SHËRBIMET MJEKËSORE

KIRURGJI VASKULARE

Aneurizma e aortës abdominale

Aorta është ena më e madhe e gjakut në trup që bart gjak nga zemra në të gjitha organet. Aorta në pjesën abdominale të trupit (barkut) quhet aorta abdominale. Aneurizma (zmadhimi) i aortës abdominale ndodh kur muri i enës dobësohet. Zgjerimi në vetvete e bën murin e enës më të dobët dhe krijon mundësinë që ai të plasaritet. Aneurizma e aortës abdominale është më e zakonshme tek meshkujt dhe është rezultat i presionit të lartë të gjakut.

Diagnoza e aneurizmës abdominale

Shumica e aneurizmave të aortës abdominale janë asimptomatike dhe zbulohen rastësisht. Ekzaminimi rutinë tek mjeku me anë të ultratingullit, radiografisë ose imazhit të kompjuterizuar dhe rezonancës magnetike të kryera për një arsye tjetër mund të zbulojë praninë e aneurizmës. Në disa raste, pacientët përjetojnë pulsim në bark, si dhe dhimbje gjatë përhapjes së aneurizmës.

Korrigjimi kirurgjik (zëvendësimi) i aneurizmës së aortës abdominale

Korrigjimi kirurgjik (zëvendësimi) i aneurizmës është një operacion në të cilin pjesa e zmadhuar e aortës abdominale zëvendësohet me një protezë artificiale. Zakonisht operacioni zgjat 3-4 orë.

Sëmundja e karotides

Arteriet karotide janë enë gjaku që bartin gjak të pasuruar me oksigjen në kokë, tru dhe fytyrë. Ato janë të vendosura në të dy anët e qafës. Nëse pllakat dhe substancat e tjera yndyrore i bllokojnë këto arterie, qarkullimi i gjakut zvogëlohet ose bllokohet plotësisht dhe lindin probleme. Kur ka një bllokim të rrjedhjes së gjakut në tru, mund të ndodhë TIA (sulmi ishemik kalimtar). TIA zgjat disa minuta dhe zakonisht nuk shkakton dëme permanente. Megjithatë shpesh shërben si një shenjë paralajmëruese e një goditjeje fatale.

Rreth 1/3 e njerëzve me sulm ishemik kalimtar (TIA) pësojnë goditje brenda vitit të ardhshëm. Trajtimi kirurgjik i sëmundjes karotide mund të parandalojë sulmin ishemik kalimtar dhe të zvogëlojë rrezikun e goditjes në tru.

Diagnoza e sëmundjes karotide

Diagnoza e sëmundjes karotide fillon me një histori mjekësore dhe ekzaminim fizik

Sonografi me ultratinguj Doppler
Tomografi e kompjuterizuar
Rezonancë magnetike

Endarterektomia e karotides

Endarterektomia e karotides është një operacion, një teknikë kirurgjikale, që heq pllakat (depozitat e yndyrës) që ngushtojnë arteriet karotide.

Identifikimi i pjesës së bllokuar të arteries karotide

Arteria hapet dhe pllaka hiqet

Arteria e pastruar mbyllet me anë të qepjes.

Operacioni zakonisht zgjat 1-2 orë.

Sëmundjet e arterieve vertebrale

Në Maqedoni, zbulimi dhe trajtimi i sëmundjeve të arterieve vertebrale kryhet vetëm në Spitalin klinik Zhan Mitrev. Sëmundjet e arterieve vertebrale japin simptomatologji e cila ndryshon duke nisur nga marramendja, deri në paqëndrueshmëri, në ataksi, tringëllimë në veshë, humbje të vetëdijes, diplopi, probleme të shikimit.

Për këtë arsye, shumë shpesh pacientët që vuajnë nga kjo sëmundje humbasin në labirintet spitalore të specialiteteve të ndryshme mjekësore pa zbuluar problemin e vërtetë dhe duke humbur kohë të çmuar. Në Spitalin klinik Zhan Mitrev, diagnostikimi i sëmundjeve të arterieve vertebrale bëhet me anë të tomografisë së kompjuterizuar të arterieve të kokës dhe qafës, ku ekipi i radiologëve me përvojë bën analizimin e rezultateve (lexon rezultatet), ndërsa ekipi i kirurgëve bën vlerësimin për trajtimin operativ. Transpozimi është lloji më i zakonshëm i operacionit për sëmundjen e arteries vertebrale.

Sëmundje arteriale periferike

Sëmundja arteriale periferike i referohet sëmundjes së enëve të gjakut (arterieve) jashtë zemrës dhe trurit. Më i zakonshëm është ngushtimi i enëve të gjakut që bartin gjak në këmbë, krahë, bark ose veshka.

Simptomat e sëmundjes së arterieve periferike

Në fazën fillestare, simptomat e zakonshme të qarkullimit të dobët në këmbë janë ngërçet, dobësia, rëndesa dhe dhimbja ose shqetësimi në këmbë dhe kofshë gjatë aktiviteteteve. Këto simptoma zakonisht zhduken me ndalimin e aktiviteteve dhe quhen klaudikim intermitent.

Simptomat e qarkullimit të dobët të veshkave përfshijnë presionin e lartë të gjakut ose presionin që është e vështirë ose e pamundur të kontrollohet me ilaçe. Bllokimi i rëndë i arteries renale mund të rezultojë në humbje të funksionit ose dobësisë së veshkave.

Diagnoza e sëmundjes së arterieve periferike

Diagnoza e sëmundjes së arterieve periferike fillon me anë të historisë mjekësore dhe ekzaminimit fizik.

Doppler dhe Sonografi dupleks me ultratinguj
Rezonancë magnetike
Tomografi e kompjuterizuar
Angiografi e rregullt (katetër)

Kirurgji bajpas periferike

Kirurgjia e bajpasit periferik është një operacion që kryhet në arteriet dhe venat periferike. Përdor enët e gjakut të marra nga një pjesë tjetër e trupit ose proteza artificiale për të anashkaluar pjesën e bllokuar ose të ngushtuar të arterieve. Operacioni zgjat 2-3 orë. Specifika e procedurës kirurgjikale varet nga simptomat dhe gjendja e përgjithshme e pacientit, si dhe nga numri i pllakave që janë grumbulluar në arterie. Në përgjithësi, për një anashkalim të këmbës ose krahut, kirurgu do të zgjedhë një venë që do të shërbejë si një shartim (graft) i anashkalimit të arteries. Ndonjëherë për shkak të gjendjes është e nevojshme të përdoret protezë artificiale si një shartim (graft) bajpas në vend të përdorimit të një vene.

Krijimi i fistulave arteriovenoze tek pacientët me dializë

Kirurgjia e venave periferike

Operacioni i venave varikoze (vein stripping) është një procedurë që heq venat, zakonisht në zonën e këmbëve, por mund të ndodhë edhe në pjesë të tjera të trupit.

Simptomat e venave varikoze (variçeve) që kërkojnë kirurgji: