Услуги

Постапката овозможува десензибилизација на деца кај кој што е верифицирана осетливост на полени и алергени од домашната средина. Единстевно кај нас е започната примената на оваа терапија со препарати кој се применуваат во краток временски период од 2-3 месеци.

Тоа е рефлуксна студија, односно дијагностички тест за да се утврди дали вие или вашето дете имате гастро-езофагеална рефлуксна болест (ГЕРБ). ГЕРБ е состојба во која содржината на желудникот, киселна или некиселинска соджина, се движи нагоре во хранопроводот. Хранопроводот (езофагусот) е мускулна шуплива цевка низ која храна поминува од устата се кон вашиот желудник. Тежок рефлукс може да ја оштети внатрешната обвивка на хранопроводот и да предизвика симптоми како киселина, регургитација, болка во градите, тешкотии при голтање, засипнатост, кашлица, астма и да остави последици врз здравјето. Оваа студија ќе го брои бројот на рефлуксни епизоди, ќе регистрира дали рефлуксите се кисели, слабо кисели или некисели. Студијата, исто така, ќе ги корелира вашите симптоми со епизодите на рефлукс и ќе даде други неопходни податоци. Овие мерења ќе служат за да утврди најдобриот план за лекување за вас/вашето дете. 24 Часовна пХ метрија со импенданца е многу безбедна и безболна процедура. Можни но многу ретки компликации се локално крвавење од слузницата на носот или хранопроводот. Екстремно ретко може да се случи посериозен несакан ефект, како на пр. апнеа.

Конгениталните срцеви дефекти преставуваат проблеми со срцевата структура кои се присустни уште од раѓање. Овие дефекти вклучувааат:

• Дефекти на внатрешните ѕидови на срцето
• Дефекти на валвулите во срцето
• Дефекти на артериите и вените кои носат крв во срцето и надвор од него, во телото.

Конгениталните срцеви дефекти го менуваат нормалниот проток на крвта низ срцето. Ова настанува како последица на недоволно развиени делови на срцето пред раѓање.

Конгениталните дефекти не предизвикуваат градна болка или други болни симптоми.Тешките дефекти предизвикуваат знаци и симптоми, најчесто кај новороденчиња и вклучуваат:

• Брзо дишење
• Слаба циркулација

Има многу типови на конгенирални срцеви дефекти, кои може да бидат едноставни дефекти без симптоми до комплексни дефекти со тешки, живото- загрозувачки симптоми. Примери на конгенитални дефекти се:

• Атријален септален дефект
• Вентрикуларен септален дефект
• Стеноза на пулмонална валвула
• Коарктација на аорта
• Десно вентрикуларна хипертрофија
• Тетралогија Фалот (комбинација од неколку дефекти)

Во зависност од тежината, сложеноста и типот на самиот дефект, истиот може да биде третиран со катетеризациска процедура (интервентно) или пак со отворена операција на срце. Постојат и дефекти за чиј третман се користи комбинација и од двата типа на третман поради сложеноста на дефектот.

Операција на отворено срце кај деца со вродени срцеви маани се препорачува во случаите каде дефектот не може да биде третиран со интервентна процедура.

• Затварање на комуникациите помеѓу коморите и предкоморите со пач пластика
• Реконструкција или замена на срцевите валвули

• Отварање на артериите или отворите на срцевите валвули
• Реконструкција на комплексни дефекти кои вклучуваат проблеми со крвните садови во близина на срцето (недоволно развиени или поставени на погрешна локација).

Во оптималниот третман на децата кои се со вродени срцеви маани кои се одликуваат со промени во ритамот на срцето, се применува и имплантирање на пејсмејкери и кардиовертер дефибрилатори (ICDs). Пејсмејкерот служи за да го регулира абнормалниот срцев ритам, додека дефибрилаторите служат за корекција на живото-загрозувачките  пореметувања на ритамот.

Услуги

• Преглед од педијатриски кардиолог
• ЕКГ
• Ехокардиографија со доплер
• Ергометрија (срцев стрес тест)
• 24-часовен Холтер за крвен притисок
• 24-часовен Холтер ЕКГ
• Интервенции на вродени срцеви мани
• Операции на деца вродени срцеви маани

Пулмоалергологијата е гранка на педијатријата која се занимава со воочување, испитување и терапија на алергија, астма и белодробни заболувања кај деца од раѓање до 16 години. Таа опфаќа :

• Астма
• Акутни и хронични  заболувања на респираторниот систем
• Алергија на храна и алергија на инхалаторни алергени ( домашна прашина, полени, влакна од домашни миленичиња итн.)
• Поленска треска ( алергиски ринит и конјуктивит)
• Опструктивна слип апнеа
• Синузитис
• Кожни осипи ( егзема, уртикарија)
• Алергија на убод од инсекти

Услуги

• Преглед од пулмоалерголог
• Алерголошки кожни тестови со инхалаторни и нутритивни алергени
• Спирометрија (испитување на функцијата на белите дробови)
• Бронходилататорен  тест (тест со  “Вентолин”)
• Ртг- на белите дробови
• 256- слајсен МСКТ на граден кош

Третман

• Инхалациона терапија
• Интравенска / Инфузиона терапија
• Интрамускулна терапија
• Советување на децата со астма

Алерголошки кожни тестови со инхалаторни и нутритивни алергени, пример алергени присутни во воздухот (влакна од куче, прашина, домашна прашина, полен, животински првут, мувла, итн); како и за алергени присутни во храната (млеко, жолчка од јајце, белка од јајце, пченично брашно, риба, соја итн.).  Методата на изведување е со гребење на кожата (skin prick test) со капнување на алергени,  а резултатот е готов за 10 минути.

Провокационен бронходилататорен тест ( “Вентолински” тест) е метода со која се врши проценка  на протокот на воздух низ дишните патишта, пред и после употребата на  Ventolin. Дијагностички  позитивен  тест сугерира астма.

Ние можеме  да ги направиме сите  неопходни лабораториски анализи на крвта и урината. Доколку е потребноможе да се даде инхалаторна, интравенска и интрамускуларна терапија.

Советување на децата со астма

Астма – инфламаторно заболување на дишните патишта – е еден од водечките хронични заболувања кај децата, со значителен прогрес  во светот и во нашата земја. Во педијатрискиот сектор, астмата претставува  проблем кој ги засега и  децата и родителите.  Во нашата служба покрај преглед и терапија, нудиме и  совети за родителите и децата, со цел поуспешно  контролирање на болеста.