Месецот на љубовта во име на сите наши срцеви херои

март 3, 2020

И оваа година под мотото “МЕСЕЦОТ НА ЉУБОВТА ВО ИМЕ НА СИТЕ НАШИ СРЦЕВИ ХЕРОИ”

– Малите промени може да направат големи разлики” во месец февруари беа спроведени неколку активности со кои се приклучуваме кон напорите за подигнување на свеста на секој поединец за грижата која секој треба да ја посвети за здравјето на своето срце и ризиците кои влијаат за појава на одредени аномалии во неговата работа.

Месец февруари се одбележува како месец на здравјето на срцето во Америка и дополително како месец кој фокусот го става на свесноста за вродените срцеви маани. Преку промоција на здравите животни навики и навремените прегледи тимот од ZAN MITREV CLINIC направи напори да ја пренесе пораката до најмладите кои остануваат да бидат промотери на истите и на тој начин да продолжи со својата општествено одговорна работа.

Во рамки на активностите беа спроведени неколку искуствени работилници наменети за волонтерите од Црвен Крст на град Скопје и истите беа спроведени од страна на стручниот тим на клиниката. Психолозите оддржаа работилница наменета за рефлектирање на што се може да направиме за нашето ментално здравје и на тој начин да го поддржиме здравјето на нашето срце, физиотерапевтите зборуваа за значајноста на физичката активност додека пак нутриционистот зборуваше за тоа колку исхраната придонесува за добро здравје и енергија.

Во рамки на активностите беа направени и бесплатни кардиолошки и педијатриски прегледи на деца кои се деца од бегалските кампови сместени во Македонија.

Веруваме дека ваквите активности ќе придонесат кон промовирање на здравјето на нашите срца, и дека преку истите успеавме да им оддадеме почит на сите наши херои кои поминале низ интервенции и операции во нашата клиника.