Интервју со д-р Горан Јовиќ: Краток престој во болница и брзо опоравување – ЛИТОТРИПСИЈА

април 26, 2022

ЛИТОТРИПСИЈА – минимално инвазивна метода за разбивање на камења во урогениталниот тракт

Литотрипсијата како зафат претставува неинвазивна метода на разбивање на камења. Конкретно овој тип на литотрипсијата кој се изведува ласерски претставува минимално инвазивна метода која за влез ги користи природните уринарни патишта. Истата се изведува ендоскопски и предноста за пациентот е што тој не се задржува во болница т.е самиот процес на опоравување е многу краток.

Предностите на литотрипсијата во споредба со класичната се многу. Покрај визуелниот момент на непостоење на лузна, наспроти лузна од рез при класичната метода на операција, секако многу важен е моментот на намалена можност за компликации поради минималната инвазивност и намален ризик од интраоперативни крвавења. Исто така огромна предност се краткиот престој во болница и брзото опоравување.

Доволно се неколку дена по што пациентите ќе можат да се вратат на секојдневните активности. Во однос на калкулите кои се на тешко достапни места, мораме да кажеме дека сите кои се наоѓаат во мочниот меур, каналите и бубрежно легенче можат да се решат со оваа метода. Доколку се позиционирани на некое друго место, тогаш постојат други методи за решавање на истите.

Литотрипсијата претставува неинвазивна метода на разбивање на камења, која има многу предности пред класичната интервенција. „Покрај визуелниот момент на непостоење на лузна, наспроти лузна од рез при класичната метода на операција, секако многу важен е моментот на намалена можност за компликации поради минималната инвазивност и намален ризик од интраоперативни крвавења. Исто така огромна предност се краткиот престој во болница и брзото опоравување“, објаснува д-р Горан Јовиќ, хирург-уролог.

Пред извесно време имавте исклучително интересна и едукативна посета на болницата „Медпол“ во Истанбул, Турција. Која беше конкретно причината поради која тим од клиничката болница „Жан Митрев“ мина извесен период во оваа болница?

Д-р Јовиќ: Посетата на нашиот уролошки тим на болницата „Медпол“ во Истанбул беше поврзана со набавката на ласер од типот Јена 35W. Истиот служи за литотрипсија на калкули во урогениталниот систем односно во мочен меур, уретер и бубрег. Се употребува и за евапоризација на ситни ТУ (туморски) формации во мочниот меур. Посетата траеше два дена и беше размена на искуства со проф. д-р Булент Еркурт околу користење на споменатиот апарат.

Што всушност претставува самата интервенција литотрипсија и како се изведува?

Д-р Јовиќ: Литотрипсијата како зафат претставува неинвазивна метода на разбивање на камења. Конкретно овој тип на литотрипсијата кој се изведува ласерски претставува минимално инвазивна метода која за влез ги користи природните уринарни патишта. Истата се изведува ендоскопски и предноста за пациентот е што тој не се задржува во болница т.е самиот процес на опоравување е многу краток.

Благодарение на стручниот едукативен престој, но и ласерскиот апарат Јена 35W, кој го поседува клиниката „Жан Митрев“, пациентите од земјава ќе може да ја добијат оваа интервенција и кај нас. Кои се предностите на литотрипсијата во споредба со класичната, традиционална операција?

Д-р Јовиќ: Предности има многу. Покрај визуелниот момент на непостоење на лузна, наспроти лузна од рез при класичната метода на операција, секако многу важен е моментот на намалена можност за компликации поради минималната инвазивност и намален ризик од интраоперативни крвавења. Исто така огромна предност се краткиот престој во болница и брзото опоравување.

Како се формираат, кои се симптомите на присуство на камења (калкули) во урогениталните зони и како се дијагностицираат?

Д-р Јовиќ: За создавање на калкулите во уринарниот тракт, постојат неколку теории. Едната вели дека тие се резултат на создавање на матрикс (јадро) по уринарна инфекција која не била соодветно или воопшто лекувана. Другата теорија за нивната појава ја поврзуваат со генетиката. Генетски предиспонираите пациенти се смета дека имаат отсуство на инхибитор за кристализација во организмот како резултат на што се создаваат калкулуси. Третата теорија тврди дека е поврзана со слабо истекување на урината од уринарниот систем, т.е. задржување што доведува до брзо таложење на кристалите. Секако тука се и конгениталните/вродени или оние стекнатите пореметувања во урогениталниот систем. Калкулите по својот состав можат да бидат неколку различни типови: оксалатни, урични, струвитни и цистински. Истите се дијагностицираат со преглед со помош на ехо.
Мора да споменеме дека и двата пола се засегнати од овој проблем.
Во различни делови од светот во зависност од составот на консумираната храна може да забележиме карактеристични типови камења. Така, на пример, во нашето поднебје, оние кои консумираат прекумерно лисест зеленчук салати (марула, зелка) или мешунки како боранија, грав, грашок, можат да развијат оксалатни камења. Особено можат да се засегнати, на пример, луѓето кои послабо се движат или лежат, на пример, по ортопедски зафат. Во тој период тие консумираат калциум богата храна, а слабо се движат/лежат. Во Јапонија каде консумираат многу ориз и риба камењата се од цистински тип (цистин).

Колку време е потребно за опоравување и враќање на секојдневните активности по направена литотрипсија со помош на ласерски уред и дали овој ласер може да „стигне“ и до камења кои се тешко достапни?

Д-р Јовиќ: Како што веќе споменавме доволно се неколку дена по што пациентите ќе можат да се вратат на секојдневните активности. Во однос на калкулите кои се на тешко достапни места, мораме да кажеме дека сите кои се наоѓаат во мочниот меур, каналите и бубрежно легенче можат да се решат со оваа метода. Доколку се позиционирани на некое друго место, тогаш постојат други методи за решавање на истите.

Извор: panacea.mk