Me disponueshmëri më të madhe të ekzaminimeve parandaluese Spitali klinik Zhan Mitrev do të rrisë ndërgjegjësimin për shëndetin e gruas

Tetor 10,2022

Me rastin e muajit kushtuar rëndësisë së shëndetit fizik, seksual, riprodhues dhe mendor të gruas, në Qendrën për shëndetin e gruas në Spitalin klinik Zhan Mitrev, ka nisur aksioni i ekzaminimeve parandaluese për gratë gjatë muajit tetor si pjesë e fushatës për rritjen e ndërgjegjësimit të grave përsa i përket nevojës për parandalimin e sëmundjeve dhe kryerjen e kontrolleve të rregullta.

Spitali klinik Zhan Mitrev tregon kujdes dhe disponueshmëri të shërbimeve për të gjitha gratë, ndaj duke filluar nga sot e deri në fund të muajit tetor ofron paketa parandaluese me çmime të përballueshme për çdo grua.

Eko e gjirit, mamografia 2D dhe 3D me matje falas të dendësisë së kockave, paketa gjinekologjike dhe ekzaminime diagnostike për parandalim të hershëm janë pjesë e këtij aksioni që ofron klinika.
Me eko të gjirit dhe ekzaminime të rregullta gjinekologjike mund të zbulohen dhe trajtohen në kohë parregullsitë e mundshme, përfshirë kancerin e qafës së mitrës dhe të gjirit, kanceri më i shpeshtë në popullatën femërore me vdekshmëri të lartë. Pjesë e këtij aksioni parandalues është edhe ekzaminimi i gjëndrës tiroide me analiza të hormoneve të tiroides, si dhe ekzaminimi i diabetit me qëllim për të konstatuar disbalancën e mundshme në organizëm dhe trajtimin e mëtejshëm të tij.

Përveç kësaj, ekipi i mjekëve me përvojë në qendrën e shëndetit të gruas ofron mbrojtje dhe kujdes të plotë duke përdorur procedurat më të fundit diagnostikuese, si dhe këshillim për nevojat fizike, mendore, emocionale dhe sociale të pacientit.

Osteodensitometria, e cila është e disponueshme pa pagesë në këtë paketë, është një metodë diagnostike për matjen e densitetit/dendësisë së kockave që përcakton se sa të forta janë kockat, një ekzaminim që rekomandohet për të gjitha gratë mbi moshën 50 vjeç. Osteodensitometria, si dhe të gjitha shërbimet e tjera radiologjike në Spitalin klinik Zhan Mitrev, kryhen me aparatura moderne me doza shumë të ulëta rrezatimi, të cilat janë kyçe për ruajtjen e shëndetit.

Gjatë muajit tetor, muaj kushtuar shëndetit të gruas, pacientët do ta marrin këtë ekzaminim pa pagesë si pjesë e paketave parandaluese që ofron klinika.

Kujdesi për shëndetin e grave, parandalimi dhe zbulimi i hershëm i sëmundjeve janë një imperativ i rëndësishëm për Spitalin klinik Zhan Mitrev.