Закажете преглед

Закажи преглед

00389 2 3091 484

Дневна доза здравје

Назад до Дневна доза здравје

17.03.2020

Известување

Почитувани,

Ве известуваме  дека во Клиничка болница „Жан Митрев“ се прават тестови за испитување на новиот коронавирус SARS-CoV-2 (кој предизвикува Covid -19).

За информации и закажување термини за тестот може да се јавите на телефонскиот број +389 2 3104 921 од 14:00 до 16:00 часот.

Доколку имате симптоми, а не можете да не добиете на телефонскиот број, испратете ни мејл објаснувајќи ги симптомите, како и епидемиолошките податоци (дали, каде и кога сте патувале, кога сте се вратиле, кога ви започнале симптомите и кои симптоми ги имате, како и дали сте биле во контакт со заболено лице). Нашиот мејл е genetskalab@zmc.mk .

Брисоловките се доставуваат само на потврден термин преку телефон или мејл бидејќи постои посебен протокол за спроведување.

Сите пациенти кои не се најавени, нема да бидат примени за тестирање. Дневно во нашата клиника се прават стотина вакви тестови.

Се препорачува ваков тест да направат само  оние коишто имаат симптоми и доаѓаат од земјите со висок и среден ризик.

Примероците за тестирање на Covid 19 се земаат во специјален пункт којшто е одделен од останатиот дел од болницата со цел максимална безбедност и заштита.

Во нашата клиника засега нема позитивни пациенти и вработени на Covid 19.

Потврдените позитивни случаи на Covid 19 кои беа дијагностицирани во нашата клиника се од примероци донесени од трети лица на специјалниот пункт.

Се почитуваат и превземаат сите  мерки согласно препораките на Министерството за здравство.