Новости

СООПШТЕНИЕ ДО ЈАВНОСТА

Заклучно со 15.10.2010 година во Специјалната болница за хируршки болести „ Филип Втори “ извршени се 1143 кардиоваскуларни операции, со што се исполни годишниот буџет, одреден од страна на Фондот за здравствено осигурување на Р. Македонија.

За 2009 год. ФЗОМ имаше одобрено буџет за 1569 кардиоваскуларни операции. За 2010 година со еднострана одлука на управниот одбор на ФЗОМ од март месец 2010 год. буџетот се намали за 30 %.

Повеќе пати писмено се обративме до ФЗОМ за враќање барем на минатогодишниот буџет, кое е неопходно за адекватно згрижување на животно-загрозените пациенти. Овој намален буџет не соодветствуваше со реалните потреби на пациентите.

Следуваше еден негативен писмен одговор од страна на ФЗОМ во месец август.

Ја информираме јавноста, дека во наредните дваипол месеци и понатаму ќе продолжиме со операции на осигурениците на ФЗОМ, но само по претходно добиена писмена согласност од страна на ФЗОМ, согласно член 6 од договорот.

Директор на ПЗУ ФИЛИП ВТОРИ

Академик Др. Жан Митрев