ОД УТРЕ: КОВИД-19 ТЕСТОВИ ЗА ПАТУВАЊЕ ДОСТАПНИ НА АЕРОДРОМОТ СВ. АПОСТОЛ ПАВЛЕ ВО ОХРИД

мај 7, 2021

Со почетокот на летниот распоред на летање на Аеродромот Свети Апостол Павле Охрид, а согласно барањата на многу земји за задолжителен негативен КОВИД -19 тест, како предуслов за патување по водушен пат, лабораторијата за генетика и персонализирана медицина при Клиниката Жан Митрев, отсега овозможува КОВИД-19 тестови за патување, односно брзи антигенски тестови кои можат да се направат на Охридскиот аеродром непосредно пред заминувањето на патниците.
Почнувајќи од утре, сабота, 8-ми мај, на Аеродромот Свети Апостол Павле Охрид поставен е нашиот пункт за КОВИД-19 тестирање во непосредна близина на влезот на терминалната зграда.
Пунктот ќе работи во деновите кога има летови до земјите кои бараат негативен брз антигенски тест, 4 часа пред времето на поаѓање до секоја од дестинациите.
Центарот за КОВИД-19 тестирање на клиниката Жан Митрев, им обезбедува погодност на сите патници кои патуваат од Аеродромот Свети Апостол Павле Охрид, особено до земјите на ЕУ/Шенген, така што тие ќе имаат доволно време да направат брз антигенски тест пред да влезат во терминалната зграда на аеродромот и да ги завршат аеродромските процедури.
За повеќе детали во врска со тестовите, можете да ја контактирате лабораторијата Жан Митрев, на телефонскиот број +389 2 3091484 или да ја посетете нашата веб-страница на следниот линк: https://zmc.mk/en/services/microbiological-laboratory/
За повеќе информации во врска со тестовите што ги прифаќаат земјите од ЕУ/Шенген, ве молиме контактирајте ја Амбасадата на земјата на вашето пристигнување.
Доколку патниците решат да направат антигенски тест на Аеродромот Свети Апостол Павле Охрид, а со цел да се избегне гужва и групирање пред терминалната зграда на аеродромот, апелираме патниците да пристигнат на аеродромот најмалку 4 часа пред времето на поаѓање .
Во моментов, на Охридскиот аеродром, во нашиот пункт за КОВИД-19 тестирање, можe да се направи брз антигенски тест, одобрен од СЗО.
За сите останати типови КОВИД-19 тестови, ги повикуваме патниците да ги извршат во овластена лабораторија пред да пристигнат на аеродромот.
Со оглед на моменталната состојба, во која земјите од ЕУ/Шенген зоната постојано ги менуваат правилата за патување поврзани со КОВИД-19 и имајќи го предвид фактот дека секоја земја независно прави промени во однос на ограничувањата за патување за граѓаните на Република Северна Македонија, апелираме до патниците пред нивниот лет да ги проверат најновите барања за патување со нивната авиокомпанија и Амбасадата на земјата во која планираат да пристигнат.