Новости

Мозочниот удар може да се каже дека е еден вид мозочна повреда. До мозочен удар доаѓа кога има ненадеен прекин во снабдувањето со крв на мозокот. Дотокот на кислород и хранливи материи во мозокот е прекинат и мозочните клетки се оштетуваат или се уништуваат. Кога мозочните клетки се уништени се губат телесните функции што овие клетки ги контролираат.

Статистиката вели дека  секои две секунди некој во светот доживува мозочен удар, а секој шести умира од тоа. Мозочниот удар, освен од други фактори, во голема мерка зависи од временските услови, тврдат научниците заклучувајќи дека се поголемите дневни промени на температурата и влажноста на воздухот се директно поврзани со се поголемиот број на мозочни удари. При утврдувањето на ризикот поврзан со временските услови, предвид ги зеле факторите  како што се присутност на дијабетес и покачен крвен притисок.

• Мозочниот удар е прва причина за инвалидитет насекаде во Европа. Тој е втора најчеста причина за смрт.
• Фатален е во една третина од случаите. 1 од 4 семејства во тек на животниот век се афектирани од М.У.
• 80% од мозочните удари може да се спречат.

Препораки:

– Подигнете ја свеста и запознајте ги ризик факторите за мозочен удар. Активно учествувајте во намалување на застрашувачките бројки.

–  Ако не ги примате редовно таблетите против висок притисок е опасно за вас!

– Покачените вредности на холестерол може да го блокираат спроведувањето на крв во мозокот и да предизвика мозочен удар.

– Дали знаете дека болните од диабет имаат 4 пати поголем ризик да заболат од мозочен удар?

– Атеросклерозата го намалува или блокира протокот на крв низ крвните садови во мозокот и го зголемува ризикот за настанување на М. У.

– Физичката неактивност е важен ризик фактор. Тоа е еден од 5- те клучни ризик фактори за мозочен удар.

– Пушењето го зголемува ризикот за 50% кај двата пола и во сите старосни групи.

– Алкохол > 2 алкохолни пијалоци го зголемува ризикот од мозочен удар за 50%.

– Промени го начинот на исхрана, внимавај на телесната тежина, вежбај, посети го својот лекар, откажи се од пушење и од консумација на алкохол.

Совети како да ги препознаете симптомите на мозочен удар

–  силна главоболка ,вртоглавица

– мигренозна болка на едната страна од главата.

– трнење на раката и ногата губење на нивното чувствување

– асиметричност  на лицето (спуштање на очниот капак, искривување на устата)

– замаглен вид или губење на видот на едното око

– неповрзани зборови, неразбирлива комунукација или конфузност

Доколку ги препознаете овие симптоми кај себе или кај ближниот, веднаш е потребен трансторт во најблиската болница.

Постоперативно заздравување по преживеан мозочен удар

Нашата клиника, Zan Mitrev Clinic, ви нуди најсовремена дијагностика за рано откривање и превенирање на мозочните удари. Располагаме и со најнови физикални апарати за рехабилитација на ваквите состојби. Оваа година е забележана како година со зголемен број на пациенти со ваква состојба. Кај пациентите со мозочен удар во нашата клиника  се спроведува најсовремена физикална терпија. Пристапот кон заздравување на пациентот по преживеан мозочен удар е  рехабилитација со   најнова   апаратура за  елекро терапија,  магнет терапија,  кинези терапија. Во зависнос од состојбите се спроведува и респираторна терапија.

Физикалната терапија во Zan Mitrev Clinic ви нуди осамостојување во понатамошниот живот  а во зависност од степенот на оштетување ќе успееме да го оспособиме пациентот до одреден дел на самостојност. Слободно  можеме да се пофалиме со голем број на пациенти кои болницата ја напуштија  со самостојни чекори среќно со придружба или со помагала. Овие пациенти стануваат дел од нашето семејство  на благодарни пациенти кои ни ја дадоа довербата да се грижиме за нивното здравје и да го продолжиме нивниот живот.