Филип Втори во поддршка на здравјето на жената

ноември 11,2013

Филип Втори во поддршка на здравјето на жената

Во периодот од 25 до 27 октомври, оваа година, во Метрополис арената се одржа Саем на жена на кој Специјалната болница за хируршки болести ФИЛИП ВТОРИ беше присутна со свој штанд и предавања во текот на сите три дена. Во духот на саемот, лекари и психолог од болницата зборуваа за превенција на кардиоваскуларните заболувања, нивна дијагностика кај жени со операција на дојка, дијагностика и третман на дијабетот и заболувањата на тироидната жлезда како и улогата на стресот во развој на болестите и конструктивни начини за справување со него. Присутните посетители имаа можност да се информираат за сите процедури и услуги кои болницата ги нуди на штандот на кој постојано имаше претставник од медицинскиот тим. ФИЛИП ВТОРИ со својата екипа на професионалци се грижи за здравјето на жената. Здравјето и убавината се поддршка еден на друг.