3 мај – Светски ден на астма

мај 05,2022

Светскиот ден на астмата секоја година се одбележува на првиот вторник во месец мај. Taka ovaa година е на 3 мај. Тоа е годишен настан организиран од Глобалната иницијатива за астма (GINA) за подобрување на свеста и грижата за оваа болест низ целиот свет. Астмата е честа хронична болест на дишните патишта, воспаление коe се карактеризира со променливи и повторливи симптоми, опструкција на протокот на воздух и бронхоспазам.

Симптомите вклучуваат отежнато дишење, кратко и забрзано дишење, кашлање, стегање во градите. Астмата најчесто е предизвикана од животната средина и генетски фактори. Во зависност од влијанието на oвие фактори астмата може да биде со различна форма. Некогаш e poтешка некогаш полесна, а и од нив зависи колку добро ќе реагира на лекови. Многу често и нетретираната хронична алергија доведува до појава на астма.

Дијагнозата обично се поставува врз основа на појава на симптомите и/или одговорот на терапијата со текот на времето. Преваленцата на астма значително се зголемува од година до година. Во 2009 година, астмата предизвика 250.000 смртни случаи на глобално ниво. Во 2010 година, 300 милиони луѓе беа погодени ширум светот. И покрај ова, со правилна контрола на астмата со терапија за намалување и контролирање на симптомите, прогнозата е генерално добра.

Во клиничката болница Жан Митрев, тимот на пулмолози со долгогодишно искуство Ви стои на располагање и Ви нуди персонализиран птистап во дијагностиката и третманот на сите полмолошки заболувања.
Закажете го Вашиот преглед на 02 3091 484