Për kujdesin e treguar, vëmendjen dhe kardio ekzaminimet falas të bëra me karvanin shëndetësor “Shëndet për të gjithë”, përfaqësuesit e Unionit të Shoqatave të Pensionistëve të Maqedonisë ndanë mirënjohje për klinikën Zhan Mitrev dhe mjekët që realizuan ekzaminimet. Mirënjohjet i ndanë nga kryetarja e shoqatës së pensionistëve Stanka Trajkova, si dhe kryetarët e shoqatave nga të gjitha qytetet e Maqedonisë.
Karvani “Shëndet për të gjithë” i cili u zhvillua gjatë vitit të kaluar ishte pjesë e Memorandumit për bashkëpunim të nënshkruar ndërmjet Spitalit klinik Zhan Mitrev dhe Unionit të shoqatave të pensionistëve të Maqedonisë. Ekipi i mjekëve specialistë kardiologë nga Klinika Zhan Mitrev kryen ekzaminime kardiologjike falas për pensionistët nga i gjithë vendi dhe synimi ishte që të rriten mundësitë dhe aksesi për ekzaminime specialistike për të gjithë ata që nuk mund të marrin mendim nga mjeku specialist për gjendjen e tyre shëndetësore.
Aktivitetet e karvanit kanë përfshirë më shumë se 500 pensionistë nga mbarë vendi, duke mundësuar kështu ekzaminime falas që mbartin një vlerë prej mbi 2.250.000 denarë. Klinika Zhan Mitrev me këtë karvan ka rritur kujdesin për shëndetin e qytetarëve, veçanërisht për kategoritë e rrezikuara dhe ato pa mundësi konsultimi me mjekun.
Karvani “Shëndet për të gjithë” u realizua në 2 faza. Në fazën e parë u përfshinë shoqatat e pensionistëve nga 11 qytete nga Maqedonia Lindore dhe Perëndimore. Ndërsa në fazën e dytë u përfshinë 14 shoqata të pensionistëve nga Shkupi të cilat i dërguan anëtarët e tyre me të ardhura të ulëta dhe të cilët kanë nevojë për ekzaminime të tilla.
Në Spitalin klinik Zhan Mitrev u mbajt aksioni tradicional vullnetar i dhurimit të gjakut. Gjithsej kanë dhuruar gjak vullnetarisht 57 punonjës të Klinikës Zhan Mitrev nga stafi mjekësor dhe ai jomjekësor, ndërsa me ta janë solidarizuar edhe anëtarët më të afërt të familjeve të punonjësve që kanë dhuruar gjak.
Aksioni i dhurimit të gjakut zhvillohet për herë të tretë dhe është në përputhje me memorandumin e nënshkruar të bashkëpunimit për dhurimin e gjakut me Blood Bank TENK. Aksioni u realizua në organizim të Institutit të Mjekësisë për Transfuzion, Blood Bank TENK dhe në prani të vullnetarëve nga Kryqi i Kuq i Maqedonisë.
Mbajtja e këtyre aksioneve të rregullta të dhurimit të gjakut në Spitalin Klinik Zhan Mitrev dhe pjesëmarrja vullnetare e punonjësve shpreh vlerat e larta etike, humane dhe morale të të gjithë ekipit dhe kontribuon në rritjen e kulturës shëndetësore dhe ndërgjegjësimit të publikut për nevojën e vazhdueshme për dhurimin e gjakut.
Trajtimi i Leonid Indov në Klinikën Zhan Mitrev vazhdon në Austri. Ai sot është transferuar me helikopter në Klinikën e Vjenës për operacion.
Tetëmbëdhjetë vjeçari Leonid Indov ka pësuar një aksident të rëndë verën e kaluar që i ka shkaktuar një lëndim të rëndë të shtyllës kurrizore. Në tetor ai u transferua në Spitalin Klinik Zhan Mitrev me tetraplegji, ku mori kujdesin më të mirë dhe pas 4 muajsh trajtimi i janë përmirësuar disa funksione, si të folurit dhe gëlltitja në mënyrë të pavarur, të cilat nuk kërkojnë më asistencën e aparaturave mjekësore.
Leonidi është student në Shkollën e Mesme Matematiko-Informatike dhe është pjesë e ekipit që krijoi një aplikacion për analizimin dhe studimin e lëvizjes së Stacionit Ndërkombëtar të Hapësirës, me të cilin fituan vendin e parë në konkursin ndërkombëtar NASA Space Apps Challenge.
Sot ai është percjellur nga miqtë e tij dhe ekipi i Klinikës Zhan Mitrev. I urojmë suksese në përballimin e të gjitha sfidave të ardhshme shëndetësore.
Një dozë e caktuar frike mund të na mbrojë nga rreziku dhe ndonjëherë mund të na shpëtojë jetën! Por kur frika nga një situatë e caktuar merr vrull, dhe fillon të ndikojë fuqishëm në jetë, pra bëhet patologjike, atëherë bëhet fjalë për fobi. Fobitë mund të jenë nga më të ndryshmet dhe përfaqësojnë një formë të çrregullimeve të ankthit. Në parim, ekziston një dallim ndërmjet fobisë specifike, fobisë sociale dhe agorafobisë.
Çfarë është karakteristike tek fobitë?
Edhe pse janë të ndryshme, ajo që është karakteristike është se janë kryesisht jologjike, pra situata krejtësisht të padëmshme për individët që nuk kanë fobi, por për ata që vuajnë nga fobia mund të shkaktojnë sulme të vërteta paniku. Vetë të menduarit për një situatë të caktuar mund të shkaktojë ankth të madh paraprak, madje edhe frikë nga çmenduria ose frikë nga vdekja. Frika fobike gjithashtu mund të ndodhë thjesht duke imagjinuar situatën që shkakton frikë. Fobitë e çdo lloji duhet të merren seriozisht dhe të trajtohen profesionalisht.
Cilat janë fobitë specifike?
Janë të panumërta fobitë specifike, të cilat gjithmonë karakterizohen qartë nga një frikë e fortë ndaj një situate të caktuar ose një objekti të caktuar.
Fobitë specifike përfshijnë frikën e fortë nga:
Disa kafshë si insektet, minjtë, merimangat, gjarpërinjtë, qentë,
Lartësia,
Fluturimi,
Errësira,
Hapësira të mbyllura si – ashensorë, dyqane, dhoma hoteli (klaustrofobia),
Turmat e mëdha,
Tualete publike,
Shiringa ose gjak,
Pamja personale ose pjesë të caktuara të trupit (dismorfofobia)
Çfarë është fobia sociale?
Fobitë sociale njihen edhe si neuroza sociale. Ato shpesh shoqërohen me vetëbesim shumë të ulët ose vetëvlerësim të ulët. Njerëzit me fobi sociale e kanë të vështirë të përballen me situata sfiduese si prezantimet publike ose mbajtja e një fjalimi – më pas bëhen të kuq, duart e tyre dridhen, shpesh ndihen të përzier dhe vazhdimisht ndjejnë se duhet të shkojnë në tualet. Për disa njerëz, situatat nxitëse mund të jenë edhe më të dukshme, ndonjëherë mjafton të ftoheni në darkë për të ndjerë frikë, turp ose zemërim. Në rastin e fobisë sociale, simptoma të tilla mund të përshkallëzohen në sulme masive paniku.
Për çfarë mendojnë më shpesh njerëzit me fobi sociale: “Shpresoj të mos dukem keq dhe të turpshërohem,” “Çfarë do të mendojnë të tjerët për mua?” “ “Do të më qeshin” “Ata tallen me mua” “Si t’ua shpjegoj këtë kolegëve të mi?” “ “Do të dukem shumë e çuditshme” “Nuk mundem më ta duroj këtë, do të iki nga këtu që tani!” “
Disa nga simptomat e fobisë sociale përfshijnë:
Palpitacione,
Ftohtësi dhe djersitje e alternuar,
Tharje goje,
Nevoja e shpeshtë për të shkuar në tualet,
Siklet/të përziera në stomak,
Marramendje,
Skuqje,
Dridhje e duarve,
Frikë nga çmenduria apo vdekja etj.
Si sillen zakonisht personat me fobi sociale:
Shmangin të ngrënit në restorante, mensa etj.
Shmangin daljet publike,
Shmangin kontaktet me sytë,
Fshehin dridhjen e duarve pas shpine,
Anulojnë ftesat për festa ose restorante,
Shmangin situata të caktuara.
Çfarë është agorafobia?
Një nëngrup i shpeshtë i fobive është agorafobia, frika nga qëndrimi në ambiente publike apo të mëdha me frikë mendore për t’u futur në një situatë të caktuar nga e cila nuk ka shpëtim, për të cilën kanë shprehur sjellje shmangëse. Ndonjëherë frika rritet deri në atë masë sa njerëzit me agorafobi nuk guxojnë më të dalin nga shtëpia.
Cilat janë shkaqet e fobive?
Kur bëhet fjalë për fobitë, ato zakonisht shfaqen për një sërë arsyesh. Bëhet dallimi themelor ndërmjet faktorëve biologjikë, psikologjikë dhe socialë.
Faktorët biologjikë mund të jenë:
Predispozita të caktuara gjenetike ose familjare,
Rritja e aktivitetit të sistemit nervor autonom, që çon në ngacmueshmëri të lehtë dhe reagime të tepuara nga ngjarje emocionale dhe ngjarje të jashtme;
Ashtu sikurse disa individë kanë “pika të dobëta” fizike si stomaku, shpina, zemra, mëlçia ose veshkat, edhe sistemi nervor autonom është një “organ i ndjeshëm” veçanërisht te njerëzit me ankth ose çrregullime fobike.
Tipare të lindura të personalitetit ose çrregullime fizike për të cilat nuk ka ndonjë shkak të njohur.
Faktorët psikologjikë:
Përvojat jo të favorshme në fëmijëri dhe rini, për shembull: dhuna, tallja dhe izolimi për shkak të karakteristikave të jashtme (pamja e jashtme, veshja, ngjyra e lëkurës, feja, familja, etj.) ose për shkak të tipareve të personalitetit si ndrojtja, introversioni.
Mungesa e vetëvlerësimit për shkak të stilit të adoptuar nga prindërit të karakterizuar nga frika ose mungesa e vetëvlerësimit,
Perfeksionizëm i tepruar në shtëpi dhe/ose në punë.
Faktorët social:
Ngjarjet kritike të jetës, shembull: divorci i prindërve,
Partner i pakënaqur,
Sëmundje serioze,
Largimi nga shtëpia dhe ndarja nga familja,
Shtatzënia,
Mbingarkesa për shkak të detyrimeve të shumta,
Përvoja negative në funksionimin shoqëror, për shembull: skuqje ose dridhje e zërit para një shfaqjeje publike, rrahje zemre ose dridhje e këmbëve para një provimi, etj.
Si trajtohen fobitë?
Është thelbësore të dini se fobia nuk duhet të përcaktojë jetën dhe jetën tuaj të përditshme dhe se ka një zgjidhje për këtë gjendje. Trajtimi mund të përfshijë një trajtim medikamentoz ose psikoterapie ose një kombinim i të dyjave. Rezervoni kontrollin tuaj psikiatrik për të kryer një vlerësim individual dhe trajtim të gjendjes së përcaktuar mendore. Për të caktuar ekzaminimin tuaj psikiatrik me Dr. Marija Kostadinovska – psikiatër, telefononi në 00389 2/3091-484
Klinika “Zhan Mitrev” fillon me skrining falas për kancerin e mushkërive – Diagnostikimi në kohë i çdo sëmundjeje, veçanërisht kancerit, është shumë i rëndësishëm sepse nga ai varet lloji i trajtimit dhe rezultati përfundimtar. Sigurisht që nuk është e njëjta gjë nëse pacientët i diagnostikojmë në një fazë të hershme, kur terapia është më e thjeshtë, më efektive dhe prognoza është shumë më e mirë, sesa kur i diagnostikojmë në një fazë të avancuar, kur mundësitë e trajtimit janë të kufizuara, d.m.th. , opsionet janë të pakta, dhe për këtë arsye prognoza është shumë më e keqe
Kanceri i mushkërive është shkaktari kryesor i vdekjeve nga kanceri në mbarë botën. Njerëzit që konsumojnë duhan kanë rrezik më të lartë të kancerit të mushkërive, megjithëse sëmundja mund të ndodhë edhe tek individët që nuk kanë pirë kurrë duhan. Rreziku i kancerit të mushkërive rritet me gjatësinë e kohës dhe numrin e cigareve që konsumoni. Nëse e lini duhanin, edhe pas shumë vitesh duhan, mund të reduktoni ndjeshëm shanset për të zhvilluar kancer të mushkërive. Është një sëmundje tinëzare që nuk shkakton shenja dhe simptoma në fazat e saj të hershme. Por në momentin e shfaqjes… mund të jetë tepër vonë.
“Për fat të keq, kanceri i mushkërive nuk jep ndonjë simptomë specifike në fazat e hershme. Ndonjëherë ndjenja e lodhjes, dobësisë, kolla që zgjat më shumë se një muaj dhe nuk përmirësohet me terapi, mund të jetë një nga simptomat e hershme që do t’i shtynte pacientët të fillojnë me ekzaminimet fillestare diagnostike”, shpjegon doktor Liljana Brajeviq. kirurge torakale dhe Dr. Zvonko Atanasov, specialist në radiodiagnostikë nga klinika “Zhan Mitrev”.
Me qëllim zbulimin në kohë të pacientëve asimptomatikë, diagnostikimin në fazë të hershme kur mund të kryhet trajtimi operativ, sepse prognoza për mbijetesë është shumë më e mirë dhe ndërgjegjësimi për zbulimin e hershëm të sëmundjes në fazën fillestare, klinika “Zhan Mitrev” për herë të parë në vend kryen skrining pa pagesë që mbulon pacientët me kancer në mushkëri që janë asimptomatikë, por që hyjnë në kategoritë e rrezikut sipas zakoneve të jetesës. Rekomandimi i shqyrtimit përfshin pacientët e moshës 50 deri në 75 vjeç që kanë konsumuar më shumë se 20 cigare (ose 1 paketë) në ditë për 20 vjet ose 2 paketa cigare në ditë për 10 vjet, si dhe pacientët që kanë qenë duhanpirës dhe kanë lënë duhanin në 15 vitet e fundit.
“NE JEMI TË GJITHË DUHANPIRËS ME KËTË AJËR. BËNI KONTROLL PREVENTIV TË MUSHKËRIVE” – titullohet fushata kombëtare me të cilën Spitali klinik “Zhan Mitrev” kontribuon në shënimin e 4 shkurtit – Ditës Botërore për luften e kancerit dhe ndërgjegjësimit për këtë sëmundje. Çfarë do të thotë diagnoza në kohë për pacientin?
Dr. Brajeviq: Diagnostikimi në kohë i çdo sëmundjeje, veçanërisht kancerit, është shumë i rëndësishëm sepse nga ai varet lloji i trajtimit dhe rezultati përfundimtar. Sigurisht që nuk është e njëjta gjë nëse pacientët i diagnostikojmë në një fazë të hershme, kur terapia është më e thjeshtë, më efektive dhe prognoza është shumë më e mirë, sesa kur i diagnostikojmë në një fazë të avancuar, kur mundësitë e trajtimit janë të kufizuara, d.m.th. , opsionet janë të pakta, dhe për këtë arsye prognoza është shumë më e keqe.
Kjo është arsyeja pse këshilla ime për të gjithë pacientët, veçanërisht ata që bëjnë pjesë në grupin e rrezikut, domethënë, të gjithë ata që kanë një histori të gjatë të konsumit së duhanit, ekspozimit ndaj asbestit, ekspozimit ndaj kimikateve inhalatore ose ekzistencës së sëmundjeve kronike të mushkërive, duhet të rregullisht të kryejnë kontrolle, pa neglizhuar as simptomat më të vogla.
Skriningu është një mjet shumë i rëndësishëm për zbulimin e kancerit të mushkërive në fazën fillestare të sëmundjes. Për herë të parë në vendin tonë, klinika “Zhan Mitrev” po fillon një projekt “pilot” për skrining dhe diagnostikimin në kohë, zbulimin e hershëm që mund të përmirësojë në mënyrë dramatike shkallët e mbijetesës. Skriningu/shqyrtimi është falas për grupin e qytetarëve të moshës 50-75 vjeç. Nisur nga numri i madh i të interesuarve, si do të bëhet përzgjedhja dhe çfarë përfshin ky shqyrtim?
Dr. Atanasov: Skriningu është një metodë e provuar për të diagnostikuar një sëmundje te pacientët që nuk kanë simptoma, në këtë rast simptoma të kancerit të mushkërive. Për herë të parë në vendin tonë po organizohet një projekt i tillë, i cili do të zgjasë tre vjet dhe do të përfshijë një numër të madh pacientësh. Për të aplikuar për ekzaminim, pacientët e Republikës së Maqedonisë së Veriut duhet të jenë të grupmoshës 50-75 vjeç dhe të plotësojnë një pyetësor në faqen tonë të internetit. Më pas, nga të regjistruarit zgjidhen ata që janë në rrezik të lartë për kancer të mushkërive dhe u bëhet tomografia e kompjuterizuar me dozë të ulët rrezatimi. Nëse verifikohet ndonjë ndryshim në rezultate, bëhen hetime të mëtejshme si bronkoskopia me biopsi ose biopsia transtorakale për të parë se për çfarë lloj ndryshimi bëhet fjalë. Më pas në varësi të gjetjes lokale sugjerohet trajtim operativ ose onkologjik.
Kanceri i mushkërive është një sëmundje shumë tinëzare, simptomat e së cilës zakonisht shfaqen në një fazë të vonshme kur shanset për të mbijetuar janë më të ulëta. Në një situatë ku fazat e hershme janë asimptomatike, si mund të dyshojmë për ekzistencën e sëmundjes, a ka ndonjë shenjë, simptomë të përgjithshme që mund të na çojë në një konsultë mjekësore, zbulim dhe trajtim të hershëm, që mund të parandalojë përhapjen e kancerit të mushkërive, përkeqësimin dhe përhapjen në pjesë të tjera të trupit?
Dr. Atanasov: Fatkeqësisht, kanceri i mushkërive nuk jep ndonjë simptomë specifike në fazën e hershme. Ndonjëherë një ndjenjë lodhjeje, dobësie, rraskapitje, kollë që zgjat më shumë se 1 muaj dhe nuk përmirësohet me ndihmën e terapisë, mund të jetë një nga simptomat e hershme që do t’i shtynte pacientët të fillojnë me ekzaminimet fillestare diagnostike.
Dr. Brajeviq: Faktorët më të zakonshëm të rrezikut për kancerin e mushkërive janë:
Konsumi i duhanit – rreziku rritet me numrin e cigareve dhe vitet konsumit të duhanit. Cigaret mendohet se janë shkaku i kancerit në 90% të rasteve.
Konsumi pasiv i duhanit – veçanërisht në fëmijëri, kur mushkëritë janë në rritje dhe zhvillim intensiv. Këta fëmijë më vonë në jetë kanë një rrezik në rritje të zhvillimit të sëmundjeve kronike të mushkërive dhe kancerit,
Terapia me rrezatim në zonën e kraharorit,
Ekspozimi ndaj radonit dhe asbestit,
Predispozicioni familjar, rreth 8% e kancereve, shumica e të cilëve janë adenokarcinoma, shoqërohen me mutacione gjenetike të trashëguara.
Sa faza ka kanceri i mushkërive, sa shpejt përparon dhe cilat janë shanset për të mbijetuar?
Dr. Atanasov:Karcinoma e mushkërive ka një fazë të hershme, kur sëmundja lokalizohet vetëm në mushkëri pa prekur/përhapur në organet përreth. Nëse sëmundja zbulohet në këtë fazë, rezultatet prognostike janë më të mira. Kur sëmundja përhapet në organet përreth, atëherë trajtimi është më i vështirë dhe prognoza është më e keqe. Sa shpejt do të përparojë sëmundja nuk mund të thuhet saktësisht. E gjitha varet nga karakteristikat e kancerit dhe shkalla e tij e agresivitetit. Statistikat tregojnë se vetëm rreth 10% do të mbijetojnë 10 vjet nga fillimi i sëmundjes.
Cilët pacientë kualifikohen për kirurgji në mushkëri dhe cilat janë avantazhet e kirurgjisë 3D minimalisht invazive të kancerit të mushkërive, e cila u prezantua për herë të parë në Maqedoni dhe kryhet në klinikën “Zhan Mitrev”?
Dr. Brajeviq: Për t’i rekomanduar pacientit që është për trajtim operativ, ekzistojnë disa faktorë. Para së gjithash, gjendja e përgjithshme e pacientit, në çfarë stadi është sëmundja, lloji i kancerit, lokalizimi etj. Më pas mund të vendosim nëse operacioni do të kryhet me metodë klasike apo me qasje minimalisht invazive, pra me VATS (torakoskopi me video). Avantazhi i këtij lloji të ndërhyrjes është se është më pak i dhimbshëm për pacientët në periudhën pas operacionit, gjë që e bën qëndrimin në spital më të shkurtër dhe i lejon pacientët t’i kthehen më shpejt aktiviteteve të tyre të përditshme. Të dyja metodat për fat të mirë janë të disponueshme dhe kryhen në spitalin tonë.
Duke jetuar në një kohë kur kanceri i gjirit është bërë kanceri më i diagnostikuar në popullatën femërore, parandalimi dhe zbulimi i hershëm janë çelësi i trajtimit të suksesshëm.
Prandaj, nëse nuk keni bërë ekzaminimin tuaj të rregullt vjetor, mos prisni, caktoni një eko gjiri ose mamografi. Pajisjet më moderne dhe mjekët tanë me përvojë Dr. Lidija Veljanovska Kirixhievska, Dr. Mimoza Tolevska dhe Dr. Magdelena Popovska-Cvetkova janë në dispozicionin tuaj. Për të caktuar një takim që ju përshtatet, telefononi në numrin 00389 2/3091-484.
Këshilla për parandalimin – Vetë-ekzaminim
Mos harroni të bëni një vetë-kontroll një herë në muaj.
Merrni 10 minuta kohë për të bërë vetë-kontrollin tuaj mujor të gjirit.
Vetë-ekzaminimet e rregullta ju ndihmojnë të qëndroni në kontakt me trupin tuaj dhe të vëreni çdo ndryshim në kohë.
Ju duhet ta kryeni këtë ekzaminim rutinë çdo muaj në të njëjtën kohë në mënyrë që të kontrolloni fizikisht për praninë e mundshme të të gjitha ndryshimeve të pazakonta.
Edhe pse shkencëtarët arritën në përfundimin se vetë-ekzaminimet nuk ulin vdekshmërinë nga kanceri i gjirit dhe nuk zëvendësojnë kontrollet e rregullta mjekësore me ndihmën e EKO-s apo mamografisë, ato sërish shërbejnë për të rritur ndërgjegjësimin për rreziqet e kësaj sëmundjeje.
Rinoplastika është një term mjekësor që përshkruan procedurën kirurgjikale për kirurgjinë estetike ose rindërtuese të hundës, duke përfshirë rindërtimin dhe riformimin e kockave dhe kërceve të hundës dhe piramidës së hundës. Qëllimi është të përmirësohet ky organ i rëndësishëm vizualisht dhe funksionalisht. Arsyeja më e zakonshme për kryerjen e rinoplastikës është pakënaqësia e pacientit me formën dhe pamjen e hundës.
Ndonjëherë bëhet fjalë për pamjen e majës së hundës ose të gjithë hundës, pra për shkak të ekzistencës së një piramide të madhe hundore ose të ashtuquajturës hundë të spikatur. Përveç pamjes estetike të hundës, një nga arsyet e trajtimit kirurgjikal të hundës është edhe pamundësia për të marrë frymë normalisht, e cila zakonisht ndodh për shkak të ekzistencës së një devijimi të septumit të hundës. Pastaj mjeku otorinolaringolog (ORL) mund të rekomandojë korrigjimin kirurgjik të devijimit të septumit, pra septoplastikë. Në rast se pacienti ka dëshirë për korrigjim estetik të hundës dhe korrigjim funksional të septumit për të marrë frymë më lehtë, të dyја operacionet mund të bëhen në një akt dhe ky operacion quhet septorinoplastikë.
Rinoplastika si një procedurë kirurgjikale është përdorur përgjatë tre shekujsh. Fillimet e rinoplastikës moderne datojnë në shekullin e 18-të. Periudha kur kirurgu gjerman Jacques Joseph aplikoi teknikën e rinoplastikës e cila përfshin bërjen e një prerjeje në pjesën e brendshme të hundës. Kjo qasje praktikohet edhe sot. Rinoplastika përjetoi një lulëzim në shekullin XIX, veçanërisht me zhvillimin e anestezisë, kjo procedurë u bë më e popullarizuar. Sot, kjo procedurë kirurgjikale konsiderohet kirurgjia e dytë më e zakonshme estetike në mbarë botën. Zhvillimi i rinoplastikës çon në zhvillimin e teknikave të reja si dhe risive të reja teknologjike, të cilat mundësojnë siguri më të madhe për pacientin si dhe një efekt më të mirë postoperativ.
Cilat janë hapat e nevojshme që duhen ndërmarrë para planifikimit të operacionit?
Para së gjithash kërkohet një ekzaminim nga kirurgu plastik si dhe kirurgu ORL. Gjatë ekzaminimit vlerësohen mangësitë dhe dëshirat estetike të pacientit, por vlerësohet edhe funksionaliteti në lidhje me frymëmarrjen nazale, pas së cilës krijohet një plan trajtimi kirurgjik, pra nëse nevojitet rinoplastikë apo septorinoplastikë.
Para operacionit është e nevojshme të kryhen analizat dhe përgatitja e duhur e pacientit. Një nga më të rëndësishmet është, natyrisht, analiza mikrobiologjike, pra një shtupë/tampon nga hunda. Kjo është e nevojshme në mënyrë që të mund të planifikohet dhe të realizohet operacioni, për të përjashtuar praninë e ndonjë baktere në hundë. Nëse analiza mikrobiologjike tregon praninë e baktereve në hundë, atëherë kërkohet trajtim antibiotik dhe shtyrja e operacionit, derisa të merret një gjetje e pastër mikrobiologjike. Si për çdo operacion tjetër, pacienti duhet të jetë i shëndetshëm, të mos ketë infeksione dhe procese inflamatore, jo vetëm në zonën e hundës, por në të gjithë organizmin. Pjesa tjetër e përgatitjes për kirurgji përfshin përgatitjen e përgjithshme të pacientit. Kjo nënkupton një ekzaminim të detyrueshëm anesteziologjik, ekzaminim internistik para operacionit dhe analiza laboratorike të gjakut.
Trajtimi operativ
Trajtimi operativ vendoset gjatë ekzaminimit paraoperativ. Në varësi të nevojës dhe dëshirës së pacientit, trajtimi operativ përfshin korrigjimin estetik të hundës, korrigjimin funksional të septumit të hundës ose kombinimin e të dyjave.
Kur bëhet fjalë për korrigjimin estetik të hundës, ai mund të ndahet në korrigjim të majës së hundës ose korrigjim të gjithë piramidës së hundës. Korrigjimi i të gjithë piramidës së hundës zakonisht bëhet me korrigjimin e gungës së hundës, ngushtimin në zonën e rrënjës së hundës dhe rimodelimin e kërceve të hundës me qëllim ngushtimin dhe ngritjen e majës së hundës – rinoplastikë.
Në varësi të trashësisë së lëkurës së hundës si dhe në varësi të qëllimeve të vendosura për trajtimin operativ, rinoplastika mund të jetë e tipit të hapur ose të mbyllur. Kur pacienti ka edhe devijim të septumit të hundës – kur është e shtrembër njëra anë e hundës, në atë rast korrigjohet vetëm devijimi. Ky trajtim operativ mund të bëhet si një operacion i veçantë, kur pacienti kërkon trajtim operativ vetëm nga aspekti funksional, por mund të bëhet edhe septorinoplastika si kombinim i mungesës funksionale dhe estetike.
Kujdesi postoperativ
Në periudhën pas operacionit, pacienti ka tampona në hapësirat e brendshme të hundës për 5 ditët e para. Këto tampona duhet të qëndrojnë për 5 ditë, që është periudha më e vështirë për vetë pacientët, sepse gjatë kësaj periudhe pacienti duhet të marrë frymë vetëm nga goja. Në ditën e pestë pas operacionit hiqen tamponët, gjatë së cilës pacienti do të mund të marrë sërish frymë me hundë, në atë moment mund të vërehet edhe efekti i trajtimit kirurgjik të septumit të hundës.
Përveç tamponëve, hunda e pacientit vendoset në gips (longetë). Longeta është shumë e dobishme pas rinoplastikës dhe duhet mbajtur për 10 ditë. Pas ditës së dhjetë hiqet dhe më pas pacienti mund të shohë rezultatin fillestar pas rinoplastikës. Para operacionit, çdo pacient duhet të dijë se ënjtja dhe hematoma rreth syve është një dukuri normale pas rinoplastikës dhe është e përkohshme. Hematomat humbasin brenda 10 deri në 15 ditësh pas operacionit, ndërsa ënjtja e hundës zgjidhet brenda 6 muajve.
Pacienti duhet të shmangë goditjet në pjesën e përparme të hundës. Është gjithashtu e nevojshme të shmanget teshtitja ose çdo presion në hundë gjatë muajit të parë, mundësisht për një periudhë më të gjatë. Gjatë muajit të parë nuk duhet të flini anash (majtas apo djathtas) dhe akoma më pak të flini përmbys/në stomak. Është e rëndësishme të theksohet se pacienti pas operacionit estetik të hundës mund të shohë efektin vizual menjëherë pas heqjes së longetës së gipsit, por është gjithashtu e rëndësishme të theksohet se ky efekt vizual nuk është përfundimtar. Ënjtja pas operacionit zvogëlohet në 10 deri në 15 ditët e para, por jo plotësisht. Tërheqja e plotë e ënjtjes ndodh në një periudhë prej 3 deri në 6 muaj, që do të thotë se pacienti do të shohë efektin e plotë vizual disa muaj pas vetë operacionit.
Një nga pyetjet më të shpeshta pas trajtimit kirurgjik të hundës për sa i përket rinoplastikës apo septorinoplastikës, është nëse pacienti ka dhimbje pas operacionit?
Pas operacionit, pacienti nuk ka pamundësi të marrë frymë përmes hundës për shkak të pranisë së tamponëve në hundë, që është shqetësimi më i madh pas operacionit, përsa i përket dhimbjes, pothuajse nuk ka.
Hendbollistet e klubit Gjorçe Petrov – ZRK / Ѓорче Петров – ЖРК, pasi mposhtën me sukses ekipin çek Kinzhvart, kaluan në çerekfinale të Kupës së Evropës. Në konferencën e mbajtur për mediat, hendbollistet e reja thanë se nuk mjaftohen vetëm me një vend në mesin e tetë më të mirëve dhe se do të shkojnë drejt realizimit të ambicieve më të madha. Dëshira e rradhës është kualifikimi në finale në kompeticionin e tretë më cilësor evropian për femra.
“Në fillim të sezonit u nisëm me synimin për të kapërcyer kualifikimin e vitit të kaluar në tetë me te mirët gjë që ia dolëm, por jemi të motivuar të arrijmë sukses edhe më të madh – kualifikimin në gjysmëfinale apo në finale. Shpresojmë që vitin e ardhshëm të luajmë në Ligën Evropiane, e së shpejti edhe në Ligën e Kampionëve”, thotë Anxhela Cvetanovska. Trajneri Sime Simovski shprehet se hendbollistet mund të luajnë për një rezultat më të lartë si në aspektin taktik ashtu edhe në atë teknik.
“Nuk do të ndalemi këtu, pavarësisht se edhe ky është një sukses i madh. Nuk e dimë se me kë do të luajmë në turin e ardhshëm, por nuk ndalemi këtu, do të vazhdojmë të punojmë dhe përmirësohemi. Këto vajza që luftojnë për Gjorçe Petrov janë harruar nga disa struktura, por këtu tregojnë se mund të luajnë taktikisht dhe teknikisht në një nivel të lartë. Pavarësisht se kjo është gara e tretë, për ne do të thotë shumë vendosja në Top 8”, tha Simovski.
“Përgatitja fizike e hendbollistëve është e mirë, gjendja e tyre monitorohet në mënyrë multidisiplinore, këtu janë të përfshirë të gjithë specialistët e spitalit, si dhe monitorohet gjendja e tyre me ekzaminime të plota të herëpashershme dhe me mbështetje nga Klinika Zhan Mitrev gjatë përgatitjes para ndeshjeve. Tani vijon rehabilitimi dhe përgatitja për garat e radhës”, tha Blazhe Arsov, fizioterapist i diplomuar në Klinikën Zhan Mitrev dhe fizioterapist zyrtar i Gjorçe Petrov – ZRK / Ѓорче Петров – ЖРК.
Kundërshtarët e ardhshëm të mundshëm të Gjorçe Petrov –ZRK / Ѓорче Петров – ЖРК në rrugën për në gjysmëfinale në Kupën Evropiane mund të jenë një nga skuadrat e Granollers, Elche, Gran Canaria (Spanjë), Mihalovce (Sllovaki), Venlo (Holandë), Benfica (Portugali) dhe Jalikavak (Turqi). Klinika Zhan Mitrev është partner mjekësor i Klubit të hendbollit të femrave kampione të Maqedonisë Gjorçe Petrov – ZRK, duke u kujdesur për shëndetin dhe përmirësimin e performancës së hendbollisteve.
Për gatishmërinë fizike të hendbollisteve, janë në dispozicion teknikat më moderne, pajisjet, ekipi i plotë i mjekëve specialistë me pervojë shumëvjeçare nga Klinika Zhan Mitrev, të gjitha me synimin për të arritur rezultate edhe më të mira.
