Klinika Zhan Mitrev është në negociata përfundimtare për partneritet strategjik me fondin holandez Balkan Alliance Healthcare. Negociatat kanë të bëjnë me hyrjen e Fondit si partner në Klinikë, që do t’i mundësojë këtij institucioni më të lartë shëndetësor të zgjerojë aktivitetet e tij dhe të rris standardet në mjekësi në Maqedoni në një nivel edhe më të lartë.
“Ky partneritet strategjik është një mbështetje e projektit tashmë të nisur për të shndërruar Klinikën Zhan Mitrev në një qendër mjekësore rajonale. Në këtë mënyrë, ne bëhemi financiarisht më të fortë për t’u rritur më shpejt dhe për t’u zhvilluar në një qendër të vërtetë rajonale me ofrim të shërbimeve shëndetësore me standarde shumë më të larta. Sipas marrëveshjes, Dr. Zhan Mitrev, sikurse edhe më parë, do të vazhdojë të udhëheqë gjithë operacionin e transformimit të Klinikës në qendër rajonale ku do të trajnohet dhe zhvillohet staf i ri i mjekëve në fushën e kardiokirurgjisë si dhe aktiviteteve tjera. Do të mundësohet një bashkëpunim më i madh me ekspertë nga jashtë, dhe njohuritë tona do të përdoren për qendrat mjekësore në pronësi të Fondit Holandez, që nënkupton zgjerimin e aktivitetit të Klinikës Zhan Mitrev në nivel rajonal”, deklarohet nga Klinika Zhan Mitrev.
Balkan Alliance Healthcare është themeluar në vitin 2006 nga disa fonde investimi evropiane dhe amerikane si Southeast Europe Equity Fund II (SEEF II)) i menaxhuar nga SEAF – Small Enterprise Assistance Funds. Udhëhiqet nga David Lyle Mathewson dhe Andrei Christian Krikliwy, të cilët janë biznesmenë të njohur në fushën e investimeve në sektorin e shëndetësisë, telekomunikacionit, medias dhe shërbimeve financiare.
Përsa i përket sektorit të shëndetësisë investimet e tyre i kanë në Shqipëri dhe Kosovë, ku zotërojnë 6 qendra mjekësore. Në planin e zgjerimit rajonal janë: Maqedonia, Serbia, Bullgaria, Kroacia, Turqia dhe Rumania. Vlera e Fondit aktualisht është 320 milionë USD.
Prokurori e keqinterpretoi përmbajtjen e autorizimit për përdorimin e filtrave duke përmendur seksione që u referohen shpërndarësve dhe shitësve të filtrave, jo mjekëve dhe klinikave, të cilat më pas ia i atribuon në mënyrë të pabazuar ndaj Dr. Zhan Mitrev, i cili nuk është shpërndarës i filtrave për hemofiltrim. Këtë po e bën për të arsyetuar akuzën”, thuhet në fjalën hyrëse të mbrojtjes së Dr. Zhan Mitrev në seancën e sotme.
Mbrojtja paraqiti dhe sqaroi me numra se suksesi i trajtimit në Klinikën Zhan Mitrev e hedh poshtë plotësisht akuzën. Vdekshmëria në Klinikën Zhan Mitrev nga korriku 2022 është 25.4%, ndërsa në Institucionin e shëndetit publik shkalla e vdekshmërisë është 51.3%.
“Në Klinikën Zhan Mitrev, pacientët me COVID-19 trajtohen në një SISTEM MJEKËSOR modern për kujdes intensiv, i vetmi në rajon i akredituar nga JCI (Joint Commission International), që do të thotë se i plotëson standardet më të larta të sigurisë në trajtimin e pacientëve dhe standardet më të larta në parandalimin e infeksioneve intraspitalore, dhe përbëhet nga 51 mjekë, 86persona që i përkasin stafit të ndërmjetëm mjekësor dhe punonjës të tjerë, dhe nuk janë trajtuar personalisht nga Dr. Zhan Mitrev”, theksoi mbrojtja në fjalën hyrëse.
Prokuroria Themelore Publike nuk ka prova të besueshme për të bindur gjykatën se Dr. Zhan Mitrev ka përdorur hemofiltrimin me qëllim për të përfituar dhe për tu pasuaruar në mënyrë të paligjshme, dhe se këtë qëllim ai e ka realizuar tek vetëm 282 pacientë nga gjithsej 1738 të trajtuar për COVID-19 në klinikë, ose e thënë ndryshe tek 16% e numrit të përgjithshëm të trajtuar. Nëse hemofiltrimi do të përdorej nga Dr. Zhan Mitrev me qëllim të mashtrimit të pacientëve për të përfituar në mënyrë të paligjshme, ai do të kishte mashtruar të gjithë 1738 pacientët që tashme kishin depozituar të ardhura për hemofiltrim dhe nuk do të kishte mashtruar vetëm 16% të tyre sikurse pretendohet nga prokuroria.
Në klinikën Zhan Mitrev për Covid-19 janë trajtuar gjithsej 1738 pacientë dhe të gjithë sipas rekomandimeve të prodhuesit të filtrit dhe sipas vlerave treguese të rekomanduara.
Mbrojtja kujtoi rolin e përgjegjshëm shoqëror dhe rolin e dobishëm publik që ka luajtur Dr. Mitrev dhe Spitali klinik Zhan Mitrev në kushte kur shëndetësia publike gjatë pandemisë me Covid-19 kishte rënë në gjunjë dhe ishte në kolaps dhe kur në situata të jashtëzakonshme qeveria po vepronte me rregullore me forcë ligjore, fjalime dhe fakti që më 16 qershor 2020 Klinika Zhan Mitrev u thirr nga shteti për të trajtuar pacientët me Covid-19. Pas kësaj telefonate, ekipi mjekësor i Zhan Mitrev me mbi 300 punonjës nuk kryente asnjë mashtim, por luftoi ditë e natë për të shpëtuar jetë nga Covid-19 me kërkesë të shtetit. Mbrojtja gjithashtu prezantoi informacionin se shteti i ka vënë në dispozicion Klinikës Zhan Mitrev në kulmin e pandemisë aparatin e vet të hemofiltrimit në mënyrë që Klinika të kryejë më shumë hemofiltrime dhe tani e akuzon se ka bërë mashtrim duke kryer hemofiltrim.
“Me këtë akuzë të pabazuar dhe me këtë proces, Maqedonia bëhet i vetmi vend në botë që ka iniciuar një proces ligjor ndaj një mjeku dhe një klinike që kanë trajtuar në situata emergjente të Covid-19, ndërsa në SHBA janë miratuar ligje për imunitet të ofruesve të kujdesit shëndetësor në lidhje me Covid-19, theksoi mbrojtja në fjalën e hapjes.
“Kardiokirurgu Zhan Mitrev ka kryer personalisht me duart e tij 25162 operacione kardiokirurgjike dhe vaskulare, që në Gjermani është standard i 5 jetëve punë të kardiokirurgëve. I vetmi mendim që ekziston në mendjen e tij është se si të shpëtojë jetë dhe jo të mashtrojnë pacientët”, theksoi mbrojtja e doktor Mitrevit.
Nga data 10 – 12 05. 2023, në Barcelonë të Spanjës u mbajt Kongresi Evropian për Imazhe Kardiovaskulare. Në kongres mori pjesë aktive Prof. Dr. Milka Klinçeva. Nga numri i madh i abstrakteve të dorëzuara, abstrakti i saj u pranua për prezantim me gojë. Pjesëmarrja aktive në një kongres të organizuar nga Shoqata Evropiane e Kardiologjisë është një sukses i madh jo vetëm për spitalin tonë, por edhe për vendin tonë. Vizitat në eventin shkencorë me vlerësimin më të lartë në kardiologji në Evropë dhe në botë na lejojnë të vazhdojmë me arritjet më të fundit shkencore në kardiologji, dhe jemi veçanërisht krenarë që mund të kontribuojmë edhe në zhvillimin e kardiologjisë moderne dhe mjekësisë në përgjithësi.
Në periudhën e kaluar kemi marrë një numër të madh mesazhesh mbështetëse, me anë të letrave dhe thirrjeve të vazhdueshme nga pacientët tanë që shprehin mbështetjen e tyre për Klinikën dhe për Dr. Zhan Mitrev. Ju jemi mirënjohës për besimin dhe mbështetjen që na keni dhënë që në fillimet e “procesit”. Pas nesh kemi një sukses të madh në rritjen e standardeve të shërbimeve dhe rezultateve shëndetësore në vend, dhe një numër i madh pacientësh kanë kërkuar ndihmë dhe shpëtim nga ne dhe na besuan jetën dhe shëndetin e tyre. Sot ata janë pjesë e familjes sonë.
Duke qenë se po afron fillimi i seancës së parë në gjykatë dhe herën e fundit disa nga pacientët u organizuan me iniciativën e tyre për të na mbështetur, kësaj radhe i ftojmë të qëndrojnë në shtëpitë e tyre. Vijojnë 4 seanca radhazi që janë caktuar në intervale të shkurtra kohore, më 13 qershor, më pas me 15, 16 dhe 19 qershor dhe mbështetja me prezencë fizike do të ishte një ngarkesë për shëndetin tuaj. Kushtet atmosferike, moti i nxehtë dhe ndryshimi i temperaturave nuk ndikojnë pozitivisht tek pacientët me probleme të zemrës apo tek ata që marrin trajtim terapeutik. Pavarësisht se e dëshirojmë mbështetjen tuaj në gjykatë, shëndeti juaj është shqetësimi ynë kryesor.
Prandaj ju bëjmë lutje që të mos paraqiteni para Gjykatës për të treguar mbështetjen tuaj.
Gjithashtu, i’u bëjmë thirrje punonjësve tanë, të cilët janë të revoltuar nga presionet ndaj të cilave janë ekspozuar gjatë gjithë kësaj kohe, të fokusohen në atë në të cilën janë më të mirët, që është puna e tyre dhe kujdesi i parezervuar ndaj pacientit. Lufta jonë vazhdon në sallën e gjyqit me të vërtetën dhe faktet në anën tonë. Lufta do të vazhdojë, por rezultati që presim është pafajësia. Shpresojmë në mirëkuptimin e kërkesës sonë dhe ju falenderojmë edhe një herë për mbështetjen tuaj.
Gjykata Themelore Penale konfirmoi se nuk ka mangësi në funksionimin e Spitalit klinik Zhan Mitrev. Akuzat e MALMED-it lidhur me pretendimet për shkelje në punën e Klinikës Zhan Mitrev rezultuan të pabaza. Në aktgjykim theksohet se nuk ka prova për kryerje të veprës penale. Sipas këtij konkluzioni, Gjykata Themelore Penale e shpalli të pafajshëm spitalin klinik dhe Dr. Zhan Mitrev në rastin me MALMED.
Me këtë akt të pafajësisë vërtetohet se edhe në periudhat më të vështira, Spitali klinik Zhan Mitrev ka punuar sipas standardeve më të larta shëndetësore, në mënyrë transparente dhe në përputhje me metodat tashmë të vendosura dhe të lejuara të trajtimit, në vendin tonë dhe në botë. Ky është vetëm një hap drejt vërtetimit të plotë të së vërtetës dhe gjendjes faktike për punën tonë dhe se gjithçka që është bërë në Klinikën Zhan Mitrev është bërë në interes të pacientëve dhe sipas metodave dhe standardeve të përcaktuara të trajtimit.
Oda e mjekëve të Maqedonisë me rastin e 31-vjetorit të ekzistencës së saj ndau mirënjohje ndaj ekipit që bëri transplantin e parë të zemrës në Maqedoni. Mirënjohja është ndarë për kontributin e veçantë në zhvillimin e transplantimit dhe dhurimit të organeve nga një dhurues i vdekur, duke filluar kështu një fazë të re në shëndetësinë e Maqedonisë.
Ekipi i mjekëve që bëri këtë ndërhyrje të rëndësishme në transplantin e zemrës udhëhiqet nga Dr. Zhan Mitrev dhe Prof. Dr. Sashko Jovev, së bashku me Dr. Nikola Hristov, Doc. Dr. Tanja Angjusheva, Dr. Vasil Papestiev, Dr. Marjan Shokarovski, Dr. Vangjel Zdraveski, Dr. Kujtim Xhelili, Dr. Stefanija Haxhievska, Dr. Nadica Mehmedoviç, Dr. Vesna Mitashova, Dr. Jasmina Ilievska, Dr. Marija Gerakovska dhe Dr. Dimçe Slavevski.
Transplantimi i suksesshëm i zemrës nga një dhurues i vdekur është një operacion historik me anë të të cilit i’u dha një shans i ri për jetë një pacienti 54-vjeçar. Është realizuar në vitin 2021, në kulmin e pandemisë dhe në kushte shumë të vështira.
Operacionet moderne në kardiokirurgji kanë filluar 20 vjet më parë, kur nga Dr. Zhan Mitrev është kryer autotransplantimi i parë si një operacion revolucionar në trajtimin mjekësor të pacientëve kardiak, dhe më tej Dr. Mitrev vazhdoi me implantimin e zemrave artificiale, që filloi të aplikohet në vitin 2020 dhe që është gjithashtu një metodë jetëshpëtuese.
Këtë vit, me ftesë të IPS International Primary School/Macedonia dhe në kuadër të manifestimit edukativ të mbajtur më 30 maj, specialisti ynë onkolog klinik Dr. D-r. Milan Risteski / Д-р. Милан Ристески iu përgjigj pyetjeve lidhur me ndërgjegjësimin për kancerin e gjirit. Projekti i sivjetshëm i bërë nga një grup studentësh ishte në fushën e biologjisë, gjatë së cilës ata prezantuan njohuritë e tyre mbi nevojën për rritjen e ndërgjegjësimit personal dhe social për kancerin e gjirit. Pyetje patën jo vetëm nxënësit, por edhe prindërit e tyre të pranishëm në masë të madhe në këtë aktivitet. Si institucion me përgjegjësi shoqërore, klinika jonë mbetet e hapur për të gjitha llojet e bashkëpunimit edukativo-promovues me institucione dhe organizata nga shteti që kanë si synim promovimin e shëndetit
Për kardiokirurgjinë në Maqedoni, për specializantët e rinj, për mundësitë në Maqedoni të zhvillimit në kardiokirurgji dhe rritjen profesionale por para së gjithash për marëdhëniet me pacientët dhe mjekët e rinj, flet një nga specializantët më të rinj në fushën e kardiokirurgjisë Dr. Gorazd Konjanovski, pjesë e ekipit mjekësor në Spitalin klinik Zhan Mitrev.
Ju jeni një nga specializantët më të rinj të kardiokirurgjisë në Maqedoni, çfarë ju tërhoqi në këtë fushë të praktikës mjekësore?
Interesin tim për kardiokirurgjinë e kisha shprehur madje edhe para se ta dija se çfarë do të thoshte kardiokirurgji. Sado e pabesueshme që tingëllon, një incident nga fëmijëria ime përcaktoi profesionin tim aktual. Kur isha rreth 7-8 vjeç, gjyshi im, i cili ishte me profesion okulist, u operua në spitalin e atëhershëm “Filipi II”. Tek gjyshi im ishte kryer bypass aorto-koronar nga ana e Dr. Zhan Mitrev dhe pas atij operacioni jetoi edhe 16 vite të tjera. Kur është kthyer në shtëpi pas operacionit kishte sjellë me vete një video-kasetë me mbishkrimin “1000 operacione të zemrës së hapur në Republikën e Maqedonisë”.
Që nga ajo ditë, ndërsa të gjithë miqtë e mi shikonin filma vizatimorë, unë e shikoja atë kasetë, i shikoja ato operacione dhe edhe pse nuk kuptoja asgjë, vetëm atë shikoja. Edhe në ato vite, në ato momente kam folur dhe kam thënë që kur të rritem dua të bëhem doctor për zemrën si doktor Mitrev. Dhe kështu mbeti e gdhendur në qënien time, dashuria dhe interesi për kardiokirurgjinë u zhvilluan në mënyrë të paqartë dhe nuk humbi kurrë.
Kur isha në klasën e 8-të, kisha një dëshirë të madhe për të takuar doktor Mitrevin, dhe kjo dëshirë e imja u realizua, ai na priti dhe i thashë se një ditë dua të bëhem si ai dhe i kërkova këshillë se çfarë duhet të bëj do të bëj që të bëhem si ai, dhe për këtë ai m’u përgjigj – Studio dhe dëgjo zemrën tënde. Kështu bëra, nuk hoqa dorë nga dëshira në asnjë moment, ndaj sot po jetoj ëndrrën time. Tani jam specializant në kardiokirurgji nën mentorimin e Dr. Zhan Mitrev në Spitalin Klinik Zhan Mitrev.
Si e shikoni kardiokirurgjinë? Çfarë duhet bërë që kardiokirurgjia të zhvillohet edhe në Maqedoni?
Kardiokirurgjia është një degë për të cilën në fushën e mjekësisë flitet se po humbet dhe pa të nuk mund të bëhet asgjë. Çdo ditë përballemi me raste të ndryshme ku trajtimi operativ është i pashmangshëm. Është e vërtetë që kardiologjia intervenuese është në rritje, por është larg nga të qenit në gjendje të zëvendësojë trajtimin operativ. Kemi pasur jo pak raste kur është dashur të reagojmë urgjentisht për shkak të disa procedurave të intervnuese apo të ngjashme. Prandaj, edhe pse mund të duket më e thjeshtë ose më pak e rrezikshme, ndonjëherë trajtimi operativ është shumë më i sigurt dhe më pak i rrezikshëm sesa një qasje intervenuese. E them këtë sepse pacienti gjithmonë zë vendin e parë.
Kur bëhet fjalë për çështje të tilla serioze, nevojitet një vëzhgim shumë i gjerë dhe konsultimi me mjekun kardiokirurg është i domosdoshëm. Në Maqedoni kardiokirurgjia është zhvilluar intensivisht në 20 vitet e fundit. Klinika jonë ka luajtur një rol kyç në hedhjen e themeleve në kardiokirurgji dhe këto përpjekje njihen, respektohen dhe vlerësohen përtej kufijve të vendit tonë. Padyshim që ne si shtet kemi një institucion shëndetësor të specializuar kardio të njohur në botë dhe shpresoj që në të ardhmen sistemi shëndetësor në vendin tonë t’i shfrytëzojë edhe më tepër mundësitë për zhvillimin e kësaj dege nëpërmjet forcës edukative dhe shkencore që ne mund të ofrojmë.
Praktikën tuaj si specializant në kardiokirurgji e keni filluar në Klinikën Zhan Mitrev, cilat janë mundësitë për zhvillim dhe avancim profesional në këtë mjedis?
Po e saktë. Fillova praktikën time pikërisht në këtë spital në një periudhë shumë të vështirë për të gjithë ne, në kulmin e pandemisë Covid. Pas një viti mora specializimin. Por cilësia dhe suksesi në jetë kërkojnë sakrifica. Nga shumë kolegë të rinj do të dëgjoni se këtu është shumë strikte, se është e vështirë, se puna është e gjatë etj. Dhe është kështu, sepse këtu punojnë profesionistë të një niveli të lartë, me shumë përkushtim dhe ndjeshmëri ndaj pacientëve, ndaj dhe vetë ambienti është mjaft kërkues dhe një filtër që lejon vetëm stafin më të mirë dhe më të përkushtuar të punojë në këtë institucion shëndetësor. Duke folur për këtë, zhvillimi dhe rritja profesionale janë të pashmangshme.
Ju keni qenë pjesë e shëndetësisë publike dhe private, a mund të bëni një dallim të tyre? Cilat janë mundësitë për avancim në kardiokirurgji në shëndetësinë publike dhe private?
Fatkeqësisht, dallimet janë diametrale. E kam fjalën për shëndetin në përgjithësi. Në mesin e njerëzve ekziston një stigmë se është më e sigurt kur shkoni në kujdesin shëndetësor privat. Dhe fatkeqësisht kështu është. Arsyet janë të shumta, problemi është multifaktorial. Sigurisht që ka profesionistë, një pjesë e madhe e tyre kanë qenë edhe profesorët e mi nga të cilët kam mësuar. Duket sikur mungon një koncept real, kushte pune dhe disiplinë për zhvillimin e shëndetësisë shtetërore dhe mendoj se shëndetësia shtetërore e qëndrueshme është çelësi për ndërtimin e imazhit shëndetësor në një vend. Nuk kam përvojë pune në kardiokirurgjinë shtetërore, por mund të flas për atë që po ndodh tek ne. Në më pak se dy vjet kam asistuar personalisht rreth 650 operacione kardiovaskulare.
Kjo është pothuajse 10 herë më shumë se programi i planifikuar në kurrikulumet e kardiokirurgjisë të ofruara nga universitetet në mbarë botën. Një dinamikë e tillë e punës, si dhe falë mentorimit të lartë, më mundësoi të mësoj dhe të kryej punë profesionale që parashikohet në vitet më të avancuara të specializimit. Si klinikë, ne po punojmë gjithashtu në një projekt që përfshin disa universitete evropiane dhe profesorë nga Evropa për zhvillimin e inteligjencës artificiale në kardiokirurgji. Në nivel të klubit shkencor mbahen vazhdimisht leksione ku merren parasysh protokollet dhe trendet më të fundit të punës në mjekësi, mbahen punëtori/seminare edukative. Ne organizojmë gjithashtu kongrese të rëndësishme për zhvillimin tonë arsimor. Ne marrim pjesë aktive në botimin e punimeve shkencore. Mendoj se kjo i thotë të gjitha.
Cilat janë mundësitë për avancim të specializantëve të rinj në Maqedoni, çfarë nevojitet për të qëndruar dhe punuar këtu në Maqedoni?
Para së gjithash, ju duhet ta doni vendin tuaj dhe të dëshironi të investoni punën tuaj këtu. Në mjekësi, nëse nuk e vendos pacientin në radhë të parë ose nëse nuk ke ndjeshmëri për të, ke zgjedhur profesionin e gabuar. Në përgjithësi, për ecurinë e specializantëve të rinj, e kam fjalën në radhë të parë për shëndetin publik, sepse aty janë të pranishëm në një numër më të madh dhe shumë gjëra duhet të ndryshohen rrënjësisht. Mjekët e rinj duhet të respektohen nga autoritetet shëndetësore, duhet vlerësuar puna e tyre dhe duhet të kenë një shans real për të bërë atë që duan. Epo, a nuk janë modeste kërkesat e mjekëve të rinj për të qëndruar, punuar dhe krijuar në vendin e tyre? Pikërisht për këtë kam qëndruar në Maqedoni, sepse e kam marrë këtë në klinikën ku punoj.
Sa ndikon gjendja me akuzat dhe presionet ndaj klinikës tek ju dhe në punën tuaj?
Nuk ka njeri që nuk lëndohet nga padrejtësia. Ne e dimë se si dhe çfarë kemi kaluar në atë periudhë 2 vjeçare. Ne e dimë se si njerëzit luteshin për një shtrat plus. Ne e dimë se çfarë do të thotë në 2 javë të jesh madje 7 herë dezhurn nga 24 orë në kushte mbinjerëzore me maska, skafanda dhe të marrësh frymë nën maskë. Ne e dimë gjithashtu se si kemi arritur të kryejmë operacione pa vonuar pacientët në ato kushte kur askush tjetër nuk operonte. Pra, tani kur sheh që disa nga ata pacientë të cilëve ke bërë gjithçka për ti shpëtuar jetën duke të fajësuar, sigurisht që kjo ndikon tek ty.
Në vende të tjera ka deklarata për mbrojtjen nga përgjegjësia e punonjësve shëndetësorë që kanë vepruar në kushte emergjente si pandemia dhe raste të ngjashme. Me gjithë zhvillimet e fundit në vendin tonë me kërkimin e përgjegjësisë mjekësore, çfarë mendoni për këtë, a është e nevojshme?
Gjatë pandemisë Covid, pati agoni në nivel botëror. Lufta e përditshme ishte tepër e madhe për të luftuar si mjek me një sëmundje të panjohur. Protokollet e punës ndryshonin nga dita në ditë, nuk kishte standardizim të gjërave, nuk dihej se çfarë ishte e çfarë nuk ishte e saktë, ndaj nga përvojat e mëparshme u përpoqëm t’i ndihmonim në çdo mënyrë pacientët. Prej aty besoj se ky vendim është i pdomosdoshëm dhe i justifikuar të merret edhe në vendin tonë.
