Новости

Четири месечниот Дамјан заминува дома по успешната операција на срце направена минатиот понеделник во нашата клиника. Веднаш по раѓањето кај Дамјан беше дијагностицирана конгенитална срцева болест – ВСД што претставува отвор помеѓу срцевите комори.

Поради сериозноста на болеста Дамјан мораше да се оперира што поскоро.

Д-р Жан Митрев заедно со Д-р Владимир Чадиковски во соработка со Д-р Марсело Кардинели се одлучија да го оперираат Дамјан минатиот понеделник. По брзото закрепнување Дамјан е веќе дома со семејството.

– Благодарна сум им на сите кои се грижеа за Дамјан. И покрај стравот кој го имавме како родители пред операцијата сите од тимот не убедуваа дека се ќе заврши добро. Ја имавме поддршката во целиот процес, а тоа навистина значи многу во вакви моменти. Сакам моето убаво искуство со целиот тим да го пренесам на сите родители кои имаат дете со ваков или сличен проблем – вели Сања мајката на Дамјан

Дамјан е едно од 6-те деца кои минатата недела беа оперирани и катетеризирани во Zan Mitrev Clinic.