Едукативни предавања посветени на инструментарките во „Жан Митрев Клиника“

февруари 15, 2018

Светскиот ден на инструментарките како важен дел од медицинскиот кадар во една медицинска установа се одбележува и во „Жан Митрев Клиника“. Под мотото „Со континуирана едукација безбедно чекориме напред“ во текот на неделава се одржаа голем број интерни едукативни предавања.

Според светските статистики медицинските сестри ја сочинуваат половината од вкупниот број на вработени во системот на здравствената заштита, а според податоците на СЗО тие пружаат 69% од услугите. Тука секако влегуваат и инструментарките како неопходен дел од системот а кои се грижат за стерилноста на хируршките инструменти за време на операција.