ФМС – кога и зошто се користи функционална магнетна стимулација?

јануари 16, 2023

Новата услуга FMS FORM може да се спроведува како дел од услугите на одделот за естетска медицина но со предходно спроведена физиотерапевтска проценка – т.е со претходно спроведено мерење обем на екстремитети, BMI, анамнеза, прибирање на информации за болни состојби, проверка за сите индикации и контраиндикации според протоколот за употреба на Tesla Stym.

FMS уредот е развиен од производителот Искра Медикал наменет за зајакнување на мускулите со помош на специјалната технологија ФМС – Функционална магнетна стимулација. Пулсното магнетно поле генерирано од уредот предизвикува контракција на мускулите без потреба од директен контакт со кожата. ФМС е ефикасен начин за градење мускули и контурирање на телото.

Третманот со ФМС ја зголемува силата и издржливоста на афектираните мускули и ја зголемува потребата за употреба на мускулна енергија. Мускулната енергија се произведува од локалното масно ткиво, што доведува до намалување на маснотиите. Во споредба со електро-мускулната стимулација, магнетното поле е попријатно, овозможува длабока пенетрација во хетерогено биолошко ткиво и не бара директен контакт со кожата.

ФМС не ги стимулира нервите на болка на површината на кожата и затоа е попријатен од класичната електро-мускулна стимулација. Магнетното поле поминува низ облека, ткивата и коските со што пенетрира до инаку недостапни области. ФМС генерира магнетно поле длабоко во телото и со тоа ги стимулира мускулите до кои не може да се стигне со помош на електро-мускулна стимулација. Брзите промени на интензитетот на магнетното поле предизвикуваат електрична струја во невронот. Овој феномен се нарекува електромагнетна индукција. Штом струјата достигне одредена вредност, се постигнува таканаречен невронски акциски потенцијал. Ова предизвикува деполаризација на невронот, што на крајот доведува до целосна мускулна контракција.

Регии кои што може да се третираат со Tesla Former апаратот се: абдомен, глутеус, нозе, раце…

Број на третмани: минимум 8 до 10 третмани за една иста регија, (секој втор ден бидејки е потребно еден (1) ден одмор на мускулите помеѓу два третмани на иста регија). Третманот може да се спроведува и секој ден но само доколку се третира друга регија, тогаш бројот на третмани треба да се дуплира со цел секоја регија да добие ист број на третмани за да може да се очекуваат резултати.

Овој тип на третман може да се комбинира со мануелна лимфна дренажа, кинезиотејпинг, вежби и други физиотерапевтски третмани.

Индикации за оваа услуга

• Обликување на телото
• Намалување на целулит
• Подобрување на микроциркулацијата
• Забрзување на протокот на лимфа
• Зголемување на мускулен тонус
• Затегнување на кожа
• Зацврснување на мускулатурата
• Опуштање на мускулатуратa

Контраиндикации

• Бременост
• Рак
• Eпилепсија
• Целосно скината мускулатура на или во близина на местото на стимулација
• Пејсмејкер
• Тешки активни белодробни заболувања
• Пумпи за лекови
• Феромагнетни импланти на или во близина на регијата за третман
• Ендометриоза
• Отворени рани на или во близина на регијата за третман
• Срцева аритмија

Цена за третман 1800 денари. Закажете го вашиот термин на 02 3091 484

Блаже Арсов
Дипломиран физиотерапевт