Caktoni kontroll

Schedule a review

00389 2 3091 484

Doza e shëndetit ditor

Back to Daily dose of health

24.11.2021

Kirurgjia spinale – kirurgjia e shtyllës kurrizore

Kirurgjia e shtyllës kurrizore është një pjesë e degëve kirurgjikale në mjekësi, e cila i referohet kryerjes së ndërhyrjeve kirurgjikale në shtyllën kurrizore.
Shtylla kurrizore është një njësi komplekse e përbërë nga strukturat e sistemit muskuloskeletal dhe sistemit nervor tek njerëzit.

Problemet që shfaqen në shtyllën kurrizore etiologjikisht mund të ndahen në:

  • Deformime të shtyllës kurrizore (të lindura dhe të fituara)
  • Thyerje të shtyllës kurrizore (në rast të rënies ose traumës)
  • Fraktura patologjike të shtyllës kurrizore (thyerje osteoporodike, fraktura të shkaktuara nga sëmundjet malinje)
  • Tumore primare të shtyllës kurrizore dhe depozita dytësore metastatike
  • Ndryshime infektive të trupit vertebral dhe diskut (infeksione specifike dhe jospecifike, si dhe të shkaktuara nga sëmundje të tjera infektive)
  • Sëmundje degjenerative të diskut
  • Sëmundje degjenerative të shtyllës kurrizore (spondilozë, spondiloartrit)

Intervenimet operative të shtyllës kurrizore

  • Kirurgjia e shtyllës kurrizore
  • Instrumentet e pasme (qasja e pasme)
  • Instrumentet e përparme (qasja përpara)
  • 360 gradë (qasje e kombinuar e pasme / e përparme)
  • MISS (kirurgji minimalisht invazive)
  • Vertebroplastika dhe kifoplastika

Këto procedura përdoren për të trajtuar frakturat kompresive vertebrale të shkaktuara nga osteoporoza.
Të dyja procedurat përfshijnë injektimin e ngjitësit të ngjashëm me çimento kockore që forcon kockën/rruazën.

Laminektomia spinale – dekompresimi i shtyllës kurrizore

Ky operacion kryhet në stenozën kurrizore, një gjendje që shkakton ngushtimin e kanalit të shtyllës kurrizore duke rezultuar në komprimim të mëvonshëm të palcës kurrizore dhe rrënjëve nervore dhe manifestohet me dhimbje, radikulopati, mpirje ose dobësi.
Gjatë këtij intervenimi kirurgu heq muret kockore të rruazave dhe të gjitha thumbat e kockave (osteofitet) në mënyrë që të hapë kanalin kurrizor, të largojë stenozën dhe kështu të largojë presionin e ushtruar në palcën kurrizore dhe rrënjët nervore.

Diskektomia – disektomia e pjesshme ose e plotë

Kjo procedurë përdoret për heqjen e diskut në rastet kur është e pranishme hernie e cila shtyp apo shkakton presion në rrënjën nervore ose palcën kurrizore.
Laminektomia dhe diskektomia shpesh kryhen së bashku.

Nukleoplastika – dekompresimi i diskut plazmatik

Ky operacion me lazer përdor energjinë e radiofrekuencës për të trajtuar personat me dhimbje në pjesën e poshtme të shpinës që shoqërohet me hernie të lehtë diskale.
Gjatë këtij intervenimi kirurgu fut një gjilpërë në disk. Një pajisje me lazer plazma futet më pas në gjilpërë duke mundësuar nxehjen e majës së gjilpërës, e cila më pas krijon një fushë që avullon indin në disk, duke reduktuar madhësinë e tij dhe duke liruar presionin mbi nervat.

Fuzioni i shtyllës kurrizore

Kirurgu heq diskun e shtyllës kurrizore ndërmjet dy ose më shumë rruazave dhe më pas lidh rruazat fshqinje duke i ngjitur me grafte kockash ose pajisje metalike të siguruara me vida.
Fuzioni (shkrirja) i shtyllës kurrizore mund të rezultojë në njëfarë humbjeje të fleksibilitetit të shtyllës kurrizore dhe kërkon një periudhë të gjatë rikuperimi për të lejuar që graftet e kockave të rriten dhe të bashkojnë vertebrat së bashku.

Zëvendësimi i diskut me disk artificial

Kjo konsiderohet një alternativë ndaj shkrirjes (fuzionit) kurrizore për trajtimin e personave me disqe të dëmtuara rëndë.
Procedura përfshin heqjen e diskut dhe zëvendësimin e tij me një disk sintetik që ndihmon në rivendosjen e lartësisë dhe lëvizjes ndërmjet rruazave.