Новости

Во континуитет ни пристигнуваат голем број пораки во кои нашите пациенти или членови на нивните семејства ни се заблагодаруваат.

Овој пат таква порака ни пристигна од братот на нашиот пациент Перпарим Красниќи, г-динот Минуш.

,,Сакам да ви се заблагодарам на сите во клиниката за се што направите за  мојот брат, му го спасивте животот! Вие сте вистински херои! Благодарам до доктор Митрев и целиот тим. Постојано добивав инструкции за нега и лекување на брат ми и додека бевме дома. Преку Интернет се консултирав со многу ваши вработени кои неизмерно ми помогнаа во оздравувањето на брат ми. Никој не се штедеше ни малку! ,,– ни напиша господинот Минуш Красниќи

Неговиот брат прв пат беше примен во нашата клиника на почетокот на јануари годинава во многу тешка состојба со огромни декубитални рани во сакрална регија. 
Беше донесен со болничко возило на итна медицинска помош за лекување во нашата клиника директно од Клиничкиот центар  во Приштина.
Нашите доктори кај него дијагностицираа исхемична дилатативна кардиомиопатија, срцева слабост, коронарна артериска болест.  Исто така беше утврдено дека тој е во состојба после миокарден инфаркт.  Со други зборови, тој беше во многу тешка состојба која со секој поминат ден стануваше сериозно животозагрозувачка.

По стабилизирање на состојбата и по повеќе од еден месец престој во нашата клиника, со комплетно затворени рани и со значително подобрени параметри, тој е пуштен на домашно лекување и нега, со препорака за скорешна операција.

Во средината на март оваа година Перпарим е повторно примен, овој пат за операција. Веднаш му  беше направено Аорто коронарно премостување со имплантација на графтови. Операцијата помина успешно и по солидното закрепнување крајот на април беше пуштен дома.

Од тогаш поминаа неколку месеци, време во кое нашите лекари беа во континуиран контакт со него и со неговото семејство со цел советување и усмерување на активностите на домашните.

Навистина сме горди и драго ни е кога ќе чуеме и прочитаме искрено сведоштво кое говори за среќен исход од целокупниот труд, внимание, љубов и секако медицински напори за да се спаси еден човечки живот.
Ние од Клиничката болница „Жан Митрев“ исто така би сакале да им се заблагодариме, на целото нивно семејство, за дадената доверба и континуираното следење на советите од тимот доктори кои се погрижија за него. Му посакуаваме од сесрце добро здравје и долг живот.