantoi një pjesë të rolit të psikiatrit tek personat në periudhën postoperative, si dhe përvojat nga puna ambulatore.

Elita botërore në fushën e mjekësisë nuk do të mund ta ndjekë ligjëratën e Dr. Zha Mitrev sepse si i vetmi përfaqësues nga Maqedonia, ai u pengua të marrë pjesë në kongresin më të rëndësishëm të CSI Frankfurt ku do të prezantonte metodat e tij inovative në procedurën hibride. Këshilli Penal i Gjykatës Themelore Penale e ka refuzuar kërkesën për kthimin e përkohshëm të dokumentit të udhëtimit (pasaportës) dhe në këtë mënyrë e ka bërë të pamundur udhëtimin. Kjo nuk është hera e parë që kërkesa e doktorit Zhan Mitrev për kthimin e përkohshëm të dokumentit të udhëtimit refuzohet. Herën e parë që iu mohua e drejta e pjesëmarrjes në një ngjarje familjare që ndodh një herë në jetë.

E gjithë kjo po ndodh pikërisht gjatë periudhës së sulmeve të orkestruara mediatike nga qendra të caktuara që kanë për qëllim sulmin ndaj tij, punës së tij dhe ndaj të gjithë atyre që në çfarëdo mënyre e mbështesin këtë profesionist të lartë.

Refuzimi i Gjykatës për t’i lejuar atij të marrë pjesë në një kongres botëror në të cilin është mjeku i vetëm nga rajoni është humbje për shëndetësinë maqedonase që të mos prezantohen metodat e avancuara në mjekësi. Kongresi CSI Frankfurt (Congenital & Structural Interventions) është një vend ku marrin pjesë ekspertët më të mëdhenj të procedurave hibride dhe ndajnë njohuritë dhe arritjet në aplikimin e teknikave inovative në terapinë me kateter të sëmundjeve të zemrës.

Në edicionin e sivjetshëm, doktor Mitrev u ftua si i vetmi mjek që përfaqëson Maqedoninë dhe rajonin, për të prezantuar aplikimin e suksesshëm të procedurës hibride te një pacient gjashtë muajsh. Prezantimi i Dr. Mitrev me temën “Procedura hibride për mbylljen e një defekti të madh muskulor të septumit ventrikular tek foshnja 6 muajshe” është i një rëndësie të veçantë për shkak të mundësisë së aplikimit të metodës tek pacientët më të vegjël dhe duhet të shërbejë për edukimin dhe përcjelljen e njohurive të dobishme për zbatimin e suksesshëm të kësaj metode.

Kthimi i përkohshëm i dokumentit të udhëtimit në rastet kur puna ofron dobi të përgjithshme dhe në rast nevoje shëndetësore është procedurë e zakonshme, kur organi kompetent, në rastin e Këshillit Penal të Gjykatës Themelore Penale, duhet të konstatoj mirëkuptim për nevojën. Në këtë rast, edhe pse bëhet fjalë për edukimin dhe përcjelljen e njohurive për një problem shëndetësor që mund të shpëtojë jetë, kërkesa refuzohet si e pabazuar.

Përveç konfiskimit të dokumentit të udhëtimit, në rastin e Dr. Mitrev janë ndërmarrë edhe masa të tjera sigurie,si garancia financiare në vlerë prej 1 milion euro dhe 1.5 milion euro të tjera në bazë të kërkesave.

Në kuadër të fushatës së përbashkët të sivjetme të titulluar “Qëndroni të shëndetshëm”, u mbajt një panel edukativ, i cili u fokusua në shëndetin e gruas, pra në parandalimin dhe diagnostikimin e hershëm të kancerit të qafës së mitrës dhe gjirit.
Në këtë aktivitet të organizuar nga Ananas dhe Grouper, një nga ligjëruesit ishte edhe Prof. Dr. Vasil Iliev. Qëllimi ishte arritja e një numri më të madh të vajzave dhe grave të reja, me synimin për të rritur ndërgjegjësimin për eko ekzaminimet e rregullta të gjirit, ekzaminimet gjinekologjike dhe kryerjen e PAP testeve, si dhe kohën e duhur për të filluar ekzaminimet mamografike, me qëllim zbulimin e hershëm dhe parandalimin e këtyre sëmundjeve.
Reagimet pozitive nga të pranishmit e shumtë na japin shpresë se e kemi përmbushur rolin tonë – edukimin për mënyrat e parandalimit në kohë të kancerit të organeve riprodhuese.