Експерти од САД со предавања од областа на детската кардиохирургија

мај 05,2019

Низа предавања од областа на Детската кардиохирургија се одржаа неделава во амфитеатарот на Zan Mitrev Clinic. Предавањата беа подготвени и презентирани од лекари и среден медицински персонал од референтни кардиохируршки центри од Хјустон Тексас, САД.

Д-р Али Доџ Катами, познат детски кардиохирург имаше предавање за оперативните техники кои се користат кај цијаногените кардиопатии. Покрај него, теми од областа на детската кардиохирургија презентираа и кардиолози, анестезиолози и педијатри интензивци, како и медицинска сестра со долгогодишно искуство во работата во областа на неонаталната и детска кардиохирургија.